和味生滾粥 (已結業)

粥絕對好味，粥料絕對夠及好食，肥老板招呼絕對好...但可能味精相對也較多，腸粉是返叮的，油条是凍的，肥老板不在，侍應講是非，也不大衛生，有一次送錯了粥，食了一啖，匙放回粥說送錯了，侍應二話不說，把粥送住前二桌，我的口水尾... 另一次抹完枱用手加生菜... 此外，肥老板親自下厨味道也不及正厨...肥老板努力呀...

隔左幾個月再來幫襯是錯覺嗎四寶粥既碗好似細左粥底稀左魚既份量無變, 但件細左食完之後, 口渴左唯一不變的係老闆依舊好笑容, 好招呼但都不能補償上述既變化希望仲有下次

Went to this place for a couple times. The 魚卜is really good here. 薑荵爆魚卜is definitely a must try here. If you are not a big fan of 魚內臟, you can also try 椒鹽魚腩and 白灼魚皮. I am not going to comment a lot about their 粥because a lot of people here already gave comments on that. I would definitely come back again for more. If you like fish, it is a must try.P.S. Don't expect this place is clean and service is good.

在新興棧吃不到魚卜後,雖然半飽.但為了魚卜,再行到去和味生滾粥.先問定今日有無魚卜?)店方說有,即刻座下.剛才吃過魚粥,今次就轉吃腰片粥,再搭個薑荵爆魚卜.這店的腰片粥,先說個粥底,不稀不厚,也煲到開心,味道偏鹹,細嘗之下,應該是味精之作用.其腰片切得介乎厚同薄之中間位,份量十足.口感爽脆.沒有異味,大想頭一點,如果轉成黃沙潤的話會更加好.魚卜絕對是女仕之恩物,夠滋陰養顏,我輩麻甩吃得多,作用也一樣.這店的薑荵魚卜,酒香沒有新興棧的濃烈,但一樣惹味之外,亦不失魚卜本身的鮮.其質感更加爽脆.心理上,魚卜當花膠吃,一樣開心.睇你用什麼角度去想.

尋晚出佐敦,適喉嚨唔係好舒服就門算食粥喇原本想去新興棧,但怕多人,坐得迫同等得耐就試下呢間"和味生滾粥"記得佢響呢度個食評都算唔錯點知就中招喇.............我叫左一碗肉丸豬心粥...($24)中招實錄如下:1. 味精多到爆...-_-..苦了我個喉嚨啊2. 肉丸死實...冇肉味...比現成急凍豬肉丸好少少,但比起新興棧就輸左9條街......3. 粥底太稀...其實,食物都算麻麻但服務仲"好野".........我比$100佢找,個黑衫女人就從收銀櫃內飛出一張$20,一張$50到收銀臺上我冇打錯字...的確係"飛"出之後就開始再搵散銀比我完全冇拾起該$70 交比我ke意圖我唔係要你恭恭敬敬咁將d錢遞到我面前放下要我自己拎都唔係問題但我唔食乞衣,可唔可以用正常少少ke方式交比我??呢點就係我最不滿你d野食幾好都假,今時今日咁ke態度何況你d野食實在係麻麻地!!!冇下次~~門口貼幾多相都冇用啦唉都係去返新興棧好喇佢d阿姐係比較有性格,但都好過呢度lo!!*******************p.s呢間野,好搞笑個中文menu...粥底單拼$23(例如牛肉粥)但我睇到響收銀旁,那

雖然呢間魚粥唔及另一間出名,不過味道都真係幾好, D魚球好好味,我地叫左一個四寶粥, 一碟鯪魚球, 一碟魚皮, 豆漿同汽水。埋單九十幾, 都幾抵, 魚卜好食, 魚皮都幾爽, 下次會再黎食過, 其他好似黑柏葉等等

事隔半年再來幫襯, 但有少少失望八點來到, 只坐滿一半, 無左上年要係門口排隊既情況例牌的魚四寶粥, 魚腩粥, 炒麵, 咸肉炒麵最先來, 但是凍的, 雖然味道唔錯其後就係咸肉, 熱辣辣, 好好食魚四寶粥, 先爆再煮, 料多過粥魚腩粥, 工序一樣, 但我老婆話爆左, 搞到碗粥都帶有好大的味, 結果我老婆只係食左一半就放棄左以上四款野, 一共$77, 價錢係合理的, 因為加幅不大.問題係, 粥底無以前甘鮮味, 味精亦重手左, 返到屋企既兩個小時內, 飲左兩杯水仍覺口渴希望我下一次幫襯, 唔會俾個劣評佢啦

本來對魚粥不感興趣,因不懂吐骨,鯁死也未天光.妹妹郤喜歡,於是我便要了例牌的及第粥,她便要了魚較粥.下午三點,沒幾個客人,老闆親自下廚,先把薑葱用油泡香,再把魚較煎過才用粥底煮熟.妹妹一試,覺得好味,堅持要我也試試,於是也姑且照辦,覺得口感不錯,除了魚肉僅熟,夠嫩滑,新鮮之外,夾有薑葱和油香,確是佳作,配合精彩的粥底,廿多元一碗,是物有所值的.

同舍妹行街,心郁郁想食粥,便帶她來這店,因水準有翻咁上下.我因不懂吐魚骨,叫了例牌的及第粥,妹妹則見到隔離枱的客人在吃泥鯭粥,而這仁兄也發覺給注視,便對這粥大加讚許,而在旁的老闆也大加推許．於是便拍板．我的及第粥是如常的水準，料多和新鮮，ｏｋ．妹妹的泥鯭粥有三條小泥鯭，滾得僅熟，也不錯．老闆自豪的稱讚這粥和料的精彩和新鮮．但本人私下認為這粥還可以做得更好，不過在店子裏做，可能性甚低，因工序甚多．最簡單能提昇味道的莫如在粥面上加上小心切幼粒的大頭菜．或者如小可家厨所製的；先把魚劏好，用鹽醃一會,洗去鹽粒,抺乾，用少許油把魚煎香,把魚背的魚柳拆出,餘下的魚頭和多骨的部份用魚袋入好來煲粥底.如再加豬骨來煲更好．臨吃時才把先前拆下的泥鯭肉加入，再加胡椒粉，葱粒和大頭菜粒來吃，絶對是人間美味．

諗緊食腩牛定及第之際,見到同枱有一大碟黑色既牛柏葉,食得好滋味咁心郁郁,但黑色有d奇怪老闆好似穿我咁,開始係咁講.....哦牛柏葉本來就係黑既,街邊白色係浸過'哥士的'既結果拋棄左腩牛同及第,叫碗'黑栢葉粥'試下爽! 果然同街邊唔一樣加埋的醬油簡真無得頂都係要講多次好爽脆呀!!由頭爽到尾記得左影相哈埋單三十大元ok~

2007年3月12日21:30這店數年前我送上了一個"喊"。見好評如潮，便再試一次。要了魚卜粥。粥底：仍是極薄，師父略為重手，幸好加入了生菜絲，解去了那俗氣。魚卜：十個以上，太甘香肥美，吃完"未夠喉"。再來的原因可能為了魚卜。

今日肥女人當眾講大話...我看不過..立即澄清...我真沒用...居然掉下淚來..錯的是肥女人...我真傻瓜曾聽說食粥可以開心d..專程到來另吃最近的十分喜歡的魚云粥..好快有得吃..但看真d...魚云炸到金黑色...吃下去..好油..我少有的...吃了大半..走了...老闆不在...服務不太好...不停的說是非

雖然稍為加了價,及第粥要廿三元,但份量及質素仍然值得幫襯,尤其老闆十分好人事.粥來時,老闆親自捧上,忽然停住,像煞車一樣,緣因是發現我的枱上有一小小連我也差不多看不見的污點,他把粥放在旁邊的枱上,找來一塊布,把枱抺淨,才再把粥送上.在吃粥時,有一對男女入店,坐下後不知要叫甚麼,老闆便在旁逐一耐心介紹,用料和配搭,很是難得.試問在甚麼店還會見得到?一向也想試試其他的食物,但粥實在太大碗了,根本吃不下.但這也是吃粥的基本法,一定要夠喉,不能到喉不到肺.這店是做到了.

首嚐魚卜粥。魚卜起膠，原來爆過的比蒸的更惹味，好。豬潤粥有四大片豬潤，厚切。上枱時我同老媽兩人禁不住發出驚歎聲。老細聽了，說厚的比薄的更考功夫呢。煮食的大道理我不懂。但食落爽、軟、滑、好味無須蘸豉油。出乎意料的好。雖然爽口度不及靠得住，但連口感味道同大方程度，我就喜歡這裡的。至於粥底，綿度合個人口味，起初怕會太淡，食落又覺得夠味，所以跟住又驚有味精──我連喝完濃濃的魚湯都會唇乾舌燥，何況味精？結果無事。〔上次去完靠得住，大半個下午都口渴呢。〕老細有禮心亦細：多謝前多謝後；見我枱有只有漬的醬油碟，主動收回清洗。

魚卜粥($28)，計落非生滾類，只因魚卜早已炒過再加入粥半生滾而成，外層膠質呈微焦色水，大概是經粥一滾後，膠質演化成黏腍的質感，與內層爽口彈牙的軟組織產生出軟腍而爽口的獨特感覺，印象中膠質crossover彈牙的肉質，好似只有魚卜做得到？一客十件左右圓碌碌的魚卜粥，加上大量生菜、蔥絲，吃得甚為滋味。另點的魚皮($16)，分量不少，屬於薄身的類型，賣相及質感沒有「靠得住」的靚仔紮實（價錢為靠得住的6成），但細微處亦下了少少功夫，伴著切幼的蔥絲及甜豉油吃，爽口唔腥，亦吃得過癮。吃著粥時嗅到陣陣火藥味，率直的老闆與老老闆娘為生菜貨價爭執起來，但並無因此而「目黑」，對客人仍是一面細心，期後，街坊熟客你一言、我一語地勸交，本來火藥味十足的小店又傳出陣陣的笑聲。後話：1.買單時老闆少收十個大洋，大概是剛才被火氣沖昏頭腦，生意難做，老闆睇穩條數呀。2.師傅一手煮粥、一手炒麵，功架十足，下回定會點個即叫即做的炒麵。3.大字寫著「小心魚骨」，又是街坊小店特色。