吞POT 雞煲火鍋.住家菜 (譽發廣場) (已結業)

又到冬天好想食雞煲嘅時間，上網搵到呢一間今次嚟試吓 ！睇到佢menu 都好多特色野，梗係要試下啦醬料都好多樣揀首先，叫左個重慶麻辣雞煲半隻，小辣。隻雞好肥美好厚肉呀！我覺得小辣一啲都唔辣，但好香同麻岩哂我同行人士唔食得辣既口味！之後當然係叫佢出名既十全大寶丸好得意，五顏六色叫黎打卡都正～除左靚之外，佢係真係好食！我自己最鍾意係鵝肝蝦丸，一咬落去已經好大陣鵝油香味，仲有黑松露墨魚丸，味度好夾，又香又好味同埋值得一讚既係手打丸既彈口佢真心做得好好，同機械做既完全唔同，有心思呢個唔好睇佢平平無奇，係蟹粉蟹肉雲吞呢個仲驚喜過十全大寶丸，因為佢入面係滿滿蟹肉！！真係足料！推介叫呢個！冰豆腐大大件呢個係芝心響鈴，即叫即炸，唔洗放入湯都可以食，勁脆芝心唔係好多，我覺得岩岩好唔會食到滯

呢間火鍋早前朋友介紹過話好正所以上星期就約埋一齊去試吓！突然因為交通問題、所以取消咗！今日一早book 咗枱、今晚終於可以嚟試吓喇！我哋一行三人，一入門口見到呢度嘅環境燈光好暗、比我感覺好似好有情調咁加上佢仲比咗一張靠窗可以望到街景嘅餐枱我哋安排左我哋坐低後就即刻遞上調味料：有八種選擇！本人重口味又鍾意食辣野所以加咗辣椒油同指天椒餐牌上十分多選擇、但我哋只得3人，所以就order 咗幾樣野，當然唔少得呢個主菜重慶麻辣雞煲少辣，調校味道非常恰當，雞肉十分嫩滑，連胸肉都唔會嚡口，非常美味另外仲有十全大寶丸5款：手打生拆蟹粉墨魚丸、手打黑松露墨魚丸、手打黃金海膽墨魚丸、手香煎鵝肝蝦丸、手打芝心牛丸，每款各有特色同口感、而且用料講究非常新鮮自制蟹粉蟹肉雲吞、新鮮有特色美味爆芝響鈴內有流心芝士非常特別、而且仲熱辣辣十分脆口蜂巢豆腐大大舊索咗D麻辣雞湯味道一流重點一讚嘅係呢度嘅服務態度非常好👍十分有禮貌一定會再嚟

吞 Pot 火鍋位處22 樓，座位整體分佈好寬躺，坐得挺舒服。每位店員都好有禮貌同醒醒目目，不需要客人主動示意。食物方面，我先點了招牌螺片濃雞湯鍋 和 香濃沙嗲鍋 雙拼。濃雞湯值得一讚，絕對需要在打邊爐之前先飲一碗，也有不少螺片在湯底讓我吃 😋火鍋配料方面，我叫了自家制蟹粉蟹肉雲吞、蟹子墨魚滑、牛柳粒、自創爆芝響鈴 (3件) 和稻庭烏冬。雲吞和墨魚滑是正常貨色，牛柳粒就略嫌韌左D，烏冬就好搞笑地系一舊冰塊咁走出嚟，不過幾好食嘅！最令我驚喜係那個爆芝響鈴，真的如佢宣傳一樣即叫即炸，鹹香脆口熱辣辣咁捧上來。

油麻地咁多樓上餐廳真係令人花多眼亂，好難揀啊!!好彩最後都無揀錯呢間出名食雞煲嘅吞POT 餐廳環境好闊落，見到隔離成家十個人都可以一齊坐，實在難得同女朋友嚟食就唔好太重口味，揀左個招牌滋潤螺片花膠 雞煲落完order好快就有得食啦d雞好滑而且又多肉食，湯底好滋潤，岩哂秋冬嘅天氣墨魚滑上面有好多蝦子，食落多左重口感而魚皮餃就一均水準驚喜嘅係牛肉好大碟，d肉幾厚身響鈴又係好正，入面有芝士流出嚟可以話係必食!冬天應該會成日幫親

材料新鮮天氣漸凍即刻黎到想食火鍋既季節😋😋😋😋之前黎過呢間店既旺角分店食野，雖然價格比一般火鍋店高一點，但食材卻是值得此價的呢到有幾款唔同口味既既雞煲選擇，不過因為朋友唔係特別喜歡食雞，所以就揀番原本既湯底，雙拼湯底會收取較高的湯底然後加$10,一個食辣一個唔食，叫個雙拼就岩哂👍最後揀左香濃沙嗲鍋 $85 + 招牌螺片濃雞湯鍋 $98另外一個原因點解黎番呢到食就係因為😋👉👉👉自創爆芝響鈴❤️❤️❤️有3件$75 同6件$45 揀，即叫即炸🤤🤤一上枱已經香氣撲鼻啦👍👍打邊爐梗係唔小得牛牛啦🤩呢到有個好攪笑既選擇～～牛柳粒$90, 鐵板燒就試得多，估唔到打邊爐都ok wo, 又唔韌又冇咁肥油油，不錯另外一定要試既就係佢地既手打系列--揀左2款--蟹子墨魚滑 $88自製蟹粉蟹肉雲吞 $98, 墨魚滑有得自己攪，一攪果陣都fit 到好真材實料，唔係偷工減料加左粉同水，另雲吞有點似紮實版既小籠包味😂最後加埋個稻庭烏冬 $33 吸埋個湯底就飽飽啦😊

秋天令到個人好乾，兩口子決定黎呢度叫左個滋補螺片花膠雞煲滋潤下~因為我地慣左早食飯，所以好快就可以入座唔洗等，佢地環境好闊絡而且抽風系統好好，唔會煙霧瀰漫醬料可因應個人口味自行調配，佢地個醬料架都幾多選擇架，大愛蒜蓉同炸蒜大量飲品俾大家選擇~奶黃色既湯底一睇就知佢地好足料，除左花膠、螺片外仲有菇架！個湯好鮮甜、雞味濃郁。花膠同響螺真係有好多件，花膠彈牙而且索滿左濃濃既雞味！芝士響鈴，每次黎到我都一定會叫既。佢地d響鈴係即炸，好香脆。熱辣辣既響鈴整到d芝士半溶，其實就咁食已經好好食，但叫左個咁濃郁既湯底緊係浸一浸再食啦！食肉獸既我地仲叫左一碟牛小排，切出黎係有d厚度，牛肉味濃，肉質鮮嫩，唔錯。

今晚難得週末約到個朋友一齊食飯當然要精挑細選咁搵一間好味嘅餐廳同佢食啦。最近天氣涼左好多，打邊爐係最好不過。因為到一分錢一分貨，任食火鍋店同逐碟計嘅火鍋店既味道係有不同，最後搵到呢間火鍋店地點方面:位置非常方便，油麻地站A2出口一出行幾分鐘就到，非常易搵價錢:散叫既火鍋店黎講，價錢尚算合理，唔太貴店舖環境:店舖內環境非常清潔，而且又坐得舒服，係同朋友傾計吹水嘅好地方呢間唔同其他任食嘅火鍋店有限時，夠鐘會趕你就走，絕對唔會，可以慢慢傾窗邊有啲裝飾好得意!食物方面:醬料款式選擇非常多我哋叫咗沙嗲湯底，湯底非常夠味，本身都有啲材料係湯底入面最值得推介既係爆芝響鈴，芝士控既朋友一定鐘意。浸湯幾秒再放入口，非常入味，而且仲脆卜卜，唔會淋哂，裏面仲有非常濃厚既芝士手打四寶丸，唔好睇個名咁普通，佢有別於其他既四寶丸，特別爽口彈牙，睇得出係非常用心制作，每粒都是用人手手打西班牙頂級黑豚肉，厚度非常適中，唔會太厚唔會太薄。脂肪分布比例都非常好，唔肥唔瘦。浸完個湯底仲非常入味，一個字，”正”！蜂巢豆腐，呢樣係我朋友叫既，本身睇個名我唔知咩嚟，不過我信朋友嘅taste。原來黎到係”冰豆腐”。我今日先知佢有另

本來想搵個邊爐打下舒緩下近嚟嘅心情…之前都食過呢間雞煲覺得唔錯，所以就上左去平時雞煲都係食濃味嘅香辣味，不過今次店員好好咁介紹我地可以試下螺片花膠雞煲 $208(半隻)大大煲一上枱店員就話食得，正!D 雞好滑又彈牙，而且都係有好多肉嘅肥雞haha另外值得一提嘅炸芝士響鈴!$45/3件見佢嚟到熱喇喇就忍唔住咬左啖Omggg! 好香脆啊!入面流住淡淡嘅芝士香，當然打邊爐就要放落鍋淥一淥佢一樣咁正，信我必點!之後仲嗌左碟牛肩肉 $198又幾大碟喎，而且都幾厚身。

吞POT本來個名覺得幾得意，又係旺角區，地理位置方便，上到去見到個環境都唔錯，幾乾淨企理，張枱唔好太逼，仲有旺角繁榮嘅夜景睇。Menu選擇多，應有盡有，仲有啲自家製特別啲嘅配料。之前有朋友大推螺片花膠雞煲，我地緊係叫左依個咁滋補嘅湯底！見到雞煲黎到，果然係不得了！湯底足料到絕對對得住個價錢！雞件全部都好嫩滑，唔乾唔柴，花膠螺片滿佈，份量好多，我地5個人食一個雞煲先食得晒。湯底係好濃郁嘅雞湯，入晒味！真係好滋補依個係我食過最足料，湯都飲左幾碗嘅雞煲！大推！食完雞煲就到配料，十全大寶丸可以滿足心思思想試晒幾款嘅女仔。依幾款味道都幾好，中間有唔同餡料，我印象最深刻係有海膽。廣島蠔幾鮮甜，後面有墨魚滑、蝦滑、鯪魚滑，我個人最中意墨魚滑，墨魚味幾重，爽口彈牙。我最推介嘅配料係芝士響鈴！係佢地自創嘅招牌！響鈴好大一條，一定要同人share一碟，芝士會爆饀，好有驚喜！ 脆肉鯇腩係我第二款推介，魚腩係厚切，而且好新鮮蔬菜籃種類多，CP值高🥬飲品size比平時出面大好多，女仔可以share!總括嚟講，雞煲價錢雖然唔平，但湯底、雞件、食材、自家製配料全部都高質，絕對推薦！真係會回味無窮

平時打邊爐食親都係任食火鍋，好少食其他舖頭，今次朋友帶我黎試呢間呑pot，真係幾特別，係20樓，可以望到曬旺角d街景，用大落地玻璃窗，幾好feel，可惜窗邊位full曬，有d遺憾。野食方面，今次我地食麻辣雞褒，叫左bb辣，不過唔食得辣嘅朋友都係叫返唔辣啦，呢到bb辣係譚仔小辣同中辣之間，唔係個個受到，不過我自己就好中意，花椒味好重，食落好香。唯一就係唔太夠芫荽（對某d人可能係好事哈哈）配料方面，個人覺得芝士響玲真係不愧為招牌，鮮炸岀爐，入面有車打芝士，芝士味濃，重流心！不過，食得多好滯，每人食一至兩舊已經好夠。另外，推介薯粉，好吸汁，d雞褒嘅精華索曬係入面，食到停唔到口。第日有機會一定會再黎食！

呢排成日OT， 終於今日收早，決定食返餐好嘅！之前同個同事一直都有講過依間雞煲，19:30去到，差唔多已經全場爆滿。首先我地點左個雞煲先，重慶麻辣雞煲 $178 （半隻）雞煲味道濃郁，而且D雞肉嫩滑多汁，比起旺角有一間有名氣的雞煲，有過之而無不及，性價比高!另外店員亦推介左鎮店之寶 自爆爆芝響鈴 浸落湯3秒就食得，好香芝士味， 食落真係好脆口，都唔錯。座位坐得幾舒服，而且位置偏多，抽風系統亦做得唔錯，食完唔會好大陣味！唯一改善嘅係，可能全場比較爆滿，員工有點應接不暇。

呢日，因為屋企冇人煮飯，所以我就同我爸爸出咗街食，咁我爸爸就鍾意食中菜，但係我又想打邊爐喎。於是就搵到呢一間，有花膠湯底嘅邊爐，咁就兩個人嘅願望都滿足晒啦。咁我就叫咗一個花膠螺頭雞湯， 裏面有好多花膠，啲螺頭切都好細粒，個味好出，而裏面有半隻雞，啲雞都好滑。我爸爸平時食嘢都會話出面啲嘢多味精，但係今次佢竟然冇講個湯底有味精，而我都覺得個湯飲完之後一啲都唔頸渴，仲覺得好潤添。相信個湯底都真係好足料，都真係幾好幾好飲㗎。其實食完隻雞之後，再飲埋啲湯已經好飽，不過都想試吓呢度嘅招牌，咁我叫咗個芝士響鈴同埋手打丸個芝士響鈴又真係幾好食㗎，浸一浸拎返上嚟，裏面啲芝士已經溶溶地，小小咸親埋個響鈴，真係比平時更加好食。個手打丸我就覺得冇乜特別，同出面食嘅差唔多。

平時都有來這裏吃午餐，一個餐除了有主食外，還有菜、有湯、餐飲，又抵又大份兼好味健康。有時候還見有食客午市打邊爐，搞到我心思思決定來試下。這裏雞煲出名，但兩個人吃完雞煲就吃不下其他了。所以選擇了純打邊爐。湯底也有很多選擇，而且只要加10蚊，就可以選兩款湯底。鴛鴦鍋，$108。四川麻辣：麻香味濃，夠麻夠辣。招牌鮮魚湯，有很鮮甜濃烈的魚味。自創爆芝響鈴 ，3件，$45。上菜就要襯熱吃。快速在鮮魚湯裏燙三秒，已經吸收了漁湯的精華，同時又有芝士香。👍棉花魚肚，$80。吸湯力一流。想要刺激，放麻辣湯，想要鮮甜味，放鲜魚湯。湯汁會在口腔內爆出，滋味惹味滿分。十全大寶丸，$158。手工製造，肉質新鮮彈牙，粒粒都真材實料。有：手打生拆蟹粉墨魚丸手打香煎鵝肝蝦丸手打芝心牛丸手打黃金海膽墨魚丸手打黑松露墨魚丸脆肉鯇腩，$93。夠脆口鮮爽，有少量大骨，但易拆除。而且件件有份量，囗感十足。油麥菜，$38。唐生菜，$38。很鮮嫩。份量超多，只吃菜也會吃飽！醬料每位$12，可以自己玩混醬。飲品是罐裝或支裝，相對是貴了點。但打邊爐沒有汽水是不行的😆。另外有加一。店兩側都是落地大玻璃，我們坐到日落西山，欣賞旺角一帶夜景

想星期六日係油尖旺安心又安全咁食個飯，其實唔難，揀樓上餐廳就可以了。今日就揀係彌敦道樓上22樓既吞pop雞煲食火鍋，既安全，又可以留意住彌敦道最新狀況。店既兩側都是落地大玻璃，可以居高臨下睇到附近街景。成隊車隊加10蚊，可以要鴛鴦鍋。四川麻辣必是首選麻香味濃，又夠麻另一邊揀左招牌鮮魚湯，鮮甜美味。未開始打邊爐，當然先來碗魚湯品嚐啦。十全大寶丸真材實料，全人手制造，手工貨，粒粒都有驚喜手打生拆蟹粉墨魚丸手打香煎鵝肝蝦丸手打芝心牛丸手打黃金海膽墨魚丸手打黑松露墨魚丸真係粒粒出色，食得招積脆肉鯇腩肉質脆口彈牙，少量大骨，很易拆除，推介。油麥菜和唐生菜大大份，又鮮嫩。自創爆芝響鈴 （3件）一望見就覺得很誇張這兒既響鈴很大件，可用king size來形容。幸好我地只叫了小份，否則會撐肚子了。三秒定律，即可享用，太耐就吃不到流心芝士啦。響鈴完完全全嗦晒啲湯，但建議勿放麻辣湯，麻辣湯完全遮蓋了芝士味。反之，放鮮魚湯，就吃得出芝士香。棉花魚肚又是嗦湯力勁強既美食，也是燙一燙便能吃，而且嗦滿湯既原固，它也脹大了不少。吃時，看你放那一邊，麻辣湯既就好刺激啦，吃完要灌汽水呀麻辣Vs鮮魚湯汽水啤酒櫃，一眼睇清

呢間有幾間分店 ，樓上鋪可能難搵左少少混醬盤都好齊全.滋補螺片花膠雞煲🐔🐚 (推薦指數：😋😋😋😋😋)上次就食咗個麻辣雞煲，所以今次就試吓呢一個花膠雞煲。呢個花膠雞煲可以成煲當湯咁飲，佢嘅花膠每塊都好厚身，而每舊雞都係非常滑，仲有搵到好多舊嘅螺肉。我最後係成煲湯飲晒之後先再叫侍應加湯之後先打邊爐。.自製爆芝響鈴🔔🧀(推薦指數：😋😋😋😋)一個字，脆！入邊真係唔講得少，真係好多芝士，即叫即炸，夠正👍🏼👍🏼下面有三款手打滑，分別係鯪魚滑、蝦滑、墨魚滑🐙🤤將蟹子溝落去再逐粒放入煲裏🤤入口彈牙有口感店牌餃餃陣，每款餃有2粒，共8粒，皮薄但饀料十足，食完兩個都已經十分飽，都食唔曬