喜鍋 海鮮‧火鍋‧小廚 (已結業)

今日同男朋友出開旺角，經過見到呢間海鮮火鍋，出面有個大魚缸，啲海鮮好似好新鮮好正，就決定入去試吓。呢度有十幾廿款湯底，我哋無選擇困難症都完全唔知點揀，望住個menu諗咗好耐😂好在店員好好，見我哋呆望住個menu咁耐，同我哋好詳細咁介紹，仲推介咗花膠鯊魚骨膠原湯底，一於試吓！湯底不算太濃味，飲落口香得嚟但唔會太鹹，而且入面好多料，有花膠、雞腳、豬手👍🏻呢個甘香泡飯係跟呢個鍋送的，唔好睇好似好細桶咁，我哋兩個人最後都食唔哂。啲飯好似飯焦咁，脆卜卜的，將啲飯啲撈落湯度浸一浸再食，啲飯索哂啲湯底味，而且仲係好脆，好味道。😋店員仲推介咗臘魚刺身同象拔蚌刺身，我哋怕食唔哂，所以就淨係叫咗呢個臘魚刺身。刺身係落完單後，先係魚缸攞條魚上嚟切片，唔會好似外面食刺身咁一陣雪味。淨返嘅魚身可以選擇椒鹽或者切件滾湯，我哋就選擇咗切件放落湯度，等個湯再濃啲。😋😋😋鮑魚兩隻，店員好好咁提我哋淥兩分鐘就食得，時間啱啱好，新鮮好味。蟹子蝦滑，勁多蟹子啊😍😍😍抵食水魷、萵筍啲配料好大碟，兩個人差啲食唔哂，值得讚下嘅水魷，每一塊水魷都好大塊好厚，又夠爽口。店員仲有推介咗象拔蚌刺身同牛魔王塔，但因為對於兩個人來講份量會太多

今日好耐冇見嘅朋友搵我食飯，原本想食雞煲，所以早早就決定喺佢附近試下呢間。但係出到嚟，佢話太熱氣，所以普通打邊爐就好了。佢唔可以食辣，所以就嗌左個鴛鴦鍋，最基本嘅沙嗲拼皮蛋。個沙嗲一上已經聞到好香，而個皮蛋湯底都好清甜，所以食到最後淥菜淥烏冬都超甜。嗌左個細嘅本地手切牛肉，因為手切關係，厚薄不一。老闆貼心提醒我地唔好淥太耐，因係本地牛，太耐會老。另外嗌左個白鱔片，佢個魚肉好新鮮，好好味。丸類就嗌左個手打五寶丸，包括係牛肉，鯪魚，蝦，墨魚同豬肉。佢個蝦丸同墨魚丸都係好彈牙，而個牛肉就加左陳皮，至於豬肉就加左梅菜，所以好香。另外我覺得最正嘅係呢個魷魚鬚，細個屋企整魷魚，鬚鬚都係得幾條，但呢度竟然係成碟俾你食。朋友話想食豆腐，所以都嗌宜個豆腐，好滑，吸完湯都好好味。而打邊爐就緊係唔少得萵筍啦，爽甜好食。老闆嚟介紹嘅時候有提到佢地啲酸梅湯同竹蔗茅根都係自己煲嘅，所以我地都嗌左個竹蔗茅根嚟試下，又真為好足料又唔會太甜。小食我地嗌左個蒜香木耳青瓜，但係太酸，蒜太少，如果可以唔好咁酸就好啦。其實佢門口位置係有魚缸，但因為朋友唔太食海鮮所以冇機會試。下次等我捉個生日嘅朋友嚟食先，可以九折食新鮮海鮮。

天氣開始轉涼了，又係時候想打邊爐， 之前仔仔愛去吉野家食，但我就麻麻地呢d 快餐店邊爐，今晚決定食下小店的打邊爐，我們來到旺角的喜煱。座低後，侍應好快手就同我地講 like and share facebook 就會送小食，咁我緊係即做啦!佢地送左碟拍青瓜比我地，唔洗講呢碟又係比仔仔一人食哂了， 另外佢又問我地係咪11月生日，我話唔係呀！原來佢地做緊優惠， 當月生日惠顧堂食9折呀！今餐全部由仔仔話事，佢話想食沙嗲湯底，豬粉腸，鴨血，唐生茶，生根，出前一丁 ，小食叫左日式胡麻醬冰菜。 第一次食冰菜的仔仔比佢的胡麻醬和冰菜的爽脆吸引左，叫我下次係屋企要整一大碗比佢。豬粉腸都新鮮，另外鴨血睇得出唔係普通貨式，食落好 煙韌唔會一夾就散， 呢間店每樣咁大大碟，搞到我地唔可以叫多幾樣野食，因食唔哂會浪費，下次都係約多幾個人再來食先得。

天氣開始涼涼地，最啱梗係打邊爐。今日就搵埋同事收工去旺角滾一滾。坐低咗好肚餓，先嗌個蟹籽墨魚油炸鬼食住先。一件都幾大舊，咬落香脆，點埋甜辣醬幾好味。湯底揀咗藥膳醉雞鍋，叫咗半隻雞但份量都幾多。雞肉好嫩滑，酒味幾香濃。湯底藥材味比較淡，唔太食到味。點咗份降霜手切肥牛粒，花紋均勻，食落好肥美油脂感重。順德魚腐外表望落軟腍腍，但咬落都幾彈牙。四寶餃每款都有兩粒，皮薄餡靚好味。手打鮮蝦丸有六粒，爽口彈牙幾足料。

旺角打邊爐有好多選擇，朋友介紹話呢一間啲嘢食唔錯，天氣涼涼就諗住去試吓，點知真係有驚喜如果唔講啲食物，我覺得最驚喜嘅係啲服務，店員全部都好有禮貌，好殷勤好客，好好招呼但唔係個種好hard sell既，只係比較少見火鍋店既男人咁溫柔XD講返野食，我地叫左個沙嗲鍋，好濃味，正我地仲叫左響鈴、魚皮餃、雜菜拼盤，仲有兩個值得一提既就係蟹籽墨魚油炸鬼！個個係熱食黎，真心好好味，好香脆，又有墨魚味另外，芝士墨魚丸都好正，好大粒，一咬會流出芝士，芝士控一定要試😍😍😍

最近天氣開始轉涼，咁天氣凍，最適合就梗係打邊爐啦！用OpenRice search下附近有咩好食先，見到上海街呢間咁多好評，一於試吓你先！餐廳價錢都算幾大眾化，我哋叫咗個醉雞鍋，有半隻雞，都只係$148，個湯底一睇顏色就知道用料十足，好香藥膳味！等水滾嘅時間，我哋食咗個小食，蟹子墨魚油炸鬼，油炸鬼上面加咗墨魚滑，配埋一粒粒蟹子，非常開胃，又幾有新意喎！我哋仲叫咗至尊手切本地牛頸脊，蟹子丸，秘製芝士墨魚丸，皇帝菜同唧唧墨魚汁麵。其中兩個我最深刻嘅就係手切牛頸脊同墨魚汁麵，手切牛頸脊睇相都知道非常新鮮，食落有咬口同好重牛味，誠意推介！至於墨魚汁麵就非常驚喜，係鋪頭自家製嘅，唧出嚟嗰陣已見到每一條麵條都好多一嚿嚿嘅墨魚肉，用料夠晒足！同平時食嗰啲魚麵痛，依個食落去真係好似食緊一啖淡嘅墨魚丸咁，非常彈牙又有咬口！最重點係只係$58，真係想encore多個打包返屋企做早餐！另外仲見到餐廳做緊優惠，原來當月生日會打九折，等下個月再同好友一齊嚟食多次先！

旺角朗豪坊至油麻地條後街其實真係有唔少隱世小店，今晚行行吓，無心插柳，突然想食火鍋，就入左呢間餐廳。地方雖小，五臟俱全。座位唔算多，但都算舒服。店員笑容親切，一嚟到就好細心介紹有乜好食。見到d魚幾新鮮，份量都好大，不過我哋兩個人，所以無點到。點左胡椒濃湯豬骨煲。個煲好大，材料十足，店員建議先飲湯，胡椒味濃郁，豬骨都好大舊，幾辣口，好正😍頂級安格斯牛頸脊（細份）估唔到份量都幾多，兩個人啱啱好，唔使爭。牛頸脊都幾新鮮，牛味幾重，必點！自家脆響鈴。真心好食，好鬆脆香口😍一啲都唔油膩，又一必點配菜！脆鯇片。呢度既海鮮幾出色，連個脆鯇片都唔錯，食落爽口，幾新鮮。竹庶馬蹄茅根。成餐幾小清泉，好清新，不過略為甜左少少。

約咗友人放工行旺角，行行吓想打邊爐，見呢間幾乾淨又有人氣就試試。揀咗花雕醉雞鍋，兩個人食半隻雞剛剛好，雞肉幾嫩滑，如果酒味再濃啲仲正！由於好肚餓，就即刻點咗個現炸蟹籽墨魚油炸鬼。好香脆，墨魚彈牙，蟹籽爽脆，口感有層次。四寶餃 - 有雲吞、水餃、韮菜餃同椰酸餃，最鍾意韮菜餃，夠哂濃味。雲吞都唔錯，蝦好爽彈。降霜手切牛肉粒 - 好厚身，要煮耐啲。牛味好濃，要share食，唔係好快膩。順德魚腐 - 大大粒，好飽肚。手打鮮蝦丸 - 食到蝦肉，真材實料。如果彈牙啲仲正！

之前同朋友黎過打邊爐，覺得相當唔錯，尤其係上次個花膠鯊魚骨膠原鍋，😍所以今次就試下傳統野—胡椒濃湯豬骨煲（$168），雖然豬骨煲感覺好傳統好平凡，不過好多時店家只專注於特色湯底，而忽略最基本的，不過呢到嘅豬骨煲材料十足，有好多豬骨，仲有好多配料如紅蘿蔔、粟米～湯頭飲落有香濃嘅胡椒香，微辣惹味！😌頂級安格斯牛頸脊（小）（$208）細份兩個人食就啱啱好！牛肉油花均勻，肉香細嫩，又不失嚼勁，唔需要點醬汁，已經好正！😋四寶餃（$68）有鮮蝦雲吞、鳳城水餃、爺孫餃、韮菜餃，餃子自家製，皮薄餡靚，價錢便宜，性價比高！其中最鐘意韮菜餃，豬肉同韮菜比例剛好，鹹香惹味～唐生菜（$28）份量合理，新鮮爽脆。

今日落大雨， 冇乜地方好行~~唯有約下朋友仔去食嘢啦！！系出邊俾佢個poster吸引住左， 一於入去試一試花膠鯊魚骨湯底， 入面都好多料下~ 豬手， 雞腳，花膠...真係好豐富！仲有佢呢度火鍋配料都係自己畢~ 自己配搭自己鍾意嘅味道！豬腰，呢個好爽脆！ ！ 淥一陣等佢縮起就食得 原來打邊爐食呢個都係一個唔錯嘅選擇~仲有啲丸當然唔少得啦!! 手打牛丸， 一咬落去好多汁彈出嚟~~ yummy 打邊爐菜都係必備㗎， 冬瓜我就最鍾意啦！有一個好嘅湯底，當然要冬瓜去吸晒啲味！ 正啊⋯⋯加多寶， 喺香港真係好少見！ 為咗清熱當然要飲番支啦！

最近入秋開始涼涼地， 最啱打個暖笠笠邊爐啦！😏 之前曾經黎過旺角嘅「喜鍋 海鮮‧火鍋‧小廚 」， 覺得佢嘅火鍋湯底做得相當有水準，貨真價實， 火鍋配料都相當不錯， 同小妹去開旺角買野， 就再黎回味下啦！😌 火鍋店內裏裝潢雖然似普通嘅茶餐廳， 不過其實呢到麻雀雖小，但五臟俱全， 門外嘅水缸最能呈現呢到係有好多海鮮賣，😂 坐我地隔離嘅隔壁家仲食緊象拔蚌刺身，好正呀！😯 火鍋湯底選擇有18款之多， 上次食過花膠鯊魚骨膠原鍋， 今次就試下其他啦！😂 打邊爐先混個醬～ 基本嘅醬料：生蒜、炸蒜、香蔥、芫茜、辣椒🌶️、辣椒油、麻醬。 ⭐️推薦❗️胡椒濃湯豬骨煲（$168） 可能係小編打邊爐食過最濃嘅胡椒豬骨煲！😋 好多豬骨，而且仲有d軟腍入味嘅豬肉， 胡椒味香濃惹味！ 有好多吸湯紅蘿蔔、粟米、蘿蔔作配料～ 小編打邊爐建議落配料打邊爐之前， 飲多幾啖湯先！ ⭐️推薦❗️頂級安格斯牛頸脊（小）（$208） 比上次黎貴左$40，升幅還可以接受吧。 細份大概有18塊左右，兩個人食都算啱啱好！ 牛肉油花分佈均勻，只需涮一涮，涮至變色即可

秋風起想打邊爐。所以今晚約左四位好友打邊爐, 佢地話想食d特別d既湯底, 唔想太肥膩, 清清地, 健康既比較好! ！立即想起之前途經油麻地時，企係佢地門口前 睇過下佢地既餐牌，當時冇時間食呢間火鍋專門店, 當中有個招牌花膠鯊魚骨膠原湯鍋, 所以今日就一於去會一會呢間野。 湯底到左員工細心地講解點樣食。, 唔係講笑 ，湯底一D都唔油，膠質一流, 先飲一啖, 第一個感覺係”很有家的味道”, 同平時係屋企煲既花膠湯差不多味道, 很膠質 😁😁😁 再撈下個湯底中發現有大量既花膠、鯊魚軟骨、雞腳同埋豬手, 夠哂足料!!!而附送既甘香泡飯, 非常乾身, 似飯焦咁, 脆卜卜。靚湯加甘香泡飯 一個字講哂 好食。 賣相新鮮再加點綠色點綴，每塊牛厚薄均一, 有一定既厚度, 肥肉位，可以提升口感。 加上肉質鮮嫩, 真想黎多碟。食完牛肉，緊係要食埋豬肉啦。豬肉厚，但淥完之後 唔會 話咬唔爛。 肥肉位 夠哂香。手打芝心牛丸，我一咬爆到我成口芝士，大滿足。 香菇貢丸，又幾香菇味。厚切牛餐肉 新鮮豬腰 新鮮冬瓜 手打彈牙墨魚丸最後我想講多句，你地食一次就會回頭，真係正啊！！

呢排天氣又凍翻啲，所以梗係打返個邊爐暖下個身la，今日我哋揀咗位於油麻地同旺角交界嘅喜鍋價錢唔算貴，聽講質素仲好好。既然朋友咁樣講，當然要試真下佢啦！先想過湯底，今日我哋揀咗個鯊魚骨花膠骨膠原湯底，聽講呢個湯底滿滿都係骨膠原，仲有好多嘅花膠。再加埋個甘香泡飯，有啲似以前啲軍糧，加埋熱辣辣嘅鯊魚骨湯底，鮮味十足，仲好有口感當然打邊爐都係唔少得嘅就係肥牛啦，呢一碟嚟自美國嘅高級肥牛，肉質超級鮮嫩。只需要輕輕6幾秒已經食得。再加埋碟黑豚肉，墊墊個胃先~呢間野仲有一樣野好特別嘅係佢哋有一個叫做芝士牛肉丸嘅東東，喺手打牛肉丸入邊加上芝士，咁食嗰陣芝士就會喺口入邊爆開。好有爆漿牛丸嘅感覺

玩完op既哈佬喂已經12點幾唔知有咩食諗起呢間火鍋開到半夜3點朋友們又有興趣於是就搭車黎食我地點左個花膠鯊魚骨膠原鍋奶白色嘅湯底配上爽口嘅鯊魚骨同埋嫩滑的花膠正D湯可以直接就咁飲配上送嘅鍋巴食都一流⭐️⭐️⭐️⭐️⭐️（5⭐️為滿分）醬料有6款($13/位)食火鍋來講都相當夠蟹籽墨魚油炸鬼脆卜卜嘅油炸鬼上面加上墨魚滑同埋蟹籽口感豐富又脆又軟滑⭐️⭐️⭐️⭐️⭐️頂級安格斯牛頸脊油脂分布均勻而且唔會切得太薄影響口感即使煮到熟曬都唔會韌⭐️⭐️⭐️⭐️⭐️超甜粟米&油麥菜不過不失冇乜特別超甜粟米唔係真係超甜⭐️⭐️⭐️鮮淮山個人真係特別鍾意食淮山建議只煮1分30秒咁樣嘅淮山非常爽脆但係又唔會怕太生食完會痕⭐️⭐️⭐️⭐️⭐️自家脆響鈴上枱嘅時候仲係熱辣辣出緊煙配上奶白色嘅骨膠原湯底食真係相當唔錯⭐️⭐️⭐️⭐️⭐️最後係壓軸嘅象拔蚌刺身店員同我地講話$788嘅時候我哋本身都唔期望係加拿大蚌所以對佢嘅要求都冇咁高但係上黎之後啲肉食落口有啲腥係唔新鮮嗰隻腥本身自己都經常食海鮮所以分得好清楚而佢個膽嘅附近個心都仲係結冰嘅所以呢一度係非常之失望⭐️總括嚟講其實呢間野我哋都食過幾次除咗個象拔蚌刺身其他都OK鍾意食火鍋嘅朋友可以嚟一試

前幾天走過油麻地某條街道，被這個大大的養魚水缸（裏的海鮮）吸引了！由於本人非常愛吃海鮮，所以就決定在這解決晚餐啦～兩個小女生吃不了什麼，我們就點了一個海鮮鍋，一份娃娃菜，一份秀珍菇，響鈴，一碟牛肉和一個前菜。整個海鮮鍋的了非常足，本身已經有幾隻大蝦，蟹，元貝，應有盡有！滿足了我想吃海鮮的心，這個價錢真的太划算了！把全部食物吃光之後，記得要飲湯啊！湯吸收了海鮮的精華，十分鮮甜。而這裡最特別的地方是，連蔬菜也會嚐得出他的新鮮度。第一次嚐到質地這麼爽脆的雲耳！菇類還帶有草青的味道，感覺像剛採摘就煮來吃的感覺。前菜我們叫了老闆推薦的油炸鬼釀墨魚，十分香口，裏面的墨魚十分彈牙，不會有加了很多麵粉的感覺，前菜推介大家嚐嚐～老闆人特別熱情，他會留意到客人煮海鮮的時間，主動走去幫忙調較火勢～服務不錯食物不錯，怪不得上班天的晚上，整店也都坐滿人～對了，海鮮鍋裏已經有秀珍菇了，大家可以留肚嚐嚐別的菜啊！生日來的話也有優惠，下次也要約多一點朋友一起來，試試其他配料！