吉列牛忌廉烏冬專門店 (百樂中心) (已結業)

感覺像很邪惡的咖喱忌廉烏冬，是這裏的招牌食品。儘管邪惡，也要嚐一嚐喔！😋看到餐牌裏有吉列牛定食+咖喱忌廉烏冬（小辣）或香辣忌廉雞肉炒麵+2汽水🥤，只需$246。實在太吸引，點了！食物很快便端上，外表以令我們食指大動。咖喱忌廉烏冬很棒、很美味！放進口裏，完全不覺得油膩。Creamy加咖哩實在很配襯，意料之外的美味！至於，吉列牛定食也很不錯。已炸好的吉列牛薄塊在爐上煎一煎，配襯有飯素的白飯，美味喔！

老遠出到去銅鑼灣就系去呢間想食好耐既吉列牛忌廉烏冬專門店專誠為一嘗佢既忌廉烏冬❤️❤️❤️❤️餐牌既野食都有不同類型 而當然要叫忌廉烏冬😛 另外叫埋牛里脊套餐配埋個咸蛋薯條炸芝士薯仔年糕先黎系小食 炸芝士薯仔年糕 成$40 2件又唔系大抵 只系耐無食想叫黎食下但都花左小小心意用紫菜包住同加左7味粉又幾夾 入面既芝士流出黎真系望住相黎打食評都流口水🤤忌廉咖哩雞烏冬 面頭既忌廉令成碗烏冬填加滑口感 令烏冬成個口感提升咖哩既味道又香又唔會太搶味 同忌廉有微妙既配合 真系個好新奇既食法 一試無悔！！牛脊里超正 肉質超林！❤️ 食落口唔會有筋 鐵板仔令佢一路慢慢熟 配埋大量入味同焦糖化既洋蔥 仲有大啡菇 食完好滿足！咸蛋薯件就反而無咩特別 無薯香味 咸蛋味系有但系唔濃香而且感覺吸油吸到林哂 所以再有下次都唔會叫呢個薯條😭

咖哩忌廉烏冬配雞肉($78)，呢碟賣相好特別，撥開面頭嘅忌廉就會見到咖喱烏冬，因為比較多汁，每條烏冬都伴隨着咖喱同忌廉味，mix埋嘅味道出奇地夾!! 美式頂級牛里脊套餐($178)，牛里脊要再燒一燒先食得，肉質鮮嫩，燒完點下個汁食更加美味!! 鹹蛋薯條配黑松露醬($38)，薯條上檯嘅時候超級熱辣辣，好有鹹蛋黃嘅香味，不過放涼左之後味道會淡番啲，所以配黑松露醬食就啱啱好，食到唔停口啊!Order左呢杯Citrus Ocean($38)，首先呢隻藍色好靚呀，杯底有果肉，夏日炎炎飲杯咁冰凍嘅飲品即刻令人好涼快!!

依間係食牛肉嘅方法，係我食過咁多間嘅牛肉鋪頭最特別。首先我個人就鍾意有啲新意，所以呢一間完全啱晒中意新意嘅人。首先，我個人就鍾意有新意嘅嘢，所以呢一間完全啱晒中意打咭食飯嘅我。今次我同朋友就叫咗兩個餐，美式頂級牛里脊套餐同埋吉列牛定食，之後再加多一個咖喱忌廉烏冬（牛肉）。首先講吓第一個美食頂級牛肉套餐先，佢嘅牛肉非常之新鮮，仲有少少後設，所以係過爐燒完之後，咬落去中間仲可以見到10分有口感同埋好多汁，絕對唔會乾爭爭。同埋我鍾意佢可以有得燒，自己燒返自己嗰舊牛肉，可以因應着自己唔同嘅喜好，燒到幾多成熟都得，呢一樣野真係十分之欣賞。另外，值得一讚嘅係，依度每一張枱都會附送一個小爐仔，正因為佢個爐夠晒細，當我食完嘅時候，完全唔會覺得好大油煙。另外，吉列牛就要燒第二輪，因為吉列牛扒上面啲脆脆，會掉左小小落去，變相爐上面就會好多脆脆，比較上難燒。咖喱忌廉烏冬，就一定係必食之選，哀慟內熱嘅感覺，真係冇得頂。

真的很喜歡吃這裏的吉列牛，今日帶了3位同事一起來吃lunch!我知道必定會合她們口胃！吉列牛定食$148~ 吉列牛定食包括飯素加珍珠飯，車厘茄，麵豉湯，麻醬豆腐，沙律及自家製蛋黃芥末醬，非常豐富追加吉列牛$78~一set吉列牛又怎夠我們4個牛魔王share？所以再追加一份吉列牛, 吉列牛的份量大約有十一片，厚切，上桌前師傅先把牛柳沾上麵包糠炸至金黄，但牛柳還是生的，呈漂亮的嫩紅色再把吉列牛放於鐵板依個人喜好弄熟，要幾成熟完全可以掌握在自己手中，我就鍾意中熟，大約每邊辣5至10秒即可這個做法確保肉汁完全鎖住，加上四邊均有吉列，完全可以做到外脆內juicy, 蘸酸忌廉醬更可解腻，非常美味美式頂級牛里脊套餐$178~肉質嫩滑軟腍，牛味濃郁，和吉列牛的口感原全不同，正呀！原來咖哩烏冬就在奶白色的忌廉下面，還有嫩滑的雞肉和西蘭花，咖哩烏冬甜中帶點微辣，再混合忌廉一齊食，口感份外順滑 ，估唔到咖哩和忌廉可以咁match鰻魚炒飯配流心蛋 $78~鰻魚肉嫩有彈性，加上洋葱，菇，葱和一隻流心蛋，把流心蛋弄穿後把所有配料撈混，真是十分美味可口！咸蛋薯條$38~咸蛋味濃郁，薯條炸得非常香脆，好惹味呀！

之前一直都好想試下佢地個忌廉烏冬，咁啱今日去銅鑼灣Times Square睇展覽，順道去探下店。位置唔偏僻，就係Times square 附近嘅百樂中心22樓。店舖装修以簡約為主，唔太迫可接受，而每檯都有一個爐用嚟烤牛肉嘅。睇過餐牌後比佢嘅美式頂級牛里脊吸引咗決定試試，另外叫埋咸蛋薯條及我最期待嘅咖哩忌廉烏冬。—————美式頂級牛里脊（配兩款醬汁，黑松露及秘製醬汁）上菜時服務員話只有大約一至兩成熟，可根據個人喜好將牛扒切開放在爐上燒及控制理想嘅生熟度，大約每邊燒一分鐘左右就食得，肉質细嫩不失嚼勁而且牛味香濃，另外仲有大啡菇，上面放咗芝士切開時有少許拉絲感，食落有菇香而且肉厚又多汁。——————咖哩忌廉牛肉烏冬呢個烏冬有牛或雞選擇，我地揀左牛肉，面層係厚厚嘅特製忌廉，下層係咖哩烏冬，食嘅時候將佢撈勻，本身以為會好膩，但食落又唔會反而增加咗幼滑感，好想一食再食，而牛肉粒都好嫩好好味，果然無令我失望。——————咸蛋薯條熱辣辣夠脆身，食落咸蛋味唔算好濃，但個人覺得反而啱啱好，唔會好滯。——————服務亦大致上不錯，服務員有講解食法，落單及上菜速度亦快，值得再去。

自從上次食完牛極之後一直都好想再試下自己DIY嘅餐廳！最後終於搵到間升級牌嘅吉列牛🥰🥰二話不說即刻去試試佢先～😝😝去到餐廳嘅時間係6:30左右啦依個鐘數就無咩人住 所以霸左個靚位😝😝餐廳個景可以直望到跑馬地馬場 正！同埋餐廳不斷咁播韓劇OST 令到全場都有一種勁sweet嘅氛圍💕💕睇下個餐牌 食物種類好多喎 本身想試下餐廳主打個吉列牛set嘅不過近排有點熱氣 所以就打算下次先再試🙈最後我地叫左個牛脊肉鐵板 另外再另加個鹹蛋黃薯條🍟店員係上菜嘅時候好貼心咁同我地講煎幾耐真係好加分！！言歸正傳 個鐵板真係無得輸😝😝！牛味好濃 食落好嫩一點都唔鞋！大啡菇芝士味勁濃 勁邪惡！個汁汁酸酸甜甜咁 好似鎮江骨咁 特別開胃！另外 我地都叫左個忌廉雞肉咖哩烏冬哇 果然係鎮店之寶 忌廉啫得滿滿的 淨食左一啖 原來係咩調味都無落淡忌廉撈完之後勁creamyyyy😋😋咖哩唔辣 係日式嘅甜咖哩 所以岩哂我地！唯一挑剔就係個烏冬煮得有點淋🥺🥺Overall我比8/10！係會再去encore嘅餐廳🥰

包子剛去完韓國🇰🇷，吃過忌廉烏冬，覺得都幾好吃，但可惜夫君並沒有隨行，沒有機會一嚐，所以包子今天和夫君到銅鑼灣吃這個忌廉烏冬。⭐️咖喱忌廉牛肉烏冬 - 日式咖哩🍛加上打成泡狀的忌廉混在一起吃， 既有日式咖哩香而不辣的味道， 又有忌廉本身的幼滑和奶香味，口味妙絕！ 雖然說是牛肉烏冬，但是卻一片牛肉也沒有😅，包子相信應該是牛肉味咖哩吧😂！⭐️鹹蛋薯條 - 非常邪惡的組合，炸薯條加肥死人鹹蛋黃，但偶爾一次是OK的😎！薯條炸得香脆，每條薯條🍟都沾滿了鹹蛋黃蓉，但略嫌味道偏淡！⭐️美式頂級牛里脊 - 牛肉🥩經過輕輕的烹調就上碟， 大概只有一至兩成熟。枱上一早已放置一個鐵板火爐🥘，牛扒切開後便可以放上鐵板繼續煎煮，生熟程度由自己控制。 牛扒肉味濃，而且肉質鬆軟。旁邊的芝士啡菇🍄亦烤得很香，是一款不錯的配菜選擇！值得一提的是鐵板火爐的造型特別，用嚟影相打卡📷一流！又有得影，又有得玩，過癮！⁉️ 這家餐廳的食物都是水準以上，加上有馬場景🐎，假日休憩必到之選！下次我想再來試試它們家馳名的吉列牛哦！

百樂中心真係好多嘢食，呢間餐廳最出名吉列牛同忌廉烏冬，朋友介紹話好味特登嚟一試！餐廳幾企理，位置比起好多吉列牛餐廳要闊落，坐得都算舒服。我地點左比較抵食嘅set，試曬兩樣招牌菜。二人餐2 $246吉列牛定食+咖哩忌廉烏冬+2罐汽水吉列牛定食好豐富，有飯、麻醬豆腐、番茄仔同昆布湯。吉列牛份量都幾足，而且牛肉肉質嫩滑，外皮都算酥脆，上到台仲係熱嘅～個人鍾意放到石板上燒到7成熟，加d 芥末再點d 芥末沙律醬就perfect。加芥末令口感變得清爽，味道更豐富。白飯粒粒分明，幾彈牙。咖哩烏冬可以揀雞肉或者牛肉。烏冬表面係一層厚厚嘅whipping cream，下面係熱辣辣嘅咖哩烏冬。烏冬質地好軟但係keep 到彈牙嘅口感，撈埋忌廉食口感好滑好軟綿綿，仲要充滿空氣感，覺得好輕盈～食曬成碗都唔覺得膩，如果份量可以多d就更好，一個女仔食曬都係啱啱飽。炸雞 $45 side dish 炸雞份量都ok，而且肉質都幾嫩同juicy。芝士年糕 $38芝士年糕超級熱辣辣，非常外脆內軟，厚厚一層年糕煙韌軟糯，入面包住芝士流心，濃郁滿足～配合表面脆脆嘅紫菜同七味粉加添小小鹹味及辣味，味道更豐富更有風味。整體味道唔錯

呢間 Kobekyu 吉列牛忌廉烏冬專門店，我一直都以為係日本野，但係唔真係上到黎我都唔發現，原來佢個鋪頭名係用韓文字、入面個裝修亦都有大量韓文字。原料係一間韓日 fusion 嘅餐廳。今日試左一個咖喱忌廉烏冬、同埋一個美式牛里脊連咸蛋薯條套餐。忌廉烏冬係呢度招牌菜，我諗都無乜野可以批評。初初有點擔心忌廉會唔夾烏冬，但原來溝埋咖喱汁又出奇地配合。至於牛里脊，佢係需要用到個爐去燒。可能初時我切得比較厚肉同個爐未太熱，燒好耐都未燒得熟，搞到d牛燒熟之後有點靭。後來切薄少少就好番d。見到隔離檯個吉列牛賣相比較吸引，有點後悔自己無叫到招牌菜。咸蛋薯條個咸蛋味好香，但如果味道更濃應該會更好食！

餐廳：吉列牛忌廉烏冬專門店 (銅鑼灣)地址：銅鑼灣耀華街3號百樂中心22樓銅鑼灣百樂中心同京都廣場係我近期鍾意去食嘅兩個地方，兩幢大廈都有好多食肆，要試勻都真係需要一段時間，今次就去左百樂中心22樓嘅吉列牛忌廉烏冬專門店，聽講係韓國已經有十幾間分店，以日韓菜為主，佢地最出名嘅兩款招牌主菜分別係吉列牛同埋日式甜咖哩炒烏冬吉列牛定食 $148吉列牛份量有接近一塊牛扒大小，店員首先將小型嘅鐵板爐預熱，再由客人按自己喜好同時間去燒吉列牛，無論快燒60秒半生熟，定係慢燒3分鐘燒至8-9成熟，薄薄外層嘅吉列牛都一樣咁吸引，前期醃製做到少少鹹，少少脆，肉汁被鎖緊係每一絲牛肉入面，所以唔洗蘸任何嘅醬汁都一樣咁好食咖喱忌廉雞肉烏冬 $78將雞肉同烏冬炒香再加入甜咖哩同濃滑忌廉，呢款對於香港人黎講嘅新式烏冬食法確實唔錯，撈勻後層層忌廉汁同咖哩相撞形成一款獨特嘅味道，甜而不辣，卻又香滑吸引，一碗份量唔多，但忌廉同咖哩嘅濃郁就已經好快令人有飽嘅感覺Kobekyu秘製蛋卷 $68Kobekyu獨特炮製嘅蛋卷，濃滑雞蛋加入左芝士係中間，色香味十足，蛋味嫩滑亦加左牛奶，加上日式調味料係面，撈飯食一流又食左間正餐廳，

聽過忌廉烏冬好多次，今日終於抽到時間黎滿足下求知慾。黎到基本上唔洗點考慮，就叫左呢度兩個上左店名既招牌菜，吉列牛同埋忌廉烏冬。吉列牛定食 （$148）定食包面豉湯，胡麻豆腐、胡麻番茄仔，一碗有飯素既飯。主角吉列牛黎到只有一兩成熟，旁邊有芥末，同埋一碟帶有芥末同蒜頭既忌廉醬，仲有酸酸甜甜既汁，可以多重享受。係等緊個石鍋熱嘅時候，飲住碗麵豉湯先，味道非常正宗，入邊有海帶，鹹鹹地。豆腐同埋番茄仔都好清涼開胃。等兩分鐘左右就可以開始放吉列牛上去燒，放咗上去燒之後，望住塊牛由兩成熟既鮮紅色到五六成熟既粉紅色，底下啲油發出吱吱聲，又有啲油泡，真係打卡一流，視覺聽覺上有極大嘅享受。大概燒到五六成熟左右，我就食啦，咬落好有牛味，軟硬度係啱啱好，大細亦都適中，唔使再切已經可以一啖擺入口。咖哩忌廉烏冬 （$78）呢隻烏冬可以揀雞肉或者牛肉，因為已經叫咗吉列牛所以我就揀咗雞。隻碗有我塊面咁大，面頭全部都係白雪雪嘅cream，一開始以為會好溜，點知內有乾坤，下邊有濃香嘅日式咖喱同埋雞肉粒，仲有西蘭花同埋洋蔥。將忌廉同埋咖喱溝埋一齊之後，就食到超級creamy嘅咖喱！餐牌寫住小辣，但係平時食開BB辣嘅我都覺得一

同事力推在百樂22樓的吉列牛多次，免為其難的陪他一下，只因排百樂電梯實在痛苦，慶幸今天超順暢，令人心情大好😍😍。環境企環寬敞，座位舒適。高層有開揚景致，令人愉快。吉列牛定食 $148，價錢還算公道。有吉列牛、白飯、前菜及麵豉湯。吉列牛份量還不算少，肉質尚乘，熟透也不韌不嚡，質量有驚喜 👍💖💖白飯有點硬身，跟預期的日本飯有點出入。味琳若多一點就更好。百多元的套餐，有小爐烤肉，有玩有食，的確不錯。👍💖💖芝士焗露芛 $55，芝士焗至微焦，香氣撲鼻。芝士帶咸味，配淡口露芛剛剛好。露芛分量不多，半溶芝士汁內有些鮮菇，增加點口感。海鮮薯餅 $38，外層香脆，薯蓉滑漏，海鮮一拼打碎，間中會吃到海鮮的味道，算是份不錯小食。Kobekyu 韓式醬油炸雞 $78，炸雞外層微脆，配以洋蔥、蔥花。汁是酸醋汁，帶點微辣。經濟實惠，很好的開餐地方。

被這個咖喱忌廉烏冬所吸引，哩樣嘢比較少有，見平日沒有咁多人，6:00pm便來霸位，果然6:00定律是沒有錯的，唔需要等位即時有得坐。我們點了一個忌廉咖喱烏冬和店員推介的牛柳套餐。從食物賣相而言，這個忌廉烏冬絕對是和禾稈冚珍珠，只要將入邊的烏冬夾上來，和看似邪惡但實際上輕盈的忌廉一齊食，味道真是十分特別，忌廉令咖喱的味道更迷人。牛柳來的時間只有三成熟，所以必須在附設的爐上燒一燒，入口有牛味，肉質鮮嫩。最開心是有那個鹹蛋黃薯條，雖然邪惡但是味道濃郁。雖然這是一個需要多做運動才可以抵消的豐富晚餐，但係食物的味道是絕對值得來嘗一嘗。

今日去咗呢間吉列牛忌廉烏冬專門店一直見到佢有個忌廉咖喱烏冬都好想去試吓我哋係7:00去嘅我哋坐低冇幾耐全個場都開始多人啦一坐低就見到每張枱都擺住一個石板烤爐應該係比人燒吉列牛本身想試吓佢哋嘅吉列牛但係因為朋友唔想食炸牛所以就叫咗個牛里脊套餐佢係用個鐵板上既仲有個芝士啡菇同埋一啲洋蔥係隔離店員同我地解釋牛肉可以再喺個石板上面燒到自己想食嘅熟度所以一開頭嚟嘅嗰個牛肉佢冇整到全熟大約三成左右跟住自己再喺石板上面燒都係幾有趣既體驗牛肉好林 一向都知里脊肉出名林不過入口真係好鬆軟而且肉味好濃 調味唔多 唔會搶過左肉味芝士啡菇同洋蔥作為配菜就不過不失套餐嘅配搭係會再跟埋個鹹蛋黃薯條呢個真係有驚喜新鮮炸不在話下 鹹蛋黃醬沾滿每一條薯條鹹蛋黃醬起晒沙 熱辣辣真係食唔停口另外當然叫帶忌廉咖喱烏冬我真係冇諗過忌廉可以溝烏冬 仲要有咖哩食落好夾 唔會有好膩既感覺我地揀左雞肉做餸 食落都算嫩滑總括嚟講呢間嘅食物質素真係唔錯當然佢仲有唔少其他主食可以選擇下次再嚟一定會試一試佢嘅吉列牛