和味生滾粥 (已結業)

雖然這間d粥好貴而且最近所有食品加了價但食左咁多粥店只有佢最好每次必食的係 生滾魚腩粥魚腩經煎煮後立即放入粥好夠野味 而且魚腩份量多絕對貴鬼起.至於其他好味食品:薑蔥魚腩:, 香口野味,肉質嫩 可是由$45 加至$50炸鯪魚球: 大粒彈牙, 外面炸至乾身,內面煙韌, $5/粒豉汁蒸魚腩 : 肉質鮮嫩, 可是加了價之後$60不推介:腸粉不論係淨腸粉,或係牛肉腸粉等等,粉皮厚,不夠滑.這間店始終都係食魚腩最好

和味生滾粥 吃粥的心癮又起,但今次不想到新興棧;行後了一條街這是和味生滾粥,比新興棧光鮮啲也好像貴一些這裡也是主打及弟同魚粥.魚的位置也是分明的想也不用想要了個腩卜粥. 也是生薑,生蔥,生菜任加. 粥底夠綿是我喜歡''稀''的口感,有魚香. 魚腩魚卜的份量也足...但米香還是不行.一個銅鍋爆過的魚料把鯹氣驅走這些要加十二塊錢的魚卜,還記得是澳門中央街市的下欄. 小時候最是喜歡那脆脆的咬口...不知何年何月找來了一把光環...成了珍品...這碗粥要了我共47 元. 要魚粥,今天真的要餘足才可.

叫了皮蛋瘦粥，第1啖已經系味精,跟住d粥就真係無味既粥,連一碗白粥應有既綿和米煲成粥那種味都無,d料就有既,皮蛋,肉絲,生菜cut細片,但好明顯係另外先放入d粥度,唔係一齊煲個law. 呢d料因為無一齊煲,好raw既口感,即係我唔係食緊粥,係食皮蛋同食肉絲同菜片同味精粥(not qualify to be sth of 粥indeed,磨到沒有粥的感覺,也不是綿),食了幾啖,索性快快食鬼完碗野,根本唔可以去enjoy食野.宜家對呢頭的粥店都有埋陰影,刻日宜家都唔想提食粥啦唔該 =-=牛腸,係咪夜晚9點無晒料整？定系呢d就叫牛腸？我食了半碟,出了舖(當然出左舖至講)同朋友講話無料,佢也食了半碟,佢仲以為係我食晒,因為佢都係食到無料囉!!!! 因為無料,所以至特登拿相機出來影.原來做生意可以咁,賣牛腸走牛,真係得番d牛碎都不如,勁呀~!!唔好俾舖頭出面d明星相呃倒,店裏仲貼話2011香港澳門米芝蓮,唉,唔試過真係唔知真相囉~!!埋單2人叫了一個皮蛋瘦,炸兩,牛腸,豆漿,共64蚊定65蚊,好貴既一餐難食野呀!!!!

昨天在女朋友家中，看到U Magazine介紹幾間很有地道特色的舊舖子，都是關於飲食業，當中包括造銅煲、咸水草、蒸籠等等，而當中最吸引我的便是一間生滾粥的小店，而且主打的是各式魚粥。看過報導後，便決心慕名去品嘗一下。這間店是地道做街坊生意，打從早上七時半營業，而這個星期日早上，我原本打算在電影中心看十一點半的電影才去吃粥，但是從屯門出發，時間真的預算錯了，我十一點四十五分才能到達目的地，所以便改變行程，先到粥店吃飽才繼續。這間店不難找，而且中午時分行人還少，商店也未開門，很容易便在吳松街找到這個招牌（看圖）。入面約有十多張桌子，這個時間還真的少人，招呼的大叔門都頗熱心，坐下無耐便決定要吃一個魚卜(魚標)粥。沒多久便來了一碗熱烘烘的魚卜粥了，份量很充足，粥底看得出是生滾，而且很滑，沒半點焦味，坊間用不銹鋼煲的有些會將粥煮很黃黃，而且有焦味。但這間標鎊用銅煲的小店便沒有這個問題了。吃著，看到牆上貼上我最愛的薑蔥魚皮，便二話不說的叫了一牒試試，還叮囑要多蔥！這個是候見到櫃面的後生老細（我估係）看著我昨天閱的報導，我便跟他們說我也是因為這個報導而從屯門到訪這店的。這時其他叔叔門都很興奮，可能是

無啦啦行到這間粥店, 好似...電視介紹過呀, 一於入去試試, 反正未食早餐....四個人, 點了兩個餐...加少少野...一個餐, 有炒麵, 粥和豆漿...本人是一個唔鐘意飲豆漿的人, 所以...其他人飲了....炒麵, 唔多夠乾, 無咩芽菜和其他東東...我最愛吧....最好全走....全走正合我意~XDD炸..魚球...好食, 真係魚做的, 無咩粉, 真材實料, 正!魚皮無傳說禁好食, 爽口, 但個味唔太夠。我食魚皮也不過三次, 但如果有得比較的話, 這個只算中間吧。魚片粥我唔太喜歡食魚片粥, 可能因為有骨吧, 不過阿媽喜歡的話, 無所謂吧。粥底.還算可以, 食到尾好水, 但夠棉...算合格吧。

今日行開附近佐敦, 見無乜謂口, 所以去同女友去食粥, 其實之前都有幫襯附近幾間粥舖, 不過今日想試下新嘢, 行行下比我見到呢間粥舖, 外面貼咗好多明星相, 又見個老板响門口好鬼好招呼噤推介佢啲粥, 心諗不防試下, 入到去, 見佢地主打魚粥, 所以我自己都穩陣起見叫咗碗魚腩粥, 而我同女友因唔鍾意食魚, 所以佢就叫咗碗豬潤粥, 另外再加多個小食炸鯪魚球. 隔咗一陣, 熱辣辣2碗粥送到, 碗粥既份量都OK多, 魚腩真係好好好鮮, 應該用薑蔥爆過, 食落無腥味, 而我女友嘅豬潤粥, 都幾大件下, 有5~6件, 食落彈牙有口感同幾爽甜, 好好食. 個人認為佢啲粥濃度適中, 唔算太稀同太稠, 因為太稀可能食到一半已變水, 而如果太稠可能會另碗粥變得無咁好食.最後上埋個鯪魚球, 剛上枱已聞到香噴噴, 見佢大大粒熱騰騰, 我同女友都唔客氣, 立即起筷, 剛上口覺得幾彈牙, 食落覺得幾嘢味幾得. 最後2個食到飽飽. 埋單嗰時, 個老細又多謝前多謝後, 好鬼熱情同客氣. 下次有機會我會再嚟試下佢啲小炒同其他粥品!

到咗lunch time 都唔係太肚餓，決定食得清淡d，行下行下嚟到呢到，又見未試過，老闆又好有禮貌叫過路人試下，門面又貼咗好多明星光顧的照片，一於就試一試，結果係令人失望坐低望咗一輪，魚粥應該係主打，但第一次都係想試d無咁易中招的，結果點鮮牛肉粥($27)牛肉粥上有少少生菜絲，吃第一口，粥底並不是綿綿的，稀，同埋唔似平時的粥味道，我以為是因為魚粥底所以味道獨特，但吃了四分一便發覺唔對路，應該係有味精，因為我明明無落胡椒粉但有胡椒粉嗰種辣味，係牛肉四周的粥亦明顯比較稀，應該係d牛肉處理得唔好 + 處理時加埋味精，同我之前係上環生記食的鮮牛肉粥質素相差好遠，一路食一路驚一陣會因為味精而唔舒服，結果食剩四分一雖然老闆好有禮貌，又同好多熟客傾計，講呢間鋪做咗10幾年呀，品質都keep到，但都我真係唔會再嚟，因為番到公司，成個下午都好辛苦，又飲茶又朱古力都去唔到d味精，唔舒服，唯有力勸其他同事唔好試

朝早十点幾行開佐敦,見凍凍地,諗住整碗粥食吓,見到呢間嘢門口有幾張陳年嘅老闆與明星合照,心諗都係饍稿嚟姐,不過即管入去試下.一坐低望吓有咩食,再睇埋價錢,嘩!!!最平嘅粥都要廿幾蚊,一碟炸兩要14蚊,粥鋪一定有嘅油器一種都無!!!套餐得一千零一個---粥加炒麵加豆浆,盛惠卅皮.如果炒麵唔啱閣下嘅胃口,得.可以改腸粉,不過要加8皮!睇完之後個人嘅皮質醇已經標高,最後都叫咗個卅皮套餐.幾分鐘後碗粥嚟到,有驚喜..粥底稀過罐頭湯,D料明顯擺咗好耐,D粥水撞落去都係僵硬嘅.之後炒麵到,得兩撮乾爭爭無油水or芽菜or葱段or甚至乎芝麻影都唔見有,好啦,最後講埋杯豆浆.套餐同散叫都係比細杯過你,飲落口係一杯無豆漿味嘅豆漿,好難得...飲完仲要成口都酸嘅!呢D咁有水準,價錢又咁"合理"嘅鋪頭仲可以開咁耐,,真係好難明.,一定無下次!!!

路過見這埋有粥食, 看到門外貼著名人跟老闆的合照, 自然對食物品質多了信心 , 大約5:30, 只有一張枱有人, 看了又看後, 選了魚腩粥, 熱騰騰的粥很快送到, 魚腩有5 - 6件, 粥底很有海鮮的甜 , 生菜絲, 薑絲, 蔥粒是自助的, 不久, 人越來越多了, 已坐滿8成枱, 套餐價錢很吸引, 有粥, 炒麵和豆漿, 只是30元 , 還見人客外賣的鯪魚球很不錯

星期六中午時份,入店時一個客都無,冷氣又開足.感覺好凍,而且又聞到一陣魚腥味.此店聲稱至尊粥底,但食後便有所懷疑1. 魚鮫粥$26 ~ 魚絞有三件,煮得剛剛熟. 粥底不算綿,反而食到一半已變水.2. 魚咀粥$27 ~ 這碗鑊氣味較重,有少少燶味添.3. 薑蔥魚腩$50 ~ 對於兩個人來算便算大碟,差點食唔落.

最愛的食物是粥品. 如果是自己一個人吃飯, 我多數都會吃粥. 與朋友一起不好意思叫大家陪我到訪地區粥店=P今次再來到佐敦, 上一次試了鋮記, 今次就試試其他粥店的出品. 見OPEN RICE 有食友也有提過這兒..就試一試魚卜粥吧.這兒的魚卜粥味道只是一般. 粥底並不是綿綿的..敗筆的是魚卜粥的魚卜..有1-2 個是苦的...我對食物不是要求很高...但是苦的魚卜..接受不了..而它的偠錢還要比鋮記貴..沒有再來的理由了.

吃了burger，又吃了甜品的我仍然覺得不滿足，於是又想吃粥，幸好兩人都陪我癲，就走到佐敦，三人share一碗粥。另外又點了三個鱗魚球。男友說他愛吃魚卜粥，就點一個試試看。其實我很少吃魚，更遑論魚卜。我覺得這東西比較腥，所以只是吃粥算了。男友都說這間弄得不大好吃，令他有點失望。鱗魚球原來只有二件or四件的選擇，但我們三個人，老闆也願意弄三個給我們。不過又是一樣，吃不慣魚的我都是覺得一般而已。這店的老闆愛與客吹水，見我們拍照又問是否要放上網，很是搞笑。

常說佐敦道吳淞街是吃廣東粥品之集散地，一條街附近可以找到多間有名的粥舖如新興棧、鋮記等，實是愛粥之人的福地也....新興棧從小就已來訪多次，是真正的吃極也未生厭；鋮記吃過一次半次，還覺不差的；金城就多數是晚上宵夜時份才來的，為的是那碟义燒腸多過粥品。這次到訪的，卻是印象中沒有怎樣來過的"和味".....這些粥店(除了金城)有一共通點，便是以魚粥作主打。一場來到不吃一碗，便好像沒有來過一樣。是日選吃的四寶粥，以魚腩、魚骨、魚咀及魚卜為主，每樣配料都依照慣例先用銅煲爆炒過後才下粥煲，腥氣自是消除了一大半，所以粥本身是找不着薑絲的了，不過吃着之時又感吃到有少許焦燶味，看來是過了火了。粥底不算特別的綿身，但味感頗甜，配料是雜亂無章的堆起粥面上，吃時又吃着不少碎骨，是真的有點"難吃"。用匙羹掏起配料之時，是看不到有多少魚腩存在，有些許被揾笨的感覺；魚卜不太爽身之餘帶點苦澀 (可能是爆炒過度底下之副產品)，就更是令人失望透....習慣上除吃粥之外還會點吃有餡腸粉的。眼前的這一碟魚片腸 (又是與魚有關，沒辦法)，下了不少的薑絲及莞莤去僻腥提味，這本是很對的做法，但由於這兩種東西一向是小弟的大惡之物，

今日一個人無聊行系油尖區，天氣凍得滯，好想吃碗熱騰騰既粥，碰巧見到有間專門吃粥既店子，米走左入去試下。 入面既價錢全部系24蚊起，真系第一次吃咁貴既粥。不過入都入左黎，米就試下~~特別喜歡吃魚，所以就要左個魚腩粥~~~ 夥計好快手就上粥啦，鋪系面頭就系生菜絲，跟住粥入面就有好多魚腩，d魚腩系煎過，入口唔錯，比較鮮甜~~~而粥就可能系粥底，有些少long左，比較稀咯~~唔算系綿果只~~點去評價呢？還可以啦，不過不失......

六點鐘唔多人呢, 佔了後邊的位, 近後廚地帶叫了艇仔粥餐跟炒面及豆漿再叫了田雞粥, 加多兩大粒鯪魚波還有豬潤腸粥快及熱, 艇仔粥多料, 而且勁多料添炒面面料唔同出邊, 係粗d既面, 不過唔夠熱喎!田雞粥多魚但少肉呢, 但都好新鮮好熟, 好味呢鯪魚波鮮及大, 又好味, 而且係即叫即炸咖!正正正