喜鍋 海鮮‧火鍋‧小廚 (已結業)

今日約了男朋友食打邊爐，到了油麻地這間火鍋店。服務不錯，服務員姐姐介紹了推介的火鍋湯底、雞煲、前菜等，又送上自調醬料（香蔥、蒜蓉、炸蒜粒、辣椒粒、麻油、麻醬、豉汁）好吸引；有禮友善的態度，效率高又勤力！地方都寬敞又光亮，更有不同的美食圖畫，也有優惠推介，如：add Facebook 簽到有小食送、更有生日優惠（有全單9折），好正點了小食：新出的胡麻醬涼拌冰菜開胃的、爽口的健康涼涼冰菜配上香滑惹味麻醬男朋友喜歡食雞煲（重慶麻辣雞煲-小辣）不會太麻辣，惹味非常，雞肉（半隻）好入味又滑溜的口感，唔會太肥膩，更有多種配料（三色椒、洋蔥、蒜頭等）食完雞煲，就是打邊爐了至尊本地牛頸脊好大碟顏色好吸引，牛味香又濃郁，有咬口，少少肥的部分，配合得剛好！新鮮超甜粟米金黃色的粟米，入湯加甜又吸汁炸魚皮好大盆好多魚皮，入湯浸軟好香四寶餃各味道有2粒，包括：鮮蝦雲吞、韭菜餃、鳳城水餃、椰酸餃，各有特色秀珍菇秀珍菇也是好大盆好多喔

見到網上有人黎喜鍋食個牛魔王塔，啲牛肉好似好正咁，就黎試下啦。黎到見到枱枱都叫左牛魔王塔，睇黎係招牌菜咁，緊係要叫個。呢度店員好好服務，會brief下餐紙上面有咩食同適合我地，佢話兩人黎講牛塔可能太多，本來我地覺得我地兩個大食怪都應該食得曬，原來最後真係有剩哈哈，不過其實叫少啲side dishes係的確會清得曬，所以記住人少叫牛魔王塔既話叫少啲其他肉或餸啦。我地叫左個我地其中一個最愛既湯底沙嗲，呢個湯底好夠味，亦都頗辣，如果食菜會索曬味就更辣，不過又好鬼惹味，送肉就岩岩好，好味。牛魔王塔真係好多，望落都好吸引，脂肪既紋幾靚。頂層既肉幾好口感，軟軟地，幾肥，牛味重而香。中層既牛肉肉質較實。低層既牛都幾好，有咬口。呢個塔好多牛肉，啱曬食肉獸哈哈。另外不得不讚店員好細心，餐後食藥叫左杯水，本來係好熱既水，我都打算吹下佢照殺，但店員叫狀就主動同我換走杯滾水，加左少少冰變啱啱好既水，好細心體貼！暖笠笠既一餐～

冬天最適合打邊爐，今晚心血來潮想打邊爐，見到網上有人推薦呢間喜鍋，就黎試下～呢度有兩層，店面氣氛熱鬧，有地道香港feel。我地叫左沙嗲湯底，湯底好夠味。咁打邊爐當然要有肥牛啦～肥牛牛味重，肉質滑，唔會痴牙，幾高質。除左肥牛，仲叫左響鈴、娃娃菜、生菜、芋絲等等，響鈴口感好似特別脆口，好好咬，有驚喜～ 配合湯底同醬料好好味。特別想highlight娃娃菜夾沙嗲真係特別清甜！（雖然真係幾辣哈哈）呢度仲竟然有芝士竹輪！不得了，我最鐘意九流心芝士既熟食！食物價位方面，價格偏高，呢餐埋單每人3百幾蚊，但食得超飽既～如果叫牛魔王塔應該要每人4百幾～

係凍冰冰嘅天氣下， 又好想好想食打邊爐啦~今次就去咗旺角行完街，今次就係上海街嘅一間邊爐店…以為店面好細，但係原來有上層架😍唔洗等位就入得啦～大大張圓枱，好岩同好多朋友一齊gathering。唔好以為邊爐店店員都係大大聲冇禮貌，呢到啲店員好好人、好有禮貌架~呢度有好多唔同嘅湯底，例如有: 花膠鯊魚骨膠原湯鍋、魚湯海鮮鍋、胡椒濃湯豬骨鍋等等既18種湯底…而我地就簡左新出既鮮果椰青雞鍋啦~鮮果椰青雞鍋 半隻 $168湯底嘅材料有蘋果、椰子肉、紅蘿蔔等， 至於啲雞肉個份量亦都十分足夠，兩個人食就夠晒數啦…而個湯底既椰子味好香~煲煲下啲雞油就出晒黎~勁正呀本身想試人氣之選既牛魔王塔，見到隔離枱有叫到…大大碟而且啲牛肉好靚，但係朋友唔食牛就唯有下次有機會再試啦…我地簡左既配料除左午餐肉、烏冬、雜菇拼盆之外，仲叫左:新出既爺孫餃$48我地係見佢個名好得意，所以就叫黎試下，原來佢既餡料係椰菜、酸菜、豬肉…酸菜唔會太多，有啲酸味又幾開胃、幾好食喎~自家脆響鈴卷$48有5件大大舊既響鈴，唔知係烘過定再炸過呢？真係好脆呀…唔會有浸油味，而且同充滿雞油既椰子湯配合得好好…超推介而家仲有開業四週年既優惠呀…只

走進一間火鍋店，的的式式的環境，都十分舒服，店裏又有電視給客人看，老闆介紹的魚刺身都十分分多人點，但大家要留意海鮮都是按時價。 必定要一試。因我朋友不喜歡吃生的刺身，所以這一次都是叫熟食。 樓下一層，放了數張枱，原來樓上還有一層，樓上那層成千幾呎，又夠大，很合適一大班人一起圍著打邊爐，環境十分舒適。地址是位於九龍旺角上海街428號地下湯底：我點了胡椒叔濃湯豬骨煲配菜點了：蜆芥鯪魚球蟹籽墨魚油炸鬼炸魚皮大海蝦飲品點了：藍妹啤酒 除了配料外，餐前小食類都有，很多特式火鍋湯底選擇，肉類分別有牛肉類豬，羊，雞，海鮮，河鮮類，自家製丸子/餃子類各類火鍋配料，新鮮菇菜類 。 應有盡有。

今日行經附近想打個邊爐又想食物質素好D，所以就唔諗任食火鍋而揀咗呢間，結果真係冇令人失望!一入到去已經聞到好香既火鍋味，有勁多唔同既火鍋湯底，我本身唔係好想食咁多牛所以就叫咗呢個胡椒牛腩湯，咁之後就唔使再叫肥牛，朋友又可以直接食到湯入面既牛腩。不過一到我都忍唔住食咗幾件，因為真係好香，胡椒味重而且牛腩炆到好淋好入味，肥瘦亦都適中所以就咁食都好正! 今日仲見到如果係12月生日可以有9折，咁就咁岩可以折埋添! Share埋一個post同時有個芝麻冰菜送! 老闆一路亦都好nice咁serve我地。我地全晚都不停叫好多款唔同食物，最有驚喜係手打丸同埋佢地自制既爺孫餃，其實即係椰菜再加酸菜，食落層次十足而且味道好夾!

天氣轉涼想打邊爐，而咁岩個老闆勁好服務咁樣sell，而且12月有人生日既話全單仲可以9折，所以就決定入去試一試!朋友唔係咁食得海鮮所以最後都冇叫，但我見到都係即叫即撈勁新鮮咁，所以下次再試一試海鮮! 今日叫咗胡椒牛腩湯，平時食得多胡椒豬肚，心諗牛腩應該都差唔多正，點知到咗發覺原來比豬肚更加夾胡椒湯，因為可以吊起牛腩既香味而且炆到淋哂，但又有D筋所以有咬口但又唔會咬唔爛咁。一人飲咗啖湯就開始正式火鍋啦，我地叫咗唔同既太同埋餃，然後老闆話相同價錢既可以兩溝，咁樣試多D其他款式，呢個真係好驚喜而且人性化，呢個都係鍾意幫襯小店既原因之一! 我地雙併咗鳳城水餃同埋爺孫餃，兩款都好好食，皮薄而餡豐富，特別係爺孫餃，有椰菜同埋酸菜混合，冇諗過係咁好食。我地亦都試咗梅菜豬肉丸，真係有平時食開既味道而又更彈牙一D，真係好有香港特色! 另外仲有墨魚油炸鬼，口感煙韌油炸鬼夠脆，好特別就咁食或者加入湯食都好正!仲要見到生力啤做緊特價，真係冇可能唔叫返半打，成晚都食得好開心而環境都好舒服，老闆又nice! 下次會再試更多唔同款!

這天和他到旺角附近行街，天冷冷的我們都很想吃火鍋，就走到了這間喜鍋。店員的服務態度很好，會為我們逐一介紹熱門鍋和特別推介。不想想太多的我們當然二話不說的點了推介菜色。這個小吃真的有驚喜，薄脆的油炸鬼外皮配上墨魚和蟹籽，感覺很特別，而且不會感覺膩膩的。然後我們點了杏汁燉豬肺湯，感覺真的很滋潤。本來想淺嘗只喝一兩碗，但老闆娘跟我們說可以喝多些的、有些人更會喝到底呢。自問沒這個本事，但喝著喝著，不覺意間也喝了2/3。這個湯底真的很u有心思、還有很多豬肺。然後，我們點了火鍋比點的食物如響鈴、貢丸、蝦丸、魚皮餃、蘿蔔等豬肚跟這個湯底真的絕配，不自覺的吃了很多呢這餐真的很豐富，吃了很多很喜歡的食材，而我們最欣賞的還是那個暖暖的、濃濃的湯底。真教人回味～

天氣轉冷，最啱打邊爐，依間係朋友搵既，話可以慢慢打，慢慢傾計，確係座位坐得好舒適而且唔會限時好多好新鮮既食材，樣樣都好想食首先叫鍋底⭐️藥膳醉雞鍋（半隻）$148個藥膳味好足料，打到最後我地不停飲，夠濃味好甜味，好大碟雞而且好新鮮好滑⭐️脆鯇片 $58爽口，配埋藥膳湯好夾，食得出好新鮮⭐️秘製芝士牛肉丸 $68Wow 彈彈牙，爆漿芝士，仲要乒乓波咁大粒，讚👍🏻⭐️爺孫餃 $48原來係椰菜+酸菜豬肉餃，第一次食好有驚喜喎，餃迷可以一試⭐️萵筍 $38係我打邊爐必點！佢波浪紋厚身切法，令到個口感好好⭐️青島啤 $24打邊爐又點少得啤啤佢！總括黎講，價錢大眾，而且食材新鮮，坐得好舒服，仲要值得一讚職員好細心，主動加水，又主動比碗仔撇油P.S. 走時見到有生日優惠全單九折，咁就真係好抵🤩

今日經過旺角，見到間小店火煱，好多人，於是入去試吓。見個menu,有好多種類選擇。而醬料也有好多：首先，我哋叫了：清湯湯底湯底好甜，也幾清，岩我哋怕濃湯的人。另外叫了：1. 雪花肥牛一灼即食，一啲都吾靭，但好有口感。2. 手打牛丸好大粒，好夠味。3. 韮菜餃好大隻，好飽肚，韭菜好多，也都好香。4. 蟹子包心丸好多蟹子，好爽。5. 生菜當然要些生菜幫助消化啦。我哋也叫了個可即食的：蟹子墨魚油炸鬼呢個係店長推介嘅，當然要叫嚟試一試。油炸鬼好脆，加埋蟹子好爽，配埋個甜酸汁一流。

火鍋係冬天嘅好朋友，之前已經聽朋友介紹過呢間火鍋店，大讚佢嘅花膠鯊魚骨鍋，而且網上幾乎都係好評，今日終於搵到人陪我去食！食物選擇都幾多，單係湯底都有成17種咁多，肥牛都有唔少選擇，仲有唔少自製食材。竹庶馬蹄煲得幾濃，滋潤清甜，係火鍋嘅好拍檔。本來想試下花膠鯊魚骨鍋，但對佢附送嘅泡飯冇乜興趣，所以揀咗呢個新推出嘅魚湯海鮮鍋。海鮮鍋嘅魚湯味唔算突出，但勝在材料都幾豐富，有蝦、蟹仔、扇貝、蜆同大量菇蔬，而且海鮮都幾新鮮，絕對對得住價錢。牛頸脊色澤鮮嫩，油花均勻，入口質感爽嫩，肉味香濃，係我嘅至愛！蝦滑質感結實彈牙，加入大量蟹籽增加鮮味同口感。蔬菜拼盤份量唔算多，有生菜、芥蘭同白菜仔。今次得兩個人唔係食到好多嘢，下次一定要嗌埋花膠鯊魚骨鍋同挑戰下佢個牛魔王塔!

天氣凍最啱烚下烚下, 行過旺角俾呢間火鍋店嘅廣告牌吸引到, 魚湯海鮮鍋試食價228蚊就有, 好吸引😃同朋友叫左一個招牌海鮮鍋, 細份安格斯肥牛, 蝦滑, 金菇同雜菜就已經好夠飽! 海鮮鍋好正, 有蟹, 蝦, 扇貝, 蜆, 仲有白蘿蔔, 紅蘿蔔, 秀珍菇同冬菇! 其實就咁食個鍋已經飽飽地, 真心抵食! 😌安格斯牛肉味好重, 食落好香油味, 牛魔王又點可以放過?! 蝦滑亦好新鮮, 爽口彈牙! 總體來講都幾抵食, 材料豐富又新鮮, 下次人多仲可以試多d野!

終於黎到打邊爐季節🍲🥰🥰天氣咁凍同三五知己梗係要打個邊爐齊齊暖粒粒🥳依間喜鍋生日頌有9折優惠!🎂🐽 打邊爐除左個爐之外湯底都非常之重要🤣🤣今次就試左 招牌花膠鯊魚骨膠原湯🤤 ($208)聽個名都知好滋補!入面好多花膠🤪🤪另外佢頌係配埋個 甘香泡飯🍚d飯脆脆地浸落個湯又幾好味喎🤪🐽 蟹籽墨魚油炸鬼🦑 ($58)店員勁推介既一個小食就嗌左黎試下 又真係好好食喎🤣個油炸鬼夠曬脆口 配埋好香既墨魚🤩🐽 秘掣芝士墨魚丸🧀🦑 ($68)當然唔少得依d芝士野🤪超大粒既墨魚丸!!入面勁濃既芝士🧀🤤-🐽 日本黑豚肉🐖 ($128)有個fd唔食牛 所以今次就嗌左豬食😙好鐘意個肥瘦既比例🤩同埋肉質唔會好鞋😙🐽 雜菇拼盤 薯仔 ($48 / $28)梗係要叫d蔬菜類🥬🥔蔬菜夠曬新鮮!吸曬d湯食真係 正!🥳🐽 竹蔗馬蹄茅根🤤 超足料既竹庶茅根!!好清甜!!👅打邊爐一定要嗌番兩渣一路飲🤪🤤

位於上海街朗豪坊再過既位置，地理上十分方便，巴士的士小巴咩都有，食幾夜都冇問題。兩個人想清清地就叫左個招牌花膠鯊魚骨膠原湯底。啲料超足，大大舊既鯊魚骨同勁滑既花膠煲冇耐已經出哂味。齋飲湯都超滿足，記得要打邊爐前飲多幾碗。食物叫左墨魚丸 芝士腸 蟹柳(唔好問點解) 油炸鬼 油麥菜 必吃響聆 同埋雪花肥牛。 飲左幾碗湯食物好快就上菜。整體食物用料新鮮，解凍等處理唔錯，唔會有雪味。蔬菜好新鮮，油麥菜爽口冇黃。最正係性價比高既雪花肥牛。本身諗住試佢推薦既牛頸椎，可惜女朋友唔太好牛，廢事晒就冇叫到。牛本身雪花分明，雖然未去到和牛級數，但肉味濃郁，有咬口，價錢唔貴，絕對值回票價。總結埋單兩位600蚊左右，物量唔會超飽但用料新鮮，湯底足料仲有得食埋，岩哂唔太大食又鐘意每樣食啲既人黎享用。

涼爽咗幾日冬天又黎到啦🤣依種天氣特別想打邊爐🍲知道依間火鍋店有生日優惠(全單九折)就提議同友人係度慶生🤣-🍲招牌花膠鯊魚骨膠原湯 $208第一次試咁特別嘅湯底 好清甜好養生👍🏻佢送埋脆脆地嘅飯俾我地當泡飯食 好味☺️-🥓蟹籽墨魚油炸鬼 $58係依度必點嘅小食🤤 油炸鬼炸到勁香脆 原來入面放墨魚肉係咁夾😦亦都有好多蟹籽係上面 好足料😝-🦑水魷魚 $48份量超多 同埋好爽口!!! 不過因為湯底係平較清所以唔會好似平時沙嗲湯底咁咁索味不過係清甜嘅👍🏻-🍡秘製芝士墨魚丸 $68四粒超級大粒嘅丸 入面有滿滿嘅芝士🤤好滿足但真係一粒就夠哂喉🤣四個人share就最好啦😼-亦都叫咗好多平時都叫嘅餸例如雜菌 響鈴 烏冬 黑豚肉等等最後真係捧住肚子走🤣🤣🤣