和牛燒肉‧純

去呢間多數都係食夜晚，不過原來食晏時間係有燒肉餐架，經開又係食晏時間，以為多人啦～但原來唔使等位，即有得食。但燒肉要時間，餓底既我，好在有沙律食同湯飲著先冇咁餓。肉質滑流，會再去食。

之前去過日本高山，食過飛驒牛燒肉，非常好味、非常懷念。看到香港有日本和牛燒肉店，便約友人晚餐，輕鬆一下。我們習慣早食晚餐，大約六點，這樣可避免人多，壓迫的感覺。但這裡環境非常舒適，有包廂的感覺，完全不知鄰坐有冇人。這樣可以與友人靜靜地談天，舒緩工作的壓力。看看餐牌，介紹怎樣才是純正的日本「和牛」及展示和牛的各部位。我們點了「特選日本產和牛肉眼 」、「日本產和牛上牛排肉」及「日本產和牛肩眼」。這些有得選擇汁燒或鹽燒，我們全都選擇了鹽燒。特選日本產和牛肉眼、和牛上牛排肉及和牛肩眼，牛味濃郁，充滿油脂香，而且入口即溶，非常好味 肉的底下墊了一些蔬菜，不只吃肉，有些蔬菜調和一下。再配上用日本珍珠米白飯，粒粒有嚼口，忍不住食晒成碗飯。之後我們點了飲料，白桃梳打及巨峰梳打。白桃梳打味道清香，鮮甜；巨峰梳打不太甜。初以為只是幾片牛肉不夠飽，再配上白飯加飲料，非常飽及滿足的一餐 ^_^

都知道不用等位既餐廳有可能伏但無諗過要用成千蚊去伏一伏因為唔食牛, 所以叫左雞、豬同海鮮可能係想大家食到原肉味，應該無醃過所以無味靠醬、油、鹽都幫唔到D咩叫左一雞三豬，晚餐要散叫無飯配，所以食晒四個肉都唔飽但不憤用左幾百蚊都無食過D好食既野所以俾多個機會佢叫海鮮問一問侍應海鮮係生劏的嗎?侍應：本來就是死的所以都無期望咁一試樣係好好睇，蝦就大又有鮑魚帶子但真係咩都無味，海水味都無氣氛係OK既，坐位一般，但兩人會被分配一張大枱同其他人搭枱出入都要其他人起身先得總括係唔會再去

咁大個女第一次同好朋友去豪食就試和牛喇.. 聽講全部都係由日本空運和牛.. 一聽都已經夠吸引.. 我地點左個和牛套餐及後加了鍋物同沙律.. 好驚食唔飽咁.. 後加單左先發覺原來跟餐都有沙律.. 我喜歡日式沙律因爲好多時都有滑豆腐一齊食.. 再加埋日式沙律醬汁酸酸甜甜好開胃.. 和牛拼盆: 有牛肉眼，牛排肉，牛肩眼，五花肉.. 賣相已經好吸引.. 擺位整齊精美.. 牛肉眼燒完油脂同肉分佈好平均.. 口感一流.. 牛排肉相對油脂較少燒完有滿滿的肉汁.. 五花肉望落去好多油脂不過燒完食落都唔覺多油.. 可能靚嘅五花肉就應該係咁樣.. 而且拼盆上都有配菜可以一齊燒.. 燒完和牛仲可以夾菜一齊食.. 另有一番滋味.. 辣味海鮮鍋: 這個材料不多有兩隻大蝦同鮮魷.. 仲有少少菇類.. 兩個人每人都飲到碗半.. 不過味道就普通點.. 但價錢就較貴.. 三文魚沙律: 同跟餐沙律菜一樣.. 只係多左三文魚同沙律醬汁不同.. 三文魚上面係千島醬.. 全部搞混就一定好味喇.. 食得太多肉始終都要少少菜中和一下.. 水蜜桃 & 巨鋒提子汁: 帶少少氣嘅果汁.. 兩杯試完我覺得水蜜桃好飲啲.. 因為無咁甜呢..

和牛燒肉純 100%日本產和牛燒肉店, 我就是被這串名字吸引了 , 點解? 因為早前飛到九州吃了佐賀牛/高千穗牛等, 實實實實在太懷念那些美味的日本和牛了 ! 位於尖沙咀東部的和牛燒肉純店外放著很多好誘人既套餐美食LUNCH SET價錢都好吸引，可惜我唔係尖沙咀依附近返工啦..... 還有來自鳥取的牛牛店內環境店內環境店內間格店內有格格卡座 , 有自己空間 有6人檯 座位SETTING落單可以按鐘, 店員好快就來, 不用舉手不用大叫 和在日本大多數店一樣清新豆腐沙律 , 好細心已為我們分開上四款單點組合而成既拼盆和牛赤身肉 (薄薄的每邊烤數秒便可食用)特選日本產和牛牛排肉日本產和牛上牛排肉特選日本產和牛西冷平時少喝酒的我，總覺得吃日式燒肉時配埋冰凍啤酒或梅酒才像樣 厚切牛舌喜歡牛舌的就不要錯過這兒的厚切牛舌，絕不嬉場 開動開動, 燒不欵遲 建議吃油花滿滿的燒肉時, 最好配上一碗日本米的白飯 , 日本米煮成的白飯勁有嚼口有米香, 好正 啖啖肉

本来点了些便宜的就已经觉得好好吃，新鲜美味，调料也很赞；后来上了他家招牌飞弹牛，简直是好吃到想哭。虽然有点点肥腻，但是绝对值得尝试啊！连豆腐沙拉和和牛炒饭都很好吃！环境也很不错，服务也很好。

我等吃貨素來愛吃烤肉，曾經有段時間每個星期去吃一次日式燒肉，其中一家就是要去和牛燒肉‧純。和牛燒肉‧純是家正宗的日式燒肉店，這裏的肉類供應都源自日本政府所屬的農業組織，農產經屠宰後直接冷藏再運送到香港，100% made in japan。店內環境高級，空間感及私隱度也高。如果坐卡位的話，甚至可以把白布廉放下隠蔽自己。地方整潔而且通風很好，抽氣強勁，不會令食客滿身油煙味。前菜是日式沙拉，我喜歡它當中有多粒牛油果和脆脆的炸蘿蔔條，很有誠意。主角出來啦!圖前排中間: 日本產和牛上牛排肉$205 色澤嫩紅，牛肉中的脂肪分佈平均。肉質較結實，而且牛肉味道濃郁。圖前排左邊:特選日本產和牛牛排肉$320比起日本產和牛上牛排肉的色澤更粉嫩，脂肪分佈更細緻。肉質會較軟腍，牛肉味道更濃郁。圖後排;特選日本產和牛肉眼$550雪花紋理豐富，脂肪比例最高，油脂豐腴。輕輕燒熟，放入口中輕微嘴嚼一下，牛肉便立即溶化。單吃牛肉有點油膩，跟白飯最佳。日本珍珠米香軟糯，配著滿滿牛油香的肉眼，入口感覺相當幸福。圖最右:日本產豬五花肉(鹽燒)($78)日本和牛雖然著名，但其實豬肉質素也很不錯。五花腩的油脂成份高，燒的時候會

自從上年帶爸爸去完日本食過燒和牛後，爸爸一直念念不忘，得悉尖沙咀有間專食日本和牛燒肉既店，爸爸生日專程帶佢黎品嚐回味。店鋪裝潢好有高級日本餐廳感覺，除左有吧台位，都有好多具私隱度既卡位，可以坐得舒服食得開心😝呢度既牛件件都係由日本空運直送既靚貨，一切以優質行先。同爸爸點左4款唔同部位同等級和牛嚐試，包括特選日本產和牛牛排肉， 特選日本產和牛西冷， 日本產和牛上牛排肉和 日本和牛赤身肉。特選日本產和牛西冷單看外貎同西冷既油脂分佈已令人食指大動。肉質厚，但做到入口即溶既效果，牛味香濃，滿口都是甘香既滋味。特選日本產和牛牛排肉和牛牛排肉燒的時候格外香逸，油花十足，色澤鮮明，粉紅泛白既比例非常靚，燒後加小許鹽調味，牛既油份充盈，食落完全無渣轉眼間就已經融化，齒頰留香。日本產和牛牛排肉呢個同特選其實分別唔大，牛排肉雪花都細密，脂肪唔多，分布平均，油膩感較特選低，肉質嫩腍，非常juicy好吃。日本和牛赤身肉赤身肉價錢最平，油脂分佈無先前幾款禁吸引，顏色較深。但勝在夠薄身，輕輕一燒，咬落帶點彈口，一啲都唔韌，牛味最為濃郁👍🏻👍🏻豆腐沙律店員好好，幫我地分開左2碟，方便我同爸爸進食，沙律菜，蕃茄仔非常

每個月總有一兩日要食番餐好既黎獎勵下自己，今晚都唔例外，搵左間係東京開到黎香港既燒肉店。呢間日式燒肉店係香港都有兩間分店，分別係銅鑼灣同尖沙咀。而我今晚就揀左尖沙咀呢間分店，佢係係尖東希爾頓大廈1樓，即係半島中心對面，地點方便易搵。呢度地方寬敞，環境舒服，裝修簡約，仲有d屏風設計，私隱度高。Menu呢度除左主打和牛燒之外，仲有刺身、壽司、壽喜燒等等...好多選擇三文魚沙律$88未變食肉獸之前，黎個前奏，食番個fresh fresh沙律，開開胃先三文魚新鮮，沙律菜爽口，好醒胃，不過略嫌份量少左d姐特選日本產和牛肉眼 （鹽燒）$550日本產和牛上牛排肉（鹽燒）$205特選日本產和牛牛排肉（鹽燒）$320日本產豚肉眼（鹽燒）$98終於都黎到今晚既戲肉啦，我揀左4款主食，有肉眼、上牛排、牛排同豚肉。全部都係由日本全國農業協同組合聯合會(JA全農)直接經營既，質素一定有保證。而今晚既和牛就黎自鳥取，淨係睇到已經食指大動啦，尤其係望到佢d雪花紋理，就知佢油花平均，食落仲係好油香，和牛牛味香濃既，質感軟棉但係又帶dd咬口，雖然價錢係有d貴，不過我又覺得值回票價喎，再配埋碗日本珍珠米煮既白飯，簡直係p

自從由日本旅行回來，便對當地的燒和牛苦苦思念，但距離下次長假，還有一段日子。朋友於是向我推薦和牛燒肉.純。位處尖東的餐廳，要稍微多留意才找到，但結婚以後，鮮有踏足尖沙咀，今晚難得再來，重拾昔日拍拖回憶，認真浪漫。門面簡潔，十足日本風味。設有一個又一個的包廂座位，私隱度高，認真抵讚！等了一會，先來豆腐沙律，豆腐軟滑，入口即融，沙律非常新鮮，蔬菜爽甜。我們還點了巨峰及荔枝梳打，清新解渴，不算太甜。終於...主角燒肉登場。先來幾片五花肉入味，薄身爽口。牛肩肉脂肪較少，但不失牛味。我最愛牛肉眼，最喜歡它既有牛肉那煙韌質感，脂肪適量，分布均勻，牛味濃郁。牛排肉則再淋滑一些，脂肪較多，齒頰留香。整頓晚飯，盛惠1500大元。雖然有點少貴，但宛如身置日本，終於可以一解我對和牛的思念。有機會，一定再來。

多數係呢一間都係lunch食，因為喺附近返工，佢個lunch好抵食唔使＄100就食到日本牛肉，佢啲牛質素好高，入口即溶，牛味好濃郁，配上佢哋本身嘅海鹽，真係好正，完全帶出佢哋嘅鮮味。Lunch Time有個牛舌太餐，牛舌好薄，但係可惜佢哋嘅份量真係太少，即使食埋佢個飯都唔夠飽女仔都食唔飽，所以有時要加叫其他嘢食，例如魚生飯，魚生飯都算新鮮，都好足料，但係相比牛肉好味好多，始終牛才是它們的招牌貨！！！

妹妹升職加薪，如此高興當然要賀一賀。我毫不客氣地選了這間我想吃很久的和牛燒肉純，大家都一呼百應。幸好一早預訂了，因為平日都全場full booking呢！我們一行四人，選了日本產豬五花肉，日本產雞肉，特選牛排肉，上牛排肉，牛舌以及西冷扒。原來餐廳差不多每個月就會轉一次和牛產地，今個月就選用了鳥取和牛，令人期待。上牛排肉和特選牛排肉同樣油脂分佈平均，當然特選油花紋理更密佈，入口時油脂在舌尖化開，油香豐富，但上牛排肉也不差！吃這兩款時，我要慢慢細嚼，好好享受。西冷簡單用鹽燒帶岀牛味，油花漂亮的西冷，同樣無得輸。牛味濃郩之餘，也充滿油脂香，太好吃！牛舌牛味香濃，和我在東京吃到的一間燒肉店水準差不多，但這兒因為太薄切欠了一點點厚度，所以少了一點嚼口，不過整體還是很棒！豬五花肉來自熊本，我不算特別喜歡吃豬，但熊本的豬肉卻令我改觀！肉味很突出，但毫無羶味，燒過後的五花肉還帶有爽口的口感，正。雞肉嫩滑有彈性，加上來自日本，吃得放心。每人都有一碗飯，絕對夠飽！十分滿足的一餐，謝謝阿妹！

聽同事介紹，原來尖東有一間日式燒肉店既和牛全部都有認證，而且價錢合理，身為牛魔王既我當然要前來一試，以引證同事所說之真實。餐廳位於尖東既希爾頓大廈，位置都算幾方便，但係如果唔係朋友介紹，或者有見到其他既宣傳，其實好容易就會把它錯過了，因為呢個商場唔係一個購物點，餐廳亦都唔算多，呢度大部份既客人應該都係慕名而來的。走進商場，步入1樓，好快就會發現餐廳既存在，以十分和式的裝潢作為招徠。在門口當眼既位置，已經看見各式的日本和牛認證，長崎縣和牛，可算是其中一種最廣為人知的和牛之選。於中午12:55前結賬名離座可享9折，可惜的是我們到達既時候已經係2點多，要下次再訪才能享用此優惠了。在餐廳的正中位置放有各款和牛的憑證，證明餐廳的食材全部也是貨真價實的。餐廳都算幾大間，穿過大堂位置會進入一條走廊，坐這些卡位，私隱度即時提高。另外也設有獨弁房間，一班人用餐也絕無問題。每張枱上也設有一個燒烤爐。因為餐廳很大，每張枱上也會有一個獨立制，方便客人呼叫店員。餐牌上的選擇有不少，最平$88已經可以埋單。除了餐廳主打的和牛外，也有刺身飯套餐可供選擇。點餐後，首先來到的是前菜。三色和牛定食 $250今次我點了三色

餐廳嘅裝潢富有日本嘅風味，在坐亦都有為數唔少嘅日本客人，加埋喺吧枱裏面忙碌緊嘅日本師傅，感覺猶如置身日本。呢間餐廳選用咗我至愛嘅食物夾，呢一隻食物夾最出色嘅地方係佢個夾頭唔會整污糟張枱，令成餐飯都豁然開朗。醬汁方面有三款，分別係海鹽，檸檬同埋日式燒肉汁，我覺得牛肉夠靚嘅話簡簡單單以海鹽調味甚至乎唔需要用調味已經夠哂好食。今日嘅牛肉係嚟自鳥取嘅和牛，鳥取嘅自然環境係最適宜飼養和牛嘅，自江戶時代傳承落嚟嘅和牛傳統，喺入口嘅瞬間演變成現代美味嘅結晶，除咗和牛之外，鳥取仲盛產紅楚蟹，雷魚，二十世紀梨，山芋，絹娘米同埋白蔥。食日式燒肉就梗係要嗌返杯日本啤酒嚟爽一爽啦，揀咗杯三得利生啤酒，啱啱上枱嘅生啤 head foam 足有三吋，靜待泡沫消散並落下嘅過程中，啤酒中部份嘅香氣與苦味成份就會散發出嚟，變成迷人嘅芳香；而碳酸亦都會轉趨柔和，令到個口感更加輕快淡雅，三得利係喺香氣方面充分表現啤酒花嘅芳香，而又能夠喺綿密的泡沫口感之中表現出淡雅麥芽風味嘅一隻啤酒。飲兩啖啤酒前菜沙律就送到，係鳥取原產嘅山芋天婦羅沙律，山芋天婦羅都係第一次食，真係估佢唔到咁香脆，一般炸嘢唔多唔少都會遮掩咗食材原本嘅味道，不

位於尖東希爾頓的和牛燒肉·純，主打日式烤肉。餐廳除了有烤肉定食，還提供了幾款煮好的定食，如日式和牛漢堡便當等。平日中午的時份很多上班族來自助烤肉，如果想試試一定要提前致電預約。午飯時間有不少walk-in的客人也未能光顧啊。光看未煮前的和牛樣子已經知道會入口即溶。桌子中央有一個烤爐，店的通風系統良好，所以烤肉時也不會很大煙。店員落單後，便把爐開著，讓烤爐預熱。今次與朋友慶祝升職，所以點了一客特選五色和牛定食，與 和牛肉眼&牛舌定食。前菜、沙津、飯、麵豉湯和飲品約5分鐘後便上桌了。前菜是湯煮牛舌，牛舌煮得軟軟的，味噌湯的咸味也適中。建議沙津預留一半待吃燒肉時一同享用。朋友點的五色和牛包括特選三角牛排肉、特選牛排肉、肩眼肉、上牛排肉、牛排肉。第一次吃選和牛，牛肉一上桌，已經估計到燒完後肉質會非常正。牛的表面充滿雪花，脂肪分佈平均。輕輕把牛肉放在烤爐上燒，烤爐上的方格可以令賣相更漂亮。肉的生熟可以自己決定，個人就喜愛煮長時間一些，有少許焦脆的，送飯不得了。五色和牛選了牛的不同部位，所以要按肉的形狀適時翻動肉塊呀。燒了一塊肉，點少許日式燒汁，下面配著一口飯，再一起放在口中。和牛的油份和飯配搭得