喜鍋 海鮮‧火鍋‧小廚 (已結業)

天氣稍涼，又係時候可以打邊爐。今次就去咗旺角既喜鍋。地鐵站行過去，唔係好遠，大概十分鐘就行到。湯底就決定要花膠鯊魚骨膠原湯底，湯底一黎到，一定要飲返2碗先，因為真係好甜好香，花膠質地厚身，有口感，數量都唔少，湯底係奶白色，好足料！蟹籽墨魚油炸鬼 58無諗過墨魚滑釀入油炸鬼都幾有趣，油炸鬼炸到脆卜卜，加上墨魚彈牙，仲有蟹籽，口感豐富到不得了。唧唧墨汁魚麵 58魚麵又係一新嘗試，不過見店員推介，所以一試。一黎就好似啲蛋糕忌廉咁自己唧入鍋，但無奈我地手殘，所以最後都係揾職員代勞。落咗鍋既魚麵，唔係講笑，個樣就真係麻麻地，黑色一條條🙈。不過食落至知，佢其實好得，彈牙不得止，仲有啲墨魚粒喺度，煙煙韌韌咁，好有趣。又有得玩，又好食，叫得過😂。大蜆 78一份都有十幾隻，份量都合理，不過重點係 無沙同隻隻都開到！放完大蜆，再飲個湯，完全甜到漏！魚腐 38幾好食，有魚味，唔會太油膩。整體而言，喜鍋個湯底最為岀色，而小食，邊爐料都唔錯，值得一試🤤

放工約咗朋友在油麻地附近見個面食個飯, 臨近收工時覺得天氣好似轉涼咗咁, 啱晒鍾意烚吓烚吓嘅我哋！鍾意試新嘢嘅我行到上海街附近就發現一間未試過喜鍋, 我哋二話不說就入去開始我哋嘅晚餐! 入到去職員好快就安排到座位比我哋, 到調配醬料時因為冇黑醋比我哋揀, 我就試吓問吓有冇黑醋可以給我一點, 職員也很樂意到廚房攞比我! (因為唔係間間有, 同埋未必比) 因為我個人比較喜愛加點黑醋落啲醬汁到咁樣可以食嘅時候冇咁膩同埋開胃啲! 湯底選擇都多, 有18款咁多, 而我就揀咗楜椒濃湯豬骨煲! 送嚟時都有陣陣楜椒味(隔離檯都被啲楜椒味吸引😀), 湯料十足, 湯味都OK! 火鍋料我哋就眼闊肚窄叫咗白鱔片,花膠, 日本黑豚肉, 水魷魚,蟹籽墨魚滑, 金菇同娃娃菜! 材料都算新鮮! 喜愛嘅蟹籽墨魚滑夠晒爽口彈牙, 值得推介! 另外, 一向鍾意食雞軟骨嘅我, 見到有得order 就一定唔會放過! 椒鹽雞軟骨好惹味, 很不錯, 好啱配啤酒! 推介之選 #純粹個人口味

那天晚上我們一家選擇了以打邊爐作為晚餐，並一起行去旺角區搵間好處食肆地方，終於見有間叫喜鍋的火鍋店。其地點較為就腳，於是我們便入去睇過餐牌，其中有好多典型火鍋食材(包括雞煲等)，又有額外店長推介熱賣小食、小菜等，總之是不用花心思想食什麼。而且入店中見到量度較光的座位夠寬闊，桌面夠大放爐同食材餐具等，夾食物也很輕鬆，餐具則放在就手位置。我們於品嚐麻辣雞煲後，便以其入味湯底作火鍋煲，並叫了一些鮮蝦雲吞及鳳城水餃等火鍋例牌佳品作配料。其薄皮內肉質均鮮味，放落鍋中滾熱後入口熱辣惹味爽夾滑。隨後我們再叫了椒鹽魷魚鬚作額外小食，吃落也份外煙韌爽脆滋味。

呢日係油麻地搵食打邊爐, 黎左呢間喜鍋~店唔算大不過有兩層, 所以一黎到就有位打邊, yeah~例牌啦～一黎到梗係叫湯底同醬料啦~~醬料兜非常整齊乾淨~健康飲食既關係叫左個皮蛋芫茜底。一黎就黎個響鈴啊。啊姐話響鈴係餐廳新鮮自己炸!果然係脆口d。再黎個蝦滑~蝦滑非常骨子, 細細粒但味道非常出色。然後上既係脆骨腩!真係唔知點解可以咁脆, 爽口彈牙。再上就係牛柳粒, 呢個可謂最正之選, 肥瘦平均。啖啖肉呀！食牛肉之後想搵個麵送, 呢個墨魚麵就真係無得彈。'枝'出黎非常完整, 唔會斷開一段段。最後啦, 就黎一d健康既蔬菜同腐竹。非常新鮮!

幾條友約晌旺角食飯，之不過大家約咗個日期之後就無人follow up，咁嘅情況下當然就係無book位吃嘢喇，但大家又唔想等位，好彩有個精目嘅推介旺角後面啲街道，話少啲人一定好快有得食，於是就係由嚟咗呢間喜鍋打邊爐XD雖然佢地有好多好有特色嘅湯底，但大家都決定將錢投資晌食材到，所以湯底方面清清地，叫咗蕃茄薯仔雜菜鍋，有埋菜可以食，不過湯底方面好足料，蕃茄味唔係好濃亦味道都出先嚟前菜，叫咗佢地嘅必食之選蟹籽墨魚油炸鬼，油炸鬼炸得幾脆口，配合埋佢地個醬，味道唔錯，可怕想叫埋日式胡麻冰菜，佢地話冬天先有之後係時候到重點投資食品牛魔皇塔，一嚟呢個牛盤有3層，分安格斯牛、本地牛同埋安格斯牛粒，其實3層嘅肉都好滑兼有牛味，但個人感覺最好食嘅都係本地牛，唔係好多肥膏，牛就算唔係切到勁薄，煮得耐咗少少入口都唔韌，都可以一叫嚟試下至於其他食材方面，白鱔都幾新鮮，餃子同埋響鈴都整得唔錯，日後想即興打邊爐都可以再嚟呢到! 

今晚我同男友慶祝紀念日，大多情侶食西歺， 不過吃多了覺得間間食物都差不多, 唯獨食火煱慶祝有新意思, 呢間店能在眾多火鍋店突圍而出。這間店的花膠鯊魚湯底, 用料十足又新鮮, 貨真價實, 湯料都是滋補材料, 不像一般火鍋店湯底那麼熱氣, 火鍋還配送甘香泡飯, 食法特別首先花膠倒入湯底，之后一滾，倒在甘香的飯粒會變成泡飯, 口感很特別, 像米通一樣碎。響鈴是自家制, 比出面吃到的更大更長, 其他食物, 例如肥牛, 蔬菜, 也很新鮮。還有蟹子炸油炸鬼，另碟係火煱店獨家小食呢，香脆可口，一食難忘

秋天又來啦⋯最岩就係打邊爐季節今晚約左男朋友試新野✨喜鍋聽朋友講⋯哩間小食好味，火煱食物又鮮味⋯唔試下都唔得😆油麻地地鐵站A1出口，行幾分鐘就到，唔算難搵!入去店內，有兩層，坐既位置舒服，侍應姐姐又好招呼，又會介紹我地有咩推介食物 好食😁熱情好客👍🏻我地揀左鴛鴦鍋，我食辣，男友唔食辣！叫左哩度特式小食-蟹籽墨魚油炸鬼，賣相非常吸引，食落香口好味！打邊爐一定要食牛啦😋😋叫左一碟細既頂級安格斯牛頸脊，牛既肉都算大塊兼厚身，食落一點都唔老，好有口感，果然係頂級辣安格斯！另外叫左生菜、鮮蝦雲吞、五寶丸、蟹籽魚滑、讚其烏冬、牛根丸⋯我最鐘意係牛根丸，爽口彈牙！而男友最愛蟹籽魚滑⋯份量多，又新鮮美味！飲品方面叫左香茅竹謝矛根，解喝好飲！另外我地都打卡，姐姐送我地一客青瓜雲耳小食！食到飽飽埋單，開心的打邊爐之夜❤️

最近中學老友話想聚下，畢竟我地都幾年冇見，一講起食咩都係大家一大難題，行行下街佢突然想打邊爐，所以就入左呢呢間食火鍋！原本都冇咩期望，平平凡凡火鍋店一間，乍看發現呢度既特色火鍋湯底都唔少，老板仲好細心同我地介紹返每款湯底的分別！最後就當然要試下招牌花膠鯊魚骨膠原湯底，聽講呢度既湯底都係真材實料，難怪飲起上來相當夠水準！我比較鐘意同埋相對比較有特色是甘香泡飯，望落金金黃黃，食起上來比較硬身，通常我都先把飯放到碗中，再倒入適量的鯊魚骨膠原湯，真係好好食！除此之外，其他火鍋配料例如栗米以及丸類都好新鮮，值得一讚！

雖然任食邊爐好爽，但想食番D高質野食，都係散叫好~ 未等到正食當然要叫D小食過下癮先蟹籽墨魚油炸鬼配泰食辣醬又好咬又彈牙又脆，好耐無食過D配搭得咁好嘅小食喇重慶麻辣雞煲我地叫左唔辣,但仍然入味,同埋好欣賞佢唔油,反而係汁醬煮咁樣好令人期望嘅牛魔王搭不負眾望,牛柳粒,本地牛,安格斯牛，個人最欣賞本地牛,好重牛味,油脂平均脆鯇片好大塊,食落都好實同新鮮自家脆香鈴又大舊又鬆脆四寶餃最鐘意孫爺餃,落左酸菜好開胃又有口感原隻吊筒，新鮮爽口，平時真係冇乜點有的叫呢款野蟹籽墨魚滑，蟹子都好足料雜菜拼盤有3款菜提供宜加打卡仲有小食送今次係送咗涼拌青瓜同木耳餐廳分兩層都夠地方四個人平均$275左右，都食得好飽，不錯

今日去完油麻地買水果，不知不覺又到食飯時間，之前聽過朋友食過一間喜鍋唔錯，今次就試下啦！門口雖小，但五臟俱全，仲放得下一大個魚缸，樓上仲有一層，有兩部大冷氣，夠囇凍。今次點左個平時少有既水果椰子雞鍋，水果用上一個椰皇，火龍果同蘋果，望落夠清甜先張雞放去煲十分鐘，之後就可以連湯一齊飲，幾鮮甜，仲有好香雞味！另外再點了一份魚皮，秘制芝士牛肉丸，魚皮份量足，好脆口芝士牛肉丸係手打既，肉質非常彈牙，再加上流心芝士，正！最後加個薯粉，加埋個雞湯精華，夠曬三個人食！

朋友之前介紹，話喜鍋的椰子雞鍋唔錯，今日出開油麻地買野，夜晚又黎呢到試下先！我地上左閣樓坐，地方都好闊落下！呢到個椰子雞鍋水果用上一個椰皇，仲用左新鮮火龍果同蘋果，放隻雞落去煲十分鐘，之後就可以連湯一齊飲，清清地但又好鮮甜！雞都仲好嫩滑！秘制芝士牛肉丸，係手打既，非常新鮮，肉質彈牙，配上流心芝士，真係要小心熱親呀！大份安格斯牛頸脊，牛肉厚切，牛味濃，紋理亦靚！鴨紅唔多地方有得食，好滑，如果配上麻辣鍋應該更加出色！呢到嘅餃子係自家製，相當足料飽滿！最後加個薯粉，吸收埋個雞湯精華，超過大滿足！

究竟點解可以連續咁多晚落大雨㗎！被大雨困左係上海街，就索性搵個地方食埋晚飯睇吓啲魚會唔會細啲。經過喜鍋，店員落力介紹推介美食，就決定打個邊邊。一坐低基本上唔使點諗因為兩個極力推介美食我都啱心水！又係食唔到咁多嘅情況底下就叫果兩樣野啦！首先係叫咗個 招牌花膠鯊魚骨膠原鍋 $188，仲送甘香泡飯。呢個配搭我都係第一次食，有幾新奇幾新鮮。花膠養顏，所以未食嘢之前先飲啖湯。鯊魚骨好爽口，至於膠原 BB, 就女神最愛啦！食完即刻成個人青春晒。用咁靚嘅湯送泡飯，泡飯吸晒湯嘅精華而且仲脆口嘅。果然冇介紹錯。飲咗兩碗湯之後就輪到今晚嘅重點出擊，店長推介牛魔王塔 $398。用 high tea 架奉上，特別有氣勢。全部都係優質靚牛肉，至尊手切本地牛頸脊入口柔軟嫩滑，牛肉味道濃郁。霜降手切肥牛粒 肥瘦、脂肪、雪花分布平均，入口即溶。最輕鬆都係飲番支大啤新力清，不知不覺品嚐了一餐輕鬆又好味的自在晚餐。

普通茶餐廳格局，坐得舒服😌除咗打邊爐，有雞煲提供，不過今次就冇試到～嚟到已經ready曬喇花膠鯊魚骨膠原湯 $188未嚟料之前緊係試吓啖湯，好清甜，飲落去好舒服，有好嘅湯打邊爐一定唔會差得去邊！黃金泡飯好得意，係好硬嘅飯粒，冇咩味，加咗啲湯好似食緊啲脆卜卜嘅野咁浸浸再食，有另一番感覺醬料喺Facebk 進行讚好、簽到活動，可以送柏黃瓜蟹籽墨魚油炸鬼 $58墨魚滑 $68鮮蝦雲吞 $48竹蔗茅根一向都係我打邊爐最好嘅拍檔

今晚行過這裡比門口呢個banner 吸引了，花膠鯊魚骨膠原鍋$188，夠晒抵吃，座下了兩個人就先點了這鍋，一上枱就已經可以先飲啖頭啖湯，味道夠晒濃郁，而且超多花膠，大大塊，除此之外裡面重有好多鯊魚骨，入口軟韌爽口，夠晒骨膠原，花膠軟滑爽口，飲完湯後，還可以用跟上嘅甘香泡飯配上花膠湯一齊入口，飯本身香脆，加湯入口飯身仍然香脆甘香，配埋濃郁嘅濃湯入口，除飯香外還有香滑鮮美嘅湯 ，絕配！再加多份鮮蝦雲吞$48，大大隻放在花膠湯底內滾熟，咬開看見裡面大大隻蝦，入口夠晒爽口彈牙，一啖湯一啖飯，又係另一種感覺，雖然今晚唔次打邊爐，但咁樣食法又係另一種選擇！

今日又約左友人到旺角行街買野，又行到肚餓要搵食～剛剛買完甜品食材附近，友人話好想食火鍋～行不到幾分鐘就見到喜鍋～就試下啦～坐底即點鮮果椰青雞鍋一隻～再點其他食物～ 食物種類多～我地點左頂級安格斯牛頸脊，炸魚皮，芝士腸， 鳳城水餃， 讚岐烏冬～睇個湯好清，加左新鮮蘋果，火龍果～送上鍋既時候店員先講解先食完所有雞才落其他食物！當食左第一件雞，好清甜，雞肉香而滑～炸魚皮份量多，香脆，就咁食都已經比我食左半碟牛肉不算薄～ 油脂比例剛好～牛味濃～兩個人點一隻雞份量已經唔少，加點其他食物，都可以清哂～個湯底一流～食完不覺得 油膩～最後試左鍋裏面既火龍果，估唔到熟左既火龍果都可以咁甜～