嚐囍煲仔小菜

营业中

休息中

有驚喜, 今日本身去大盛食但點知佢close 左, 跟住就同fd 去試下嚐囍, 呢間野之前轉過好多手, 今次去, 都幾乾淨感覺幾好, 叫左2個小菜因得2丁友, 食唔到太多, 但好多野都想試, 食左1) 欖角四季豆 $45 gd gd gd2) 黑椒牛仔骨 $55 一般啦, 2個人食左107, 但都幾好食, 一定會有下次, 見到側邊食好多都好gd, 個煎魚好得, 哈哈!下次食煲火飯

記起雜誌介紹過，而且又住在西環，無理由不來試一下他的煲仔飯。兩個人叫了一個田雞飯、一碟白菜仔同椒鹽鮮魷 金蒜白菜仔 :可自選不同的菜和煮食方法，不錯椒鹽鮮魷: 都幾厚身，味道中規中矩重頭 田雞飯: 即叫即煮，前兩樣差不多吃完才上飯。飯真的不錯，不過飯焦不太多，而且田雞的味道不突出，又一不是太好但又不是差的作品服務: 呀姐都算態度不錯，不過人手就不太足夠環境:間中見到一兩只小飛虫飛過，其實都可接受的價錢:4-50一個菜，其實西環有很多選擇

是日想吃煲仔飯，卻不想去肯定大排長龍的坤記，在Openrice上尋得這家評價不錯的餐廳。以為是家清閒的餐廳，沒想到假日的晚上人竟多到要登記號碼輪候叫號！雖然有十組左右的人在等，但等佐二十分鐘就有得入去。雖然客人爆滿，煲仔飯也是大約二十分鐘就有得食，效率不錯。除了許多人點煲仔飯，也有許多家庭食火鍋、點菜，睇落樣都好靚也都幾好味咁。點了「臘味滑雞飯」，$45，有臘腸、潤腸、臘肉、滑雞，都好吃也有品質。飯的分量真的很多，如果想要吃個大飽絕對可以滿足！這家的煲仔飯是「炭火」的，雖然我分不出來差別，不過埋單時看到那炭火爐真係好靚！總之，是個相當不錯之食店，環境舒適，食物很有誠意，服務態度也好，值得推薦。

不知是新樓的影響, 還是地鐵支線正在興建帶來樂觀, 西環近半年突然開了好多食肆。近堅尼地城海旁那邊, 變成了像鯉景灣一樣, 酒吧、甜品、西餐、日本料理 ..... 開呀開 .....而石咀那邊, 亦開了兩間火鍋(漁王、塘西), 士美非路又有一間(自己友) ...... 而這間嚐囍呢, 相對來說好像比較低調, 以煲仔菜作主打, 你一入到去, 肯定對個舖位大到離奇而嚇了一跳 ........ 可能舖租仍然便宜吧?它有一個標榜用炭燒的煲仔飯, 個人一直喜歡炭燒這種烹調方法(雖然比較熱氣) ...... 但門口明明沒有成列燒烤爐頭 ........ 原來它選擇了在室內燒, 但有沒有炭就看不見了。試了臘味滑雞煲仔飯, 雖然都要等, 但肯定不會像上環坤記等幾個鐘。四十多元的煲仔飯, 算大煲, 料多, 臘味包括臘腸、膶腸、臘肉, 而雞亦都有醃過, 幾有味。飯方面就不太感受到炭燒效果了, 不過都有飯焦。反而是豉油不夠甜, 稍為失色少少。由於舖位夠大, 應該不用等位。見不少人吃煲仔菜, 份量亦大, 下次可以試試。

前身的宜記執左搬左,前身好難食.依家從新裝修換來堅城唯一炭爐煲仔飯, 水平不差,當然不名坤記的好. 但整體已是堅城味道較好之小菜館.晚晚滿座.食左4次, 3晚1午.午餐食過套餐, 豉汁蒸排骨, 肉質太淋,淋到未咬就散,但又唔係梅左喎! 所以午餐經驗唔好.唔會再食午餐.3次晚餐:白鱔排骨煲仔飯, 好強既炭火味, 成間店都係, 算是不錯的煲仔飯,. ,要飯焦有飯焦, 飯粒亦挺身飯味濃. 仍要一提, 坤記真的出色, 但唔想次次迫住坐同等成粒鐘食,所以改黎依度過下癮都唔錯.枝竹牛腩煲, 好食, 枝竹入味, 牛辭淋得黎肥瘦適中, 熱辣辣咁上台係嚴冬食更正.蒜炒菜心, 夠鑊氣又大碟. 菜新鮮.椒鹽九肚魚, 坤記又係好食d. 但依度同德記同level,夠大碟又脫口豬骨煲. 肥牛加鱔片.豬骨煲極足料: 好多豬骨,但稍欠骨髓,湯底好正,加入好多白蘿蔔,雞腳,煲到奶白色,仲有輕微既胡椒味.飲一啖驅走寒氣. 肥牛及鱔片亦不錯. 整體而言, 係堅城較好既街坊食堂, 可以推介. 但謹限於堅城地帶.

去到等左一陣有得入坐，全場都好 full，所以我地三個人要搭枱，都唔係太大影響幾多唔同款煲仔飯，小菜最後點左白鱔煲仔飯，枝竹牛腩煲，椒鹽九肚魚，蒜香炒生菜先黎蒜香炒生菜，正正常常再黎枝竹牛腩煲，好香！！牛腩唔 un，好入味，成煲都好食！再黎椒鹽九肚魚，d魚好新鮮，凍左入面d魚肉都仲好軟，好食！等多一陣先黎白鱔煲仔飯，d飯焦真係好好食有機會叫多幾個朋友黎食，多d人可以叫多d唔同野食試下

黎過兩次,我都唔記得上黎幫佢寫下食評@@~果次經過,見佢新開張,心諗要搵日黎幫襯下,睇下好唔好味~ 第2日就同埋老公、聰舅父、mabel黎試下喇~~果次叫左4個小菜 : 咕嚕脆魚柳 - 我覺得好好食,用料好新鮮,d魚肉唔會係爛晒一pat咁~~ 欖菜肉鬆炒四季豆 同埋 豉汁蒸烏頭 - 冇乜特別,都係好食既~~ 美極煎海中蝦 - 呢個菜,餐牌係冇既~~ 原本我地想叫茄汁海中蝦,不過我地諗諗下又係咕嚕果d汁,後尾我地就叫左個侍應亞姐埋黎問下佢可唔可以轉做美極海中蝦,佢問一問廚房,好彩佢出黎同返我地講可以 hehe~ 咁就食到咁美味既美極煎海中蝦喇~~~同埋要講下,佢真係用海中蝦,而唔係用基圍蝦胡混過關就算,呢樣要讚!!星期6晚,我就同老公兩條友黎食飯,果晚叫左 : 排骨滑雞煲仔飯加臘腸 - haha,呢個飯都超級好味~~最愛佢d飯焦 細個果時,媽咪唔俾食飯焦架~佢話食得多飯焦=頑皮 ╮╯﹏╰╭ 蒜茸蒸勝瓜 - 有我最愛既蒜茸~~正呀!!!總括黎講,佢呢間野d小菜真係讚~~今日同個同事講開,佢都話呢間野d野好食,Good Good~~~^^