喜鍋 海鮮‧火鍋‧小廚 (已結業)

近掛肺炎都好址少出街食野，今晚要出去油麻地買野就同老婆順便食埋番屋企！呢間火鍋店你油麻地地鐵間離，旺中帶靜！入到鋪頭老板安排位置比我地，入到鋪頭立即比滾水我地再清潔餐具，伙計仲帶KF-94口罩，有料！我地叫左幾樣野食，重點！！！1: 牛，必叫。本地牛，有牛味同夠厚有咬口。2: 墨魚滑。小心芝士爆出黎，我一咬就噴到我老婆塊面！3: 湯底：我地叫左花膠鯊魚骨湯底，起碼十舊花膠，呢個湯底唔會搞到煲野好油，要試。伙計待人有禮，好少可成間鋪頭都咁有禮貌，所有野食都好新鮮，去油麻地絕對要試！

今日去開旺角要整啲嘢，之後就約咗男朋友食飯，咁佢話想打邊爐，之後我就經過見到呢一間打邊爐嘅餐廳。見佢都幾抵食就所以試吓啦。見到全部職員都戴晒口罩，好衛生啊，而且一開始又會俾啲熱水你洗啲餐具做足晒。講下啲食物先，我哋食咗老闆推介嘅鯊魚骨花膠湯底，裏面有好多隻花膠，而且一開頭你可以當湯咁飲，我哋都飲咗好多碗先開始打邊爐。配料方面，我哋叫咗個手切牛，牛嘅質素好高好快就清晒成碟。另外再嗌左個芝士墨魚丸，一上枱見到得四粒咁少嘅，但係原來其實每粒都好勁大粒，食到好飽。仲叫左啲菜同埋萵筍，份量都好夠。另外再加上呢度嘅職員個個都好有禮貌，所以我哋都食得好開心。

天氣凍凍地, 最啱就係烚下烚下，朋友介紹我去咗旺角上海街嘅喜鍋打邊爐，話選擇豐富，用料新鮮，價錢唔貴。我哋一行三人嚟到，店員服務殷勤，熱情咁介紹海鮮，同埋店舖嘅招牌菜。聽到她說店舖最出名係花膠鯊魚骨膠原鍋，我哋三個女士梗係聽到就想補一補骨膠原。配料方面，叫咗美國雪花肥牛，蔬菜拼盤，脆骨腩，有魚有肉有菜，呢餐夠曬健康，營養均衡。個花膠煲用料好足，超多花膠，仲有豬手，雞腳，鯊魚骨，呢啲膠質食物，食完即刻靚咗😂肥牛都唔錯，雪花紋理夠靚，牛味濃。脆骨腩新鮮，食落去脆卜卜咁，美味😋

疫情在港持續，但依然想和女友去打邊爐，不過要揾一間令人放心的餐廳也不容易，這家位於旺角的火煱店，人流未算太多，環境相算舒適，而且員工都有帶上口罩，一於就入內用餐。湯底有多款可供選擇，我們選了花膠鯊魚骨膠原鍋，另外還有魚鍋海鮮鍋和海皇雞煲，看來也相當吸引。花膠鯊魚骨膠原鍋 ($208)大量雞腳豬首花膠就在湯底，湯底又香又清甜，跟鍋還有香泡飯桶，被弄至乾身的飯，配合湯底，好味！花膠既養生又咬口，正！雪花美國肥牛 ($128) / 日本黑豚肉 ($128)肥肉配合火煱，本身就是上佳的配搭，提供入囗即融的口感。配合有雞香的湯底可謂一絕。另外有一些配料，不一一詳述了，揀些特別的分享一下。蟹籽墨魚滑($68) 蟹籽蝦滑($68)女友很喜歡魚滑，所以點了兩款魚滑，遠較想像中大份，除此之外，還十分足料，蟹籽多的是，而且有嚼勁！湯底質素非常好，食品各有特色，應有盡有，而且感覺舒適，另外於生日月份惠顧，可獲九折優惠，感覺實在不錯，值得推介。

好耐冇打邊爐，突然又想去，上網做下功課，就決定來到上海街嘅喜鍋。 餐廳唔算大，但係就幾有人情味，服務員幾有禮貌。 一行3人坐卡位，都算舒服。大家都係女士嘅關係，一致通過點咗花膠鯊魚骨膠原鍋，對女士好好，可以滋補養顏。 飲品就叫咗清熱解毒嘅竹蔗茅根，好好飲呀，好甘甜嘅味道，飲品好足料。未打邊爐之前，先飲一碗湯，濃濃嘅膠質，因為裏面除咗花膠，仲有雞腳，豬手，鯊魚骨。雪花肥牛顏色夠靚，肉質嫩滑，忍唔住口食多幾塊。脆骨腩新鮮，脆卜卜好食。蔬菜拼盤有菜心，白菜同生菜，食埋就飽飽喇。 呢度有生日優惠，下次有朋友生日再嚟先💗💕

今日黎到呢一間餐廳打邊爐，之前朋友麵黎過呢到食話幾好。咁今之咁啱路過又肚餓緊係要試下啦。我叫左一個鯊魚花膠鍋 加左聖子同埋元貝 ，咁個聖子先啦朋友叫我一定要叫。果然冇介紹錯 聖子好新鮮又大又爽 勁好食 。之後到個元貝 都夠大隻可能食完個聖子，個元貝覺得正正常常其他配菜方面我地叫左安格斯牛，自家製響鈴，松葉蟹柳，皇帝菜同埋個墨魚油炸鬼咁入面最好食我緊係覺得係安格斯牛啦 佢牛味香 同埋又厚切最啱我胃口 仲有一個就係墨魚油炸鬼 佢脆卜卜 加埋個墨魚非常香口 好有趣。👍另外佢個竹庶茅根都好足料好好飲一定要叫埋喔

招牌花膠鯊魚骨膠原鍋🍲招牌花膠鯊魚骨膠原湯鍋，佢大大鍋花膠鯊魚骨湯 足料👍🏻店員建議我哋先飲一碗湯，又真係好好飲，加上仲送埋甘香泡飯 🍚甘香泡飯浸一浸湯吃好滿足👍🏻好鮮甜美味是日海鮮：聖子皇+大元貝，超鮮甜肉爽既大聖子幾秒就離殼，鮮甜到想再encore 😋鬼馬蟹籽墨魚油炸鬼，即叫即炸油炸鬼好脆，墨魚滑好鮮甜，加上泰式甜酸醬，滋味呀！頂級安格斯牛頸脊🐄牛👍🏻，幾秒就熟👍🏻自家脆響鈴，即叫即炸口感極脆，無得彈松葉蟹柳鮮鮮滑時令時蔬：皇帝菜，鮮香👍🏻竹庶茅根馬蹄：係自家製唔會太甜，足料喎清潤下火之選

 日式任食講究款多港式火鍋精要在於湯底,食材鮮這一間喜鍋 海鮮‧火鍋‧小廚係近期食過最好的一間有多款湯底,特式鍋選擇要滋補有,要雞煲都有! 兩個人來吃,一樣比四人卡位！唔洗食得迫！每位收１３蚊醬油費有６種新鮮醬料自選配搭！ 貴在新鮮！辣椒都好勁辣！醉雞鍋放滿藥材，半隻雞都份量超多！ 補益之餘，唔油膩！雞、參、紅棗夠補！放食材煮返十分鐘先！先食雞肉，仍有淡淡酒香，肉多而嫩！ 手工雲吞，一客六隻皮夠薄，蝦夠彈牙食完仲可以飲返碗雞湯，全身都暖和～仲有生日優惠推廣，訂位之前記得問～旺角上海街428號地舖G/F, 428 Shanghai Street, Mong Kok港鐵油麻地站 A1 出口, 步行約3分鐘

同兩個朋友嚟旺角行完街，搵到呢間火鍋店好似唔錯，所以一於試吓。⭐️海鮮鍋十分足料，有蝦、蟹、扇貝、蜆同菇蔬，海鮮都幾新鮮，特別想讚蝦真係好大隻，而且蝦肉彈牙。⭐️蟹籽墨魚油炸鬼必食之選，呢個小食真係有驚喜，估唔到油炸鬼同墨魚滑咁夾，一啖入邊有兩個口感，好得意。⭐️頂級安格斯牛頸脊雪花紋理清晰，油脂分布均勻，厚身有咬口，牛肉味濃郁。⭐️自家脆響鈴幾大份，厚身，夠脆，而且無油膉味，放落湯底5秒即刻吸晒海鮮鍋嘅精華。⭐️手打五寶丸有墨魚丸，蝦丸，鯪魚丸，牛肉丸，豬肉丸。蝦丸質感結實彈牙，牛肉丸好似平時去酒樓飲茶嗰啲牛肉球咁，食到有啲陳皮，豬肉丸幾得意，好似食緊梅菜豬肉咁。⭐️魚皮餃魚皮餃晶瑩剔透，粒粒都脹卜卜，個皮彈牙又煙韌。⭐️蔬菜拼盤有生菜、菜心苗和白菜仔，全部都新鮮翠綠。Overall 來講嘢食質素真係好高質，而且店員好有禮貌，同埋好細心，主動幫我地換碟，嘢飲飲完又會主動問我地要唔要水。重點係佢哋唔係播viutv not tvb!💛

之前已經聽過人哋話呢間打邊爐好正～今日入面都坐滿人，不過只係等咗5分鐘就入得～一入到去見到播緊嘅係ViuTV新聞台，即刻加分我哋見到打卡可以送小食，咁梗係唔執輸即刻打卡啦！然後我哋獲得呢一碟食到我哇哇聲嘅日式胡麻醬冰菜！！我從來未食過冰菜，見到佢上面有一粒粒晶瑩嘅水珠仲以為係假嘢嚟～奶奶話我唔識嘢呀～呢款菜好爽脆架！加埋胡麻醬真係超級無敵勁好食呀！跟手我哋又點咗個小菜攝吓牙Lah先，呢個蟹籽墨魚油炸鬼又係我從未食過嘅菜式嚟～上面鋪滿晒蟹籽粒，墨魚滑香濃又超彈牙，再用炸到脆卜卜但又唔硬嘅油炸鬼包住，一啖就三種層次，好食到癲！！！！勁想叫多一客，但我老公好理性咁Stop咗我～係，我哋仲有個海鮮鍋未食呢個海鮮鍋用魚湯打底，就咁飲啲湯都覺得好鮮甜，仲要有大大隻蟹同其實海鮮、配料，正到不行。全部海鮮都大大隻勁新鮮，成個鍋都變得好滋味。哇～睇吓啲安格斯牛頸脊啲色水幾靚幾新鮮～老公見到即時大讚啲牛好靚！我哋通常淥牛肉都係淥到佢一變色就夾，咁就可以保持牛肉嘅鮮嫩口感，呢隻牛頸脊淥完之後口感極佳，香濃嘅牛肉味淺透喺唇齒間，必點！最尾再淥埋啲唐生菜，索晒啲魚湯，同時又可以幫助消化～Perfect！出到門口

經朋友介紹決定去試下依間火鍋 8點入去都仲有位吾洗等~ 首先緊係要叫個招牌菜-蟹子墨魚油炸鬼試下 因爲出面無見過 食落好脆好香口好惹味！！大愛不過係熱氣 所以叫左竹庶馬蹄茅根清熱降火 好足料而且甜度岩岩好 打便爐必叫火鍋湯底都想清熱 於是就揀左鮮果椰青鷄鍋 湯底好特別竟然有蘋果同火龍果！！椰子味都好重 仲越煲越香 裏面d鷄亦好滑配料方面特別推介芝士竹輪 絕對係我食過最出色既 好軟而且芝士非常流心入口即溶 同出面完全吾同 另外松葉蟹柳都好好食好新鮮彈口總括黎講食物質素好 黎得快而且冇miss 真係吾錯! 善意提醒記得要飲返幾碗椰子湯，真係不得了！

今晚又打邊爐啦😆我覺得餐廳第一要乾淨，第二係要服務好，乾淨既餐廳食物都唔會差得去邊😁最緊要衛生做得好！呢間餐廳做到哂啦，有啲餐廳真係三催四請先有人來，上菜又快，會自動自覺問你要唔要加湯👍🏻今次揀嘅呢間係散叫，今晚就叫左個湯底係藥膳醉雞鍋，啲雞上枱都好靚仔，食落去都完全無雪味，係新鮮雞，啲肉好爽，唔會一petpet咁，啲湯底都唔話咸，好香藥材味 唔錯👍🏻叫左個雪花美國肥牛，塊塊都厚薄岩岩好，好重牛味，肥瘦平均，最緊要唔會食到成口油！個松葉蟹柳都想推介下，岩哂平時中意食蟹柳既朋友，好QQ同好有蟹味😋！另外仲叫左份個生菜，中和下食左太多肉既油膩感，份量足之餘真係洗得好乾淨！

因為朋友同我都住得遠，揀咗比較中間少少嘅地方-旺角搵食，一開始對食咩都冇咩idea，系見天氣比較涼轉凍，就粗粗地不如去打邊爐啦，咁樣就發現咗呢間食店湯底：招牌花膠鯊魚骨膠原湯鍋（配泡飯）✍🏻去邊都一樣，打邊爐最緊要系湯底，系淥嘢食之前我地試嘅湯底系清甜嘅味道，時間長咗咗淥完嘢食後嘅湯系鮮甜嘅味道，而且湯底仲非常膠原「粘」嘅感覺，累我飲到成肚湯不知幾咁正🤩👉🏻蟹籽墨魚油炸鬼第一次遇到咁嘅配，不得不讚賞佢配搭嘅心機，味道出奇地夾，蟹籽粒都唔少系口到卜卜卜，有新鮮感嘅新式油炸鬼👉🏻日式胡麻冰菜呢款胡麻冰菜只需要facebook share佢哋嘅生日折扣優惠再like埋佢哋主頁後就可以送呢味小食，清涼嘅冰菜配搭胡麻醬系最好味，店員都話呢味冰菜系季節菜，呢個時間食系最適合不過👉🏻雪花美國肥牛雪花❄️分別得好靚，夾起時都冇雪硬咗嘅感覺，肉質入口有少少🤏溶，最緊要嘅系牛有牛味，試過出面食牛雪到冇晒牛肉味嘅人，就會明牛味系有幾重要👉🏻鮮雞件雞肉吸咗個湯底之後，食落就好似湯料一部分咁，重點系非常之嫩滑，邊飲湯邊食效果系最好👉🏻鮮肥鵝腸呢個真系名如其名，啱晒唔肥唔食嘅我，鵝腸帶嘅脂肪十分之多，香膩感更強，如

朋友生日，適逢喜鍋4週年，壽星每枱可享9折！一來到小店，店員好熱情介紹招牌菜式。我地揀左魚湯海鮮🦞火鍋（$228） 湯底。火鍋好多料，大蝦，帆立貝，蜆，蟹等等。等湯底滾之際，叫左椒鹽魷魚鬚🦑（$48）同招牌蟹籽油炸鬼（$48）。like Facebook 仲有冰菜送添😬 蟹籽油炸鬼脆卜卜，入面仲有墨魚肉，都幾好食。$19一枝大啤酒🍻打邊爐必點！如果5飲酒，竹蔗茅根水都好清熱，5會太甜。桶蠔（$168）隻隻都好肥美😋。牛坑腩（$108）好焾，豬膶（$48）勝在份量多，性價比高。手打五寶丸（$88）🍡勝在新鮮，5會用急凍食物。

天氣涷最好同朋友一齊打邊爐。今晚就同朋友一齊去咗旺角檔火鍋店打邊爐。🍲我哋叫咗個招牌魚湯海鮮鍋湯底🐟，夠哂鮮甜入味同足料，入面有蜆、扇貝、蟹🦀同菇，之後就叫咗各類餸菜，有椒鹽魷魚鬚、蟹籽墨魚油炸鬼、牛坑腩、桶蠔、豬潤、肥牛、鴨紅、牛筋丸等。咁多樣餸菜入面，我最鐘意係佢嘅蟹籽墨魚油炸鬼，賣相吸引之餘又惹味可口，配以竹庶馬蹄茅根同啤酒🍻可謂最佳配搭。另外，佢嘅沙薑豬手都值得一試，燜得夠哂入味。間火鍋店近油麻地地鐵站🚈，下次出旺角一定會番黎食多次！😋