吞POT 雞煲火鍋.住家菜 (譽發廣場) (已結業)

秋風起，又係時候出黎打邊爐😍打邊爐最岩一班朋友一齊出黎涮下涮下，吹下水😚旺角油麻地有好多火鍋店，大家都search左好耐左揀右揀，最後接納我提議食呢間樓上火鍋店我揀呢間係因為我之前食過，貪佢冇限時，環境幾舒適，抽風好唔會話污煙漳氣又有大家鍾意食既雞煲，食物種類多，又特別，質素又唔錯一坐底俾兜醬料我地自己撈，感覺企理、衛生我地揀左重慶麻辣雞煲，麻同辣味鮮明，雞沾滿重慶麻辣汁， 好惹味😋飲埋咸檸七，爽👻上次食過芝士響鈴🔔印象難忘，當然要推介佢地食。自家制新鮮炸起，店員仲提我地要襯炸起食最正手打芝心牛丸，睇得出用心制作，放左成粒芝士係入邊，淥完出黎變流心芝士手打黑松露墨魚丸，手打一定係彈牙😍黑松露同墨魚丸係perfect match蟹子墨魚滑，大大碟菜菜籃，賣相幾靚

吞Pot呢個名幾fun，之前都有印象自己聽過呢個名，但係就一直都冇去食過。今次終於去到食啦！我哋叫咗個花膠雞湯底，冇諗過都幾足料喎！叫咗一隻雞五個人食啱啱好，要留肚食其他邊爐嘅嘢食。除咗花膠同雞，呢個雞煲仲有螺片同菇，雞湯非常濃郁，好好飲啊！而且啲雞肉都好滑，唔會煲到好鞋：我哋坐咗窗口位，景觀都好靚喎：因為個湯實在太好飲，忍唔住飲咗好幾碗，都飽咗四成……同大家介紹下啲好食嘅嘢先。第一樣想講嘅係芝士響鈴，冇諗過原來咁大條，入面嘅芝士同響鈴出奇地夾，淥5秒就食得啦：想推介嘅係脆鯇魚腩，真係好趣，又大件， 十分推介：肉類方面，我哋淨係叫咗一碟牛，唔錯唔錯：另外想推介係佢嘅丸，我地叫左五全大寶丸，咩味都有齊，海膽丸同黑松露丸都好好食：啲蠔都肥美呢。我哋仲叫咗墨魚滑，蝦滑同鯪魚滑，個人推介墨魚滑最彈牙：

一大班人肯定係去打邊爐食雞煲，吞pot滿足晒我所有要求一開始揀咗花膠雞煲同花螺雞煲，個人中部意花螺因爲我中意辣，同佢既份量好多(花螺)肉類方面叫咗頂級雪花肥牛同黑豚豬腩片，肥牛片一啲都唔鞋，而且好薄值得推薦係佢個豬最後仲點咗手打四寶丸，肉質好彈牙其餘都點咗好多小食，值得提既係個鯪魚滑同魚皮餃都好食

朋友介紹了一間叫吞POT食雞煲地方，因為她知道我吃不到辣，今日就約了朋友來食晚餐，當然就叫了朋友推介的滋補螺片花膠雞煲，再看之下原來這裡都有不少人食這個煲，等了十分鐘左右就來到仲可以食，湯底幾清甜有雞味，仲有淡淡淡花膠香十分足料，雞好嫩滑，之後再等一陣才食還可保持到不錯，花膠不少又滑身十分滋潤，朋友真的沒有介紹錯。看到隔離桌食響鈴就叫了一個自創爆芝響鈴，一來到已經看到不少芝士仲要響鈴十分脆口。叫得雞煲當然叫了小食，酥炸魚皮，可以即食或浸一浸就吃，不油身不錯。手打餃類的餃餃陣有四款而每款有二粒，入面餡十分足料，二人份剛好一人一粒，每份的份量都不少，二人食都已經十分飽。

最近早上同夜晚嘅天氣都有啲涼，feel到食雞煲打邊爐嘅季節又嚟啦🤘🏼今日我就同四位女仔朋友嚟到油麻地嘅吞pot到食雞煲🐣我哋被安排咗坐係窗邊位，可以睇住鬧市嘅夜景歎雞煲☺️餐牌有好多嘅選擇，有啲都比較少見，而且望落去全部都好吸引，好想試啊！😍我哋5個女仔就揀咗最滋補最養顏嘅滋補螺片花膠雞煲☺️個雞煲真係超級足料，有好多花膠同螺片，仲有茹添🙈雞件好滑👍🏼個湯好甜，而且一啲都唔會好油，我哋每個人都飲咗2-3碗😋至於配料方面，我哋真係嗌咗好多😂好彩最後都食得哂😆必食推介嘅有十全大寶丸💯有手打生拆蟹粉墨魚丸、手打黑松露墨魚丸、手打黃金海膽黑墨丸、手打香煎鵝肝蝦丸同手打芝心牛丸🤤每款丸都係真材實料，又夠彈牙，我同朋友都一致俾好評！第二個必食嘅係自創爆芝響鈴🧀本身已經好鐘意食響鈴，再加埋芝士，呢個組合真係無得輸🤩響鈴入面充滿住芝士嘅咸香味，正！不過就會比較滯，一人一條就夠哂lu🙈另外，我哋仲嗌咗日本港島蠔、脆肉脘腩、芋絲、滑嘟嘟(蟹子墨魚滑🦑蟹子蝦滑🦐同鯪魚滑🐟)、土豆，菜菜籃、特級美國肥牛、金菇菜同山水豆腐🤩食得出所有食材都好新鮮，絕對對得起個價錢㗎💰食雞煲打邊爐又點少得嘢飲呢？呢到嘅特飲全部都夠哂

因為好耐冇食雞煲，有朋友係OpenRice見到呢一間雞煲都好似唔錯，所以就推薦嚟呢度食啦。呢度成間鋪頭都有好大嘅玻璃可以望出面嘅環境，夜晚喺度食雞煲真係幾有feel。鋪頭雖然唔算太大，但係絕對可以舒舒服服咁坐，唔使逼住晒。我哋今日叫咗好多嘢食，有啲都幾特別，我喺出面係冇食過嘅呢個雞煲真係不得了，又有花膠又有螺片，仲要唔係一兩塊就算，所有野都好足料！雞超滑，湯底真係好濃郁雞味，飲左幾碗都唔覺得鹹呢碟丸有好多唔同嘅口味，黑色嘅入面海膽，紅紅地色嗰個入面有芝士，其他入面都有唔同餡，又彈牙又好味個蠔都幾大隻，而且數量都唔少，食落幾鮮味呢三個滑分別係墨魚滑、蝦滑同鯪魚滑，我自己就覺得墨魚滑最好食，因為佢係最彈牙，同埋真係有墨魚嘅香味呢個脆肉鯇就正啦，好大舊不特止，淥完食落去仲係好脆，超級正呢個我真係第一次見，佢係響鈴，但係入面有芝士。放落個湯度淥幾秒拎上嚟，可以索到啲湯汁，同時又有啲位係脆脆哋，食到中間仲有芝士，真係好有驚喜呢個牛份量好多，佢又切得都有厚度，完全唔係薄到透個d，食落仲好有牛味，推介我覺得呢個菜籃其實係最正，因為佢啲菜好新鮮，而且種類又多，食得多肉多都會覺得可能有啲膩，食返啲菜平衡

朋友即興約食飯，之前有留意開呢間，不過一直無機會食。本身book左726果間，果到話呢邊即刻有位，同我留定先，好nice。要個辣花螺雞煲，4個人，全隻雞，一pot兩食，bb辣，岩岩好。跟住點左d店長推介既菜式，十全大寶丸，牛三郎，菜籃，響鈴，無限真露同青島，喊出黎。個丸真心正，雖然價錢係貴，都有佢價值係到。牛都好食，如果份量多d就更抵食。由於飲左唔少酒，已經無食慾去試個響鈴，非常之可惜。朋友話個芝士戈既份量唔夠，不過就咁自己炸大大碌響鈴都夠晒gimmick。總括黎講，食物係好食，價錢係貴，不過質素相約，掛住飲酒無食野好悔恨，會再黎。

二人晚市 total:$430 不是任食雞煲，單點的，餐牌如下:餐廳環境 寬敞 2人會安排在4人枱 有小朋友既話，仲可以睇下金魚今次，我地選左個重慶麻辣雞煲 半隻雞($178)辣度方面:有不辣/bb辣/小辣/中辣/大辣因為第一次黎食，所以簡左bb辣 試試水溫bb辣 偏向有少少甜+辣味，好知味！但唔會覺得熱氣同埋唔會覺得太麻我相信係新鮮雞，因為好嫩滑、好入味！真係我食過最好食既雞煲！(冇誇張到)一定會再黎食，下次會叫全隻雞($258)配料方面,有牛栢葉 ($62)份量都幾大份，而且切既尺寸啱啱好好爽口，一咬就咬到！手打墨魚丸 ($85)呢間所有丸都係手打，用心之作食得好有咬感，而且有咬到墨魚大大粒，幾掋食必點公仔麵 ($24)最後嗌返個麵，吸曬湯底精華，先至係perfect!飲品方面，有很多選擇，如圖:

第日放假當然最好就約朋友打邊爐傾下計啦~之前我黎過幾次食，今次就帶朋友去呢間樓上火鍋店嘅打邊爐喇，我鍾意佢呢到啲位好寬敞，唔會好似好多火鍋店咁坐到逼一逼，咁樣食都食得唔開心，想急急腳走人~黎到就馬上上左個九宮格嘅醬汁同配料同我地揀，當然唔少得多多蔥、多多蒜，要幾重口味有幾重口味。我地兩個人食，於是就點左個重慶雞煲(半隻)，揀左BB辣，之後我地仲揀埋其他配菜等之後打邊爐食雞煲黎了~ 雖然只有半隻，但都有幾多肉，兩個人食都幾滿足，雞肉肉質幾彈牙同幾嫩口，有雞味同埋件件都有大大舊肉溝出黎嘅雞煲汁帶有少少辣味，幾惹味，仲有芥菜、蔥，食落仲好爽口，好食。食哂啲雞肉就到打邊爐嘅時候喇，侍應同我地加左上湯去做湯底，加湯而唔係加水，咁就可以令到湯底愈煮愈濃郁，唔會溝淡本來嘅味道啦~牛柳粒，入口有陣陣牛味，肉質都幾嫩口又易咬，由於佢係半肥瘦，唔會好肥膩，岩岩好。黎到呢到必食嘅就係呢到即做嘅芝士響鈴，響鈴中間包住左芝士，簡直係心機之作當放入湯入面煮，芝士就會變到半溶，食落有好香嘅芝士味，出面好難搵到。打邊爐一家要食啲菜先無咁大嘅罪惡感，我地叫左個雜菜籃，有金菇、鮮冬菇、生菜等等，好豐富，而且可以一次試哂咁

今日去旺角買完波鞋，去左油麻地食飯，好耐冇食過打邊爐，所以上網係附近搵火鍋店，去左呢間叫吞pot雞煲火鍋店食，個名幾搞笑。上到去火鍋店，有好大排窗，景色都幾好。每枱都有豉油醬料，加d蒜蓉蔥花。要左個雙拼湯底：招牌螺片濃雞湯鍋+招牌鮮魚湯鍋，加$10就有雙拼湯底了。店員阿姨話可以先飲啖湯再落火鍋料，d湯好鮮甜，魚湯好正，好新鮮。點左西班牙頂級黑毛豬腩片，黑毛豬腩片色澤鮮紅、好新鮮，肉質軟滑，好有肉味。點左自家製手打墨魚，好香墨魚味，爽滑彈牙。蔬菜籃，有幾種蔬菜，有生菜、花菇、金菇、白菜，全部都好新鮮。最後放埋個烏冬，烏冬吸收哂成個鍋嘅精華，好夠味，食埋烏冬就飽哂了。

第一次上嚟因為睇OpenRice評語唔錯。發覺原來中午有住家套餐食。 因為有小朋友陪同所以決定食午餐住家飯會比較好過食火鍋。有煮菜，飯，菜，湯，飲品！幾好味，又大份， 唔鹹，服務幾好！風景又靚！值得一試！ 唯一缺點飯唔熱。

陪朋友去旺角買波鞋，買完之後食晚餐，佢話想食火鍋，所以響附近睇下有咩火鍋店，網上見到呢間火鍋店就黎試下。可能黎得早，未有咁多人，餐廳有一排窗，景觀好開揚，呢間餐廳好似雞煲好出名，不過朋友想食火鍋，所以下次先試佢地嘅雞煲。有醬油配料自己加。叫左個招牌螺片濃雞湯鍋，加$10有雙拼湯底，所以加左招牌鮮魚湯鍋。一來即刻倒碗湯飲先，湯煮到奶白色，好鮮味，好好飲。手打墨魚丸大大粒，好彈牙，好鮮味，食得出好有墨魚味。西班牙頂級黑毛豬腩片豬腩肉一睇就知肉質好新鮮好靚，雪花條紋分明，厚薄適中，果然肉味香濃，好好食。叫左個菜菜籃，入面有好多蔬菜，有唐生菜、小白菜、金菇、蘑菇等，都幾豐富。稻庭烏冬，幾爽口彈牙，唔會太軟身。

即使係平日 呢間火鍋雞煲都依然常滿 最好就係預先打電話去book位 餐廳位於旺角同油麻地嘅交界 譽發廣場嘅22樓 有半個落地大玻璃 坐窗邊係唔錯嘅選擇 可以同時欣賞下出面美麗嘅夜景我哋點咗響螺花膠雞煲 半隻雞嘅份量 花膠同響螺嘅量好多 響螺片鮮甜爽脆 如花膠就充滿膠質 雞湯非常濃郁 有好濃郁嘅雞味 又唔會太多油 是加分點 未食任何嘢之前 一定要飲咗啖湯先牛肉片鮮嫩脂肪亦夠肥美 入口肉味濃郁 口感足羊肉片味道有少少騷 但係容易接受 要食羊就係要呢種味道 肉質軟熟又夠薄 推介芋絲雖然冇乜味 勝在個湯底好味 吸曬湯底嘅精華 好入味 好喜歡芋絲的又爽又彈口感蟹子墨魚滑 感覺真材實料 裏面真係有粒粒墨魚 夠新鮮又彈牙 好重膠質呀打邊爐又點可以唔食蔬菜 分別點了南瓜 蓮藕 油麥菜 整體份量多 而且夠新鮮

不知道雞煲在您的印象中是怎樣的？對筆者而言，就是在舊式小店不停食食食，但吞pot反其道而行，單憑夜景先取80分底分😆這晚來到油麻地分店，店員安排我們坐在窗邊，從22樓望下去，落地玻璃帶來居高臨下的感覺。甫一坐下店員先送來醬料架自行調配醬汁，筆者很欣賞每個瓶子都keep得很乾淨，沒有痴立立的感覺。菜單自行剔選，簡單方便。我們點了重慶麻辣雞煲，選的是BB辣，筆者覺得辣度剛好，小刺激但不會吃得太辛苦。其他單點的火鍋料我們選了店家獨創的爆芝響鈴、油麥菜、蝦滑、牛肋肉及紅薯粉。先說爆芝響鈴，口感較像腐皮，芝心是卡夫芝士的味道，創意取勝。牛肋肉口感較厚實，兩個人食份量很足。油麥菜挺新鮮的，浸了麻辣湯後吃下去充滿油香。蝦滑爽口，下次可試埋墨魚滑。紅薯粉微甜，口感軟滑，不錯的。飲品選了大檸茶，貪其大大杯又解辣，標示了少甜甜度算剛好。Summary: 想坐得舒服、邊食雞煲邊看夜景的可一試。

舊日戰友相聚，最愛就係一邊烚一邊傾。朋友介紹呢間上樓火鍋。22樓望住日落，景觀一流。滋補養顏嘅螺片雞煲翅湯底，未食已經俾我地每人飲左兩大碗，湯底濃郁，真材實料，翅是一疏疏，螺片爽，雞肉嫩滑。食物種類不少，打邊爐最不能缺少當然是牛，我地就揀左呢個頂級安格斯牛小排，厚度適中，肉味濃，份量亦不少。另外推介蟹子墨魚滑，彈牙有口感，自家制韮菜餃味道一流，如果皮可以薄一點就更好。蔬菜類選擇繁多，最愛還是萵筍鮮淮山，有選擇困難嘅菜菜籃當然是個必然選擇。三五知己盡談盡食，呑pot環境不噪，景觀一流，是個不錯嘅選擇。