喜鍋 海鮮‧火鍋‧小廚 (已結業)

一坐低已經好好service, 有好多醬料, 打邊爐必備手打雜錦丸有5款咁多, 我最喜歡的當然是墨魚丸, 但不得不提的是牛丸, 肉質十分嫩滑而且無根, 是我食過之中最有質素既五寶丸!湯底叫左花膠鯊魚骨膠原鍋, 入面既花膠口感軟滑, 加埋鯊魚骨, 好養顏啊, 補曬D蛋白質同骨膠原! 未食之前, 會先叫我地飲湯先, 好有火候, 飲落又好暖胃，清清地既湯底可以襯扥到更多食材既原味，只有選料上乘的餐廳先做到!餃子既皮十分彈牙, 而且唔會太厚, 但放落火鍋又唔會散, 一流!十分新鮮既豬腰，睇個色澤就知佢非一般啦, 柔潤光澤, 係好靚既血紅色, 而且無污色點, 仲清洗得好乾淨脆肉鯇係果真的脆! 十分彈牙, 肉質清爽、脆口! 海鮮最重要係新鮮! 薄切羊肉, 鮮香又軟嫩的口感, 再加上羊蘇味, 真係好香又開胃!皇帝菜同雜茹拼盤都係打邊爐必備之選，自家炸既響鈴又脆又香口! 同個湯底好夾!我地全單食左咁多野, 仲有8折! 真係十分優惠!