喜鍋 海鮮‧火鍋‧小廚 (已結業)

兩個人揾餐廳食晚餐 行行下 就黎到旺角上海街既呢間 海鮮.火鍋.小廚 天氣熱 行到身水身汗梗係叫嘢飲解渴先啦 竹蔗茅根很足料 又唔會太甜很解渴打邊爐 調味料都好重要有六款可以選擇自己調制喜歡嘅口味簡簡單單 揀咗沙嗲湯底 等待等待...😋😋)等待期間叫返個餐前小食蟹子墨魚油炸鬼油炸鬼脆身 墨魚肉彈牙 呢個配搭幾特別 創新鮑魚$38/隻 幾抵食👍🏻新鮮 肉質爽口 彈牙 至尊手切本地牛頸脊(小)侍應見我哋兩個人 建議我哋小份量 可以試多啲其他嘢小份量都好大碟雪花紋分布平均 牛肉厚切 肉質有口感點左其他食物餐碟有心思 生菜新鮮翠綠四寶餃 各有特色 獨特令我較為驚喜同欣賞嘅 係梅菜肉餅餃

放假梗係要帶老婆仔去食下好嘢！而女人最鍾意嘅就係花膠啦⋯⋯所以就梗係要花膠煲嚟試吓啦～但係估唔到佢會包左一大碗脆米～如果加入湯底做泡飯！就真係全部精華都飲埋啦⋯⋯飲落去，仲可以感受到潤下潤下嘅老火湯味講真拿完醬汁之後根本就唔需要用！因為湯底已經10分夠味⋯⋯芝士獅子狗！彈牙而且有濃郁的芝士～正～正！生菜10分有誠意10分新鮮韭菜餃薄餡靚💕墨魚丸Q 彈 Q 彈，名副其實墨魚丸有墨魚丸味！肥牛亦都非常出色，爽脆弹牙，就算滾完湯底嘅雜質亦都唔會多！睇得出一定係靚牛肉😊總括而言今次真係物超所值～而且裝修闊落枱面有較大！就算同一班朋友過嚟食多完全唔會迫！

我決定打下邊爐補一補！一入門口嘅時候，發現無論係樓面廚房、老闆、定係派傳單嘅叔叔，全部都係清一色男人！😆實在一個好有趣嘅現象😜😜希望唔會失望啦⋯⋯幾時都話打邊爐湯底係非常之重要～而今日呢間餐廳其中一種主打湯底就係花膠鯊魚骨！花膠打邊爐就聽得多鯊魚骨真係第一次食！本來都驚會有浸古怪的腥味！點知完全冇怪味之餘仲非常之鮮味！極具特色材料豐富！！而且叫呢個湯底仲會送上一客甘香泡飯～🙈估唔到成餐飯最掛住嘅就係呢個泡飯！佢係一桶炸得甘香鬆脆的脆脆米～把佢加入湯底一齊食，有口感脆脆之餘，又充分吸收左湯汁的精華，實在非常好食！蟹子墨魚油炸鬼亦是非常特色之作，外脆內軟💕鮮味十足⋯⋯牛肉真係睇相都知油花分明，牛味香濃！一咬落去的時候肉香四溢！手打院嘢食別是之選本人覺得最好食嘅一定是雪菜豬肉丸～有特色之餘唔係間間咁容易食到㗎！如果再有機會一定要帶朋友仔再試多啲唔同嘅嘢！

練完武，功力有所長進仍覺唔夠實正，原來個胃吉吉地，冇晒energy，所以就算夜出有幾唔安全，大胃都要打一打邊爐先得醬料六寶，大胃必選蔥、炸蒜、生蒜、麻醬同豉油打邊爐唔係可樂就啤㗎啦，仲要特價喎打邊爐有飯焦送，舀啲湯落碗再加浸飯焦，另類享受湯底係用鯊魚骨熬，可以咬吓㗎仲有雞腳同豬腳熬製豬天梯原來係豬下唇，好硬但好勁豬味蟶子到，個胃餓到跪低呢個墨魚丸內有乾坤入面係爆醬芝心，小心辣親天梯呀響鈴幾大份幾脆油炸鬼好脆口呀食飽咗就昂然返屋企，飽到彎不下腰

行完旺角，係openrice尋獲尼間小店經營既刺身火煱店，評價唔錯，就決定左去尼度晚餐喇。環境方面，坐得舒服，有卡位。一坐底，首先點左個活魚刺身，魚尾仲有少少旭緊😲，食洛真係超新鮮同有咬口。相信刀工都有番甘上下。另外，我地點左花膠鯊魚骨膠原鍋，尼個鍋都有驚喜，佢會付送甘香泡飯，湯底本身有除左花膠，入面仲有好多鯊魚骨，所以真係好有膠質，要keep住一陣陣去搞一搞個湯底，防燶底，個泡飯既米輕輕炸過下，淋上個湯，湯既鮮味同有1粒粒脆米互相偑合，意外地好夾，係一個新穎既嘗試，值得一試另外，點左聖子王同桂花蚌，都係高水準，店員有提我地聖子王只需滾到剛剛掉殼就食得，所以聖子王煮得恰到好處，入口除了新鮮啖啖肉外，亦有爽脆口感。桂花蚌亦好新鮮，每一口都係享受。另外仲有點左牛肉，有牛味，非常幼滑服務質素一流，非常細心，食物水準特別推介海鮮類，愉快晚餐，值得一去。

入咗夏季都已經冇再打邊邊，今日咁啱經過呢間舖頭，又見到佢高朋滿座，我哋又好鬼肚餓。兩條油咪入去涮一餐囉。嘩，只係湯底都有排你揀。要保身? 嘢味? 痳辣? 特色? 定美顏? 最後係揀咗後者👉招牌花膠骨膠原湯鍋。真係多料，味夠香濃，又配個木桶飯蕉比你浸湯食，你都咪話唔過癮。醬料好新鮮， 豉油味恰到好處，我最怕得個鹹字既豉油! 我哋叫咗豬潤、頂級安格斯肥牛、四寶餃同熟食蟹籽墨魚油炸鬼。豬潤: 記得慢慢睇住淥，粉粉哋哋既口感; 頂級安格斯肥牛: 牛味都香，肉質夠腍; 四寶餃中最愛韮菜餃; 而蟹籽墨魚油炸鬼就几得意，脆卜卜既油條包住墨香既肉，仲有咬起黎卜卜聲既蟹籽，口感豐富。

上星期約咗個朋友喺油麻地嗰邊食飯，朋友話呢間火鍋店唔錯 所以決定一試😆待應服務好好，不時黎幫手較火，加湯，上菜速度亦唔算太慢😎聽聞呢個蟹籽墨魚油炸鬼$58 係呢度必食所以就同朋友叫咗一份試吓 油炸鬼炸到脆卜卜入面加左大量墨魚和蟹籽🤩非常足料😎食落去口感豐富😍湯底方面我哋就叫咗魚湯海鮮鍋 $208入面的材料可以講係好足料，有蝦🦐、蟹、扇貝和一些菌類❣️店員就建議先食咗配料同埋飲啖湯之後就可以打邊爐 湯底把海鮮的精華全都吸收幾鮮甜🤤另外我哋都叫咗幾款丸類 全部份量都好充足🤩肉類方面就叫咗雪花美國肥牛 $88牛肉幾厚身🥩肉味濃，脂肪分佈平均 絕對比平時連鎖店打邊爐嘅質素高💜

果然無介紹錯👍🏼👍🏼😋😋Book左位食喜鍋，勁多人，門口細細，不過店內卡位都夠舒服，而店員細心有禮貌又好傾，好彩點菜時叫我唔好點太多，話我地得兩位食唔晒，抵讚👍🏼👍🏼我們點了招牌花膠鯊魚骨膠原湯鍋，而且仲送左個甘香泡飯，店員叫我們打邊爐之前，先飲湯，再用湯浸住D飯一齊食，果然好好味，個湯好鮮甜，D飯本身炸左，再同湯一齊放入口，好正👍🏼另外我們叫了小食蟹籽墨魚油炸鬼，呢個係即食的，非常脆口，好香，好正👍🏼火鍋配料方面，我們點了韮菜餃，皮薄餡靚，個餃好新鮮。響鈴亦都睇出係新鮮炸，非常脆，而且好大個，好夠份量。頂級安格斯牛頸脊，雖然雪花唔多，不過牛肉味好濃，好好味，大力推介

入到去，環境好乾淨，店員安排左卡位俾我哋😍。一坐低，見到個餐牌就已經雙眼發光乜都想點😁😁，店員好細心詳細介紹咗幾款招牌菜俾我哋。咁我哋就選擇咗招牌小食，蟹子墨魚油炸鬼，果然冇介紹錯，墨魚爽口彈牙，油炸鬼脆卜卜，正呀👍🏼！跟住我哋order咗招牌花膠鯊魚骨膠原湯鍋，仲送金香泡飯添。個湯底好豐富好夠料，有豬手、雞腳、當然唔少得花膠同埋鯊魚骨啦，真係好清甜呀，大大的花膠又多又夠淋，鯊魚骨好爽口，其實豬手同雞腳都勁入味，而個泡飯就炸到好甘香好脆😋店員仲教我地先飲湯底，然後加啲泡飯一齊食，真係無得頂👍🏼😁！配料方面我哋就order咗，頂級安格斯牛頸脊（小），真係好夠淋而且肥美。自家脆響鈴卷，果然冇改錯名，真係好脆，好味呀🤪。粟米，真係好夠甜，一啲都唔老，正！韭菜餃，皮夠薄，韭菜又夠香🤤。另外一讚，店員真係好細心，經常幫我地換食物碟同調較爐溫，保持湯底味道👍🏼👍🏼朋友今次推介真係冇介紹錯，真係好正又夠足料，我同男朋友兩個都食到捧住個肚走。仲話下次一定要叫多啲朋友一齊再嚟食過，因為今次兩個人，試唔到咁多野🤨，我見到其他食客order嘅海鮮都好生猛、好新鮮㗎🤤🤤。

約了兩位朋友吃飯，湊巧大家幾日後都會去旅行，就找間火鍋店好好聚舊下。點了招牌的花膠鯊魚骨膠原湯鍋（$188）。海鮮鍋吃得多，吃鯊魚骨真是第一次。這些就是鯊魚骨，可以輕易咬碎的。湯底還有雞腳、花膠、紅蘿蔔等，味道很清甜。這個湯鍋還跟泡飯呢，隨個人喜好倒湯底浸泡香脆的泡飯，一會兒就可以吃了。前菜點了冰鎮秋葵（$38），配酸辣汁和芝麻醬。我本身討厭秋葵的味道，但發現冰鎮的秋葵味道清甜很多呢。配料點了牛魔王塔（$398），見到都隨涎三尺，中間那層是有本地牛，上層和下層是安格斯牛，牛肉非常美味，令人吃不住口。還點了脆鯇片（$58）和蟹籽墨魚油炸鬼（$58）把滿桌美食都清光的感覺很治癒啊！

上星期約咗個朋友喺油麻地嗰邊食飯，方便大家會合，之前已經食過呢一間火鍋店，但係真係好到忍唔住再打多次 我覺得最吸引嘅地方就係佢哋小食選擇都好多，可以一路食一路打邊爐湯底我哋決定要呢個胡椒濃湯豬骨煲，入邊竟然有豬手同鳳爪做配菜，分量十足另外叫咗呢個脆肉鯇片好爽脆，來貨好新鮮，另外後邊嘅手打墨魚丸都非常彈牙，我同朋友一人三粒都覺得唔夠佢哋火鍋配料每一樣嘅份量其實都幾多，就好似牛柳粒，我同朋友結果兩個人食都覺得太多，呢個明明係三至四人份量總括嚟講呢間餐廳真係好適合三五知己坐低慢慢打邊爐慢慢傾計

養顏湯底火鍋店打邊爐都可以好健康㗎！今日就同閨蜜去喜鍋打邊爐，我哋叫咗個養顏湯底，花膠鯊魚骨膠原湯，估唔到啲花膠咁靚，而且食落淡淡骨膠原，養生人士必點，仲配埋個木桶飯，可以撈湯食。正呀👍🏼我哋叫咗個蟹籽墨魚油炸鬼小食墨魚超級彈牙，油炸鬼揸得啱啱好，唔會太油膩，食落卜卜脆。呢度啲魚都幾新鮮，魚肉10分嫩滑，一啲雪藏味道都無。由於我最近唔食牛肉，於是就叫咗個豚肉，呢度啲䐁肉切到塊塊好薄，煮20秒就可以食啦，豚肉又係又嫰滑👍🏼

上星期放工，跟朋友去了油麻地。行經喜鍋門口見到廣告牌，我們就決定入去打邊爐。餐廳共有兩層，場內差不多滿座啊！客入可以預先訂位。沙嗲鍋：見到顔色比出面餐廳的連深。沙嗲味濃郁，湯底味道飲落帶少少辣又惹味。蟹籽墨魚油炸鬼：油炸鬼炸至金黃色，咬落很脆。釀了少許墨魚，帶有鮮味。脆鯇魚腩：份量很多，每件脆鯇魚腩同樣大件。經過焯後，口感爽口，味道又鮮味，並滲出不少魚汁！手打鮮蝦丸：手打丸口感彈牙，味道帶點點鮮蝦味。

早幾日喺油麻地接個朋友放工食宵夜，呢間火鍋店之前已經食過而且好近我朋友公司，所以今晚再過嚟呢間火鍋店係OpenRice見到口碑都唔錯，算係喺油麻地附近比較出名嘅火鍋店，除咗火鍋配料之外佢哋嘅小食種類都算多由於同朋友淨係兩個人所以唔敢叫太多野，呢個沙薑豬手冇嗌錯非常入味，膠質好淋同朋友叫咗豬骨湯底，真係非常足料，而且未打邊爐之前先飲一啖湯底真係覺得誠意十足，豬骨味非常濃郁，就好似拉麵湯底咁樣牛柳粒份量多味道好，每次打邊爐必點另外蔬菜都算價錢合理，28$但係份量都多呢間火鍋店真係喺油麻地旺角嗰邊屬於高水準一群，而且有兩層，無論你人數多定人數少都照顧到，特別一提店員真係好好服務，老闆又有禮貌，值得再嚟

火鍋，又是火鍋，一個禮拜2次，暈……但係，其實同唔同嘅人吃感覺係不同的，而且最好單數人吃，點解?因為3個人可以坐4人位，5個人可以坐6人位，依此類推，其實就想多D位擺嘢吃。位於上海街嘅喜鍋，交通便利，離地鐵僅僅5分鐘左右時間。今日的湯底係店舖的招牌花膠鯊魚骨膠原湯鍋，内里有好多的鯊魚骨，花膠，雞腳同埋打邊爐少見嘅豬手，吃到最後，煲得好腍嘅豬手令舍好味，真係估佢唔到，成個煲真係勁多骨膠原。而附送的『甘香泡飯』亦好特别，加埋湯底飽肚得來亦好味。店員推介嘅熟食『蟹子墨魚油炸鬼』啲蟹子唔少，吃落『卜卜』的聲音好聽。同行2位朋友都係牛魔怪，因此叫咗份牛魔皇塔，分别有安格斯牛肉粒，本地牛同埋安格斯牛柳。牛肉粒放入湯底煮熟後會浮面就係啱啱熟，后二樣灼幾秒就吃得。鯇魚片，青菜亦少不了仲有我鍾意嘅冰鎮秋葵亦沒有令我失望吖。