吉列牛忌廉烏冬專門店 (百樂中心) (已結業)

咖哩忌廉烏冬配雞肉($78)，呢碟賣相好特別，撥開面頭嘅忌廉就會見到咖喱烏冬，因為比較多汁，每條烏冬都伴隨着咖喱同忌廉味，mix埋嘅味道出奇地夾!! 美式頂級牛里脊套餐($178)，牛里脊要再燒一燒先食得，肉質鮮嫩，燒完點下個汁食更加美味!! 鹹蛋薯條配黑松露醬($38)，薯條上檯嘅時候超級熱辣辣，好有鹹蛋黃嘅香味，不過放涼左之後味道會淡番啲，所以配黑松露醬食就啱啱好，食到唔停口啊!Order左呢杯Citrus Ocean($38)，首先呢隻藍色好靚呀，杯底有果肉，夏日炎炎飲杯咁冰凍嘅飲品即刻令人好涼快!!