喜鍋 海鮮‧火鍋‧小廚 (已結業)

由於真係太耐冇去打邊爐啦！見疫情稍為緩和，忍咗咁耐喺時候要出動了！💪🏻💪🏻💪🏻今次我哋一行三人去咗旺角嘅喜鍋，因為呢段時間只要like 佢哋嘅社交平台專頁就有八折優惠！ 醫護人員仲有七折tim! 當然要去試吓啦！我哋先叫咗個海鮮鍋湯底，入面有蟹，蝦，扇貝，蜆等食材，都幾足料同夠鮮味的！之後點咗幾樣配料，當中值得推薦嘅係豬天梯同頂級安格斯牛骨脊，豬天梯超級爽口，口感又夠特別，而碟牛就非常之新鮮，牛味夠濃，油脂分布夠平均，色澤又靚，肉質鮮嫩，的確係非常之好食！喺等食期間叫咗碟鹽燒魷魚鬚，夠香脆可口，正呀！ 最後埋單人均都係每人二百幾蚊，算是好抵食呀！