和味生滾粥 (已結業)

11/1(四) 7:30pm上堂前再次到佐敦此粥林吃粥;此區具水準的粥店比比皆是,鋮記,彌敦粥,新興棧,金城及此店各有千秋;對於我這魚粥狂熱分子而言魚跟粥才是黃金拍檔.7時多此店已近爆滿,當中不乏自由行食客,頂級服務水平的老闆絕對一視同仁,禮貌周周!我倆點了魚骨魚卜粥$28及魚雲粥$22.粥品份量依舊充足,比起灣仔的老牌靠得住及李景划算得多!粥底非綿滑類型,入口魚鮮卻蠻出眾;魚骨魚卜及魚雲經爆香這工序令其更香口,減卻魚腥.魚骨肉地厚厚的,魚雲膠質豐富,魚卜入口滑溜,水準保持!

都係睇完雜誌先識來呢度搵食一個魚四寶粥賣三十幾蚊, 望落幾貴但物有所值有魚腩, 魚雲, 魚骨, 魚卜等, 先爆香再煮粥連我老婆怕腥的都食到無投訴連個粥底都好有魚味, 以為飲緊魚湯老闆招呼唔錯, 其他侍應就只係一般

在佐敦吳松街"金三角"的三間魚粥店,新興棧同鋮記很有水準,剩下的和味生滾粥,係三間之中,明星效應最重.門口貼上一些娛樂界,馬圈等名人之照片.比前兩者來得更高調.同前兩間一樣,也是以魚粥作主打.還有一些小吃如鯪魚球,炒麵,或一些鑊氣小炒如荵爆牛肉等.豐儉由人.胃口不佳的晚上,獨個兒吃得不多.一碗魚腩加魚卜粥,份量足以裹腹.粥底質感適中,味道很甜,竟吃得出菜的甜味,會否是面頭的生菜絲影響?爆過的魚腩,肉質仍保持嫩滑,這個魚腩幾多骨,不易"掯".如些路迪這隊蘇格蘭老大哥,今屆打到入十六強,話唔埋贏埋AC米蘭也不驚訝,畢竟,波係圓的.主宰魚兒浮沉升降的魚卜,非常爽脆,女仕們不妨多吃,一樣能有養顏作用,反正它也算是花膠的"近親".只係魚類品種有所不同.邊吃肥美魚腩,邊吐著骨,心裏正暗裏希望,些路迪這件歐聯魚腩,能夠在這個"中央"霸佔的大氣候之下,打上更後階段,來巔覆由中央球會霸佔的當然秩序.

昨晚本是去幫襯新興棧,可惜在晚上7:00爆滿了人,好辛苦找了個位都無人理,唉,為免出錯,都係走去另一間度食,最後去了和味生滾粥,即刻問下有無魚尾先,有,即叫一碗魚尾粥,魚爆得無新興棧咁香,可能佢無落大量酒,但係就煎得更鬆化,粥方面,無新興棧咁強味精,仲大碗D添,地方乾淨,感覺不錯

多次幫襯都是點及第粥．每次都ok．因為怕腥，所以未點過它出名的魚粥．見到各食友都讚鮻魚球，今次即管試試．鮻魚球的份量頗多，不是球狀的，而是塊狀的不規則形狀，不爽而硬，質地頗粗鞋，沒有鮮味，味精味也沒有，只有陳皮味和一陣怪怪的像坫板味，相信是街市交來的下價魚滑攪成．是先天加後天的缺憾．粥底是平時的水準，但是鮻魚球郤是下次不敢領教了．

近排去完雅蘭䏲完雲南香格里拉、中甸嘅攝影講座後，一條友想不到吃什麽，慢慢走到吳淞街見到這間"生滾粥"店，門外寫着很多不同粥品，價錢都是二拾元或以上，但有套餐包一味粥、炒麵同荳漿只要廿五元或以上，看見是真的即場生滚的粥品，就走進去試吓。我叫左生菜鯪魚球粥套餐，粥底夠綿及没有味精，碗内有很多生菜絲，鯪魚球唔錯有鱼肉鲜味又彈牙，炒麵雖為豉油王炒麵但都幾香而且夠大碟，難径有熟客只叫炒麵及飯品，$25一個生滾粥套餐，真係唔錯又抵食。價錢方面比名店生記、羅富記等便宜。必食推介：炒麵

今日病了, 除了洗澡(因為出了好多汗)..睡覺..晚上終於按捺不住到佐敦走一趟.....叫了魚卜粥..多菜...約8-10個魚卜....好好好好味...!!!!粥杰度剛好.....excellent!!!!!!可惜今日的waiters 全是女性....好noisy...不停的大聱講是非.....上是那個十分有禮的老闆不在場....

24/5(三) 6pm所謂辟穀,即不吃五穀也!其好處多的是,在此不作長篇大論,有興趣人士可到此網頁瀏覽:http://www.wishasiapacific.com/warning_c.html首次辟穀辟了3天,自己已感相當滿意!一般學員其實可作4天辟穀,但因要返學,不能一心一意去辟,加上煉功時數不夠,老闆只容許我辟3天.辟穀後的一星期只能食粥水及素,返學前到此店食了碗魚骨粥$22,久久未嚐鮮味之食物,食第一啖已覺是人間美食也!粥底極之鮮甜及綿!魚骨偷食了幾件,亦是鮮味十足!佐敦眾粥店中仍覺此店最為出色!吃畢整碗已脹著肚子!看來我的胃真是收細了!想再吃也不行!想大快朵頤還要再等多一兩個星期了!無論如何這次感謝老闆給予我這次難忘經驗!若不是緣,也不會接觸到此公司,更不會學到此功,改善健康及領悟人生其真正意義!

專登到此一試, 跟同樣吃魚聞名新興棧比較..,,這裹較光猛..四時多也有不少客人..中年老闆好有禮...多謝..小心熱...好好...叫了肉丸粥加魚卜..多生菜...十分好味...粥較新興杰...也不算太杰..約十粒肉丸..4 個卜...到目前..這間最合我口味..新興則粥料較多...生記..我不喜歡一定再來

喱頭都冇咩好o既粥店,所以"廖化作先鋒"?叫個套餐,叫左鯪魚球粥,炒麵同荳漿.粥底夠軟綿,但鮮味方面比妹記同富記都有段距離,所以價錢都平D.鯪魚球唔錯,魚肉肉質較硬,有陳皮味.炒麵雖為豉油王炒麵,冇咩材料,但食落發覺係用洋蔥,蒜頭同麻油尼炒,勁香,味覺同嗅覺都得到滿足.$25一個套餐,真係唔錯.

上次數月前試過，覺得不甚佳，今次郤不同了，一如上次要了及第粥，上枱時只見甚多料，每樣都有幾件，哂士又大，新鮮度足，滾得僅僅熟，粥底棉滑及好味，最重要的是夠大碗，不會食得到喉唔到肺，值得一題的是豬心爽脆滑，豬潤都是很爽滑，很大片很厚，又沒有血水．總之二十元是既飽又滿足，值回票價．抵過生記，富記，羅富記，及妹記．不是說這幾家不好，請食友們勿誤會，但以物值來說，是這店稍勝的．可能是店主在坐鎮，服務又進步了．和以前只閒聊，漠不關心的熋度又截然不同了．

大風雨下沒甚麼地方找吃的，舉頭一望，見到它的招牌，正好試試它的粥，下午四點多，人客只有四位，餐牌都貼在牆壁上，內容多是魚，本人因怕魚腥，對魚的興趣不大，叫了及第粥，先後大聲清楚的叫了五次，落單的姐姐和煮粥的大叔才收到，因他們都心不在焉，一邊落單，一邊閒聊ｏ粥來了，幸好還不錯，算很大碗，料也很多，每樣有兩件，計有豬肝，粉腸，豬心，肉丸ｏ沒有豬肚ｏ豬肝很好，切得很厚，咬開也沒有血水，也很爽口，粉腸是普通貨色，豬心其中一件是筋膜，橡皮一般，鋼牙也咬不開，要扣分，肉丸也很普通，不及妹記多多ｏ可幸粥底郤不錯，濃度適中，味精不太多ｏ只可以說不錯，不能說好ｏ

行旺角，想搵野食，真係唔係咁簡單，行過幾間都吸引唔到我。最後…去左油麻地食粥。不過都係衰左。因宵夜兩個人也不想吃太多，只叫了個魚皮和一碗粥兩份。魚皮腥，必須連薑和楜椒一齊吃，但又搶了魚皮味，變成生吃蔥。魚肚豬潤粥，頂上的一堆生菜唔知想點咁。魚肚煎過才放粥…但仍然很腥。粥底好稀，水溜溜咁。一般貨色only。

7點左右同男友黎佐敦食粥,諗起呢間粥店既粥一向都吾錯,因此再翻炒;我地叫左魚卜,魚腩,魚骨,魚唇粥$32,蝦米腸粉$8;魚卜,魚腩,魚骨,魚唇粥---水準依然!魚炒香後再滾,全無腥味.蝦米腸粉---呢個就吾合格,皮厚且鞋口,麻醬及甜醬亦吾夠香滑.而且我地完全食吾到有蝦米.service方面老闆十分nice,間中走過黎問我地d既得吾得.

係吳松街食左咁多次野，都冇留意都有呢間粥舖。夜晚大約十點去到，客人唔算多，地方都ok啦。見到餐牌上面有各式各樣既「魚」粥，差唔多成條魚都有得食。最後我同我朋友都係揀左最傳統既魚腩同魚片粥，見到門口d雜誌介紹呢度既白灼魚皮，即管叫一碟試下。碟魚皮上檯時只見好有多蔥絲同薑絲，再加d豉油同熟油撈埋一齊，個樣好似唔知乾唔乾淨咁。一試之下，發覺魚皮幾爽脆，又有芝麻香味，正! 估唔到魚皮可以就咁灼熟凍食又唔腥，幾特別!講番主菜碗魚粥，粥底都算幾綿，d 魚腩都幾大塊，魚片就中規中矩啦，睇得出係新鮮魚黎既(成22蚊一碗喎!) 不過就嫌d粥未夠魚味，可能滾耐d會多d魚味。見到隔離檯都有叫佢d小菜，份量幾大，而且大多係香口野(e.g.炸魷魚)，應該都幾好食，睇下下次有冇機會試下啦!p.s. 個老闆幾熱情待客，服務態度唔錯!