影片
港铁佐敦站 B1 出口, 步行约4分钟
继续阅读
开饭介绍
一家港式粥店，其套餐醒神三宝是包括了粥、抄面及豆浆，另外粥店更提供罕有的鲜灼黑柏叶。
继续阅读
营业时间
星期一至日
07:30 - 02:00
以上资料只供参考，请与餐厅确认详情
昨晚同两名友人再去和味食粥，同阿姐落单时已经怪怪哋，基本上系唔识听同讲广东话咁，咁就慢慢讲，叫咗1碗猪润鱼腩粥、1碗猪润鸡粥、1碗鱼腩粥，1碟姜葱炒鱼卜同6粒鲮鱼球。上第1碗猪润鱼腩粥、鱼球、鱼卜都正正常常，再上另一碗粥变咗碗猪润鱼腩粥，应该系猪润鸡粥，我哋话唔啱㖞，个楼面阿姐好似好为难，咁友人就要咗佢啦，我即时提醒阿姐，我要鱼腩粥，其他我唔食嘅，点知几分钟后，佢俾咗碗猪润鸡粥我，我即时话唔要啦！佢队返去粥档，个师傅发晒脾气同阿姐理论，再大大声讲叫我食咗佢，又话收少啲钱⋯，大老我嚟系比钱食想食嘅嘢，唔须要收平啲。故事未完，全舖得两台客，迟嚟𠮶台叫完两碗粥都到，我𠮶碗都未煮，师傅仲系档内发脾气😵，我两位友人都食完，我即刻起身埋单，碗粥唔食就算，无下次啦！同埸加映，另一台客叫咗鱼云肉丸粥，嚟到时发现肉丸系炸过再放落粥到，同阿姐讲乜肉丸粥啲肉丸系炸嘅咩？阿姐同地球人听唔明嘅说话$$@#@：/#$、，讲咗一埋声音，最后佢讲咗句，捻走啲肉丸收你平啲啰，个客🙄结语：一间咁有特色嘅食店，祝佢生意兴隆
继续阅读
本人最钟意食粥，但有要求。食材丰富新鲜不用讲，还要水米比例恰当，最怕是加了粉浆的。某些有肠粉油炸鬼的粥店就系加了粉浆，粥底较杰（不是绵），食完一定口渴。反而稀稀地的粥才好吃。这间粥店间唔中就会心思思想食，鱼粥和及第粥最正，食完个胃好舒服。无论是鱼腩、鱼鲛、鱼尾、鱼云、鱼嘴还是鱼骨都好正，鱼煎到金香才滚粥，而且加了姜汁（不是姜粒！不用吐出来），不腥，鲜甜。及第粥多料又新鲜，无异味，尤其那厚切猪润无得弹。食粥可自助添加生菜。另外他的椒盐鱼腩好香口，不过今次无叫。
继续阅读
每次黎只食香煎鱼卜粥, 以前廿几岁无咁钟意食粥, 觉得无什么特别, 当大个少少已经食过好多美食, 加上消化无以前咁好, 以前食饱都可以去做运动, 所以久而久想食d快食到（一煮捞埋d粥同料）易消化又饱肚既meal, 好几年前食过, 当时行过觉得, 粥店都可以米芝莲 !? 我觉得好新奇, 竟然唔单止介绍大路野, 小众既粥店都到青垂,。试完就知地道同有心机。 每个部位都可以整一碗粥出黎, 粥系好出色。唔同其他煮法,好似煲汤咁煮过程总有流失同过鞋, 煮粥系保留所有食材味觉营养集于一碗, 鱼卜外层滑内层同个顶位就爽有咬口, 鱼味浓,重要既系食到鱼味浓但可以无骨, 食得舒服又暖胃。一碗有7-8粒煎香鱼卜, 即系要用上咁多条鱼, 睇得出有当中有心机。我唔会特别留意佢地服务, 反正我系食碗快粥, 有心机整咁多部位已经系对得起价钱既手艺。
继续阅读
佐敦好吃店不少，讲到粥，一般大家都会讲新兴栈鱼粥，但本人觉得另外一件和味生滚粥更胜十筹。已经不知第几次到此店吃粥，每次都一定要吃这里的猪膶，厚切，爽口，吃落起沙。对比其他所谓出名吃猪膶嘅面店，真系唔知好几多倍。粥有好多搭配，我专一鱼，各个鱼部位都试过，除鱼腩稍逊色，其它部位都一流。此店味道偏浓味，所以吃得十分和味，粥底偏甜，味精一定是有的，但比出名其他粥店没有那么明显，亦能吃出有少少瑶柱鲜味。如点生滚鱼粥，无论各个鱼部位都会先香煎而且系加上好多烧酒。如不喜欢可以叫老板免煎，免酒。个人觉得酒味道真正是这粥点睛之笔，酒和鱼一起煎过香味浓郁，再加上粥滚生，少许姜葱，真正和味。其他菜市，推荐任何姜葱类，姜葱猪膶，姜葱田鸡，特别推荐姜葱鱼云虽说比不上大排档劲锅气可能姜葱比较多了一点，但味道也是十分不错。椒盐类就不要试了，太咸了真的不行。总的来说猪膶和鱼粥一定要试，其次就是姜葱类，价格我自己觉得稍贵的。
继续阅读
星期日又去油麻地买菜，便专诚去和味粥吃 bunch, 和佐敦另一老鱼粥店比较一下。粥品也点了和上次新兴栈一样的鱼鲛粥和鱼腩粥。粥上台，份量不多，配上大量葱段，粥锦很重酒香。鱼鲛粥- 只有鱼鲛一边鱼腩粥-有3大件鱼件是和葱段煎香，𪷽米酒才下粥滚熟。可能煎得久了，鱼肉有些焦香不够软滑，酒味浓烈和清淡的粥不太配合。猪润肠粉- 不过不失，整体可以。鲮鱼球- 新鲜现炸，大大粒热得烫嘴。外脆内软实，有质感，也有陈皮香。和新兴栈的比较价钱比较便宜，用料份量没有那么多，酒味过重，鱼件焦香便失去软滑度。如果喜欢吃香口的可能和味粥会合适。
继续阅读