喜鍋 海鮮‧火鍋‧小廚 (已結業)

#上海街 #小店 喜鍋海鮮‧火鍋‧小廚.［花膠鯊魚骨膠原湯鍋］岩哂女士食😍keep住啲膠原bb超足料勁多鯊魚骨＋花膠，仲有豬腳＆雞腳💞打邊爐之前可以飲啖靚湯，仲跟埋個泡飯泡飯脆卜卜加入靚湯之後粒粒鮮甜💗大愛.火鍋料種類選擇多又新鮮😍羊肉片入囗滑👍🏻香而不騷美國桶蠔肥美唔腥，素菜款式都好多選擇好新鮮😏推介海鮮蟶子皇，大隻又鮮甜😋勁好味！....#more優惠小店而家仲做緊優惠👇🏻分享喜鍋社交平台即享88折😍..#支持香港小店 #支持小店 #支持小商家 #火鍋 #打邊爐 #hotpot #heypot #mongkok #mongkokfood #mongkokhotpot

今次嚟到油麻地報復式食野 開始有d秋意 一於去食雞煲打邊爐啦 比門口個88折吸引左 仲有最好係唔限時 而家出面好多都限你90分鐘食野好趕 呢度任坐 不過唔係任食 睇下menu先 淨係湯底都好多選擇先試個小食先 見到廚師推介係蟹子墨魚油炸鬼 食落真係好脆呀 用墨魚讓落油炸鬼度好夾我地叫左個小辣重慶雞煲 一次過滿足哂2個願望 小辣對於唔食辣嘅我嚟講都ok可以接受嘅 不過一路食就feel到個咀好熱無咩感覺 食完雞煲就打邊爐啦 雪花肥牛好正 唔會太肥又有牛味 原來呢度d手打丸呀餃呀可以同價錢雙併ga 隱藏menu嚟 可以試多好多款 手打墨丸拼手打牛丸 墨丸真係好彈牙 牛丸就有d似山竹牛肉個隻質地另外有鮮蝦雲吞拼爺孫餃（原來係椰菜酸菜豬肉餃）好新奇嘅配搭叫多個菜同烏冬 烏冬吸哂d湯 好飽好滿足嘅一餐

食材新鮮、牛肉靚、湯底鮮真係無可否認👍🏻.1️⃣ 超牌花膠鯊魚骨膠原湯鍋 $208湯底來講呢個價錢就唔算平，不過確係好鮮甜嘅魚湯。入面有大約六至七件花膠，都好厚身而且有膠質～而佢嘅鯊魚骨一路打邊爐一路煲就越香‼️.2️⃣ 蟹籽墨魚油炸鬼 $58香脆可口，用來做餐前小食就啱晒，更係呢度必試嘅一個小食～.3️⃣ 安格斯牛頸脊 $208牛肉油花好靚，上台既時候紅卜卜咁。Quality真係唔錯，焯起來腍滑而又有彈牙既肉質👍🏻.4️⃣ 蟶子皇 $38/隻好大好大一隻！鮮甜爽口！必點呀😻.@fatpet_natalie

旺角除咗係創興排隊上去打邊爐🙈其實係上海街仲有一間食物質素唔錯既邊爐店💛仲有坐低後餐廳好細心咁提供左搓手液同口罩袋今次叫左個麻辣同香茜皮蛋嘅雙湯底😋叫完湯底後，店員都俾左個自助調味架我地自己整醬料。🔻香茜皮蛋同麻辣湯底味道：7/10價錢：$88香茜皮蛋湯估唔到咁濃味，d菜索晒湯底味道正😋另外麻辣湯底辣得黎好香，鐘意食辣嘅唔可以錯過火鍋可以揀既食物都幾多，我地2人就揀左呢幾款：🔻日本黑豚肉味道：8/10價錢：$128肉質嫩滑亦夠新鮮😋唔會鞋口，正呀🔻梅菜豬肉丸味道：7.5/10價錢：$48佢地自家手打豬肉丸，梅菜混雜住豬肉，有d似肉餅咁，感覺新鮮，男友幾鍾意❤️🔻自家脆響鈴味道：7.5/10價錢：$48響鈴夠晒脆，點湯食一流，而且份量好多，3-4人點一碟都夠呀

而家堂食開放埋晚市，所以急不及待約埋朋友去打個邊爐😆😆😆 坐低左之後會主動比搓手液，口罩袋👍🏻👍🏻湯底叫左招牌花膠鯊魚骨膠原湯鍋，花膠大大舊，又夠淋，而且兩個人share每人都食到大概4件😍😍另外個鍋底送甘香泡飯，脆卜卜嘅口感，浸一陣湯就變成脆脆地嘅泡飯👍🏻新鮮大元貝係真係新鮮貨，冇沙又鮮甜，熟左就好易分開肉同殼💓手打鮮蝦丸夠彈牙之餘仲會食到有細粒蝦肉👍🏻蟹籽墨魚滑唔腥又爽口，份量仲要好多😍頂級午餐肉午餐肉超厚切，鐘意食嘅人一定要叫😋金菇菜洗得乾淨又新鮮😚最後值得一讚嘅係，侍應嘅服務真係超好，一直留意住你有咩需要，唔洗開口已經主動做曬👍🏻

🍴蟹子墨魚油炸鬼 HK$58湯未滾，整碟小食先，油炸鬼好鬼脆，塞滿香甜墨魚肉，不過我覺得唔夾泰式辣醬，如果配芥末沙律醬仲正。🍴魚湯海鮮鍋 HK$228湯底用鮮魚熬製幾個鐘，相當鮮甜，先飲為敬。海鮮有花蟹、大海蝦、元貝、黃沙大蜆，全部都算新鮮，食完海鮮，再落料打邊爐。🍴豬粉腸 HK$48唔韌，唔苦，無異味。🍴手打鮮蝦丸 HK$58大大粒，幾彈牙。🍴鮮蝦雲吞 HK$48唔算大隻，但入面足料。🍴讚岐烏冬 HK$18海鮮魚湯緊係要配烏冬啦，飽晒。店員招呼周到，醬料費每人13蚊，埋單仲有88折。📍喜鍋海鮮‧火鍋‧小廚旺角上海街428號地舖

被困左一段時間在家晚餐，終於開放返晚市營業，令我急不及待出返去覓食🤪一坐低就好有心咁，主動提供口罩紙袋、酒精搓手液同熱水for洗碗筷（安心最重要！）🥰醬汁配料都好新鮮同整齊，衛生程度好高～😆招牌花膠鯊魚骨膠原湯鍋，有大大舊花膠😘 養顏滋潤，女仔最鍾意！送甘香泡飯，呢個飯好得意，脆脆地，要加湯浸軟佢先好味～😝元貝，好新鮮、大大粒，放落去浸一陣就食得😋手打鮮蝦丸，有蝦粒食地，真材實料😍蟹籽墨魚丸，將放係上面嘅蟹籽同墨魚滑撈埋一齊再放落去，咁樣蟹籽就唔會散開🥳頂級午餐肉，有無人同我一樣？打邊爐一定要食午餐肉🤣 厚切好滿足金菇菜，又係另一樣打邊爐必叫食物，新鮮乾淨😛😛

打邊爐唔一定係狂食肉先至正，食海鮮鍋一樣可以好盡興😋呢到有好多特色湯底可以揀，今次唔想食肉食得太濟，所以決定同朋友食清D鮮甜D。落單叫左 魚湯海鮮鍋($228)、豬粉腸($48)、蟹籽墨魚油炸鬼($58)、手打鮮蝦丸($58)、鮮蝦雲吞($48)、讚崎烏冬($18)、娃娃菜($28)、白蘿蔔($28)，另外醬料($13)*2醬料：先DIY整返個最啱自己口味嘅醬料黎點野食👍🏻蟹籽墨魚油炸鬼：叫左份餐前小食，咁就唔駛餓住等😁油炸鬼裡面釀墨魚滑再炸，再加左蟹籽喺上面，食落唔油膩，再點埋個甜酸醬黎食，酸酸甜甜幾香口，作為小食一流😋魚湯海鮮鍋：呢個海鮮鍋用料十足，認真豐富🥰湯底用蟹、海蝦、扇貝、蜆、花甲、木耳、紅蘿蔔、什菇等材料熬製而成，飲落夠鮮甜啖啖海鮮味，絕對唔係落味精溝出黎🥰以呢個價錢個湯底仲有咁多海鮮料可以食，非常超值👍🏻手打鮮蝦丸：呢到D丸新鮮手打，食落去爽口彈牙，而且D丸打得個大細合適，方便一口一粒😋鮮蝦雲吞：雲吞皮薄餡靚，豬肉同蝦肉都好新鮮，食落唔會話好似放左好耐霉晒咁😁豬粉腸：份量都唔少，食落去有豬粉腸D粉甜味，而唔係有陣苦味，處理得唔錯👍🏻咬落亦好有口感娃娃菜：娃娃菜本身都甜，

平時打邊爐，都好鍾意去開一啲飲食嘅地方，但係其實自己都知道，任食嘅地方其實啲質素都唔會太高，所以今次決定去搵一間係質素高嘅地方食。我哋兩個人一共食咗$600 ，雖然食嘅嘢唔算多，但係就真係食到幾好嘅海鮮。我哋一入去嘅時候就叫咗個鯊魚骨煲底，呢個煲本身都已經要228蚊，但係裏面已經包含咗四至五款火鍋湯料。之後我哋就叫咗呢度嘅鮑魚食， $38 一隻，非常新鮮，而且啲肉一啲都唔會太老，配埋個湯底一齊，連埋啲湯汁一齊食，就更加香。我哋亦都叫咗啲金菇冬菇蔬菜🥬。另外就係一定要睇佢哋嘅甘香泡飯，銀心炸過的香味，連埋啲湯一齊食，我就真係好好食。另外亦都有飲佢哋嘅啤酒同埋涼茶，都幾好飲。

疫情底下 真係見到好多有心 嘅食肆 👍👍喺油麻地行完街 同朋友 打邊爐晚餐 😍😍見到喜鍋做緊八折 😬😬門口仲見到佢嘅魚缸添 🤪真係好新鮮喎 🥰🥰一入門口見到佢有個口罩紙袋箱，簡簡單單一句：香港人加油 💪真係好窩心 😍另外老闆同員工 都非常友善 👍而且服務很好呢 感覺好舒服 ，難怪好多熟客戶嚟啦！講返嘢食先 ，點咗魚湯海鮮鍋非常足料湯底鮮甜 我哋每人都飲咗兩碗湯呀🤭🤭仲有蝦蟹蜆 ，叫牛魔王塔，加蔬菜都夠曬啦 魔王塔好正 有四款唔同嘅部位而且牛肉，非常濃郁👍👍入口即溶食得出係新鮮貨高級貨🤩🤩另外仲有好多小食喎 蔬菜各方面都好講究 睇得出老闆嘅用心 ☺️今晚食得好開心 食物質素滿意，服務一流，而且價錢折完之後每人 三百 蚊左右 ，抵食 ！又多一個gathering 好地方啦🥳🥳

旺角打邊爐，以前淨係會諗到啲任食嘅地方，但係如果想食高質啲嘅食物嘅話，就最好去啲唔任食嘅地方。因為我瀨過野。朗豪坊過一個街口嘅呢一間餐廳，出名嘅係佢嘅火鍋湯底、同埋海鮮。呢間唔係任食，所以都有心理準備，要比多少少錢。我哋唔係食得好多嘢，但係就試咗佢啲最招牌嘅嘢，包括左佢嘅鯊魚骨湯底、泡飯、鮑魚，同埋少少配菜。佢個鯊魚骨湯底二百幾蚊，但係裏面就非常足料，其實齋係呢一個湯底，其實齋係呢一個湯底，都已經等於左成三四款餸。我哋之後又再叫左鮑魚， $38 ，非常抵食，亦都非常新鮮。鮑魚非常大隻。佢呢度出名嘅係海鮮，所以點都真係要嗌一隻鮑魚食下。我哋亦都飲咗佢啲飲品，佢嘅啤酒好平。最後食多一個飯，佢呢度賣晒招牌好出名嘅係甘香泡飯，我哋食咗，佢嘅泡飯本身質地非常乾，細細粒，好硬淨，炸過，撈埋落湯一齊食，即刻變軟，而且好香，好好食。

早排有日冇飯開，決定一人打邊爐。呢間做緊88折，最緊要仲有醫護全單7折優惠😍。.☘️芫茜控當然係揀皮蛋芫茜鍋（$68），貪佢夠清淡得嚟夠百搭。.🦑椒鹽魷魚鬚 $48差唔多每次嚟都叫一份。以呢個價錢份量好多，炸得香脆唔油膩。炸粉有好濃椒鹽味，係細個喺酒樓食到嘅味道🥳。.🥠蟹子墨魚油炸鬼$58呢度嘅炸物好出色！夠鮮味又彈牙嘅墨魚膠，配上香脆油炸鬼，香口到唔捨得浸湯。.🍄竹笙$48口感爽脆而且營養豐富，配上清淡嘅湯底好夾！.🥚生雞蛋 $8湯滾嘅時候落雞蛋，雞花好似雲咁靚。煮大幾兩分鐘左右就有流心蛋食🤤。

-最近大家一定好驚，因為疫情又嚴重左。瘦編今日為大家介紹一間好放心嘅火鍋店，位置係旺角朗豪坊附近。點解話好放心？因為佢地嘅坐位大部份都係卡位，有卡板隔住啲位置，所以可以食得放心，唔洗驚！👍🏿-首先，依間小店嘅服務非常好，啲職員好有禮貌，會細心介紹啲食物，重點係都係黃，所以好岩傾。😆依度有好多滋補湯底同雞煲選擇，我同朋友就揀左藥膳醉雞煲。個雞煲非常足料，味道濃郁，隻雞足有一斤重，肉多骨少，抵食。另外都叫左啲食物打下邊爐，依個頂級安格斯牛頸脊(小)色澤鮮紅新鮮，雖然order左個細size，但份量都幾多，每塊牛厚薄均一，有一定既厚度，食落口感唔錯，肉質鮮嫩，牛味幾重。😍-即炸響鈴都係每次打邊鍋必叫，即炸同一早炸好左嘅分別好大，即炸先夠脆！至於飲品方面，啤酒，汽水等都有提供。依家like同share佢地fb仲會有小菜送同全單8.8折，超級抵呀！😋-味道評分▶️🌕🌕🌕🌕🌑 (4)抵食評分▶️🌕🌕🌕🌕🌑 (4)回購評分▶️🌕🌕🌕🌕🌑 (4)-➡️ 喜鍋 海鮮‧火鍋‧小廚 (旺角)📍 旺角上海街428號地舖

同好耐無見既朋友打邊爐先！呢間火鍋店既湯底有不同特別既選擇，簡左杏汁燉豬肺鍋，店員好貼心，叫我地首先飲左無溝雞湯既純杏汁湯底先🍲，果然超級濃味，豬肺都好好味😋之後就加雞湯繼續火鍋啦！.最矚目一定係牛魔皇塔🐮成個三層塔好有少女心咁打卡一流啊～分別有至尊手切本地牛頸脊、頂級安格斯牛頸脊同降霜手切肥牛粒🐮 🐮 🐮另外仲有好fresh既海鮮！嗌左蟶子皇，隻隻都爽口彈牙，味道仲勁鮮甜，真心勁推介😍😍手打五寶丸亦非常不錯，有齊墨丸、蝦丸、鯪魚、牛丸同豬肉丸🍡粉粉既炸芋片同響鈴用黎打邊爐都一流！即食小吃都有好多款，其中蟹籽墨魚油炸鬼勁脆個墨魚滑又好掂👍🏻最後當然解下渴飲返支柑桔蜜啦🍹Cheers~

旺角上海街喜鍋海鮮火鍋分享喜鍋某社交平台即全單88折！非常抵食既火鍋。店員非常讚好既服務，常溫馨提示小心熱，真心覺得窩心！值得一讚。自家製青檸柚子蜜，甜度適中！清新既柚子蜜香，清新解渴，叫左既湯底係花膠鯊魚骨膠原鍋配上泡飯，湯底真心鮮味又夠濃香花膠 and鯊魚骨非常足料，花膠煲到綿綿！入口細滑綿密，鯊魚骨比較少食到，口感原來幾爽脆！層次幾豐富，整體個湯底真心好味！再配上泡飯，口感更佳！清脆既感覺溶入為一！芝士竹輪，半溶芝士在其中，幾香幾正！四寶餃，包含有雲吞，水餃，韭菜，椰菜！外層皮薄，唔會好厚粉，口感幾好，餡料幾飽滿，用料十足。蟹籽墨魚油炸鬼為小食！感覺幾得意，香脆又唔油膩！蟹籽 topping, 更帶點鮮香！88折後更加抵食！打邊爐又多個好選擇！