喜鍋 海鮮‧火鍋‧小廚 (已結業)

天氣涷最好同朋友一齊打邊爐。今晚就同朋友一齊去咗旺角檔火鍋店打邊爐。🍲我哋叫咗個招牌魚湯海鮮鍋湯底🐟，夠哂鮮甜入味同足料，入面有蜆、扇貝、蟹🦀同菇，之後就叫咗各類餸菜，有椒鹽魷魚鬚、蟹籽墨魚油炸鬼、牛坑腩、桶蠔、豬潤、肥牛、鴨紅、牛筋丸等。咁多樣餸菜入面，我最鐘意係佢嘅蟹籽墨魚油炸鬼，賣相吸引之餘又惹味可口，配以竹庶馬蹄茅根同啤酒🍻可謂最佳配搭。另外，佢嘅沙薑豬手都值得一試，燜得夠哂入味。間火鍋店近油麻地地鐵站🚈，下次出旺角一定會番黎食多次！😋