吞POT 雞煲火鍋.住家菜 (譽發廣場) (已結業)

星期日，同媽媽撐枱腳😛😛揀左呢間吞pot🤪其實我吾係第一次食！上次叫左個胡椒豬肚雞煲，已經覺得好正！所以今次帶媽媽試下🙂由於我地上到去只係6點鐘，都驚未可以入。點知已經有兩枱食緊，究竟幾上去架呢🧐望住個餐牌，爭扎要（辣酒花螺雞煲）定（滋補螺片花膠雞煲）。最後都係揀左花膠雞，補一補🤪🤪餐廳雖然得三個人係樓面，但佢哋都好好禮貌，值得一讚🥰香港地啲人係點，大家心照🤣好快個雞煲就到，梗係要飲湯先啦！熱辣辣，如果天氣再凍啲黎飲，一定仲正！個湯夠濃，湯入面啲料都好多，係面有半隻雞、花膠、螺片同菇菇！食得出啲雞係新鮮雞👍🏼👍🏼👍🏼我哋仲叫左自家製芝士響鈴同豬頸肉！個響鈴，芝士迷一定食到舔舔脷😋雖然呢間餐廳價錢係中尙，但呢間餐廳啲食材係質素😛😛對自己好，梗係要食好啲啦🤪🤪

家人訂了這間火鍋太子店聚會，我有的資料是訂枱姓氏（x先生）八位，六點半，以及訂坐系統號碼。到達店舗，個店員話只要訂坐人的手機號碼去搵返個Booking ，其他資料一律冇用，要我企喺個counter 前直至俾到個正確的訂位手機號碼。一家人個個同一個姓，便講出三數個可能的手機號碼去核對，皆全無紀錄。我再問其實訂六點半、八位，x姓氏的，會同時間有好多Booking 嗎？他只說同時間八人有幾個booking ，再loop同一句，要訂位人的手機號碼。我仍要在狹窄counter 前罰企。之後多人陸續來，全數入坐。個店員才說六點半兩個八人booking 已全部到了，但沒有我的家人（原來只有兩個booking）。之後他才再check個系統，問我是不是xxxxxxx（一個我之前提過，但他說找不到的號碼），然後原來個booking轉了去油麻地。家人來不及通知，但如果這間店個booking system 可以正常以時間、人數、姓氏（或加initial），會否早點check 到？後來家人說原來用OpenRice 個系統book 枱後，一直沒有收到確認。最後一刻才知滿座，book 了油麻地。到底是這間店有問題抑

雖然近排天氣暖返好多，但都無損我地打邊爐既興致✌🏻✌🏻 今日瞓醒覺後，就出發黎到油麻地！餐廳喺22樓，我哋坐近窗邊，可以一邊睇夜景一邊食嘢😌 早幾日係聖誕節，仲有唔少聖誕裝飾🥳食物方面我交俾朋友話事🤣 我就睇吓有咩飲品先🤣俾我發現咗有一款韓國芒果啤酒😎 $18同其他汽水一樣價錢喎🧐，梗係要試吓😹😹我覺得好重果味，唔會有太重酒精成份，岩女仔飲👍🏻👍🏻無咩為意，原來我地唔係叫咗好多款嘢食🤣🤣不過有我鍾意食嘅炸芝士響鈴🤩🤩🤩 依個真係必點！！佢應該即叫即炸，非常香口😋 我都俾面食多件🤪其他嘢食都唔錯！例如蝦膠就好新鮮！蔬菜又大大碟～如果消夜時段黎食，配料仲可以有半價，咁就更加抵食🥳

2019年完結前夕，難得約左班朋友出黎玩左半日，夜晚轉戰油麻地，嚟左譽發廣場食吞POT☺️☺️因為唔算太肚餓，所以我地無嗌到雞煲，就咁要左火鍋湯底，揀左螺片濃雞湯。湯底香，螺片同菇都幾多😌另外因為年末嘅關係😆 要左枝柚子味真露賀賀佢🍶🙊🙊 吞POT有唔同酒精類揀，岩晒酒鬼一邊烚烚下一邊飲🙊醬料其實坐低嗌緊野食時已經有九宮格比我地按自己喜好揀～ 我就簡單啲-豉油、炸蒜、沙茶醬就好夠喇😉野食方面當然唔少得牛！要左相對下無咁肥嘅牛肋片，上碟排得好靚，牛肋片食落幾有咬口🐮蟹子蝦滑，有得玩有得食～ 加左蟹子食起卜卜脆，過癮😝另外仲嗌左牛柏葉、唐生菜、薯粉，樣樣種類都嗌左啲嚟食😎 呢幾樣份量都足，絕對夠晒我地幾個食😌除咗打邊爐配料，我地仲嗌左個芝士響鈴！！🤤🤤 新鮮炸起，熱辣辣、脆卜卜、仲有芝士溶溶地咁，邪惡得黎好鬼正🤤🤩最後仲有菊花茶送🤣🤣 正😙P.S. staff好nice😊

已經唔係第一次嚟啦，一開始係朋友介紹，食過之後覺得呢度環境同埋食物質素都唔錯，就好少周圍試。我覺得呢度嘅醬料美中不足嘅地方係冇芫荽。不過其實都唔係咁大問題嘅。七點鐘左右已經坐滿左人。男朋友身體差又病咗，今次揀咗藥膳雞煲嚟食。不出十分鐘個煲就嚟到，基本上都已經滾好咗食得，幾好唔洗點等。鍾意佢哋嘅雞煲用嘅雞唔油，雖然係咁，肉質依然唔算粗，感覺食得健康，亦都好貼心咁有隔油匙可以拎走啲油。葯材味都幾重，因為都幾足料。黨參，沙參，紅棗，杞子等等都唔少得。自己食親雞煲多數都會揀菜藍，因為選擇困難貪佢夠多款。仲叫左個粉絲，冇影相，好似唔太夾。最後埋單每人$250左右，留意番醬料係每位都要收錢嘅

近年尾特別忙，今日又要OT了，做完嘢要醫下個肚，天氣凍左想食個火鍋，又想有啖靚湯飲下，同事立刻推介旺角吞POT雞煲火鍋住家菜，有靚湯底飲又可食火鍋。二話不說，我們立即出發去吞POT！火鍋店在譽發廣場22樓，地方不算大，已坐滿食客，等了不久我們便可入座。喜歡飲湯的我就要了一鍋招牌鮮魚湯，魚湯內有菇菌、豆腐、蕃茄，熱騰騰、香噴噴的魚湯鮮甜味十足，營養豐富又好飲，物超所值，抵過自己煲。之後又可加湯做火鍋湯底。西班牙頂級黑豚豬梅肉，新鮮唔鞋口，肉味香濃。自制鮮蝦雲吞，每粒雲吞都有鮮蝦，皮薄餡鮮又爽口，叫左碗白飯，又叫埋青島啤一啤，滿足的一餐，飽腹又美味！

差唔多成一年冇嚟呢間食, 明明上次話過想約多啲frds一齊~ 趁聖誕假終於約到!!雖然好似加咗價, 但食物質素維持不變, 冬天間中嚟食都唔錯!同上次一樣照叫我嘅打邊爐麵食之選: 紅薯粉, 好qq~ 今次試吓食雪花牛肋片.. 比一般嘅牛片硬身少少~朋友介紹呢個芝士響玲, 果然好特別呢!!當然唔少得食返啲菜啲牛柏葉都夠食, 好多~蝦滑都係朋友食過介紹ge.. 好味過食普通個啲丸!每人一款飲品! 我覺得我個杯多冰咗少少, 下次叫少冰或走冰先~食下食下,  烚下烚下, 不知不覺間就飽咗~

星期日同老公去旺角買聖誕裝飾，經過譽發廣場，老公想起22樓的吞POT雞煲火鍋住家菜，他們的招牌鮮魚湯鍋超好味，於是我們就前去食晚餐。店內已有不少客人用餐，幸好好快就入座了，從玻璃窗望出去，可以望到彌敦道的夜景。五光十色，非常美麗！招牌鮮魚湯鍋：令老公回味無窮的魚湯，上枱開火滾返熱，陣陣魚香撲鼻而來，奶白色的湯底濃郁香甜，加有蕃茄、爽口的秀珍菇、滑溜的豆腐。啖啖魚湯精華幾乎給我們飲曬！要加湯才可繼續食火鍋。西班牙頂級黑豚豬梅肉：鮮嫩的黑豚肉切得厚薄適中，豬肉味濃又有口感。白鱔片：鱔片大大片好新鮮，輕輕灼幾下就食得，味鮮又爽口！

依間火鍋店做緊優惠，7:30pm前埋單都有配料半價優惠，我一直都想黎試吓🧚🏼‍♀️ 我地book左6:00pm，可能因為太早，未有好多人🤣 我坐個位幾好，啱啱可以睇到電視🤩揀好啱自己嘅醬料就開始睇嘢食了🧚🏼‍♀️餐牌有好多款嘢食，真係花多眼亂🤪由於有半價，我哋不知不覺叫左好多🤩 比較印象深刻嘅係🧚🏼‍♀️頂級雪花肥牛！！睇相已經feel到有幾靚，肥瘦均勻，入口即溶🧡手打蝦膠都ok，如果分量多啲就好了！自家製韭菜餃好正，超香超多韭菜，又大粒，同出邊食嘅真係好唔同～蔬菜藍分量幾多，打邊爐都要食多d菜ga ma🧚🏼‍♀️我覺得呢度適合一班朋友來，吹下水食下野！食物質素好，環境又一流🎉

冬天開始，最好就緊係打邊爐！朋友同我去呢一間吞POT，貪佢就係有得食佢自家既芝士響鈴，因為食過真係返唔到轉頭❤冬天凍凍地就緊係叫個滋潤螺片花膠雞煲黎潤一潤啦，我地人少少就只係叫半隻雞煲食，雞唔會好肥，成個雞煲唔會好油，而且都有好多花膠係入面自創爆芝響鈴係我地黎既目的！入面真係爆芝架，芝士夾埋響鈴真心好好味，我自己就鍾意唔好浸到個響鈴太淋，少少脆脆地就最好食！十全大寶丸就岩曬鍾意咩味都試下既人，我地鍾意佢地呢到D食物夠創新，唔係淨係普通咩豬肉丸、墨魚丸個類打邊爐就緊係必備特級美國肥牛，片片都切得好平均，同埋D紋真係幾靚，食落都幾有牛味脆肉鯇腩都好夠新鮮，肉質食落一D都唔霉，鍾意食魚既都可以點下呢個除左打邊爐料之外，我地仲有叫左呢到特有既Wasabi牛柳粒，少少wasabi攻鼻，但係配埋D牛柳粒又幾好味，幾香牛油香，牛迷可以一試！

螺片雞湯湯底+重慶(BB辣湯底)：雞湯個湯底比較滋補型，好岩秋冬呢個時節補一補。之前有黎過食過佢地個螺片花膠雞煲，同一個底黎做火鍋。個火鍋湯底濃郁雞味又有膠質，至於個重慶bb辣相對會重麻香味，但又不失刺激柚子特飲:其實呢個都幾大杯，飲極都有，酸酸甜甜幾解膩。友人就叫了芒果特飲，朋友就表示果味濃過酒味，好岩佢唔飲得酒既人飲。鮮蝦韮黃雲吞:平時出面好多雲吞都會食到碎肉同蝦做內餡，呢道特別少少會食到原粒蝦肉。菜菜籃：入面有鮮菇、金針菇、生菜、白菜仔。菜既質量都新鮮，最重要佢個量十分大，食極都仲有，$70有性價比。特選美國肥牛片：肉質鮮紅色，可見新鮮十足。落鍋時朋友大讚牛味好夠，同埋唔會鞋口。芝心響鈴：香脆既響鈴入面包住芝士，由於佢新鮮炸起，唔會有油耗味。蟹籽墨魚滑：呢個滑次次黎都會叫，滑漿有彈性得黎入面食到粒粒墨魚肉，鮮甜得黎有口感。滾住火鍋🍲談下天食好西又可以睇到靚景

早兩日真係太凍了，最好就call埋朋友去打邊爐!😛 吞pot之前都嚟過，最值得推介嘅係佢個花膠雞煲😍 湯底又鮮甜又多花膠！今次同朋友想試埋魚湯，所以就叫咗個雙拼火鍋湯底：鮮魚湯+螺片濃雞湯🔥🔥價錢仲平好多添🤣🤣🤣魚湯湯底好清甜，有少量秀珍菇同蕃茄😛雞湯就同之前一樣咁好味！呢度出名配料都好新鮮！好難得搵到鍾意食羊肉嘅朋友，一齊食羊肉片好正🤪🤪白鱔片無骨既，煮一陣就食得👍🏻牛骨髓係另一推介，唔可以錯過😆😆仲叫咗少量菜同腐竹！打邊爐都要健康㗎嘛🤣我哋坐嗰個位近窗，可以睇埋好靚嘅夜景，仲有一啲雞仔既decoration🐥🐥🐤🐤 overall都好好，好warm既一晚

天寒地凍最岩食雞煲呢間吞pot之前都有幫襯過都幾高質 今次就去咗佢油麻地既分店 好方便係油麻地地鐵站站出行去兩分鐘都唔洗就到佢身處既大廈到 佢哋嘅鋪頭多數都樓上 呢間更加係22樓 落地玻璃 望到ICC 夜晚既景色都幾令架我哋點左佢個香辣雞煲 因我同女朋友都食得辣 另外加左大腸係個雞煲到黎到真係香噴噴同已經係熱辣辣 店員都話可以即食 我就有理冇理都引唔住即刻夾舊雞食大佬點忍呀 都出哂煙喇味道真係十分之香濃 真係好彩最後我地叫左一隻雞 唔係既話半隻一定唔夠喉食到咁上下，我終於頂唔順想叫碗白飯黎食 其實我地都有叫紅薯粉 不過我個人覺得呢個汁係要跟飯食既 結果我既直覺真係冇錯到 白飯更加能夠中和到佢個汁 食出香甜既感覺而且更重要係可以減下辣 小辣都唔惹小

同朋友嚟到譽發廣場，見到林林總總嘅餐廳，於是心血來潮入咗去一間打邊爐店，餐廳裝修唔錯，望到旺角嘅夜景，而且一入門好大嘅魚缸，整體環境非常好。同朋友睇一睇個餐牌，價錢中上，睇得出佢係主打高質食材，而且選擇多，特別係湯底嘅選擇，同朋友心思思想試吓花膠雞煲，不過最後都係食辣酒花螺雞煲。個雞煲味道唔錯，麻味同埋辣度調得啱啱好，而且佢係即叫即整，絕對新鮮滾熱辣！不過唔係好重酒味，略嫌蓋過咗花螺嘅鮮味。我哋亦都叫咗幾款餸菜，脆肉脘魚腩，安格斯肥牛，芝士響鈴。首先個魚味道好新鮮，而且個部位係上庄，鮮甜肥美。另外個安格斯肥牛油花均勻，絕對值得上個價錢。最有驚喜嘅係個芝士響鈴，估唔到咁夾，係依度一定要試一試佢！眨吓眼就同朋友食晒，食材高質，買單兩個人七百幾，絕對值得上個價錢！

天氣開始凍梗係要打邊爐啦，嚟呢度係因為聽聞呢度嘅爆芝響鈴係鐘意打邊爐嘅人一定要試！食完覺得，除咗佢嘅爆芝響鈴名不虐傳之外，佢嘅食物份量都令我出乎意料！因為通常呢類單點嘅雞煲打邊爐，每碟嘅份量係又貴又少，但係吞pot絕對唔係咁！首先個爆芝響鈴係同我隻手一樣咁一大條！有無搞錯！入面仲有好多好多粒爐芝士同芝士片，浸一浸溶咗之後係每一啖！都食到芝士！呢個份量絕對對得住價錢有餘！另外份量多得很嘅係個湯嘅料！我叫嘅係花膠湯底，2個人食，佢竟然俾咗6條花膠我！過份！平時出去其他餐廳得2-3條炸！吞pot真係足料得過份！其次一我叫咗我最鐘意但係唔係周圍有嘅冰菜食！冰菜來貨價係貴架，因為只有冬天先有得食，其他餐廳叫都只會俾不多過10條冰菜。但係我諗我地2個人食咗趨碼有20條菜！咩事阿？吞pot唔驚虧架？使唔使咩都俾咁多！多到好辛苦先食得晒☺️！會飽死人架知唔知☺️！