吞POT 雞煲火鍋.住家菜 (譽發廣場) (已結業)

秋天令到個人好乾，兩口子決定黎呢度叫左個滋補螺片花膠雞煲滋潤下~因為我地慣左早食飯，所以好快就可以入座唔洗等，佢地環境好闊絡而且抽風系統好好，唔會煙霧瀰漫醬料可因應個人口味自行調配，佢地個醬料架都幾多選擇架，大愛蒜蓉同炸蒜大量飲品俾大家選擇~奶黃色既湯底一睇就知佢地好足料，除左花膠、螺片外仲有菇架！個湯好鮮甜、雞味濃郁。花膠同響螺真係有好多件，花膠彈牙而且索滿左濃濃既雞味！芝士響鈴，每次黎到我都一定會叫既。佢地d響鈴係即炸，好香脆。熱辣辣既響鈴整到d芝士半溶，其實就咁食已經好好食，但叫左個咁濃郁既湯底緊係浸一浸再食啦！食肉獸既我地仲叫左一碟牛小排，切出黎係有d厚度，牛肉味濃，肉質鮮嫩，唔錯。