影片
更多
2021-07-31
225 浏览
2021年7月26日 星期一一早已經預約咗呢間餐廳，打算同老婆兩個人撐枱腳食私房菜，之前曾經食過呢間餐廳嘅午市套餐，老婆食到停唔到口，於是今晚再嚟試吓佢嘅晚市私房菜由於係私房菜嘅關係，所以已經一早編訂左菜單，好擔心叫太多會食唔晒添，不過好多食物都係老婆想點既首先嚟到既係每人一碗杏汁白肺湯，充滿濃郁嘅杏汁味，飲落去好潤喉，個豬肺清潔得好好，完全冇異味，仲幾有咬口添，啱晒我哋經常要講嘢嘅人，可以以形補形之後每人有一隻冰鎮鮑魚，鮑魚已經拆咗殼，所以食起上嚟好方便，咬落去一啲都唔韌，仲食到有少少酒味，配埋隔離嘅秘製調味醬汁一齊食會更加滋味呢一個係焗釀響螺，店員話原本係真係釀入原隻響螺，不過因為響螺裏面嘅空間有限，所以轉為用呢一個兜，可以塞到更多餡料，餡料裏面食得到有響螺粒、肉碎、冬菇粒等等，味道好豐富，而且焗得好香，用嚟送飯簡直一流跟住有蜜餞欖角骨，冇諗過欖角都可以用呢一個方法同排骨一齊煮，食落甜甜地，欖角同排骨又幾配合，排骨炸完之後都唔太油膩呢一個係順德招牌菜煎釀鯪魚，因為製作功夫好複雜，所以好少餐廳會提供呢一道菜式，見到黎嘅時候同普通嘅蒸魚冇乜分別不過當一夾上黎既時候就見到鯪魚肉已經打好左
一早已經預約咗呢間餐廳，打算同老婆兩個人撐枱腳食私房菜，之前曾經食過呢間餐廳嘅午市套餐，老婆食到停唔到口，於是今晚再嚟試吓佢嘅晚市私房菜
由於係私房菜嘅關係，所以已經一早編訂左菜單，好擔心叫太多會食唔晒添，不過好多食物都係老婆想點既
首先嚟到既係每人一碗杏汁白肺湯，充滿濃郁嘅杏汁味，飲落去好潤喉，個豬肺清潔得好好，完全冇異味，仲幾有咬口添，啱晒我哋經常要講嘢嘅人，可以以形補形
之後每人有一隻冰鎮鮑魚，鮑魚已經拆咗殼，所以食起上嚟好方便，咬落去一啲都唔韌，仲食到有少少酒味，配埋隔離嘅秘製調味醬汁一齊食會更加滋味
呢一個係焗釀響螺，店員話原本係真係釀入原隻響螺，不過因為響螺裏面嘅空間有限，所以轉為用呢一個兜，可以塞到更多餡料，餡料裏面食得到有響螺粒、肉碎、冬菇粒等等，味道好豐富，而且焗得好香，用嚟送飯簡直一流
跟住有蜜餞欖角骨，冇諗過欖角都可以用呢一個方法同排骨一齊煮，食落甜甜地，欖角同排骨又幾配合，排骨炸完之後都唔太油膩
呢一個係順德招牌菜煎釀鯪魚，因為製作功夫好複雜，所以好少餐廳會提供呢一道菜式，見到黎嘅時候同普通嘅蒸魚冇乜分別
不過當一夾上黎既時候就見到鯪魚肉已經打好左分成一舊舊，方便進食之餘仲要冇骨，完全睇得出師傅嘅心機同功架，食落去啖啖肉，既彈牙又有濃郁既鯪魚味，好食到停唔到口
再黎有古法瓦礃豉油雞，無諗過會咁大隻，兩個人一定食唔晒，最後我哋食淨一半要打包拎走，成隻雞都浸得好入味，充滿豉油嘅鹹香，一定係煮左好多個鐘先有呢個效果，但雞肉仍然保持嫩滑
最後仲有啫啫生菜煲，整得好惹味，生菜吸收晒醬汁但仍然好爽口，不過份量實在太多，我哋兩個人完全食唔晒，預多兩個人都仲得
甜品方面有蛋白杏仁茶，充滿蛋白香之餘，杏仁味亦好濃郁，飲落去唔算太甜，正好作為呢一餐私房菜嘅完結
张贴
