嚐囍煲仔小菜

营业中

休息中

經常和先生過來食，雖然離我地屋企有D遠，無奈味道真係好。頭頭尾尾都試過幾款煲仔飯和小炒了，最推薦當然是我最愛的白鱔煲仔飯，但是日我們就試其他兩款，分別是田雞飯和滑雞飯。一個煲仔飯的分量大約是兩小碗白飯（我唔計飯焦），之前食白鱔飯的時候，覺得白鱔好少，切得好薄啊！這次的田雞飯和滑雞飯就顛覆了我們的想象，非常多餸！田雞肉非常滑，但是比較淡味，喜歡濃味的人要沾甜醬油吃。滑雞的雞味十足，非常滑。雞油滲到了飯裡面，整個飯感覺比田雞飯香！之前還吃過小炒，這邊的小炒分量都非常多，我記得我當時兩個人，叫了一個金沙骨之類的炸的排骨。因為分量太大，第二天兩個人都喉嚨痛。。。建議大夥人來share比較開心D

突如其來的溫度回落令我對煲仔飯產生了強烈的慾望，於是到位於堅尼地城的「嚐囍煲仔小菜」品嚐美味的炭燒煲仔飯。於門外稍等過後便被安排入座，店內裝潢簡潔但不失傳統特色，白色牆室搭配深色的木質坐椅，加上掛於牆上的菜牌亦別具一格。我與胖伴點選了鴛鴦臘腸煲仔飯及白膳滑雞煲仔飯，煲仔飯均即叫即燒，故等了約20分鐘，期待已久的煲仔才上桌。為了有更多飯焦，我們再稍為等候多一會才開動。臘腸的油分被迫出，與醬油一起包裹著粒粒分明的白飯，加上飯焦香脆可口，真的是人間滋味。而白膳的爽脆搭配嫩滑雞件，亦是美味可口非常，兩款煲仔飯各有特色！

Every weekend I must date my best western friends to gather here. The food menu has so many variety of food you can choose and the average quality is extremely high. This time I order the steamed chicken with bean sauces added, this dish is highly recommended for everyone. Dont miss it!

星期五晚上諗住去嚐囍飲夜茶加個煲仔飯，點知都要等三十分鐘！好食...唯有等！大部分都係星期六、日去，原來星期五都大把人等！有位即刻叫煲仔飯，因為炭燒，至少要等三十分鐘！今次叫左排骨飯加鴛鴦腸，跟著再揀點心充饑先！😊點心叫左失傳好耐的豬潤燒賣👍好耐冇食嘅魚翅鉸😘仲有腸粉。。煲仔飯黎啦⋯⋯加點豉油再蓋上煲蓋焗多啲甘香又脆的飯焦，潤腸好味又juice, 一流👏食飽飽都係一百蚊多啲兩個人😁。繼續去幫襯！

當日都算早去 大約六點半左右 所以都唔洗等位 但就要搭枱一入去睇到啲貼紙先知係米之蓮店之後就被安排到坐大圓枱雖然個個都唔識 但感覺都幾特別 有一種好舊式嘅感覺如果介意搭枱嘅 就要耐心等一等首先嚟咗 金銀蒜炒西蘭花老實說 咸咗少少 一定要撈飯其後就係重點 臘味滑雞飯好香 加埋甜豉油食 好好食食到底仲有飯焦最後嚟咗個 蒜蓉粉絲蒸勝瓜其實幾好食 不過我個人不太好勝瓜總是覺得食落好青不過男友就清晒整體對我來說都真的不錯 會想再去食多次 試下佢啲點心

之前去油麻地食煲仔飯，比朋友話不及西營盤的出色，今日難得黎到，一定要試下煲仔飯是即叫即煲的，大約要等25分鐘，我哋叫左两個煲仔飯加一個咸香炒芥蘭，個芥蘭極速黎到，不過雖然極速到，不過味道一啲都唔簡單，炒得非常香，熱辣辣，個芥蘭都好幼嫩，我哋好想等埋個飯到先食，但都忍唔住不斷食。等等等，25分鐘後啲飯終於到，不枉我地等左咁耐，個煲仔飯超級讚，啲飯好香，粒粒分明，好有炭爐煲出黎既香味。白鱔好滑好肥味，臘鴨就略嫌太咸，不過臘腸有好香既玫瑰露既香味，好味。

嚐喜煲仔小菜，攞過米芝蓮獎，我滿懷希望去食，原本都係不外如是！晚市開6點，門口已大排長龍，到6點仍未開門，終於等到多10分鐘才開門，人潮急不及待湧入店舖，門口有一個女員工負責安排位，有客人不想坐被安排嘅位，女員工竟大大聲聲鬧客人，我哋一行三人被安排坐係洗手間前面嘅座位，客人出出入入好唔方面，但我哋照坐！三個人叫咗三個煲仔飯同一碟菜，臘鴨肶煲仔飯好咸，仲超韌極多碎骨，大家食呢個飯一定要小心碎骨，好易整傷口腔！滑蛋肉片煲仔飯，肉片又係好硬，肉片無味！梅菜肉餅煲仔飯稍為好些！豆苗多油又韌！食物普通名氣大，座位已坐得唔舒服，推車收碗嘅阿嬸竟完全無禮貌，呼喝我將件褸放好，唔好放係椅背，我照做，之後仲得寸進尺叫再呼喝我將櫈推前，咁嘅服務態度，幾好食都唔會再去，何況唔好食，以後都唔會比錢去受氣!

米芝蓮一路以黎都唔係我想去一間餐廳嘅原因，好多嘅米芝蓮無米芝蓮嘅風範，而米芝蓮呢個名，只會令人帶住有色眼鏡去試一間餐廳。所以，放低眼鏡，就咁衝入去試啦。炭燒煲仔飯係呢度嘅焦點，一坐低就聞到輕輕嘅炭味，已經覺得有心去做，慢工出細貨，要有心理準備等25-30分鐘，所以如果要叫菜嘅話，記得坐低大約15分鐘後先好叫，否則菜黎曬，凍曬，飯都未到呢，又或者，嘆下個湯先啦。菜胆白肺湯 ： 一個花功夫，花時間嘅湯。第一口飲，湯底潤、鮮、豬味濃。豬肺應該首先煎過鎖質地，食落好淋，味清。湯裡面仲有雞腳，同樣地好入味，好淋，值得推介。啫啫芥蘭：一上菜時見到已經知道個賣相麻麻，菜比較老，炒到過火，咬落味道還可以，普通普通......始終過左火。油鴨排骨煲仔飯：等左30分鐘，終於等到，一黎到就已經聞到炭香飯香，急不及待，落豉油，啟動（係呀，唔洗好似平時嗰d要等）！首先，飯見到一粒一粒，水粉啱啱好。個底嘅飯焦，一塊一塊咁好輕易地挑出，唔膿，脆卜卜，第一次食飯焦係咁爽。豉油，真係令到個增色不小，帶甜甜，令到飯焦更加好味。不過唯一美中不足係個鴨比較韌，有幾舊好似一舊乾左嘅擦膠咁，另外排骨醃得有小小過多酒，酒味蓋過其它

嚐囍煲仔小菜係米芝蓮2018榜上有名，梗係要去試一試啦。 我地好彩提早六點到左，如果唔係再過多陣，就已經大排長龍要等位嗱。嚐囍既食物好有香港地道風味，而且價錢亦都非常親民。我地叫左3碟小菜同兩個煲仔飯。小菜包括三色蛋芥蘭 (HKD 60)，枝竹牛腩煲 (HKD 75)和椒鹽9肚魚 (HKD 75)。至於煲仔飯就叫左白鱔滑雞飯 (HKD 78)同埋臘味排骨飯 (HKD 75)。芥蘭非常鮮甜，分量唔細，而且仲有好多皮蛋添。 個枝竹牛腩煲，未食已經聞到好香。牛腩一啲都唔韌，好稔。 枝竹又多，個煲真係抵食又好味。個椒鹽9肚魚，炸得好香口，唔會有油膩既感覺。賣相唔錯，有紅椒同蔥花做點綴。至於個煲仔飯，就用料十足，而且味道唔錯。 白鱔，滑雞同埋排骨都係啖啖肉。啲臘味味道唔錯，連帶啲飯都有埋臘味味。試完之後，終於知道點解嚐囍可以晉身入到米芝蓮。

話說家人難得來一次西環，熟悉這區的我當然要帶他們吃街坊美食啦！冬天來臨，吃煲仔飯最好不過。煲仔飯很普遍，但好吃煲仔飯卻不多。記憶中嚐囍的煲仔飯和小菜都不錯，便決定帶他們來。原來他們剛獲得米芝蓮推介呢這𥚃真的有很多人，還好我有訂座。我們被安排到點心皇那邊坐，有少許迫狹，但尚可接受。這邊有一位店員在看顧，他幾有禮貌呢我們五人點了2個煲仔飯和3個小菜，也共只需約$400，很划算臘味排骨煲仔飯($75)：這款煲仔飯絕對是我心中的經典，吃煲仔飯必點。煲仔飯香氣十足，米飯粒粒分明、軟硬適中，臘味的油分滲入飯中，讓飯格外美味白膳滑雞煲仔飯($78)：相對臘味排骨飯，這個較為失色，也許是因為我不太愛鱔的緣故吧。支竹牛腩煲($75)：吱吱聲響的牛腩煲熱騰騰的送到。牛腩有很多件，炆得軟稔又入味醬汁夠味但又不過鹹，如果不是吃煲仔飯的話，我一定會拌飯吃。椒鹽九肚魚($75)：炸衣很薄，魚肉很滑，推介三色蛋芥蘭($60)：味道中規中矩，多點芥蘭就更好了。

天氣凍最正梗係去食熱辣辣煲仔飯 不過係講食物之前必須申訴一下唔好以為打左電話去book就等於有位佢地的入座安排好混亂同冇系統明明訂左抬都等左40分鐘先有抬去到又話訂左的唔派飛但又不停叫有飛的人入令人費解問親佢就好唔耐煩咁求其答如果你係要人排隊派籌的話就一早唔好俾人訂啦講明要黎攞籌等位我都冇咁燥又要俾人訂又要人照排隊等係咩玩法呀等左咁耐終於可以坐低食講返食物 其實係好好食煲仔飯係幾有水準 飯粒分明 乾身唔會好黏飯焦好香好脆 雖然好熱氣但唔理啦照食😜有埋窩蛋的蛋漿再配煲仔飯豉油好好味加左#臘腸 好juicy肥瘦剛好 有咬口但唔會太乾另外的臘味田雞飯都好食 田雞煮得嫩滑小菜就相對普通d 唔算等別出色但份量都幾多 幾抵食不過食物幾好都需要清晰的入座安排囉😒

今日又黎到這裡食點心， 喜歡這裡即叫即做，熱辣辣好正！仲有好多懷舊點心，所以今日放假又黎幫襯下先我們叫了4個點心1. 大包唔係好多地方有得選擇這個，好大個，好多材料，如菜、雞肉、蛋黃、叉燒等，一個都好飽哦2. 豬肝燒賣我媽話好懷念哦，好耐好耐無食過，豬肝好薄好爽口，不過就唔係好多片；燒賣有3粒，是豬肉同蝦打成，都幾好，不過係有肥肉的3. 咸水角皮外脆內軟，好香，料好好食，唔會好咸也不多味精，好味道哦4.蒸蘿蔔糕我最愛，蒸的好原味，好甜好多料，有蘿蔔絲，唔會只是粉漿，做得好好，難得咁好食價錢都合理，用料及味道都幾好，服務就普通啦，可能多客人，所以好忙喔

就住附近，但一直冇試過，今晚同老公就去試試，因為比較夜，已經冇煲仔飯，所以就試下點心，總體感覺真係唔覺得有米芝蓮1星囉！性價比唔高，臘腸滑雞蒸飯，得兩片臘腸，真係好難理解，臘腸係咪好貴？小籠包，4只得1只有湯，無湯嘅肉好實，真係讚唔到。棉花雞，得一舊菇，自問平時都唔係食得偏鹹嘅嘢，哩個味道真係好淡。叉燒腸，真係冇乜特別。完全唔明白點會有米芝蓮1星，如果就得煲仔飯好吃，咁好多食市都可以拿啦！費解！！

今日放假同阿媽游完水去食野，難得同佢食，咁就坐底飲下茶啦！我地黎到這點心煲仔飯餐廳，佢的煲仔飯原來係炭火煮，好想試，但可惜晚上才有！所以我們今次就選點心先，下次再黎食煲仔飯！🍚🍚我們叫了4項點心，每種都好味哦鮮竹卷好入味，肉不會太多，鮮竹好軟腍好滑，有芹菜，更加添香味！叉燒腸粉好滑，叉燒都好好食，腍同無筋，有莞茜，好香🙆時菜鯪魚球：好彈牙、熱騰騰，加了豉油及胡椒粉，一點也不會魚蘚味，好爽口，正！👍🏻蒸飯：雖然24元，但大碗不油膩！雞滑又不會太肥，臘腸好味，飯軟硬剛好，製作出色！

那一天見到這店子在米芝蓮2018推介榜上有名，好鬼為食的我，即使位置比較遠，天又下著雨，也阻擋不了要試試的熱情，現在立刻去試下先。步出地鐵站行約三分鐘，便到達這家街坊地道小店。餐廳的裝潢是老街坊的風格，牆上貼著手寫的菜單，同中環的蓮香樓差不多feel, 一樣咁local。這兒點心的種類唔多，只有一張紙，小點$16，中點$18，大點$20，特點$24，頂點$28，另午市套飯也只是$42等，價錢十分大眾化。鮮蝦焼賣$24-大大粒燒賣，有四顆。燒賣的蝦肉比例比豬肉多，口感彈牙又有鮮味，正呀！黑椒金錢肚$20-這金錢肚幾惹味，少少辣，煮得未夠稔，咀嚼要花點勁。蠔皇鮮竹卷$18- 有三件，鮮竹卷只有薄薄的芫汁包住，味道唔會太咸或太油。鮮竹卷有著淡淡的蠔油味，食落幾有肉味。蜜汁叉燒包$18-滿滿切碎的叉燒，味道甜甜地，沒有過多的醬或肥肉，而叉燒包皮十分鬆化，唔錯。鮮蝦菜苗餃$24-水晶皮厚厚地，一貫傳統風味，材料十足，鮮蝦爽口有蝦味，加上菜苗的田園氣息，又幾夾。兩人埋單Total $106有五款點心，認真抵食。雖然沒有現代店子的整潔，但價錢大眾化，店子展視了傳統地道老香港的風味，可以回顧昔曰茶居的