喜鍋 海鮮‧火鍋‧小廚 (已結業)

同朋友啱啱好四個（唔多唔少！）想打邊爐，又唔想去嗰啲任食火鍋食撐大個胃，就黎到呢一間試試新野「招牌花膠鯊魚骨膠原湯鍋」一嚟到就叫咗個湯底先，果然名不虛傳，有好多花膠同鯊魚骨，越煲越入味，而加湯嘅時候，都唔會淨係加水，值得讚賞👍🏻「蟹子墨魚油炸鬼」一上菜時熱辣辣，即刻放入口，唔會太油，蟹子好有口感，而墨魚都好香，呢個小食值得一試！「甘香泡飯」叫湯底時送嘅，加少少湯落去，就變成一個非常脆口嘅飯，好有咬勁「冰菜」超鐘意佢卜卜脆，加上麻醬沙律醬，係非常特別嘅小菜

去到喜鍋打邊爐，太肚餓叫咗個胡椒豬骨湯。我哋先飲咗個湯底，胡椒味好濃，有少少搶喉，但係有令人很喜愛。忍唔住飲咗兩碗。啲豬骨真係會漿着個嘴唇！小食方面叫左沙薑豬手，一共有六隻，上面有少少芝麻，食落去沙薑味唔算太濃，但係豬手有好多骨膠原，好正啊。火鍋料我哋叫咗鮮鵝腸、墨魚丸、竹笙、皇帝菜、讚岐烏冬同自家製響鈴，仲有雜菇拼盤添，哦腸份量好多，但係我覺得過分肥美，味道不太理想😣😣，而墨魚丸有八粒，裏面真係有香菇架！我鍾意佢個響鈴真係好大碌，夠脆新鮮炸起！有我手掌咁大，擺入湯底兩三秒就食得啦。皇帝菜大大條要慢慢食🧐最後加$10飲咗罐汽水🥤，為今餐畫上句號。

同事喜歡食用藥膳做湯底的火鍋，知道喜鍋海鮮火鍋小廚最近做優惠，任何時段都全單八折，於是放工就話去食，重話請埋我。疫情令餐廳要做一些預防工作，入餐廳前要測體温，又提供口罩袋和搓手液，座位也安排隔濶左。防疫衛生做都足。藥膳醉雞鍋，上枱時已聞到清香藥材味，用火滾住食，越滾越味濃，半隻鮮雞份量都好多，而且好新鮮，放入鍋上滾熟食，陣陣酒香撲鼻，令人唾涎欲滴，雞肉有酒香又細嫩。七味百福豆腐，小食都唔錯，用滑嫩的百福豆腐切細粒炸到金黃色，一口一粒，外脆內滑，加炸蒜添香味。 黃金魚片頭好爽彈。鳳城水餃足料抵食，原隻蝦奭口，添加木耳絲、紅蘿絲等添加了不少口感。自製柚子蜜夠冰凍，甜味適中，好飲。

唔好畀佢停,繼續懲罰黃店。今日就去咗上海街“喜鍋“打邊爐。店員會熱心度身推薦，唔會為左做生意叫我地亂點樣野食。云云湯底之中我哋選擇咗一個比較養生嘅藥膳醉雞煲鍋$148店員好快就會我哋逢上湯底，一見到個窩就好似洗面盆咁大，真係先聲奪人。雞件會另外上，如圖所示雖然係半隻，但雞件嘅份量一啲都唔少，同時滲透著香香嘅醉雞味道。滾咗一陣，個湯終於飲得。飲咗一啖，感覺十分清潤滋補，有滿滿嘅藥材味但係一啲都唔難入口，我飲咗一大碗。煮既時候要注意時間，煮住得太耐啲雞肉就會變得嚡口。另外我哋仲叫咗貢丸，一盤$38有八粒，大大粒非常爽口彈牙。除此之外我哋仲叫咗蔬菜拼盤，$48有芥蘭生菜白菜仔菜心，啲菜都幾新鮮。最後我哋就叫咗一個公仔麵$15 Share 兩份食。其實兩個人都可以打邊爐咁樣嘅食法分量剛剛好。另外見到餐牌上有個牛魔王塔好似非常吸引，下次人多嘅話可以試下。仲有其他海鮮，不過朋友唔食海鮮，所以今次就冇到。同場加映餐廳為咗支持醫護抗疫，特設優惠。其他客人好似我地，如果SHARE 佢地既社交平台就可以有8折。

陪老公去旺角買嘢，經過上海街喜鍋海鮮.火鍋.小廚，見到有全單8折，即問我有冇興趣入去食火鍋，之前食過唔錯，今日又有8折咁抵，梗係唔好錯過。火鍋店地方整潔，店內有量體温，有放口罩紙袋和酒精搓手液供應。藥膳醉雞鍋(半隻雞)，我們不約而同想食滋補一點，藥膳材料有淮山、杞子、黨蔘，功能補中益氣，健脾益肺，還加左一些酒，滾起時酒香撲鼻。加入半隻新鮮雞，煮成一鍋藥膳醉雞，雞肉鮮嫩帶酒香，既滋補又美味！蟹籽墨魚油炸鬼：即叫即做，上枱趁熱食，油炸鬼脆卜卜，墨魚滑彈牙，加埋蟹籽增加口感，不錯的小食。鮮蝦雲吞：鮮蝦和豬肉比例恰恰好，爽口中又帶點肉香。手打鮮蝦丸：蝦滑中加入蝦粒，既彈牙又可增加口感。頂級午餐肉：午餐肉內有火腿特別好味！老公食火鍋必有啤酒藍妹！

MISSING HOTPOT@喜鍋 海鮮‧火鍋‧小廚旺角上海街428號地舖 G/F, 428 Shanghai Street, Mong Kok 最近小出街食飯, 就算出都是自己一個食, 避免人多會感染, 不過一約朋友都會食得豪一些, 因餐廳都有優惠枇吸引客人光顧。十幾二十款湯底，真係想每種都試，最好煩惱費盡心思要了湯底本身好足料, 絕不是只有湯水, 會有肉）海鮮/蔬菜加在一起, 食完再煮雞肉片同其他邊爐配料。其他兩個人吃湯底已飽了大半吸啜大豬骨筒同豬手先撈下醬再等湯鍋滾起5 款手打丸，若是街市買的機製麵粉丸，我一定不會吃，有要求嘛 。手打彈牙新鮮，豬肉丸同魷魚都是我心水，食得有要求雜菜拼盤，必需有菜的一餐，把湯精華都一滴不浪費呢 仲加了滑腐片還有8折優惠，社交平台check-in like and share

朋友介紹呢到有老公最鍾意食嘅肥餓腸，趁週年紀念就同老公一齊嚟試吓。地點位於朗豪坊附近一兩個街口，雖然門面不太大但都幾易搵。一入門口店員幫忙量體溫及提供搓手液，仲俾埋紙袋放口罩，非常細心👍🏻當日我哋食6:30，店內已經坐咗3檯客人，以呢個時勢嚟講算幾旺場。檯與檯中間空間非常充足，亦有膠板做阻隔，所以都食得好安心。湯底有10幾款選擇，我哋點咗魚湯海鮮鍋($228)貪佢有蟹有蝦有帶子同埋蜆。都唔錯，好鮮甜！食晒海鮮之後店員就幫我哋上配料。嘩！每碟份量都好多，再加上價錢唔貴，配料性價比好高！花雕雞子($78)有我一隻手掌咁大，而且粒粒都肥嘟嘟，而且食落後一啲腥味都無，仲有少少酒香，推介！鮮肥鵝腸($78)真係同我朋友所講嘅一模一樣，條條都好多肥膏又大條，就算煮完都唔會縮到唔見咗，入口油香豐富，口感彈牙。雖然十級邪惡但鵝腸愛者必試。魷魚鬚($48)唔係用一般嘅水魷魚，係真魷魚，非常有咬口而且鮮味十足，必試！竹笙($48)份量好多，比起出面啲火鍋店一小碟要80幾，喜鍋真係算有良心。鴨血($48)比較淡味，應該適合配麻辣湯底。手打五寶丸($88)粒粒真材實料，最鍾意係梅菜豬肉丸。全晚店員都好好態度，

喜鍋 海鮮‧火鍋‧小廚 (旺角).貼心店鋪支持醫護的辛勞付出，醫護人員可享有全單七折優惠！生日月份都有九折！.魚湯海鮮鍋.內有蟹，蝦，雞脾菇，蜆等，魚湯鮮味而唔會油膩，依常打邊爐嘅我倆依家要食啲清嘅湯底，呢個就又鮮甜又清唔會好似沙嗲湯底咁油！.蟶子皇.蟶子好爽口好肥美，價錢合理才$38隻，另外好似仲有鮑魚！.脆皖骨腩.一碟份量十足！又爽又脆，推薦大家必叫！.韭菜餃，娃娃菜，粟米🌽.店員表示丸類餃類全部都係佢地自家手工做，韭菜餃果然足糖！好多餡又好食！如果想試曬幾樣嘅可以叫四寶餃，乜都有！仲有個叫爺孫餃，原來係椰菜加酸菜，喜歡酸嘅朋友可以一試！.📍喜鍋 海鮮‧火鍋‧小廚 (旺角)旺角上海街428號地舖

今日放工突然好想打邊爐，係網上搵到呢間火鍋店就係公司附近，所以就黎試試。餐廳門外貼住只要係社交平台分享專頁就可以享有全單八折，都幾抵。餐廳座位不算很多，由於疫情關係，每枱都有一定的距離，所以大家都食得安心。餐牌上都有多款不同的鍋底和火鍋配料可以選擇。我們揀了這間店的人氣鍋底，花膠鯊魚骨膠原鍋，這個鍋材料十足，有鯊魚骨、花膠、豬骨、雞骨，花膠口感爽口，而且份量好多。湯底好清甜，落火鍋配料之前飲一碗，十分養顏。呢個鍋仲有一小桶泡飯送，泡飯脆卜卜，連埋湯一齊食味道十足。炸魚皮，冇諗過炸魚皮份量咁多，有一大籃，魚皮鹽份很夠，大塊又脆口，再湯內稍稍浸一浸，仍然保持口感和味道。午餐肉，每次食港式邊爐必點，午餐肉吸收了湯的味道，十分惹味。鮮淮山，近排打邊爐都會叫，淮山只要唔煮得太耐，就唔會變到好冧，而且是爽口的，口感豐富。至尊手切本地牛頸脊，牛肉厚薄適中，牛肉味都幾重，肉質唔會太鞋口。另外只要係社交平台簽到就會送飲品，而今次送的是柚子檸蜜，清清地，很潤口。

今天和先生經過旺角，想食火鍋。想起呢間人氣火鍋店！可能平日關係，人流不太多，以往不預約是冇位坐的。正好，疫情下就是要坐得舒服，食得放心吧。我哋被安排卡坐，好濶落不嘈吵。老闆推介今晚有本地手切牛，好靚。愛牛的我二人叫了一大碟🤪牛肉一上枱，入口鬆化帶油香，實在食極唔厭！掂！其他食材都很新鮮，響鈴卷好趣又香，熱辣辣重有腐竹味，食指大動。打邊爐另一愛鵝腸，嘩！甘香非常。焯一焯不像想像咁多油膩，愛食鵝腸便要食呢種，香港餐廳很難找到。最後仲有招牌菜，墨魚油炸鬼，一碟六件。老公一開口食了四件，吃過不停！門外有好大個魚缸，下次一定要試試其他海鮮美滿又舒服的一餐

喜鍋我係好鐘意打邊爐只要覺得有特別湯底既餐廳都會去試喜鍋海鮮火鍋小廚 係其中一間好欣賞佢地既湯底多選擇有成17 款 必定有一款岩食近幾日落雨天氣轉冷 所以想食個滋潤既湯底我地簡左喜鍋既皇牌招牌花膠鯊魚骨膠原湯鍋上檯時先滾左個湯 飲左先果真冇令我失望個湯雪白色 好濃郁好滋潤入面有好足料厚身花膠鯊魚骨既鮮味 再有豬手同鳳爪全部都係高骨膠原既食物好養顏依個湯底會送一桶甘香泡飯係好香脆既金黃米粒比客人用黎加入湯 變泡飯咁食我地火鍋料方面叫左雪花美國肥牛脆骨腩竹笙水魷魚雪花美國肥牛 入口即溶牛味香濃脆骨腩 份量好多而且真材實料真係脆口既 非常滋味宜家只要like 社交平台就會送一樽 自家製青檸柚子蜜味道調得非常好酸甜度岩岩好真心推介鐘意打邊爐既朋友材料新鮮 服務好 性價比高

都有一段時間沒有打邊爐了，今天剛剛在旺角行街，又唔想回家吃飯，所以來到這間位於旺角與油麻地之間的火鍋店!由於疲情關係，餐廳也未能接太多的客人，而且每位客人進入餐廳時也要量體溫和搓手!現在只要分享餐廳的社交平台專頁便可享有8折優惠。花膠鯊魚骨膠原鍋，這個湯底很清甜，鍋內除了有大量花膠，還有雞腳、豬骨、鯊魚骨等，全部也是有非常多骨膠原的。花膠爽口，食落也粘粘的，很有骨膠原感。除這個鍋還附有甘香泡飯，泡飯是脆卜卜飯焦，飯焦浸於湯中，還是很脆口，十分有口感。蟹籽墨魚滑油炸鬼，這款油炸鬼即叫即製，油炸鬼非常脆口，墨魚滑爽口彈牙，墨魚滑上還有大量蟹籽，口感十足，再配上酸甜醬，令味道更惹味!至尊手切本地牛頸脊(小)，這款牛頸脊都幾肥美，牛肉味濃，肉質頗鬆軟。皇帝菜，打邊爐又怎能少了蔬菜，由於湯底鮮甜，皇帝菜稍稍淥一淥，味道清甜!這裡的食物都幾新鮮，值得再來!

朋友介紹有間地方相當方便既火鍋店 - 喜鍋。跟朋友一段時間無見，當然要聚一聚。來到門前，看到餐廳正作8折優惠(醫護更有七折優惠)。又點可以錯過。都怕人多，所以都預早了一點到來，地方環境整潔光猛，位與位亦有一段距離，食都食得安心一點。價格定位適中(而且還有折扣優惠)，可以放心下單了。自助添加醬油又點可以無？醬料包括：生蒜、炸蒜、香蔥、辣椒、辣椒油、麻醬。胡椒濃湯豬骨煲 - $168識食既，當然要先試試其香濃惹味既豬骨湯啦，當中非常足料，紅蘿蔔、粟米、蘿蔔外，還有豬骨、雞腳。豬骨湯胡椒味濃郁，而其豬骨軟腍入味，飲了2碗先講其他野😋。雪花美國肥牛 - $128肥牛油花分佈均勻，肉質細嫩。羊肉片 - $98新鮮紅潤的羊肉片，肉質厚實彈牙。鮮腐竹 - $38鮮枝竹質感軟滑。香菇貢丸 - $38貢丸彈牙有嚼勁，當中加入香菇，層次更佳。當中肥牛只需涮一涮，即時食得，肉質軟身嫩滑，添點醬汁更顯美味。

香港人一年四季都喜歡吃火鍋，最近天氣乍暖還寒很適合吃火鍋。餐廳現時正進行優惠，只要分享餐廳的社交平台專頁便可享8折優惠，而且沒有時段限制。胡椒濃湯豬骨煲 ($168)店員一端上桌，即傳來陣陣胡椒香氣。材料十足，有三大塊豬骨，還有雞腳、粟米、紅蘿蔔和白蘿蔔。吃火鍋前不妨先呷一口湯，胡椒味香濃且帶點辣勁，非常惹味！粟米粒粒飽滿金黃，相當甜美。羊肉片 ($98)入口柔軟帶肉香，沒有羶味。雪花美國肥牛 ($128)牛肉油花適中，吃上來甘香不油膩。香菇貢丸 ($38)肉味濃郁，彈牙爽口多汁。雜菇拼盤 ($48)雜菇鮮嫩清新，口感爽滑。柚子青檸於社交平台簽到打卡便可獲餐廳自家調製的柚子青檸一樽，味道甜酸清爽，既開胃又解膩！

疫情還在，但好耐無見呢班朋友 所以就約左佢地食呢間打邊爐 因為而家佢地有八折😆我地一坐低佢就比左個紙袋我地裝口罩同埋比搓手液我地洗下隻手 食野個時都安心啲☺️ 生意而家真係難做左 佢地仲有個優惠係like page&share就送一客小食🤓 佢地係你打邊爐前比醬料你整，有自家製xo醬，蒜蓉，辣椒，麻醬，炸蒜，蔥。小食「日式麻醬冰菜」係日本芝麻醬加冰菜，冰菜口感好特別 好爽口😂配埋日式麻醬 幾夾☺️招牌花膠鯊魚骨膠原湯鍋（配甘香泡飯） $208裏面有花膠，鯊魚骨，豬手，雞腳同紅蘿蔔。湯式我地都覺得幾好味 唔算好骨膠原但我覺得岩岩好 食完個口唔會漿住左😂😂😂雪花美國肥牛 $128肥瘦適中，咬落牛味🤓中規中矩手打鮮蝦丸 $58一咬就淋既蝦丸🤔炸魚皮 $48魚皮好抵食 $48一大份 食落好脆身 唔會太咸🥰 黑椒牛筋丸 $38牛筋丸咬落會有陣黑椒味 唔會好重 丸咬落偏向硬身。讚崎烏冬 $36口感好煙韌 彈性既烏冬😍娃娃菜 $28食個菜解解膩 而且又可以吸曬啲湯 所以每次打邊爐都要嗌菜食！😆蟹籽墨魚油炸鬼 $58好熱好脆既油炸鬼再配口感煙韌既墨魚膠 口感幾特別！👍🏻再配個甜酸醬 幾好食😂竹蔗馬蹄茅根$