吞POT 雞煲火鍋.住家菜 (譽發廣場) (已結業)

今日同朋友突然之間好想食雞煲，就上咗嚟試一試😊😊餐廳衛生非常之好，喺門口會量體溫，亦都比每個人吃有信封戴住口罩👍🏼👍🏼❤️非常細心！我哋叫咗個辣酒花螺雞煲，入邊有好多隻花螺，非常新鮮👍🏼👍🏼👍🏼雞件都好入味！食完雞煲，店員會加清湯俾你打邊爐😊😊😊我哋叫多咗幾樣配料😊😊😊鮮淮山、鮮腐竹、十全大寶丸😊😊😊要讚一讚十全大寶丸，每一粒丸入邊都係醬爆嘅，好好食👍🏼👍🏼👍🏼👍🏼最後加個紅薯粉，索晒啲湯汁，正！西柚特飲都好好飲，大大杯😊👍🏼

平時中午都會嚟呢度食lunch，呢間野位於旺角市中心嘅頂樓可以睇到遠景左我係旺角市中心算係一個唔錯嘅休閒餐館，第一次入到去個人即刻精神晒。呢間嘢食嘅嘢全部都係普通平凡嘅家常小菜火味十足🥳🥳個人認為佢嘅甜酸排骨係最好味，不過佢每個星期都唔同餐牌，所以想食嘅人就要撞啱時間啦😹😹以上呢三個餸就係我今次嚟到嘅主菜。個人認為蒸野比較健康炸嘢就要食一啲開胃嘅嘢仲有佢嘅老火靚湯飲落去成個人都覺得醒神左好多。如果同老闆熟仲可以叫佢比多碗你飲添。所以作為位於旺角嘅餐館算係唔差一利可以釋放工作壓力。

又黎食吞pot喇！真係每一次都唔會失望~ 上次食過覺得好食，今次再帶其他朋友黎，個個嘅評價都好positive呢！因為上次個招牌花膠螺雞煲實在太出色，我決定再叫多次。一樣，非常足料，d花膠食極都仲有🤣花膠煲到最後融融地好淋呢~但d雞就最好唔好煲到最後喇！會鞋嗮㗎！用呢個咁有料咁甜嘅湯底打邊爐，之後淥d嘢都特別好食㗎。十全大寶丸黎講，鍾意食芝士嘅我最推薦係芝士牛丸，爆汁效果一流！小心熱會辣親個嘴啊！九丸自己本身都好彈牙（佢d蝦丸都好彈）。如果鍾意芝士，就一定唔可以錯過芝士響鈴！雖然一舊真係好大會有d飽肚，但都係值得嘅，因為真係好好食😂淥5-10秒就可以拎返上黎～滿口芝士加上脆脆地嘅外皮加上吸收咗嘅花膠雞湯精華，係味覺嘅三重享受！美國特級肥牛都好靚，幼稚分佈均勻！服務方面都好周到，侍應做嘢快手，雖然好多客人爆爆地場但上食物速度都ok！唔會等好耐。總括黎講讚啊！😚

今日嚟到位於旺角嘅呑POT雞煲專門店打邊爐地方都企理同闊落今次安排左我哋坐窗邊嘅位置仔細一睇竟然發現窗邊有一盤雞仔嘅毛公仔係度勁得意😎睇返Menu主打雞煲，另外亦都有火鍋湯底可以選擇我哋今次主要都係食雞煲，另外食完之後再加湯打邊爐今次揀咗重慶麻辣雞煲小辣，份量就揀咗一隻另外再加左份滷水大腸直接放喺煲入面上一坐低店員就會俾個九宮格嘅調味盤你我就覺得佢嘅芝麻醬同麻辣醬最好味😋雞煲上菜嘅時候佢已經煮熟晒可以即刻食得你就可以隨意教返火嘅大細啲雞全部都好多肉同大件重點係雞嘅肉質好嫩滑一啲都唔over cook個醬汁非常之重口味拉腸處理得幾乾淨，入口食到淡淡的油香亦都同時間吸晒雞煲嘅汁非常之嘢味洋蔥更加唔使講除咗有雞汁味之外仲非常之清甜呢個芝士響鈴強烈推介一定要叫響鈴入邊足足包左成塊芝士係入邊輕輕浸一浸響鈴已經同芝士融合咗入口嘅感覺非常之好食最後叫咗個紅薯粉做主食食雞煲最適合叫一啲咁吸味嘅澱粉而家仲做緊優惠7:30前或9:30後埋單配菜仲有半價想食多少少呢兩個時段嚟就最啱

呢到可以直挑旺角夜景🌃而且七點半前埋單有半價優惠，真係又經濟又浪漫一杯飲品幾大杯，咸檸7，打邊爐必備🍲花膠螺片雞煲，雞塊新鮮，而且半隻雞分量亦十分多，雞十分嫩滑花膠螺片都十分足料，唔係幾片就算，湯底十分滋補，無論男女都可以係食前飲番碗靚湯先開餐美國🇺🇸肥牛，牛肉色澤鮮艷，肥瘦平均，條紋清晰，入口感覺十分嫩，絕對係高級靚牛🐮份量亦幾大碟仲有調味料選擇好多人推介嘅十全大寶丸，每粒入面都唔同而且入面係有饀料的，要慢慢仔細咀嚼，口感因是自家手打，表層十分彈牙火鍋🍲配料選擇多元化，而且食品新鮮而賣相有質素，相比任食邊爐明顯係高級同正好多，一分錢一分貨，佢地仲有半價，分分鐘性價比抵過任食個d海鮮類亦有半價

大約6點左右到，仲可以欣賞埋個日落🌄好靚呀，唔好錯過而且早到，7點半前埋單仲可以有火煱配料半價，好抵🙈選擇亦十分多，火煱配料既高質又新鮮😆今次叫咗滋補花膠螺片，用料絕不馬虎求其，岩曬冬天暖下身同補一補☺️湯滾後，可以先飲一碗，係全奶白色，而且好少油，十分好飲的自家製十全大寶丸，即係乜丸都有兩粒，亦是招牌推介之一咬到中間仲有饀料，真係粒粒驚喜🤤呢粒墨魚丸入面竟然包住鵝肝🦑真係好高質，而且自家製丸類都係十分彈牙🤩好味道呢碟靚肥牛竟然係都係半價😮條紋同色澤都可以判斷呢碟肥牛十分高質，半價係一百蚊都唔洗，而且又大碟肥瘦適中🤫真係性價比好高本身湯底已經夠曬味，唔夠味可以再點豉油醬汁呢間整體都十分滿意，推薦一試

唔知點解就呢間餐廳個名好熟悉，可能因為我自己都真係成日 “吞Pot”。。。哈哈！又係一間改名改得幾好嘅餐廳，所以今日就同個朋友嚟試吓食嗰個雞煲火鍋啦位置都幾方便，喺正油麻地彌敦道出邊，上到嚟，其實發現餐廳唔算話好大，不過空間感幾夠，同埋佢枱與枱之間空位都幾充足，仲有落地大玻璃，所以可以望埋出面嘅景色，雖然冇咩景睇，但係感覺都幾好係你睇緊叫咩嘢食嘅同時，店員會為你準備呢個九宮格，佢就係一啲調味醬料，整齊咁樣放好，自己按返自己所需嘅份量調校就可以啦，選擇都算多今晚都叫咗好幾樣配料，除咗主要嘅雞煲，飲品當然都唔少得，我叫咗一杯大檸樂，都真係幾大杯，而朋友就叫咗一罐檸檬 +C雞煲嚟到喇，賣相非常吸引，重點係非常香味，雞件都算係整齊咁樣放好，上面會有芫荽及蔥，真係非常吸引，當佢嚟到嘅時候，其實就已經可以食，不過如果鍾意再熟少少嘅朋友，可以再等佢滾多一陣先再食，我諗雞件會更加入味添我覺得呢張相幾靚，其實唔係我影得靚，而係成個畫面都真係幾正，雞件肉質鮮嫩，肉嘅比例都幾多，感覺唔係好肥膩，皮下脂肪唔算太多，所以食落好舒服，肉質感覺豐富兩個人叫半隻雞就真係差唔多，雖然啲雞真係好好食，會令你停唔到手，但係

出旺角行街，行過少少黎到油麻地食晚飯！諗唔到食咩，見天氣又凍凍地，女朋友提議食雞煲，咁就順下佢意啦一坐低，有個九宮格嘅醬料架，咩醬都混一餐，個辣椒醬好似老干媽，好食！想食雞又想食豬肚，咁就嗌左胡椒豬肚雞煲（一隻$258），兩個人食突登嗌一隻，唔嗌其他打邊爐野食，反而就要左個白飯（$14）同埋出前一到（$24）一送上雞煲，胡椒香味十足！用湯勺翻一翻，原來有腐竹同栗米，有啲意外，因為以為真係得雞同豬肚。所有食材都好足料，因為有栗米，啖湯愈煲愈甜！但一路煲，亦會出現一個問題，就係太多油，好彩店員自動俾左個隔油勺我地，好細心，要讚下！

今日傍晚嚟到油麻地度睇電腦，就食埋飯先返屋企。可能依兩日天氣凍，突然好想食雞煲，諗起有朋友推介，就嚟咗呢度試下。一入門口就見到非常非常之靚嘅旺角市區夜景，簡宜有種大地在我腳下嘅feel。坐低之後店員就會隨即奉上「混醬寶盒」俾客人混醬。睇下有咩食先～依度算係主打雞煲，仲有好多款唔同款式嘅湯底，但今日一心衝着雞煲而嚟，所以就揀咗重慶麻辣雞煲，要BB辣。因為已經有半隻雞嘅關係，唔想食太多肉，所以就另外再點左一啲海鮮同配料，再要左杯鹹檸七，好豐富喇！首先嚟嘅係飲品，食雞煲呢啲比較重口味嘅嘢，飲杯冰凍嘅鹹檸七，就又聚火又解辣喇！而且依度嘅飲品都超大杯，食火鍋令人飲得盡興好緊要！然後主角雞煲就嚟喇！雞煲嘅雞件本身已經熟咗，輕輕滾翻熱佢，就可以開動喇！雞件好大件，好厚肉，醬料掛得啱啱好，味道當然係夠，但係唔會太油太鹹，BB 辣仲有少少刺激，就算係冇送白飯都唔係太重口味。之後其他配料就陸陸續續咁嚟喇，叫咗脆肉鯇魚腩、桂花蚌、手打牛丸、冰菜同埋佢哋招牌嘅芝士響鈴。食晒雞件之後就叫店員嚟加湯，因為叫咗蔬菜，唔想太油，於是我就撇左啲油佢就岩岩好喇！冰菜係冬季限定嘅，上邊係好似有一粒粒水珠咁，食落係非常之爽脆

今天與爸媽來到這裡吃雞煲。由於爸爸不太能吃辣，所以雞煲選擇了走辣。雖然是不辣，但是雞煲亦是非常惹味，我們點的是半只雞，雞肉很滑，沒有很多肥膏。雞煲越滾越收汁，醬汁越來越濃厚。吃過雞肉後我們都飽了一半，接著侍應便幫我們加入湯底。火鍋方面我們點了三款食物。滑嘟嘟其實是三款手打滑，分別是蟹子蝦滑，鯪魚滑，墨魚滑。每款都很爽滑，最喜歡是蝦滑，鮮蝦味十足，爽口，加入了蟹子，卜卜的令口感更為豐富。蜂巢豆腐蜂巢豆腐雪得冰凍，放入湯中，像海綿一樣盡吸湯汁精華，豆味濃郁。龍口粉絲分量多，粉絲爽滑。西洋菜西洋菜很鮮嫩，冇渣，洗得乾淨。總括而言，雞煲份量足，火鍋配料則每款份量不會很大，可以試多幾款。

與很久不見的朋友慶祝生日 當然要吃好點 所以選擇吃精一點的打邊爐 不是任食那種 而是逐碟點的 最後選擇了這間 幸好有預先訂枱 不用等 直入 座位挺滿的共9種醬料供自己調配可選雞煲/火鍋湯底 有很多款自家製手打丸及餃供選擇 打邊爐當然少不了肥牛 有不同種類的肉 更有海鮮 更有特色小食 可作前菜填肚子 不用等《招牌螺片濃雞湯鍋》相信鍋本身已熱住 一上沒滾多久便可下火鍋料 湯十分濃郁 味道亦鮮甜《炸魚片頭》經常將魚腐魚旦魚片頭搞混亂了 今次點中了 一點也不油 挺乾身 魚肉亦十分爽口彈牙 再沾上甜酸醬 真的一吃再吃因為只有二人 而又想試更多的種類 因此點了餃子拼盤《餃餃陣》韭菜餃 鮮蝦雲吞 蟹粉蟹肉雲吞及魚皮餃各二 雲吞又薄又滑 鮮蝦又大又爽口配料類的拼盤《開心樂園餐》蟹柳 午餐肉 芝士腸及雞肉腸各二 真的十分適合二人 看到其他枱每碟份量都很多 一定吃不了《爆芝響鈴》這真的不得了 濃濃的芝士味 挺流的 一人一條已大滿足 👍🏻 響鈴皮亦十分新鮮《頂級雪花肥牛》重頭戲到了 打邊爐當然少不了肥牛 一點也不韌 而且帶點肥肉 十分香 停不了口 一吃再吃最後連加一 $776 足足吃足兩小時 份量大碟 用料

又同朋友飯聚，凍冰冰食咩好？緊係食麻辣雞煲啦！呢間野係我朋友帶我上去既，佢話好正。咁就試下啦！一入到去真係好香麻辣味！未食都已經流口水了。咁我地叫左半隻重慶麻辣雞煲，有我揀辣度既，咁我地呢個係小辣。半隻係$178煲。食哂d雞之後，d汁緊係要黎做打邊爐湯底啦！佢有好多野食揀....比大家睇下張菜單先！咁我地叫左碟牛三郎，裡面有雪花肥牛，牛柳粒，牛肋片。好大碟嫁！好有牛味！叫左個蟹子墨魚滑，蘿白，烏冬，樣樣都係會好入味嫁....呢間雞煲真係冇得彈！

今晚7:30 book咗食吞pot，好近油麻地地鐵站，超方便。一出𨋢就見到大大個招牌，雖然係平日但係都座無虛席。上次試過旺角嗰間嘅花膠雞煲，今次是辣酒花螺雞煲，因為唔太食得辣所以叫咗個BB辣，雞煲非常野味，分量十足，正啱我呢啲唔食得辣嘅人。打邊爐當然要食佢哋自製嘅爆芝響鈴，上次試過今次一定返尋味，啲芝士係響鈴裏邊流晒出嚟。唔可以唔睇佢哋個特級雪花牛肋片，完全冇肥膏，超有牛味再加埋個雪花肥牛，簡直係不得了。食咗咁多肉梗係要嚟一個蔬菜拼盤啦，有生菜、有白菜、有金菇超新鮮，連我呢啲食肉獸都忍唔住食多幾條菜。不得不提吞pot嘅服務十分周到，食到中途會自動幫我地換碟，又會清理枱上面冇用嘅碟，估唔到打邊爐都有五星級嘅服務！天寒地凍食飽飽就返屋企^^

咁涷最岩就食雞煲 見咁多好評就信佢地 試下先湯底方面簡左 辣酒煮花螺雞煲半隻（$208）BB辣 其實都幾辣 好在冇叫少辣咋 應該食唔到一上煲就食得 因為已經係熟哂 炒兩下就再香d個底料調得幾好食 好香花酒味 小小沙茶味 有好多香料 八魚花椒指天椒 雞件都煮到好入味 花螺好惹味 d肉好嫩 好鮮 都好大粒好多肉 唔會太un太老 加左d清湯就開始打邊爐 蝦滑（$88） 好大兜 兩個人食絕對夠滿足 好新鮮 食到蝦滑混左小小似墨魚肉 幾有咬口唔錯唔錯自家製爆芝響鈴（$45） 三件夠哂兩個人食！ 好香脆大舊，中間芝士份量勁多 溶哂好好味十全大寶丸（$158）包含5種丸，每款有兩粒！ 岩哂兩個人share 食丸都食飽 生拆蟹粉墨魚丸（食到有蟹粉係中間 幾特別） 黑松露墨魚丸 （最中意黑松露 好岩我食） 手打芝心牛丸 （爆漿流心，不過要小心熱） 香煎鵝肝蝦丸 （細心品嘗 好有鵝肝味） 黃金海膽黑墨魚丸 （黑墨汁 原來熟左既黃金海膽係咁既味 幾好食） 兩個人一人食左二百幾 坐得幾舒服 職員細心 態度好

朋友生日約聚會，唔想揀個食得咁急可以慢慢傾計嘅地方，所以唔選擇任食嘅火鍋，最後揀咗呢度～ 一行7個大人兩個小朋友，餐廳內嘅員工都好nice好helpful，幫忙選擇可以放bb車嘅位置，而且落單同問佢地問題都好親切解答，唔錯我地選擇咗個小辣嘅辣酒花螺雞煲，另一個蕃茄湯底，方便小朋友要食唔辣嘅湯底。調味料好齊備。雞煲一嚟就可以食，佢話已經熟曬，少少辣幾好味。呢間餐廳嘅招牌菜，即炸流心芝士響鈴，超級好味！好脆，唔點湯食都好滋味！豬梅肉肥瘦適中，唔錯。安格斯牛小排好味😋 ，夠牛味！牛油花多又均勻。呢度竟然有冰菜！我第一次食，好新鮮好好味。Happy Birthday🥰