喜鍋 海鮮‧火鍋‧小廚 (已結業)

🤪喜鍋Hey pot （油麻地）高質打邊爐，😍湯底勁多選擇，店舖推介花膠鯊魚骨膠原鍋、魚鍋海鮮鍋，小編今次叫左魚鍋海鮮鍋試下。.至尊手切牛頸脊(小)$208牛肉厚薄適中、脂肪分布平均，食落好有咬口，而且牛肉新鮮，好重牛味，正👍🏻講求健康嘅小編仲有叫蔬菜拼盤、青檸柚子蜜，岩哂打邊爐架.魚鍋海鮮鍋$228湯入面有有蝦、蟹、大蜆、扇貝份量勁多，個湯底真心勁鮮甜，可以用來飲嘅湯👍🏻店員好有禮貌，又細心，食餐飯都覺得好舒服社交平台打卡仲有8折優惠架舔利指數：8/10人均消費：$330地址：旺角上海街428號地舖

呢晚想打邊爐，同女友商量後決定再嚟「喜鍋」食晚餐😋。揀咗香茜皮蛋湯下下火，食物就有：.🦑椒鹽魷魚鬚椒鹽香脆，魷魚鬚彈牙，前菜餸酒不二之選。.🌿麻醬冰菜只要喺臉書分享「喜鍋」專頁，就送贈麻醬冰菜。冰菜微涼爽口，高纖維低卡路里，好健康。.🐷豬天梯即豬嘅上顎，外型似天梯，口感爽口，有富富膠質，啱晒女士養顏。.🥬油麥菜一份蔬菜，新鮮大棵，足夠二人食用。.🐮降霜手切牛肉粒肥瘦均勻，肉香味濃，一盤有好多牛肉粒，份量勁多，差啲食唔晒😋。.🐏羊肉片大大片羊肉片，羶味唔多，肥瘦比例剛好好，令人回味。.🍚甘香泡飯口感似飯焦，但粒粒均勻，浸湯食，脆卜卜，女友鍾意呢個新嘗試。.🥤竹蔗馬蹄茅根天口熱，飲竹蔗馬蹄茅根令人透心涼，又解暑。呢個係鋪頭自己整，新鮮製作。.💁🏻‍♂️整體嚟講，食物如常高質新鮮；店員服務到位；坐得又舒服；整體我倆都好滿意。🤗.PS. 喺社交平台分享有8.8折；醫護可享七折；計落幾抵食。

第二次嚟呢間又平又好食嘅火鍋店～今次仲有全單88折🤑。我哋今次又係點左皮蛋芫荽鍋。.椒鹽魷魚鬚上次試過椒鹽雞軟骨，今次試吓椒鹽魷魚鬚。炸衣香脆又唔會太鹹，做前菜啱啱好🤤。.降霜手切肥牛粒肥瘦適中，咬落有少少油脂，又有少少筋。牛味香濃之餘有適量嘅口感😋。.羊肉片份量頗多，厚薄適中，食落冇咩羊羶味，怕羶味都食到😛。.豬天梯口感爽口彈牙， 淥一淥好快食得。食落冇豬嘅羶味，加少少醬汁調味就已經好好食😚。.油麥菜蔬菜好新鮮，以呢個價錢來講份量算幾多。.甘香泡飯老闆推介佢哋嘅泡飯，其實係好脆口嘅鍋巴。食落有米香，但唔會有油溢味，有驚喜😋！.喜鍋Hey Pot 旺角上海街428號地下

由於疫情關係，已有一段時間沒有打邊爐，連續多日零確診，便相約好友打邊爐聚一下。齊心抗疫有八折優惠，分享喜鍋社交平台便可享用，醫護更有七折！待鍋滾起，先吃兩個餐前小食。麻醬冰菜，開胃爽嫩，冰涼醒神。椒鹽魷魚鬚，惹味香脆，軟彈入味。海鮮鍋湯底滾起了，有蟹，蝦，扇貝，蜆，粟米及蘿蔔等材料，十分豐富！火鍋不能沒有䳻手，就點了頂級安格斯牛頸脊(大)，牛肉味濃，肉質軟綿。豬天梯爽脆軟，十分新鮮。蟹籽墨魚滑彈滑鮮味。久違了的打邊爐滋味，跟好友𣈱快歡聚。

📍喜鍋Hey pot （油麻地）第二次黎食，高質嘅火鍋😍超過10種特色火鍋湯底，想食海鮮鍋、雞煲、麻辣鍋，任君選擇，淨係湯底都有排揀。.魚鍋海鮮鍋$228湯底有蝦、扇貝、蟹、大蜆，份量充足。最緊要係個湯底勁鮮甜，飲完再飲👍🏻.手打五寶丸$88叫一碟有齊5種口味，最岩咩都想試下嘅小編。牛丸好有驚喜，鮮味多汁；墨魚丸、蝦丸都有墨魚粒、蝦粒係入面，勁有咬口；豬肉丸加左梅菜入去，非常特別；鯪魚丸就正正常常。.整體環境同衛生程度都幾好，一入去已經比口罩紙袋同消毒搓手液，仲有一盤熱水比你洗餐具。而家係社交平台打卡仲有8折優惠 ,仲有個胡麻醬冰菜送 打邊爐前食都幾開胃架好味指數：8/10環境衛生：8/10人均消費：$330地址：旺角上海街428號地舖.

因為疫情嘅關係，都好少出外食飯，而家疫情好轉左，一家人可以外出打邊爐分享呢間餐廳嘅社交平台專頁，仲可以享有八折優惠，醫護人員仲可以享有七折優惠添，真係好抵呀。我哋叫咗個魚鍋海鮮鍋$228，入邊有蝦，蟹，蜆，扇貝嘅海鮮，喺未碌其他食物之前，先飲番碗海鮮湯，好鮮呀～仲叫咗個餐前小食，椒鹽魷魚酥$48，炸到鬆脆可口，不錯不錯邊爐料叫咗安格斯牛肉，豬天梯，鴨血，鮮淮山，墨魚滑等等……全部都好新鮮，安格斯牛肉唔肥，肉質鮮嫩，值得推介。

已經唔係第一次去，返轉頭系因無論服務/食質素都系無得輸！咩生意吸引到回頭客？絕對系有質素食店！所以為慶祝朋友生日飯特登過去打邊爐最講究系湯底，第二就系食材，如果湯底好味基本上火鍋食材放落去都已經好好味，湯底最常見：重口味系列/滋補系列，而呢間最俘虜我心嘅系佢哋招牌花膠鯊魚骨膠原湯鍋！招牌花膠鯊魚骨膠原湯鍋（送炸米）先講湯底好清嘅鯊魚骨味，湯一滾伙記都提飲咗啖湯先，湯底入口已帶粘性，好暖身感覺，對正晒女人口味想打邊爐又唔想搞到自己太熱氣，而打邊爐熱唔熱氣都關個湯底，正如叫鍋麻辣湯底都已經唔同晒啦個湯底滾咗後幾時想食泡米，就隨自己心意加入碗到，千祈唔好一下就倒落個鍋到，泡飯都變煲粥！而呢到俾嘅泡米都系炸過，所以連湯食系食到脆感，有啲痴牙，有牙簽響到一切都小問題，原本個湯底就已經好正，配泡飯更系多種食法👉🏻大連鮑魚$38隻38蚊隻嘅大連鮑魚唔細隻，都有兩格手指長，上枱嘅鮑魚已系離咗榖，而且飽魚都系活生生識郁！建議滾2分鐘左右就夠，唔好過龍入口爽口煙韌，食到鮮鮑嘅味記，洗刷得都乾淨，冇食到沙嘅口感，建議一半入口就咁品嘗，而另一啖你可以沾自己調味的汁醬再試👉🏻元貝$38隻$38數隻抵呀！原本想叫

一坐低已經好好service, 有好多醬料, 打邊爐必備手打雜錦丸有5款咁多, 我最喜歡的當然是墨魚丸, 但不得不提的是牛丸, 肉質十分嫩滑而且無根, 是我食過之中最有質素既五寶丸!湯底叫左花膠鯊魚骨膠原鍋, 入面既花膠口感軟滑, 加埋鯊魚骨, 好養顏啊, 補曬D蛋白質同骨膠原! 未食之前, 會先叫我地飲湯先, 好有火候, 飲落又好暖胃，清清地既湯底可以襯扥到更多食材既原味，只有選料上乘的餐廳先做到!餃子既皮十分彈牙, 而且唔會太厚, 但放落火鍋又唔會散, 一流!十分新鮮既豬腰，睇個色澤就知佢非一般啦, 柔潤光澤, 係好靚既血紅色, 而且無污色點, 仲清洗得好乾淨脆肉鯇係果真的脆! 十分彈牙, 肉質清爽、脆口! 海鮮最重要係新鮮! 薄切羊肉, 鮮香又軟嫩的口感, 再加上羊蘇味, 真係好香又開胃!皇帝菜同雜茹拼盤都係打邊爐必備之選，自家炸既響鈴又脆又香口! 同個湯底好夾!我地全單食左咁多野, 仲有8折! 真係十分優惠!

由於真係太耐冇去打邊爐啦！見疫情稍為緩和，忍咗咁耐喺時候要出動了！💪🏻💪🏻💪🏻今次我哋一行三人去咗旺角嘅喜鍋，因為呢段時間只要like 佢哋嘅社交平台專頁就有八折優惠！ 醫護人員仲有七折tim! 當然要去試吓啦！我哋先叫咗個海鮮鍋湯底，入面有蟹，蝦，扇貝，蜆等食材，都幾足料同夠鮮味的！之後點咗幾樣配料，當中值得推薦嘅係豬天梯同頂級安格斯牛骨脊，豬天梯超級爽口，口感又夠特別，而碟牛就非常之新鮮，牛味夠濃，油脂分布夠平均，色澤又靚，肉質鮮嫩，的確係非常之好食！喺等食期間叫咗碟鹽燒魷魚鬚，夠香脆可口，正呀！ 最後埋單人均都係每人二百幾蚊，算是好抵食呀！

最近吃得很清淡，但經過油麻地內街見到這間火鍋店，海報貼住只要在社交平台分享專頁就可享全單八折，而且不分時段，實在太吸所以決定幫襯～餐牌有好多配料選擇，特別是海鮮類，而且8折後的價錢十分抵食，因此我們一連點了十多碟～話說這間店很多優惠，店員姐姐告知只要在社交平台打卡，就送一碟胡麻冰菜一碟，爽脆冰凍的冰菜好開胃呢。另一項推薦的小食是蟹籽墨魚滑油炸鬼，即叫即炸，油炸鬼非常脆口，墨魚滑又爽口彈牙，加上大量蟹籽，口感十分豐富。火鍋最重要是湯底，我們最後決定點招牌的「花膠鯊魚骨膠原鍋」。店員提醒我們先飲湯，湯底十分清甜而且足料，大量鯊魚骨及大大片的花膠，還有豬骨和雞腳，骨膠原十足！這個湯底還附送一小桶甘香泡飯，全都是香脆可口的飯焦，連湯一齊食好好味。身為牛魔王當然少不了牛肉，今次點了至尊手切本地牛頸脊，牛味香濃肉質鬆軟，不負手切牛之名。我們另外點了牛坑腩，店員提我們早早下鍋就可以愈滾愈鬆軟，加上恰到好處的脂肪，件件牛腩都入口即溶！另外貪得意點了唧唧墨汁魚麵，雖然要好大力才唧得出，但魚麵爽滑彈牙，而且加了粒粒墨魚肉，口感頗新鮮！最後食得超~~~級飽才結帳，每位折實才三百多元。而且店員姐姐好親切，熱心

前排，和朋友去了喜鍋打邊爐。餐廳是由朋友所介紹的，不知味道如何。醬油需另外收費的。沙嗲鍋：沙嗲味道濃郁，咸味足夠。令焯起來既火鍋配料大大增加味道。手切肥牛粒：二人食用的話，份量剛好。牛粒既牛脂平均，焯後肉汁和油脂滲出，食起黎好juicy，牛香味突出啊。芝士墨魚丸：很特別的丸類，墨魚丸中包了吾少芝士，而芝士吾覺好膩，反而更香口！至於墨魚口感好彈牙，充滿墨魚香味，值得推介！脆骨腩：焯後口感爽口，魚鮮味十足！脆骨腩啖啖肉，吾會有雪藏味。椒鹽魷魚鬚：在等待火鍋時，點了熟食。魷魚鬚炸得吾會過油，口感吾硬，易於咀嚼！味道方面，咸味剛好，也值得推介！另加了自家製飲品，酸酸甜甜幾好飲！

忍左好耐啦！疫情叫做緩和左，限聚令都放寬左，真係忍唔到唔打邊爐🤩呢間上網見到做緊promotion，有八折，一於book黎試下😍入到去見到，原來係醫護仲有七折添👍🏻餐牌嘅選擇都唔算少兩個人先來半隻雞，小辣既雞煲，已經夠味，雞肉唔止嫩滑，仲非常惹味👍🏻黃沙大蜆，隻隻都有番咁上下大隻，新鮮而且無沙👍🏻咁多種餃，朋友獨愛韮菜餃，好彩大大隻，但皮薄餡靚，肉鮮，韮菜唔會有渣。食左咁多肉，要嗌番個蔬菜拼盤平衡下，感覺健康好多雖然嗌得唔多，但係份量十足，兩個人都夠飽🤗

太耐無食火鍋，想搵返一間好味既火鍋，食返夠本。所以今日去左旺角食呢間喜鍋，重要係一間撐醫護既火鍋店，大家知咩料啦👍🏻呢間火鍋店一睇就知道有海鮮食，成個魚缸向門口👍🏻 而且重有8折優惠，好抵呀👍🏻提一提另一個優惠先，分享社交平台送一個小食👍🏻，今次送左胡麻冰菜😋我地叫左個清湯湯底，因為媽媽吾想食咁濃味。我地叫左幾個好味既餸，加一個小食😊其實佢地重有好多餐前小食，我地叫左最出名既蟹籽墨魚油炸鬼🥂油炸鬼剛炸好，熱辣辣，入面放左好多墨魚肉，外層香脆，內裏爽口，勁好味，配埋甜酸醬，停吾到，必食推介👍🏻👍🏻鮮淮山，非常新鮮，可以見到淮山上面有一層黏液，記得吾好放湯太長時間，否則就食吾到爽口既感覺😉爺酸饀配鳳城水餃，我好鍾意食爺酸饀，第一次食到水饀入面有酸菜，酸酸地，好好味👍🏻又係必食推介。秋葵極新鮮，配上清湯，因為健康又鮮味👍🏻打邊爐一定要有肉食，所以我地叫左一口牛柳粒。牛柳粒脂肪同肉既比例非常好，放湯大約1分鍾，就食得，好有牛肉味，咬落去啲肉汁流返晒出黎，好好味呀😋去到最後，我地吾想浪費左個湯底，所以我地叫左一個金香泡飯。我地將炸到香脆既米粒分到自己碗入面，再加入湯底，等大約五分鍾先食。米粒吸收

今日同媽咪慶祝母親節，聰明既我就緊係一早book定枱啦！今次黎到油麻地既喜鍋，而家只要share 喜鍋既社交平台就有8折優惠餐廳好細心提供紙袋比我地放口罩！簽到仲會送返胡麻冰菜一碟呀！係打邊爐之前就叫個鬼馬蟹籽墨魚滑食住先，將墨魚滑釀入油炸鬼，油炸鬼脆卜卜，墨魚滑夠彈牙，都幾好味！我地叫左一口牛，牛味好香，份量都幾多！然後不得不提既就係喜鍋既自家製水餃，仲可以雙併添，我地揀左鳳城水餃同爺孫餃！鳳城餃子包住好大隻蝦肉，皮薄餡靚！爺孫餃就係椰菜加酸菜既餃子，呢個組合真係幾特別，第一次食，餃子帶d酸甜既味道，值得一試！最後必定要點既就係甘香泡飯，原來個飯係飯焦粒黎，每粒都炒得好香，食法就係將飯焦粒加左落自己個碗度再加熱湯落去泡一泡，口感脆脆的，混合埋湯底既精華所在，不得不試！

 高質素火鍋專門店主打新鮮食材,足料火鍋湯底,仲有優質既服務舒適既環境,而家醫護仲有7折,其他就8折不分時段！呢度既食材水準相當高先講湯底，就算你單點一個沙爹湯底都絕對不是HEA煮,一樣交足貨沙爹湯濃而帶辣,濃到食完差不多2小時仲未散沙爹湯底帶辣味都係比較少見,幾有特色先來一碟雪花美國肥牛,再黎鮮蝦雲吞最後加碟菜同埋烏冬~,仲可以叫多支野飲 另收醬料費,每位計有蔥,辣椒等六種任你配搭不過個湯底夠曬濃反而用處不大  沙爹湯底特濃既湯底,配上肥牛就係最夾啦!切得厚薄合適,不會這種帶點厚度既牛肉片燙煮起來肉有彈性,不會流失太多油脂甘香肥美,肉味濃郁濃郁既湯底加返個烏冬,彈牙爽口,吸飽了沙爹既濃郁汁底,非常好食再來手工包製既鮮蝦雲吞入面既蝦肉甜爽彈牙,非常出色 牛肉只需要燙煮大約15-20秒就熟了,可以吃,不用煮太老旺角上海街428號地舖G/F, 428 Shanghai Street, Mong Kok港鐵油麻地站 A1 出口, 步行約3分鐘