喜鍋 海鮮‧火鍋‧小廚 (已結業)

去左油麻地打邊爐，呢間真正推介，叫喜鍋，d野好新鮮又好食，價錢合理。我地嗌左個花膠鯊魚骨膠原鍋，有得送甘香泡飯，就咁個湯底，都已經好正，好清甜，入面好多花膠，豬腳，鯊魚骨等。點左碟肥牛，雞件，脆鯇片，又有菜丫，丸丫，炸響玲等等，好豐富。肥牛新鮮有牛味，肥瘦適中，雞件又滑又大碟，冇雪味，鯇魚片真係好脆，冇骨，直接食好滋味，丸點了墨魚丸同蟹籽包心丸，價錢吾貴又多粒，墨魚丸好彈牙好食，蟹籽包心丸都好好食，入面包蟹籽係流心咁，有汁好香，吾錯丫。湯底咁正當然要嗌炸響玲，索住d花膠湯真係超級好食丫，又係好多條好抵食。菜好多款選擇，我地女人多當然喜歡食菜，嗌左生菜同西洋菜，最後食返條菜好舒服丫。媽媽每餐要澱粉質落肚，烏冬都好味道，係讚岐烏冬嚟，飽到呢，大滿足。