喜鍋 海鮮‧火鍋‧小廚 (已結業)

今日同另外兩位朋友黎左旺角打邊爐，呢度既湯底有好多唔同既選擇，而且環境亦都唔錯，岩哂同朋友飯聚！點好菜後，就可以自己調好醬汁！湯底方面，我地點左花膠鯊魚骨膠原鍋，聽個名就覺得好美顏同埋養生啊！點呢個湯底仲會送甘香泡飯！好足料啊！冷盤方面，我地點左份冰鎮秋葵，秋葵可以點芝麻醬食，好好味！我地仲點左餐牌上既必食之選-蟹籽墨魚油炸鬼！脆脆既油炸鬼包住爽口既墨魚，正啊！火鍋料方面，我地叫左脆鯇魚腩，鯇魚腩輕輕煮下就食得，千祈唔好煮咁耐，如果唔係口感就會唔好架啦！重頭戲當然係呢個牛魔王塔，有齊三款唔同既牛肉，見到都流口水啊！

天氣轉熱, 太耐冇打過邊爐, 今晚突然癮起, 約朋友出黎一聚, 一齊烚下烚下!交通方便一定係油尖旺, 二人行左去人流較少既街道, 誤打誤撞就見到間火鍋店, 門外看看MENU, 款式似乎幾多選擇, 於是就入內一試! 還好平日入夜時份, 未見太多人, 冇訂檯都順利安排入座 (人流主要7點開始出現)地方不大, 但有樓上層, 點餐時同時送上醬料比我地混醬, 醬油每位$10Menu上除了火鍋配料, 還有刺身、熟食小食, 但我地今次人少, 只好ORDER少少share食~ 下次再黎要約多d人先試到其他款!有幾款湯底都幾有特色, 價錢大約二百蚊左右, 人多share都化算~ 人少還是叫個basic平既湯底, 重點放去食物吧!叫左個沙爹湯底, 一上檯, 已經聞到好香濃沙爹味, 正! (不過加湯都加返清湯, 濃郁味會逐漸減淡)叫左個 安格斯牛頸頸脊色澤鮮紅, 入口唔算好嫩, 但勝左牛脂唔會太多, 唔會食到成口油, 肉味較重而最有驚喜係 秘製芝士墨魚丸, 一食就已經好喜歡!!大大粒, 墨魚丸彈牙鮮甜, 有些少墨魚碎粒, 咬至中心位, 有芝士爆醬! 芝士呈半流質, 不是全流心, 芝士味香, 口感軟棉, 好食

邊個話食火鍋一定唔健康架?今次同我既好閨蜜就相約去補一補, 食返個膠原彈彈既花膠鯊魚骨膠原鍋~一去到太餓所以點左個蟹子墨魚油炸鬼作為餐前小食~ 墨魚非常彈牙而主角一上場就被佢奶白色既湯底吸引, 撈一撈就係滿滿既花膠鯊魚骨, 而且仲有豬骨同雞腳, 真係滿滿既膠原啊~!係開始火鍋之前, 我地先黎每人一碗既膠原湯, 享受一下原味既清甜~健康既我地仲點左魚三角, 係魚鮫既部位, 都係充滿骨膠原架, 哈哈!再黎就日本黑豕肉, 一D都無豬既騷味, 而且充滿雪花, 唔小心煮耐左都唔怕韌啊~~除左食物之外, 不得不讚就係佢地既服務態度坐底後店員詳細介紹有邊o的招牌菜, 有咩特別推介用餐其間服務員都主動為我地加湯倒水, 好細心呢~有時食飯除左食物重要之外, 有好既服務都會提高用餐既體驗架~~

好友突然想打邊爐，始終打邊爐一班人烚烚下開心D、所以叫埋幾個好友出來一起去尼間火鍋店，由地鐵行一段路已經見到個魚缸門口湯底選擇多，就叫個招牌菜試試，花膠鯊魚骨膠原湯鍋, 喝完一碗湯就好似大量膠原蛋白注入身體內，女人直係要常進補，尼個湯就最適合不過大連鮑魚，鮑魚從魚缸新鮮撈起，入口軟熟，活海產果然不同，食落新鮮彈牙店員推介尼味招牌菜蟹籽墨魚油炸鬼，油炸鬼釀左滿滿既墨魚滑加上脆口既蟹子炸到口感爽脆不油膩非常美味。手打鮮蝦丸，入口彈牙爽身有鮮蝦味鳯城水餃, 雖然唔係大大粒，但材料新鮮份量均等打邊爐又點少得蔬菜類，萵筍就最佳選擇，切得厚厚既萵筍配上濃濃既湯汁，清新可口中柳粒咬落牛味十分香濃，口感不錯，值得一試

餐廳環境雖然唔係好大，但位置間距同感覺都好舒服，冷氣夠，❤唔會一食辣就熱到成頭汗，最啱一班人聚會，食下野坐耐啲傾計。食物味道一流，樣樣都令人流哂口水，🙈🤤最重要個味十足，好出色。😘一開始仲有店員拎上醬油比人自己配搭左先，唔洗自己周圍走去拎醬油拎菜，集體貼同方便於一身。🤩🤩👍🏻重慶麻辣雞煲 -小辣❤辣度合適，我平時唔食得辣既都接受得到，雞肉新鮮，肉多好咬口，自家既醬汁加落雞煲到更加係更上一層樓，越食越好味。😎👍🏻我地叫左好多配菜，米好甜好推薦中意既一定要叫，響玲大舊，份量多，腐皮，生菜，蟹柳好滑口，芋絲,雪花美國肥牛等等，都好新鮮。不過魚皮餃個皮我就覺得偏厚，所以食落好重粉，會好飽，建議皮可以薄返小小。整體而言都好滿意。👍🏻竹庶茅根清清地，又冷涼唔會太甜，好好飲，我地一連叫左兩次，都好快飲完，仲想叫多幾次添。🤣🤣

好友介紹黎尼度打邊爐，因為可以一大班朋友熱熱鬧鬧一邊睇波一邊打邊爐，又坐得舒，所以我地一行幾人今晚就黎尼度食晚飯，行到門口見大大張海報介紹抵食又足料，應該不錯之選食物都有好多選擇，除左打邊爐，可以叫D餐前小食，一路睇波一路食又得，仲有刺身添！湯底都好多選擇，最後揀左個招牌花膠鯊魚骨膠原湯鍋，飲左幾啖湯已發現個咀有膠原黏黏嘅感覺，真材實料確實如其名，膠原湯鍋送一碗米通既飯粒，將膠原湯加入飯內，等一陣，就做出甘香美味脆卜卜嘅泡飯。先黎個自家脆響鈴，即叫即炸既響鈴不但香脆可口沒有油膩感覺，另浸一浸花膠湯，吸盡湯底既精華美味無盡。好耐冇食海鮮，一於每人一隻大連鮑魚，鮑魚大下大隻，肉質新鮮彈牙，不用點醬汁都感覺到鮮甜美味最後叫個鳯城水餃,水餃咬落口啖啖鮮蝦肉，蝦肉新鮮味帶鮮甜同蝦丸，蝦丸夠彈牙，咬落好有口感

星期天莫過於相約朋友一起吃晚飯，好友老公很喜歡打邊爐，於是就揀左尼間火鍋店$188招牌花膠鯊魚骨膠原湯鍋， 鍋內有大大隻雞腳，豬手同鯊魚骨，滾左二十分鐘後，湯漸漸變濃，滿滿的膠原蛋白精華溶在湯裡，急不及待立即渴碗湯，讓皮膚吸取下豐富的膠原蛋白另送一個甘香泡飯，脆卜卜的飯加入湯浸一會再食，更加好味蟹籽墨魚油炸鬼，炸得啡黃的油炸鬼，入口脆卜卜加上彈牙的墨魚滑和卜卜脆的蟹籽，不用浸湯也可口味美降霜手切肥牛粒，份量頗多，肥膏不多，但食落牛味濃郁門口魚缸有活海鮮，就叫$38一只的大連鮑魚試一下，鮑魚不算大隻但淥熟後也不會縮水，食落彈牙新鮮，手打鮮蝦丸，咬落有驚喜，內藏蝦肉，咬落增加口感鳯城水餃，皮薄足料自家脆響鈴，浸湯吃更滋味萵筍打邊爐就最適合不過，形狀切得有趣，吸埋湯的精華好味又健康

好友相約打邊爐，地點就喺方便就腳嘅旺角區，位置一點都唔難揾，遠遠已經見到門口的易拉架點左個招牌花膠鯊魚骨膠原湯鍋，鯊魚骨一點都不硬仲有種鬆化既特別口感再加上厚肉又滑溜溜花膠，以上兩種食材及煲到軟諗諗既豬手同雞腳，絕對係補充大量骨膠原必叫選擇。鍋巴既飯粒再加上湯底泡出來既甘香泡飯，吸收晒湯底所有精華而份外好食。蟹籽墨魚油炸鬼，油炸鬼炸得脆口而不油膩，再加上厚厚既墨魚滑，配脆卜卜既蟹子作為餐前小食又或且浸一浸湯底都非常美味。降霜手切肥牛粒，厚厚既牛肉粒，入口充滿油香，牛味勁濃厚，滾左好耐都仍然軟軟淋淋大連鮑魚，鮑魚新鮮味甜，入口軟滑而富有彈性，應該係新鮮鮑而不是急凍貨色。手打鮮蝦丸，蝦丸打得爽口彈牙入口沖滿新鮮蝦肉味。鳯城水餃,入口充滿鮮甜，蝦肉同豬肉比例恰度好處，食多一兩隻都不會又膩又濟既感覺。自家脆響鈴，響鈴不但炸得香脆可口，沒有油膩感萵筍，切得外觀厚身配上全晚湯底既精華美味係必食之選。

無懈可擊！食物超級新鮮！員工態度極親切！極殷勤！成日出去食都未試過食得咁開心，啲嘢食又唔貴，個湯底一流！有機會一定要去試吓！記得要訂位，因為好多回頭客，五星好評！重點推介牛肉層層碟鯊魚骨湯底醉雞子同朋友聚會一流，冷氣夠，坐得舒服！

早幾日朋友約食飯，又好似好耐無打邊爐咁⋯⋯於是，朋友話有人推介呢間，見地點又在旺角，都方便其他人，所以一於試下先！好在有訂位，時間到記可以入去就坐，見到成場都滿滿地，以為店鋪唔係好大，點知再有客人嚟時，就被帶到樓上就坐，原來上面都有其他位！侍應招呼都好熱情，不斷推介有咩好食又抵食，我突然見到有冰菜，唔係好多地方見到呢個菜，所以立即點了一份，好新鮮，朋友都好喜歡那口感！作地的湯底好味，真材實料地煲出來，每人先飲一碗才正式打邊爐！牛肉好出色！豬羊都不錯，是一個有誠意的小店，下次有機會一定要再嚟！

與朋友看完電影，朋友帶了我來旺角「喜鍋」打邊爐，驟眼看與普通火鍋店差不多，但是食物來到之後，卻令我眼前一亮。墨魚滑油炸鬼，做法很特別，油炸鬼表面炸得金黃，咬一口香脆，裏邊有彈牙的墨魚滑。花膠鯊魚骨膠原湯底，女士吃相信很養顏，附有脆卜卜的脆米，加湯一齊吃份外甘香，這種食法也是第一次。新鮮蟶子鮑魚，爽口彈牙又很鮮甜。還有脆肉魚腩片，非常爽口新鮮。另外水餃包得飽滿，有四款口味，尤其是爺孫餃由椰菜、酸菜包，口感酸甜爽脆。與朋友食宵夜的話，我想這個地方也是挺不錯的選擇。

今次經過朋友嘅介紹，黎到佐敦呢一間火鍋店，朋友推介必食嘅牛肉同埋海鮮湯底，個湯底一嚟到已經好正好多海鮮，湯底亦都10分足料，海鮮亦都好新鮮，然之後我哋仲order左牛肉，墨魚滑同埋蝦丸，呢啲火鍋配料，整體來講都好新鮮，而且地點又幾方便適合朋友聚會食飯，一大班人有傾有講，都係一個吾錯嘅地方，另外順帶一提可以試吓佢地嘅竹庶水，竹庶水好鮮甜亦都好足料，一邊打邊爐一邊飲竹庶水，呢個配搭都幾好㗎，大家不妨一試。

打邊爐條癮成日都發作... 一個星期可以起一次... 呢晚又番發，所以黎到喜鍋打番個靚邊爐呢張餐牌有d特別推介！ 我地都叫左個蟹籽墨魚油炸鬼！估佢唔到兩者又幾鬼夾～餐牌上面既選擇都好多～叫完個湯底店員就叫我地混醬呢個油炸鬼包住d墨魚真係好正！ 墨魚膠夠哂彈牙！ 湯底方面叫左藥膳醉雞，半隻雞係會另上避免整得過熟！呢方面抵讚！平時d餐廳都會放哂入去！個湯好有藥材味，食得出好足料！ 都撈到好多藥材出黎！叫左成份響鈴！夠哂大舊～浸一秒即刻拎上黎夠哂脆卜卜！正！仲有薯粉，牛柳粒同埋炸魚皮 見到都覺得正！牛柳粒好有牛味！魚皮都夠哂酥脆！仲有叫左丸同埋芝士獅子狗！但要小心d食！因為好足料d芝士爆哂漿！牛丸好有黑椒味！正！ 成餐飯都好滿足！

因為工作關係同同事食打甂爐呢呢間野一向與中材實料出名。所以同同事去食。就有關食物方面我覺得佢哋嘅醉雞藥膳雞煲,雞肉非常鮮嫩而且湯底十足。可以做到色香味俱全。而我，知道裏邊嘅中藥係好有十足材料。雖然有少少苦。苦口良藥。佢哋嘅牛柳粒炒到好有牛味，而且一班人食特別開心。我想暑假再同同事再食一次。其次佢哋嘅鮮炸魚皮非常出名而且好食。可以做到又脆又香又嫩又滑。外邊食唔到。環境非常方便地鐵站過來衹要三分鐘。😊

火鍋這種菜式還真是一年365天去也不會覺得厭的，不論是港式的火鍋、日式的涮涮鍋或是韓式的部隊鍋，同樣深受香港人的歡迎，夏天去吃其實絕對不成問題，因為有冷氣嘛。在網上尋找到一間人氣頗高的火鍋店，只是在油麻地，平常也不算常去，還好找路的時候也不算困難。食物的種類也沒有什麼特別，都是一般的港式火鍋材料，倒是湯底的種類頗多的，有十多種，一般的火鍋店多數只有數種。聽說這個蟹籽墨魚油炸鬼是必吃的，來到這裡當然就不忘點一份。油炸鬼本身其實是普通粥店也有的食物，只是這裡加入了墨魚和蟹籽，吃進口感覺又不錯，蟹籽的數量很多，墨魚爽口彈牙，另外油炸鬼的脆卜卜口感更受人歡迎。魚湯海鮮鍋裡面的材料也可以說是十分足料，有蝦、蟹、扇貝和一些菌類，蝦肉大大隻的，扇貝有點小，但兩種海鮮都鮮味非常，湯底把海鮮的精華全都吸收。頂級安格斯牛頸脊，牛肉基本上是每一間火鍋店都有的，然而不是每一間都有安格斯牛頸脊，看照片覺得不錯所以才點的。實際上味道還好，只是有點令我失望，條紋沒有想像中的漂亮和密集，脂肪部分也有點兒多，牛肉味就挺濃郁。響鈴是男朋友每次在火鍋店也點的食物，不知什麼原因他那麼喜歡吃響鈴，明明只是腐竹卷🤣這裡聲稱響鈴卷