和味生滾粥 (已結業)

放了咁多日假好放肆的不停的食零食，又打足咁多日邊爐，係時候清清腸胃，食d 清淡的食物，所以選擇我唔多鍾意食的粥。睇雜誌介紹又見食友的食評，就去試一試。魚類係主打，本來想食魚腩，但唔想食咁飽，兩個人選擇了皮蛋魚片粥、艇仔粥、一碟蝦米腸同阿姐大力推介灼生菜。其實粥底唔算好綿，而且味道偏咸，但粥料十足，尤其是皮蛋雖然唔臭，不過好有皮蛋味，除了車品品同鏮記外o呢度都好好食，而魚片就一般。而艇仔粥唔差喎，幸好牛肉唔多，仲有魚片tim，我就鐘食佢d豬皮同魷魚又爽又多。碟腸分雖然唔多滑，但都唔差，不過d辣醬好咸唔夠辣。阿姐推介d生菜果然好好甜。

今天和小魔怪到九龍公園，看手球賽。賽事完畢到這店，約4:00pm，客人不多。分別要了魚腩粥和牛肉粥。魚腩粥：粥底極薄，味食已見水，味精重。魚腩不算多，幸好醃料不重手。鮮牛粥：牛肉雖然有梳打味，仍有點咬口和肉味。當還剩下1/3碗，小魔怪已說飽，我便尋寶(找尋餘下的牛肉)，才發現全是粥水，餘下的牛肉極咸(吸滿了味精)。結果兩父子馬上要到7-11賣水飲。此店冇下次。

今日靜雞雞走去十年都唔會去既地方食飯，見到這店好像食評講過便一試。粥有好多選擇，但座位較迫。先來個白灼鯇魚皮，好爽脆！有料到！面頭有好多生薑?，但薑太多要夾走，d?辣味直插喉嚨好high！但上桌後魚皮不宜放太久，可能d魚皮被醬油抽走水份後變硬唔脆。跟住來個魚腩粥，好多生菜絲，份量夠又足料，可惜魚腩煎?左（也可能滾粥時無攪個底），連帶成個粥有少少??味，大大失敗！其實個粥上桌時已有d獲撈咁黑色一點點，師父無可能唔知！要扣分。食完有少少口渴，有少少味精。鯪魚球一早賣晒但有很多人問，可能是撚手之作，下次可試試。

今日放假，落油旺區搵朋友食飯。下晝果餐食左老趙，三點三去到個舊戰友度，佢話佢未食飯，想介紹一度食魚粥的好地方，齊齊去試，兩個人三點半左右來了這裡。看牆上的餐牌，主打除常見的魚腩外，亦有魚咀、魚骨、魚鮫、魚尾、魚云、魚卜，是原條魚生拆的陣式，應該不錯。亦有及第的粥料，當然平常的皮蛋廋肉及艇仔是不會缺少。第一次試選穩陣的，就要了個魚腩粥加魚卜，魚卜因為功夫多，已是沒有多少舖頭會做，這裡有又可以試一試，朋友未食飯，就叫了個粥餐。碗粥不算大碗，有生菜絲及蔥段，賣相好對辦。粥底是杰身的，幾綿亦有水準，但論鮮甜就不及「靠得住」，吃後亦不敢說是全無味精，應有一點點，但問題不大；魚腩是有骨落地的，當中有魚尾亦有魚鮫，也好，可以一次過試幾樣，但怕啃骨的朋友要小心了。魚腩及骨先用米酒爆一爆再落粥滾，魚肉更有風味，廿零蚊碗粥有咁多功夫，真的無話可說。魚肉鮮甜，有骨落地，好滿足；魚卜就好似牛腩中的牛筋，純取口感。這裡的魚卜，全無異味，事前功夫做足，吃落滑滑的，喜歡吃的不可錯過，下次一定叫碟灼魚卜吃過痛快！朋友介紹我來，但他是不吃魚腩的。那碗艇仔粥亦好足料，除豬皮、魷魚、廋肉、花生外，還有魚片，都不錯。他那個餐