名門私房菜

营业中

休息中

老公知道我鐘意食d特色野，中菜已經不滿足到我的胃口，所以這次我地就去了名門順德私房菜紫薑皮蛋先點個前菜，紫薑皮蛋，是流心皮蛋耶，紫薑酸酸甜甜十分開胃杏汁燉豬肺湯白色的湯底就知道湯底十分濃郁，料頭十足炸蝦多士好大塊的多士，老公仲說大過我塊面， 而蝦多士係原隻蝦肉打成，啖啖蝦肉，食起來份外鮮味順德鯪魚肉完整既魚皮，原來已把肉打成彈牙的鯪魚肉，入口啖啖肉，十分滿足陳皮牛肉蒸豬肉餅在家就經常會煮，但牛肉就未試過，是以鮮牛肉制作，仲有陳皮香，牛味濃濃，十分好食啫啫生菜煲熱辣辣上枱，用沙煲熱力，菜十分脆口，新鮮無比。最後以雪耳木瓜糖水作完結，十分完美

名門私房菜好多年前同朋友食過一次，佢地嘅菜式每一樣都係功夫菜，水準好高同好足料，最近又同朋友再黎，其實有唔少菜式都唔同左，但水準同樣咁高，非常難得。作為一間中式私房菜，名門店面冇一般酒樓咁大，店內亦有少少歲月痕跡，不過都無損佢嘅吸引力，平日夜晚都有大半滿。佢地嘅菜式都好多選擇，但有唔少特式菜因為耐唔耐會轉，所以冇列喺餐牌入面，訂座時餐廳會whatsapp一份俾客人，而部份菜式就最少要一日前預訂。招牌焗釀響螺($168/杯) - 哩款係預訂菜式，留意哩類以位計嘅菜式都係兩位起。雖然話係焗釀響螺，不過菜式其實係用杯上，師傅將響螺、洋蔥同磨菇切碎再放喺杯入面焗，比起釀返喺螺殼入面更方便食，上枱時香噴噴，食落好有咬口，食時可以加少少喼汁吊味。醬爆黄金蝦多士($88/件) - 蝦多士同樣係預訂菜式，需要至少早一日預訂同最少兩件起。蝦多士上面堆滿左超多咸蛋黃醬，咸蛋黃味超濃郁勁邪惡！蝦多士食落幾脆口，中間蝦肉好結實彈牙，多士底另外仲加左隻蝦，口感比一般蝦多士豐富。順德煎釀鯪魚($178) - 哩道菜就咁睇冇乜特別，但睇真啲鯪魚係預先切開左一件件，師傅會先將鯪魚拆肉起骨，再打至起膠釀返入鯄魚皮入面，

Through one of those casual chats with my colleagues, I got to know of this Chinese restaurant that specialized in Shunde cuisine. Charisme Pavilion was located at Wan Chai Road, few minutes walk from Wan Chai MTR.The restaurant is of private dining experience and specialized in seafood dishes. They offered authentic Cantonese cuisine such as vegetables, meat, seafood, rice or noodles, soup, fried dishes and drinks etc. Their dish can cater to customer's preference as well. 冰鎮鮑魚配燒汁芥辣醬 - This was

新婚的日子，當然唔想老婆辛苦放工又買餸煮飯，知道另一半喜歡中菜，就帶佢來公司附近的名門私房菜冰陣鮑魚每人一隻大大隻冰陣鮑魚，經過冰陣後處理 ,鮑魚爽口彈牙，配有醬汁帶有微辣炸蝦多士這個是重量級的蝦多士，大大隻蝦做成，且份量更是加大版，啖啖蝦肉，多士脆口順德煎釀鯪魚在私房菜可以點到一般外邊比較較少見的餸菜，這個工序繁複，但食客可以啖啖食到鯪魚肉，確是十分值得陳皮牛肉以新鮮牛肉剁碎，添加陣皮十分清香美味，牛味濃郁，而更難得是已經很久沒吃過牛肉餅最重要老婆食飽飽十分滿意這晚飯的安排

名門私房菜，是心目中數一數二出色，有質素的私房菜，菜式特別，注意想去的，務必whatsapp訂檯訂菜杏汁燉白肺湯，上檯時傳出陣陣有杏仁香，喝得出是加入即磨杏仁，帶點奶香 ，每盅燉湯都有洗得好乾淨既白肺及瘦肉青芥冰燒雞，要預訂菜式，可選半隻或一隻，手撕雞，青瓜絲，醃子薑，海蜇，炸香芋絲，最底層的香芋絲是即點即炸，要襯熱吃，將所有食材撈起，有甜辣酸，層次感滿分，汁醬越吃越好開胃，令人大啖大啖吃邪惡蝦蛋士，是新出數月的菜式，新鮮蝦肉打成蝦膠，切開中間，埋藏著原隻蝦肉，用刀叉從中間切開，面層的鹹蛋黃醬慢慢向下流，每一口都夾著鹹蛋黃醬吃，帶著咸香的滋味啫啫唐生菜，上檯是獲氣十足，有麵豉，乾蔥蒜蓉，香氣從檯中間慢慢延伸到隔離檯，生菜唔會好林，入口還有點爽口，每一棵keep住仲係熱最後，餐廳送上是日糖水喳喳，每日都唔同，十幾種豆類，集結於碗內，全部豆類都好淋，有椰香，唔會太甜

要喺灣仔搵嘢食，真係絕對無難度，反而有時縑太多選擇，中、西、意、法、日，樣樣都有真係唔知食咩好！今次阿叔有好介紹，呢間隱藏於商業大廈中嘅私房菜，咪睇佢外表同其他中菜廳無咩分別，但佢以正宗順德菜作為主打，所有餸菜水準都好高，絕對值得一試。 杏汁炖白肺湯 ($98)，未嚟主菜前，率先嚟碗湯潤潤喉，成個湯奶白色，好香杏仁味，豬肺大大件，洗得好乾淨，入口好彈牙。 冰鎮鮑魚 ($88)，呢度招牌菜之一，鮑魚屬中型尺寸，肉質鮮嫩爽口，有著淡淡嘅酒香，雖然隨飽魚附有酸辣汁，但阿叔更愛原有嘅鮮甜味。 飽汁遼參扣鵝掌 ($268)，阿叔嘅個人推介，遼參、鵝掌都炆得好腍，非常入味，學老闆話齋，呢個飽汁無得輸，用嚟送飯食絕對一流。 麥皮黃金蝦 ($88)，另一阿叔嘅個人推介，有別於傳統用上蒜蓉嘅造法，改用即食燕麥片包住蝦，再拎去炸。黃金蝦超大隻，肉質鮮嫩彈牙，香脆又入味，嚟到必食！ 生煎蓮藕餅 ($178)，4大塊掌心咁大嘅蓮藕餅，口感爽脆，用嚟配飯食就最好不過。 XO名門炒飯 ($248)，例牌都好大窩，炒飯炒得入味又夠乾身，味道太少少辣，非常惹味！

今日屋企人介紹去左灣仔街市入面一間中菜館食正宗順德菜，真係想不到平時人來人往的灣仔街市原來有這樣的餐廳！杏汁白肺湯杏汁味非常濃郁，質地非常滑，好滋潤！加上一點油也沒有！飲落好健康！冰鎮鮑魚 配秘製醬汁飽魚煮得剛好，軟硬適中又保留了鮑魚的爽彈口感！配搭廚師秘製的醬汁，少少甜酸，好少咸，好香，令整個菜式的味道更惹味！焗釀響螺這個菜色非常特別，店員說以往的樣響螺會把餡料釀在響螺入面，但礙於響螺的清潔比較困難，而且體積比較細小，所以他們把菜式改良了，把餡料直接放在小碟內焗，上面還加了雞蛋！份量和賣相都提升了～而且每一啖都非常豐富，除了響螺肉外還有一些豬肉洋蔥和雞蛋等材料，香味和口感都都分適合送飯！值得一試！煎釀鯪魚這是非常傳統的順德菜，師傅用三條鯪魚起骨起內臟，再擺鯪魚肉打成漿釀在原本的鯪魚內，基要把魚肉釀得飽滿豐實，又要不破壞鯪魚表面的皮，絕對是非常考功夫和心思的一道菜式！平日連鯪魚球都不喜歡吃的我，第一次吃這個菜式，而且連皮都一起吃，果然每一塊煎鯪魚也都煎得非常香口，一點兒也不會有腥味，只會吃到鯪魚的香味不會有魚骨！果然是遠近馳名的順德菜，難怪要預先訂才有得吃！蜜棧欖角骨又是一道非常好送飯

其實中餐我都比較少食尤其是兩個人既約會但今次朋友帶我黎灣仔食私房菜又幾驚喜首先係冰鎮鮑魚配秘製醬汁鮑魚鮮甜彈牙配埋佢個秘制醬汁超夾唔係普通芥辣豉油其實唔洗點都好好食點又另一番風味黃金蝦多士呢個不得了出面食到既蝦多士係好油呢個配邪惡黃金蛋黃竟然一d都唔油咸香度岩岩好唔會太咸蝦膠好彈牙足料好大舊佢調個味食落非常夾超超超好食又唔膩真係勁想食多件順德煎釀鯪魚食順德菜點少得呢個餸呢個餸製作過程繁複要將魚起肉拆骨再釀返入去煎香絕對考功夫呢度做得非常好鯪魚比例比出面多落足料魚膠好明顯人手撻得夠晒時間唔會散開一舊舊好彈再加埋佢個冬菇粒香葱汁好食欖角肉排肉排鬆化欖角配埋佢應該有用麥芽糖定蜜糖整有少少甜甜地好出色生浸豉油雞雞肉質好嫩滑豉油應該秘製好似有玫瑰露味好香超級好食招牌哈哈哈芥蘭煲呢個上枱時聞到蝦醬既風味哈哈哈係指蝦醬蝦球蝦乾好惹味岩晒濃味人蝦球爽口蝦乾都係用靚料好推介食到最後個糖水蛋白杏仁茶不得了好香杏仁味又唔會太甜好滑好滋潤而家已經好掛住佢了🤤真心推介呢間私房菜三五知己想食中餐呢度係不二之選👍

估唔到喺一座唔顯眼嘅商廈內有間咁正嘅私房菜！雖然外表如一般中式酒家，但食物好有驚喜，每一道都好食，絕對係有水準。同埋侍應們都好nice👍🏻。.我哋叫咗壺菊花茶🌼，好清香，冇泥up味，好好飲！.以下菜式全部都真心好味❤️：🔸杏汁炖白肺湯 （$98/位）絕對係功夫菜，因為洗豬肺係超麻煩，哩度嘅豬肺冇腥味，好軟滑。杏汁好濃，飲落好滋潤！🔸冰鎮鮑魚 （$88/隻）大大隻嘅鮑魚，浸咗2日滷汁，所以好香、好入味！質地好彈牙，冰涼好味！🔸花膠/海參扣鵝掌 （$268/位）用咗原隻花膠筒同海參，矜貴又好味！鵝掌肉厚，炆得超入味，連啲汁都好正、好黏口，引唔住要叫白飯撈嚟食！👍🏻👍🏻👍🏻🔸生煎蓮藕餅 （$178/例）外表簡單，但食落有驚喜，肉餅好鬆軟有肉香，蓮藕切成粗粒，所以口感好豐富，點少少醋嚟食好正！🔸鑲鑽黃金蝦 （$88/隻）好好味！一定要試！蝦超大隻又肉厚！外層係咸蛋黃同麥皮，食落好香口，外脆內彈牙！👍🏻👍🏻👍🏻🔸XO名門炒飯 （$248/例）就算好飽都忍唔住要食少少，自家製嘅XO醬辣辣地、好惹味，炒飯夠乾身粒粒分明，又有啲冬菇同新鮮蝦粒，好味！

2021年7月26日 星期一一早已經預約咗呢間餐廳，打算同老婆兩個人撐枱腳食私房菜，之前曾經食過呢間餐廳嘅午市套餐，老婆食到停唔到口，於是今晚再嚟試吓佢嘅晚市私房菜由於係私房菜嘅關係，所以已經一早編訂左菜單，好擔心叫太多會食唔晒添，不過好多食物都係老婆想點既首先嚟到既係每人一碗杏汁白肺湯，充滿濃郁嘅杏汁味，飲落去好潤喉，個豬肺清潔得好好，完全冇異味，仲幾有咬口添，啱晒我哋經常要講嘢嘅人，可以以形補形之後每人有一隻冰鎮鮑魚，鮑魚已經拆咗殼，所以食起上嚟好方便，咬落去一啲都唔韌，仲食到有少少酒味，配埋隔離嘅秘製調味醬汁一齊食會更加滋味呢一個係焗釀響螺，店員話原本係真係釀入原隻響螺，不過因為響螺裏面嘅空間有限，所以轉為用呢一個兜，可以塞到更多餡料，餡料裏面食得到有響螺粒、肉碎、冬菇粒等等，味道好豐富，而且焗得好香，用嚟送飯簡直一流跟住有蜜餞欖角骨，冇諗過欖角都可以用呢一個方法同排骨一齊煮，食落甜甜地，欖角同排骨又幾配合，排骨炸完之後都唔太油膩呢一個係順德招牌菜煎釀鯪魚，因為製作功夫好複雜，所以好少餐廳會提供呢一道菜式，見到黎嘅時候同普通嘅蒸魚冇乜分別不過當一夾上黎既時候就見到鯪魚肉已經打好左

囡囡為吃貨媽媽安排的一頓驚喜生日飯，囡囡知媽媽最愛中菜，所以一早安排這間私房菜，更一早安排定餐單，為了給我一個驚喜。餐廳給人一種舒服的感覺，不是茶樓的嘈吵，每張枱都有一定距離，沒有擠迫的感覺，特別一提，這裏的服務非常親切，經常都會問我們需要什麼，留意我們的碟會否有太多垃圾，定時幫我們更換，又會介紹菜式的特點，讓人有一種家的親切感。特式冰鎮鮑魚釀鑽黃金蝦砵酒焗桶蠔陳皮豬肋骨招牌哈哈哈芥蘭煲蛋白杏仁茶⭐️差不多每台都會叫的菜式，鮑魚大隻，爽口，配上秘製燒汁芥末醬，非常開胃。吃完一隻是不夠喉，想叫多一隻，但給囡囡阻止，因為她還準備了很多菜式。⭐️虎蝦非常大隻，麥皮包著去炸，口感與平日食的黃金蝦不同，沒有鹹蛋黃的油膩感。⭐️囡囡知我特別愛蠔，所以為我準備了砵酒焗蠔，砵酒與蠔的味道非常配合，蠔飽滿，啖啖肉。⭐️老人家至愛的陳皮，想不到這裏愈用陳皮來製作豬肋骨，本來都抱著這兩樣食物能配合嗎？一試就有意外驚喜，每一口都有淡淡的陳皮香，令人難以忘記的好味。⭐️蝦醬+蝦乾+鮮蝦，蝦醬的份量剛剛好，不會令到芥蘭過鹹，芥蘭新鮮，爽脆，沒有渣，蝦乾有畫龍點睛的效果，整個配搭非常合適，配上白飯更是一絕。⭐️蛋白杏仁茶滑溜，

從未試過食私房菜好開心今日可以嘗試，同朋友去咗灣仔一間叫名門的私房菜是正宗的順德菜地方潔淨光猛、比較寧靜可以好好享受今晚的晚餐首先第一道菜是冰鎮鮑魚-鮑魚有口感而不韌蘸上秘製的燒汁芥末醬真的很棒！第二道菜是黃金大蝦-脆香的大蝦上面鋪滿軟滑的醎蛋黃令口腔充滿了滋味的醎香而大蝦新鮮肉厚沒有被搶走它的原味道！手工唔算複雜但超正！跟住便是順德名菜順德煎釀鯪魚-工夫多大家都知道今晚這味菜做得好好魚肉十分彈牙聽老闆講魚肉的比例都十分之多所以好有魚味之餘又能做到彈牙真的唔簡單生浸豉油雞-雞肉滑同時帶出好香醇的玫瑰酒味不得不提欖角肉排-肉排好出色有淡淡的欖角味又加咗少少蜜糖食起上來脆脆地十分好味最後是哈哈哈哈芥蘭煲選用蝦乾蝦球蝦膏醬令每根芥蘭都充滿濃郁的蝦膏味香噴噴非常爽口連甜品蛋白杏仁茶都好認真製作，用杏仁生磨而成不是用杏仁粉，老闆好貼心知道一般人唔喜歡太甜處理得剛剛好不太甜，我下次一定會叫多幾個朋友再來品嚐這店正宗而有質素的順德私房菜👍

今日難得同媽媽一起放假，當然要帶媽媽去食好西，為了迎合媽媽口味，特意搜尋了一間順德私房菜。雖然餐廳沒有瑰麗堂皇的裝修，但卻是平實中充滿驚喜。頭盤：冰鎮鮑魚媽媽至愛的鮑魚，冰鎮鮑魚厚肉，爽口彈牙，不會過韌，一隻鮑魚多種食法，冰鎮時已有少少調味，有鮮甜感覺，配上秘製醬汁，少少酸辣非常開胃。釀鑽黃金蝦黃金蝦顧名思義有鹹蛋黃，但一般做法都非常漏，這裏的黃金蝦用了麥皮來減輕了油膩感覺，同時都增加了口感，虎蝦非常大隻，蝦肉彈牙，入口啖啖肉。砵酒焗桶蠔蠔上枱時熱辣辣，更發出鐵板的滋滋聲，蠔非常大隻，配上砵酒汁，非常入味。陳皮豬肋骨向來少吃陳皮的我，為了迎合媽媽的口味，就叫了這個豬肋骨，一入口，啖啖清香的陳皮味，中和了炸豬肋骨的油膩，令人充滿驚喜。順德污糟雞雞件很滑，醃製入味，黑椒令到雞非常惹味，雞件少少的一件，非常試合女士，令人不知不覺一件接一件。甜品：蛋白杏仁茶媽媽至愛，我就向來不愛杏仁茶的味道，媽媽試後大讚，我就勉為其難試一口，這間的杏仁茶竟然沒有令我抗拒，滑溜溜，不會過甜，吃完後不是那種滿口濃烈的杏仁的味道，反而是那種令人舒服，有回味的感覺。媽媽極滿意這頓晚飯的安排，還未埋單已問下次幾時再來。

香港灣仔區，有名氣又有人名嘅食私食堂，非常之多，皆因近著街市，更加容易買到新鮮好嘅材料食材。兩支公走咗上嚟間私房菜，食嘢唔多，隨手叫幾件特色嘅私房菜。順德私房菜，有啲特別處理方法，皆因魚米之鄉，都唔係白叫， 我哋叫咗鮑魚蝦多士 ，煎金蠔釀蟹蓋，再食返個粉絲煲送送飯 ，千零蚊結賬，都算不枉此行。冰鎮鮑魚一上碟肥厚大大隻鮑魚，係用冰鎮慢慢煮 ，味道師傅見功夫特別入味，就算唔用醬汁鮮味控制得好好，再加少少醬汁wasabi就仲更加帶出味來。跟住兩件金黃色蝦多士，同以前食嘅非常唔同，成隻蝦都係入面，蝦膠滿滿，睇過外型都豐豐滿滿，好似個荷包咁樣，酥炸唔酒膩，算係一個非常好入口嘅一個製作。蜜餞藕盞煎金蠔金蠔大大隻，入口有口感， 係金蠔嘅特色 絕對唔係新鮮生蠔嗰個感覺，用太陽生曬，將所有嘅水份揮發晒，掌控要準，唔係就去咗蠔鼓，所以呢隻金蠔入口係非常有口感嘅。和味粉絲煲再講呢個粉絲煲，鹹蛋味非常濃厚再加埋蛋黃炒埋落去，口感唔係覺得食緊粉絲，又係食緊一啲好甘厚口感嘅煲仔口味，再加埋 蝦乾肉碎，整碗白飯啱啱好。鮮蟹肉瑤柱洋蔥焗釀蟹蓋焗海鮮蟹蓋，非常滿足，蟹肉超多，洋蔥爽夾脆，入面仲有瑤柱，師傅精心處理再釀落

我係名門出生😂做一日咁多啦😂😂聽說位於灣仔道，上樓有間名門私房菜好出名㗎！特別佢嘅冰鎮鮑魚和蝦多士，好想去試下呀，就算做一日名門都好吖！這兒環境優美，冷氣又夠涼，大熱天時經過樓下一陣都覺得熱呀！侍應生非常友善又有禮貌。冰鎮鮑魚~ 鮑魚肥厚大大隻，大鮑魚，可能是冰鎮，好特別，侍應生介紹可先嘗一口原味鮑魚先， 因為鮑魚係用咗36小時炮製啊！不用點醬料入口真的好鮮鮑魚味，之後再點醬燒汁有少許芥辣味，覺得成隻鮑魚提升到一個點，好爽口又彈牙更美味，兩者食法皆好味。推介👍蝦多士蜜餞~脆金黃色的蝦多士，爽口又多蝦膠，入口滿滿蝦味，食完週邊範圍整隻蝦原隻蝦都大隻呈現在眼前，勁呀。推介👍蓮藕盞煎金蠔~金豪大大隻，入口甜甜地好香濃，成個口腔 滲滿着濃濃蠔味，再食埋薄片片蓮藕，脆到呢，真係好夾啊！鮮蟹肉瑤柱洋蔥焗釀蟹蓋~焗蟹蓋大大隻，超曬班啊！蟹肉超多洋蔥又爽口再配埋香口瑤柱冇得頂！好滿足！推介和味粉絲煲~粉絲煲，賣相雖然一般，入口充滿鹹蛋味配蝦乾肉碎送飯一流，最後叫了一碗白飯，實在太和味了。木瓜雪耳甜品~食埋甜品清清味蕾大滿足，做左一晚名門超開心呀。😁😁