喜鍋 海鮮‧火鍋‧小廚 (已結業)

夏天一邊開冷氣一邊打邊爐，如同冬天開暖氣食雪糕一樣。最近去左油麻地【喜鍋】打邊爐，外面放左魚缸，主打海鮮同海鮮湯底。不過我自己就唔係好食海鮮，所以叫左鴛鴦鍋、麻辣同芫茜皮蛋湯，裏面本身都有少少料，麻辣湯底有豬血同豬皮。麻辣湯底非常香，唔係得個辣字。醬料入面辣椒油非常特別香口！餐前小食：墨魚油炸鬼溫熱香脆油炸鬼加上爽口彈牙墨魚滑，好特別、好開胃！火鍋食材包括：響鈴、炸魚皮、美國雪花肥牛、魚腐、鳳城水餃、魷魚鬚、蔬菜拼盤、爆漿芝士墨魚丸同烏冬。響鈴同炸魚皮完全無油溢味、炸魚皮分量好多，呢兩樣都非常吸湯、放入麻辣湯底就岩啦！魷魚鬚非常新鮮爽脆。其他都係中規中矩既食材，不過爆漿芝士墨魚丸真係好正！墨魚丸非常爽口彈牙，一D腥味都無，芝士都好多~😋 😋整體都好好食、食材都好新鮮，不過人均就高左少少啦。