喜鍋 海鮮‧火鍋‧小廚 (已結業)

難得約到好耐不見的朋友，要飯聚啦！找家好的火鍋店，慢慢食慢慢傾。招牌花膠鯊魚骨膠原湯鍋$188,送甘香泡飯， 女士們愛美，來吃個滋補養顏靚湯吧！ 湯底非常足料，除了主角花膠、鯊魚骨外，還有雞腳、豬手等，滿是骨膠原的材料呢。店員很詳細教我們，待湯底滾起，倒一點湯在自己飯碗裏，混和脆米狀態的泡飯，最好泡長一點時間會更好吃。 先說說湯底的味道，是很香甜的雞湯味，配上份量不少的花膠、鯊魚骨、豬手、雞腳等，令湯底質感更滑。 炒過的脆米非常香口，很有鑊味，就像飯焦香一樣，泡在湯裏，鮮甜與焦香混合起來，真是超好吃的！超級推介要試試！蟹子墨魚油炸鬼$58,未打邊爐先食啲熟食， 墨魚滑釀在脆炸的油炸鬼裡，口感又脆又煙韌。再加埋魚子脆卜卜的，香口又有口感。另一熟食，沙薑豬手，超入味， 微微鹹香，炆得又淋，食落又不覺油膩$38一份其實不貴，當補充骨膠原，吃完這餐會美肌呢！肉類點了頂級安格斯牛頸脊$188,還有羊肉片$88,脆鯇片$58。安格斯牛頸脊，質感爽口，比起雪花肥牛的話，少些脂肪，吃下就沒有罪疚感，而且很有牛肉香味，很新鮮。羊肉片，沒有騷味，輕微灼熟就可以點醬料吃，喜歡羊肉煙韌的口感，薄切的吃又不覺膩

之前放假都見full hse ，今次終於比我食到啦。我地點左一隻雞煲，漿料非常之香口，比起唔少出名嘅雞煲店都仲要好食。而且雞肉煮得啱啱好 唔會過老 好嫩滑。食完雞煲加上雞湯湯底，煲滾左就可以打邊爐啦！一路食雞煲我哋重點左佢個特色小食，墨魚肉油炸鬼，一碟總共有六粒，配上泰式辣醬，加上有好多蟹子，一定係必試之選！牛肉同埋自家響鈴都好新鮮，鯇魚等等嘅海鮮都可以一試！而且佢哋每日都有好多唔同新鮮嘅海鮮選擇，下次要試吓象拔蚌先！

🔺喜鍋平時都一直好鍾意食打邊爐🤤今次就試呢個前所未見聞所未聞嘅湯底—鯊魚鍋湯底😯.牛魔皇塔🐚一共分三層🤘🏻分別有安格斯肥牛、本地手切肥牛同牛柳粒👌🏻小編鍾意本地手切肥牛多啲食落有口感 有𡁻口 整體都唔錯👏🏻.手打五寶丸🐄呢個反而比較有特色梅菜肉丸非常特別😀感覺就好似食緊梅菜扣肉 值得一試👍🏻.泡飯🍜湯底配送一個泡飯加入滾湯後 原本毫無味道嘅米飯就起了化學作用😂食落口感軟綿綿☺️同時吸收晒湯底精華👍🏻.美國桶蠔估唔到D蠔隻隻都咁大粒又唔會縮水 食落又冇沙相當鮮甜👅.總括黎講呢間舖有好多海鮮選擇🤑價錢來講一般中上定價 食物質素都可以環境都坐得舒服😆

📍喜鍋 海鮮‧火鍋‧小廚 (旺角)打邊爐怪又來了，今次呢間也很不錯，有我最愛既生嚎同埋肥牛，全部都好新鮮。個湯底好特別 係招牌花膠鯊魚膠原湯，一聽個名已經覺得好補，店員話先飲湯，後落料打邊爐，個湯都好鮮甜。.🔻牛魔皇塔$398聽到個名都好勁咁，每層有唔同的牛，第一層係牛柳粒、第二係本地手切肥牛，第三層係安格斯。 估唔到d肥牛好有牛味，入口即溶，牛樓粒就一般。.🔻美國桶蠔$148 超級新鮮又大隻 必食🔻手打五寶丸呢個都好值得一試個墨魚勁牙🤤.總括嚟講呢間都好食🤤值得一試、服務態度仲好好出邊有魚缸養住啲海鮮🦞啲牛肉真係冇得彈.

是日我同男朋友拍拖3週年，去打邊爐食餐好慶祝，openrice search呢間喜鍋大比數好評，一於就去try try。蟹籽墨魚油炸鬼一粒星都唔想俾ge系列，店員非常推介，所以叫碟泥食，伏到喊！油炸鬼係唔熱架，成舊野放入口好韌好難咬，如果唔點個配醬真係冇乜味！招牌花膠鯊魚骨膠原湯鍋裡面的確係有花膠同大量的鯊魚骨，但奇怪在個湯味道好淡，好似普通清湯咁，我同男朋友都覺得好失望！而且飲完仲好口渴，懷疑係米加左味精？！跟湯底送左個口香泡飯，即係炸飯粒，香口但食完好痴牙。蟶子皇真係好大隻蟶子，啖啖肉，夠鮮甜，對得起價錢。至於鮑魚就比較遜色，入口煙韌但就冇咩鮮味。脆鯇片還可以，但就唔夠爽脆，喜歡吃脆鯇片的人就會明白。黃沙大蜆蜆肉鮮甜，沒有吃到沙，洗得都乾淨。秘製芝士墨魚丸先講粒墨魚丸，真係冇咩味！裡面只係加了一粒芝士粒，初頭仲以為係流心果d，又一失望。皇帝菜以價錢泥講，份糧正常。總括來講，喜鍋ge海鮮食得出係新鮮，但其他食物真係卻之不恭了。

我地係Openrice搵到呢間旺角打邊爐，見有鯊魚骨膠原火鍋好似幾正咁！開住地圖搵呢到間野睇落細細間，10點左右都冇乜客，心入面仲擔心左陣點知大有驚喜呀~★★★★涼拌豬耳+豬手 $38先講前菜小吃啦，都做得一D唔馬虎架，涼拌做得又入味又爽口，非常之開胃★★★★★花膠鯊魚骨膠原鍋 $188超濃魚湯味，再本身已有少量雞腳豬腳係湯度，用料十足！未落料前我地已經就咁飲左幾碗，完全唔會有口渴感，補身一流呀～！花膠大大塊，有D唔知係鯊魚骨定骨膠原嘅野係落咗超多！不過我唔鍾意佢果種鞋鞋地又冇味嘅質感就冇食太多隨鍋送咗個木桶仔裝嘅甘香泡飯，個口感係硬身脆脆地，有D似零食碎我地試過撈湯食，試過倒落個鍋度煲淋再食，結果係煲淋身D比較滋味另外再加左D料，肥牛夠新鮮厚薄適中，丸都好爽口彈牙店舖做優惠讚好page送小菜，不過我地２人已經食飽飽就冇叫了喜鍋 Hey Pot整體評分★★★★地理環境★★★★店舖唔算大，不過卡位多，又唔繁忙，坐得都舒服服務★★★★幾nice，會介紹唔同菜品食物★★★★★食材乾淨新鮮，份量足，湯底正價格＄＄＄相比火鍋放題係少貴，不過就好值得試！

喜鍋的招牌花膠鯊魚骨膠原湯鍋非常足料，整鍋湯滿滿是花膠和鯊魚骨，一邊吃火鍋一邊養顏💁🏻‍♀。餐前小食的選擇多，還沒開始打火鍋我已經想點五款小食，幸好得待應阻止😂。其中蟹籽墨魚油炸鬼尤見出色，香脆彈牙。至於火鍋材料，選擇亦多，用料新鮮。在上鍋後，待應為我們送上一小木筒飯粑，叮囑我們打完火鍋後，別忘了將餘下的湯淋在飯粑。飯粑鬆脆，淋上湯後，口感又軟又脆，味道不錯，煞是特別。不得不讚的是待應的殷勤服務，主動為我們多次加湯，見到湯鍋油多，細心為我們一一隔走。

女孩子總有說不完的話題，想和朋友找個地方可以坐久一點長談一下，就選了這間地點就腳的火鍋店。一看餐牌，餐前小食同火鍋料都好吸引。點了招牌花膠鯊魚骨鍋，果然是招牌，花膠大大塊，十分足料，絕不欺場。餐前小食令人驚喜，蟹子墨魚油炸鬼炸得香脆，墨魚滑夠彈牙，黃金蝦餅外脆內彈，燒汁雜菌香脆可口。火鍋料份量十足，雪花牛柳粒和肥牛都大大碟。甘香米飯是我最欣賞的，香脆的飯焦粒淋上盡收所有火鍋料精華的湯底，口感豐富又不油膩。本來還想叫牛魔王拼盤，但大家幾個女孩子食量不大，只好作罷。除了食物質素，服務質素當然也十分重要。侍應們多次主動加湯，還提醒我們食物份量大可能食唔曬，值得一讚。

今天落堂後，突然想找朋友找個地方相聚，想找一個坐得比較久的地方，無意間便到了這間餐廳。坐下的位置比想像中闊落，看見那裏也有幾個湯底可以選擇， 正準備選擇的時間，店員十分親切來推介了花膠鯊魚骨膠原湯底。湯底很快便來了，花膠十分足料，配有鯊魚骨及糖芹，十分美味。叫了一些小食和打邊爐的食材。越式黃金炸蝦餅，外脆內彈。 出面是有炸粉脆脆的，內面也充滿着彈牙的蝦肉，十分有口感。另外一樣推介的是甘香泡飯，食法是在碗裏加一些熱湯，然後再加一些甘香泡飯入去，那種半淋半脆的感覺令人十分開胃。下次再約朋友相聚話想一家大細找個地方吃飯，這是一個不錯的選擇。

趁仲係放緊假 就多約朋友見多幾面🤓是日做完Gym 去打邊爐 好似無咁大罪惡感🤨呢間打邊爐位置都幾就腳而且舖頭乾淨企理 坐得幾舒服😌.🐟招牌花膠鯊魚骨膠原鍋無做咩資料搜集就係睇餐廳推介🧐湯底既足料 少少膠質既感覺🤤飲落唔會口乾同幾鮮💦隨湯底會送一客泡飯🍚係脆卜卜既脆米黎食 朋友仔食落就話似旺旺米餅加湯既味🍘 都幾少見👀而且湯底仲會有花膠仔 雞腳 豬腳仔餚湯👍🏻又可以食下.🐮牛魔王塔又係人氣之選🤹🏻‍♀️ 老實講 上桌果一刻見到個實物會覺得唔值呢個價錢🤢不過食落朋友都係讚口不絕既👍🏻上層同底層係安格斯牛肉粒同牛肉 食落比較腍身油脂分佈都好平均🙃第二係本地手切牛肉 牛味比較重😋呢個牛魔王塔都滿足都肉肉控既胃口🍖🍖🍖.🍡手打五寶丸係店舖自家製既 係手打既口感😺其中一粒侒梅菜肉丸🍡 食落係彈牙既梅菜蒸肉餅口感 味道不錯👍🏻 口感特別朋友仔就鐘意墨丸多啲.餃子🥟蟹柳🦀皇帝菜🥬等等既火鍋配料質素都不錯同新鮮🍲.店舖除左打邊邊仲可似order下刺身既 幾多元化今次係勁飽之下 人均消費就相對貴少少 💸💸細食既你地應該唔洗比咁多😌.人均消費：$310推介指數：👅👅👅👅👅👅👅👅（8/10）Encore指數：

喜鍋@旺角📍招牌花膠鯊魚骨膠原湯鍋送甘香泡飯🔸非常鮮味，完全沒有味精，老闆介紹先飲一口湯，再嚐一口湯飯，才放牛肉，一個鍋三種食法，三種享受。.📍牛魔皇塔$398🔸三層牛肉，頂層安格斯牛柳粒、第二層本地手切牛肉、底層安格斯牛肉。🔸手切牛肉肉味濃郁，肉質煙韌，肉味越咬越出。🔸安格斯牛肉油份剛多，入口即溶。.📍美國桶蠔$148🔸五大隻蠔，非常新鮮，蠔肉飽滿，完全沒有腥味之餘帶有一陣陣的鮮蠔味。.📍手打五寶丸$88🔸因該手打所以彈牙🔸梅菜豬肉丸最特別，好像梅菜肉餅，必食👍🏻.📍韭菜水餃$48🔸豬肉份量頗多，豬肉已經過百一斤，但仍然願以這麼多豬肉入餃。.📍雜菇拼盤$48🔸有冬菇、雞髀菇、金菇及秀珍菇。🔸菇類新鮮，冬菇超爽甜好食。.📍其他：蟹柳、蓮藕、皇帝菜、烏冬🔸材料新鮮好食。😋味道：7/10🙃回頭：7/10💰消費：$300每人

📍喜相逢😍係高質餃子呀！🥟.估唔到太子有間咁地道嘅用心四川菜，好搶眼嘅中國風裝修，所有菜式嘅名相當有意思，食物即叫即整 .✅口水雞（例牌） $68必食！例牌份量2人都夠食，好多肉又入味，用左至少7樣調味，叫左普通辣，好少麻，感覺同譚仔十小辣差不多，食到唔停口🤤🤤🤤 .✅煎餃（韭菜豬肉餃）$33食過美x餃子、餃x屋同餃x縣，但會推薦大家試呢間煎餃👍🏻👍🏻👍🏻人手包好有口感，一個人食曬成碟6隻都唔會膩，少少煎...香口得黎唔會太乾太油太熱氣🤓.✅鴛鴦戲水（白菜豬肉餃） $40可以一次過食曬餃子同雲吞，雖然睇落好紅，但冇四川食嘅菜咁辣，唔食得辣可以試下湯餃.✅風花雪月 $36涼浸浸嘅糖水係食辣嘅最好配搭，店舖仲會用北海道3.6牛奶😋.✅百般順意 $30非常足料，腐竹好綿，唔太甜岩岩好.食到舔舔脷嘅時候，見到有d街坊會落黎幫襯，雖然店鋪坐嘅位置唔多，要坐門外，但都吸引左好多人😆一間用心經營小店，真心要多多支持！老闆娘好好

去旺角買完嘢，要搵食，諗起同事話呢間食就過黎食。係歐美廣場附近，好方便。7 點左右還沒有很多客人，8點則已經坐滿，好似還有2樓呢 店員走黎主動推介食物，佢話好多女仔都喜歡「花膠鯊魚骨膠原鍋」，養顏啊﹗活魚刺身、象拔蚌刺身都多人食，而蟹籽墨魚油炸鬼係特色小食。可惜今次只有2個人去食，叫唔到咁多款。有個調味料值得一提，喜鍋自家製的 XO醬，小辣，有大大隻蝦乾非常香口。湯底「花膠鯊魚骨膠原鍋」送上，仲有一桶「甘香泡飯」，店員教先把飯放碗裡，再加湯泡軟。湯底非常鮮甜，而且材料非常多，值得一提的是食完成餐都不會覺得特別口渴。「蟹籽墨魚油炸鬼」是炸的，脆卜卜的油炸鬼配彈牙的墨魚滑，感覺好新鮮。 另外仲食左雪花肥牛、四寶餃、皇帝菜……我們小看了湯底的材料份量，點的有些多。😂服務是值得一提的，環境乾淨企理外，店員會主動加湯 (應該是豬骨湯)，看到我的湯面有油脂，還給主動給我隔油篩。離開時才看到，原來Facebook 打咭送小食，不過我已經吃不下了。還有門外新鮮的象拔蚌，下次要與其他朋友一起去吃才能多樣化。

約咗老友出嚟聚舊, 聽朋友講油麻地有間火鍋店嘅湯底好好味， 我就提議去試下。 餐廳服務員非常熱情的款待, 細心地為我們解釋餐牌 而且仲推介了幾款 招牌菜給我們， 還提示我們兩個人不要點太多。 於是我哋點了 花膠 鯊魚骨膠原湯, 湯裏面非常之多骨膠原材料 有花膠，鯊魚骨， 豬手及雞腳， 湯底濃郁好味, 還配了一小桶泡飯，喝了三碗已經差不多飽。之後， 我們又點了招牌菜 蟹子墨魚油炸鬼， 炸得脆口香滑 ， 墨魚膠釀在油炸鬼上 ,口感不錯, 食到不能停口。牛肉方面， 點了本地手切牛肩脊， 牛肉嫩滑， 牛味濃郁。再點了豬潤 及四寶餃， 四寶餃當中有 一款 從來未食過， 味道不錯不過不失。同老友食完之後,已經不能再食甜品非常之飽.

夏天一邊開冷氣一邊打邊爐，如同冬天開暖氣食雪糕一樣。最近去左油麻地【喜鍋】打邊爐，外面放左魚缸，主打海鮮同海鮮湯底。不過我自己就唔係好食海鮮，所以叫左鴛鴦鍋、麻辣同芫茜皮蛋湯，裏面本身都有少少料，麻辣湯底有豬血同豬皮。麻辣湯底非常香，唔係得個辣字。醬料入面辣椒油非常特別香口！餐前小食：墨魚油炸鬼溫熱香脆油炸鬼加上爽口彈牙墨魚滑，好特別、好開胃！火鍋食材包括：響鈴、炸魚皮、美國雪花肥牛、魚腐、鳳城水餃、魷魚鬚、蔬菜拼盤、爆漿芝士墨魚丸同烏冬。響鈴同炸魚皮完全無油溢味、炸魚皮分量好多，呢兩樣都非常吸湯、放入麻辣湯底就岩啦！魷魚鬚非常新鮮爽脆。其他都係中規中矩既食材，不過爆漿芝士墨魚丸真係好正！墨魚丸非常爽口彈牙，一D腥味都無，芝士都好多~😋 😋整體都好好食、食材都好新鮮，不過人均就高左少少啦。