影片
更多
2019-07-04
62 浏览
聽過忌廉烏冬好多次，今日終於抽到時間黎滿足下求知慾。黎到基本上唔洗點考慮，就叫左呢度兩個上左店名既招牌菜，吉列牛同埋忌廉烏冬。吉列牛定食 （$148）定食包面豉湯，胡麻豆腐、胡麻番茄仔，一碗有飯素既飯。主角吉列牛黎到只有一兩成熟，旁邊有芥末，同埋一碟帶有芥末同蒜頭既忌廉醬，仲有酸酸甜甜既汁，可以多重享受。係等緊個石鍋熱嘅時候，飲住碗麵豉湯先，味道非常正宗，入邊有海帶，鹹鹹地。豆腐同埋番茄仔都好清涼開胃。等兩分鐘左右就可以開始放吉列牛上去燒，放咗上去燒之後，望住塊牛由兩成熟既鮮紅色到五六成熟既粉紅色，底下啲油發出吱吱聲，又有啲油泡，真係打卡一流，視覺聽覺上有極大嘅享受。大概燒到五六成熟左右，我就食啦，咬落好有牛味，軟硬度係啱啱好，大細亦都適中，唔使再切已經可以一啖擺入口。咖哩忌廉烏冬 （$78）呢隻烏冬可以揀雞肉或者牛肉，因為已經叫咗吉列牛所以我就揀咗雞。隻碗有我塊面咁大，面頭全部都係白雪雪嘅cream，一開始以為會好溜，點知內有乾坤，下邊有濃香嘅日式咖喱同埋雞肉粒，仲有西蘭花同埋洋蔥。將忌廉同埋咖喱溝埋一齊之後，就食到超級creamy嘅咖喱！餐牌寫住小辣，但係平時食開BB辣嘅我都覺得一
聽過忌廉烏冬好多次，今日終於抽到時間黎滿足下求知慾。黎到基本上唔洗點考慮，就叫左呢度兩個上左店名既招牌菜，吉列牛同埋忌廉烏冬。
吉列牛定食 （$148）
定食包面豉湯，胡麻豆腐、胡麻番茄仔，一碗有飯素既飯。
主角吉列牛黎到只有一兩成熟，旁邊有芥末，同埋一碟帶有芥末同蒜頭既忌廉醬，仲有酸酸甜甜既汁，可以多重享受。
係等緊個石鍋熱嘅時候，飲住碗麵豉湯先，味道非常正宗，入邊有海帶，鹹鹹地。豆腐同埋番茄仔都好清涼開胃。
等兩分鐘左右就可以開始放吉列牛上去燒，放咗上去燒之後，望住塊牛由兩成熟既鮮紅色到五六成熟既粉紅色，底下啲油發出吱吱聲，又有啲油泡，真係打卡一流，視覺聽覺上有極大嘅享受。
大概燒到五六成熟左右，我就食啦，咬落好有牛味，軟硬度係啱啱好，大細亦都適中，唔使再切已經可以一啖擺入口。
咖哩忌廉烏冬 （$78）
呢隻烏冬可以揀雞肉或者牛肉，因為已經叫咗吉列牛所以我就揀咗雞。
隻碗有我塊面咁大，面頭全部都係白雪雪嘅cream，一開始以為會好溜，點知內有乾坤，下邊有濃香嘅日式咖喱同埋雞肉粒，仲有西蘭花同埋洋蔥。
將忌廉同埋咖喱溝埋一齊之後，就食到超級creamy嘅咖喱！餐牌寫住小辣，但係平時食開BB辣嘅我都覺得一啲都唔辣。
蜂蜜紅棗茶 （$28）
本來見到有抹茶拿鐵、南瓜拿鐵等等好吸引，但係見到有蜂蜜紅棗茶仲吸引啦，夠晒養生呀嘛。蜂蜜同埋紅棗嘅甜總好過人造糖嘅甜嘛。杯飲品嘅甜度啱晒我，仲食到啲紅棗肉。
一次過食到曬招牌菜好開心，下次又機會要黎食其他野，好似鐵板料理同埋鍋物。呢度中午好多人，超有氣氛！
张贴
