吉列牛忌廉烏冬專門店 (百樂中心) (已結業)

吉列豬就食得多，吉列牛就未試過，今日特登同朋友仔過黎朝聖。好，坐底睇下有咩好食先。吉列牛定食，大大塊沾滿脆炸粉既嫩牛肉，要放上爐上去煎熟，好處係自己控制牛既生熟程度，其次係幾好玩。牛肉食落柔軟有肉汁，煎後個脆皮仍然脆卜卜，正！咖啡忌廉烏冬，望落以為好稠既忌廉，原來係好薄好soft 既淡忌廉，除左烏冬沾滿咖哩汁外，再食到淡淡滑忌廉，好味味！蒜片牛舌芯，肉質好爽口，表面煎香帶蒜味，唔黏牙。炸芝士薯仔年糕，咬落好軟，個芝士好流心，仲暖笠笠，好食！

今日約埋啊哥一齊去左cwb 既kobekyu 吉列牛忌廉烏冬專門店食dinner 裹面裝修係甘 😁燈光好柔和 我叫左美式頂級牛里脊配大啡菇 大家記得煎左先食，因為個牛一上黎只有1成熟。呢方面我覺得餐廳好體貼，因為我鐘意熟d, 但啊哥鐘意食生d, 所以就算點一份一齊share都唔驚。望落去係咪好似盒。XD但其實係放d 野食上去燒 xdd 我掛住同啊哥傾計，個菇放左好耐都未食。所以大家如果好似我甘，口水多過茶，就最好燒耐d, 熱d 會好食d 菇好juicy, 又有口感。我牙齒唔好，所以鐘意切細d 黎食，大家鐘意厚切都可以。 我既食法係連埋洋葱一齊煎，d 牛汁索晒落d 洋葱，而洋葱又索晒落牛肉度。真係超級好食！！而且d 牛口感鬆軟，加上濃濃既牛肉味。真係好正！！必叫！！咸蛋薯條真係我人生中第一次食。我鐘意薯條一d 都唔咸。不過我啊哥麻麻地鐘意咸蛋，所以一個人食晒成盤比較有d 膩。 但呢個真係唔錯幾特別。我覺得呢兩個醬好百搭，我食牛同薯條都有配埋呢兩個sauce 食。haha我啊哥點左咖哩忌廉烏冬 ，佢話每條烏冬都索晒d curry 味，唔似出面個d 食食下都無醬。 而且呢個一d 都辣。lol

呢一間銅鑼灣忌廉烏冬專門店開咗好耐，佢嗰個滿碗忌廉烏冬真係非常吸引，所以今日一定要去試吓，呢間吉列牛忌廉烏冬專門店有幾間分店，我哋今次係去銅鑼灣分店我哋叫咗一個咖喱牛肉忌廉烏冬$78烏冬上面果然鋪滿忌廉，將忌廉撈勻喺烏冬上，非常creamy，而且配上咖喱牛肉，幾香濃有小小辣味，非常特別然後我哋叫咗一個鹹蛋薯條$38 ，薯條上有很多鹹蛋將喺上面，而且可以點埋沙律醬，而且呢個薯條係即叫即炸，所以熱辣辣上枱然後我哋仲叫咗一個美式頂級牛里脊配大啡菇$178呢個食法非常特別，會有一個石頭燒，需要自己把牛里脊我想石板上燒熟，可以自行控制速度，而且配上特別秘製的牛肉汁！另外大啡菇亦可以放上石頭燒上燒一燒，令到洋蔥芝士係半溶狀態之後將大菇切開，真係非常美味

剛去完韓國又開始想念當地嘅忌廉烏冬！！星期六準時12點就去到銅鑼灣呢間最出嘅吉列牛忌廉烏冬專門店好彩無乜人，實在太好啦！ 試過星期五晚去， 等LIFT又耐， 上到去又勁FULL如果食夜晚建議打去BOOK咗檯先安全D咖哩忌廉烏冬($78)以一層厚厚忌廉舖蓋係面個樣睇落已經非常吸引食之前將忌廉同UNDO撈勻烏冬香滑彈牙， 味道配合得非常好同我係韓國食嘅味道真係好相似本來呢係諗住食吉列牛但呢個新出嘅 美式頂級牛里脊套餐($178) 又勁吸引套餐加$38可以要賣鹹蛋薯條牛里脊係有少少筋， 不過OVERALL嚟講肉質香濃有咬口上檯時牛肉處於 MEDIUM RARE， 生熟度可以自行放上爐燒下個面我自己鍾意每面燒多5～10秒就剛剛好啦鹹蛋薯條食到最後係有D膩嘅話好好食又唔算， 不過不失咁啦～我自己就鍾意食個烏冬同牛里脊多D啦

今朝有事過黎銅鑼灣，於是順道係銅鑼灣覓食醫肚。突然想食烏冬，所以入左呢間吉列牛忌廉烏冬專門店食午餐。餐牌有好多選擇，結果我地揀左美國頂級牛里脊套餐，咖哩忌廉牛肉烏冬同咸蛋薯條。首先上菜既係牛里脊，有芝士大啡菇同洋葱伴碟。另外佢仲附有一個鐵板俾你放牛里脊同大啡菇上去燒。牛里脊並唔係全熟，生生地，你可以自己決定再燒幾耐先食，幾好玩。牛里脊肉質淋淋地，易咬唔韌，幾好食。芝士大啡菇再燒下佢惹味好多。咖哩忌廉牛肉烏冬除左有牛肉粒，仲有洋葱，西蘭花，菇，都幾豐富。個汁同烏冬好夾，令到烏冬食落好入味又滑嘟嘟。咸蛋薯條十分邪惡，食完好飽肚，好有罪惡感，哈哈。

My second time here and again, it didn’t disappoint us at all. This is our first time to the new shop, we picked the new items from the new menu - steak with cheesy mushroom and onions, creamy curry udon with chicken and also salted egg fries! compared to the Mongkok shop, it’s more spacious here. first arrived was the creamy udon, we picked chicken! It was super delicious and satisfying. We had the original one in Korea before and it definitely tasted similar to the og one. we also ordered thei

平時食唔到辣野，但係又心郁郁想食韓國菜，所以揀左依間韓國餐廳try try係銅鑼灣內街商業大廈二十二樓，可能因為位置有啲唔就腳，禮拜六中午十二點去到個場一個人都冇。食食下先有幾枱客仔，都幾冷清下！講返正題，我叫左日式燒雞釜飯，飯下面有火熱住會係一分鐘黎熄滅，唔似平時餐廳用蠟燭得個暖字，都幾大火下嫁燒汁分開上，可以按自己需要加。燒雞煎得外脆內軟，唔會醃得過咸，飯面仲有加蛋碎紫菜條，好食朋友叫左忌廉咖喱烏冬，一個叫左雞肉，另一個係牛肉。俾啲忌廉嚇親，以為會食落好膩，點知撈好就變返正常咖哩烏冬咁，而食落都唔算太重忌廉味，僅嫌放多左啲水，個醬汁有啲稀

主打忌廉烏冬的韓國過江龍Kobekyu雖然在港已經開業多時，但熱潮似乎並冇減退，一直想試好耐，但知道Kobekyu有入座時限，平時約朋友唔可以慢慢坐，早前過開黎銅鑼灣去Sogo感謝際，血拼完黎食返餐就啱啱好。平日六點幾到達Kobekyu已經半滿，7點打後已經坐滿人，雖然可以訂座，但黎過百樂中心都知道晚飯時間晚晚都有一大條人龍在地下等電梯，所以黎親哩棟大蚤晚飯都會盡量七點前來到。黎得Kobekyu十個十個都係為左忌廉烏冬而來，所以幾乎每一枱都必定會至少點一碗烏冬，除此之外，Kobekyu亦有多款小食、釜飯、涮涮鍋和燒牛選擇，除了肉類要過百元外，其他全部都係幾十蚊有交易，以哩個地點來說一啲都唔貴。咖哩忌廉烏冬($78)忌廉烏冬可以揀牛或雞，我就揀了牛。烏冬被厚厚的忌廉覆蓋，食之前原本以為會比較膩，但入口原來係咖哩味為主，忌廉只不過令烏冬更加滑溜。烏冬滑溜得來仲帶點彈口，唔會太腍。牛肉量唔算多，但哩個價錢可以接受，牛肉幾軟嫩，另外仲有西蘭花。美式頂級牛里脊套餐($178)牛里脊套餐包括牛里脊、大啡菇、黑松露醬和秘製醬汁，如果唔夠喉，仲可以加$38加配咸蛋薯條。牛里脊上枱時就好似而家流行的熱石

還不到兩星期2019便過去，在銅鑼灣逛逛街買新衣，任務未完成先去吃飽，之後再戰鬥，另一半與我去了樓上店進餐。咖哩忌廉牛肉烏冬忌廉底下是熱湯烏冬，感覺有趣，邊吃邊溶化，做成滑溜湯頭，咖哩香微濃，腍牛肉有牛味，烏冬煙韌，不錯。美式頂級牛里脊配大啡菇旁邊的小小石形擺設是爐具，開火後放上微微煮過的牛肉，自己慢慢再燒至合心熟度，芝士啡菇也擺了上去燒呢！食物熱著吃份外好味；牛里脊肉嫩，油膩感輕，有咬口，牛味濃。還有伴碟洋蔥，入味夠香。鹹蛋薯條鹹蛋黃粘附著薯條面，相當惹味；還可另外點些黑松露沙律醬。鹹香的薯條不太脆身；雖然好味，但頗邪惡，肯好還有quota久不久吃一次。

想試哩間大熱忌廉烏冬店好耐，終於都約左朋友一齊去試下🤤 雖然有人話熱潮已過，但餐廳仍然坐無虛席，好厲害👍👍·☆ 咖哩忌廉牛肉烏冬 HKD$78店員捧上一大碗滿滿既忌廉，白雪雪好靚呀🤩😍 等左一陣以為烏冬係另上，點知發覺原來咖哩烏冬已經暗藏喺厚厚既忌廉裡面😻 起初都會以為啲忌廉會好膩，估唔到佢既質感係較為水狀，仲好幼滑添👍 配埋香濃既咖哩烏冬一齊食，帶來一種寧舍特別既香滑惹味😋·☆ 美式頂級牛里脊配大啡菇 HKD$178牛里脊上菜既里候大概只有一兩成熟，將 牛里脊細細切成一片片，再放喺已預熱既鐵板上燒一燒，個人喜歡燒至5成熟就剛剛好👍 肉質的確十分軟腍，而且每口皆 充滿濃濃既牛翔香氣，確係頂級之選😻😻 而旁邊既大啡菇亦唔輸蝕，將佢微微燒一燒，啲芝士即刻100度拉絲🤗 肉同鐵板接觸時既滋滋聲更加令人感到十分療癒❤·☆ 咸蛋薯條 HKD$38遠處嚟緊上碟既時候已經聞到薯條香噴噴，上面仲真係有鹹蛋喺度㗎🤩🤩 咬落熱辣辣十分香脆，加上再點埋附上既黑松露醬，真係一條接一條，食到停唔到口😋😋

上次在哩間吉列牛忌廉烏冬專門店食過忌廉烏冬，真的超掛住，朋友又剛剛在韓國返來，哈哈~決定又同佢一齊再食韓國野，再回味下旅程，因為之前食過忌廉烏冬，在餐牌上見到哩個香辣忌廉雞肉炒麵，朋友見到哩個香辣忌廉雞肉炒麵都好想食，所以就唔點忌廉烏冬，點左哩個香辣忌廉雞肉炒麵，另外也點了美式頂級牛里脊配大啡菇，同埋鹹蛋薯條，美式頂級牛里脊配大啡菇美式頂級牛里脊配大啡菇，大啡菇加上芝士，真的好啖啖肉，另外牛里脊牛肉味重，在鐵板到燒真的香氣四溢，鹹蛋薯條鹹蛋薯條真的好惹味，條條都有鹹蛋碎，好邪惡~~香辣忌廉雞肉炒麵香辣忌廉雞肉炒麵，樣子好像旦包飯咁，夾起入面，會有麵條，雞肉粒，同埋麵條，加上香辣咖喱，真的愈食愈惹味，好過癮，同忌廉烏冬真的有得揮!。

咖哩忌廉烏冬 ($78)自從上次食完一直念念不忘好想返來再食 今日來到一定要再叫呀！！佢地將忌廉打到泡狀 再將佢放係烏冬上面 - 兩樣野夾埋真係好好食😍必試之讚😚-美式頂級牛里脊套餐 (178)餐廳話本身整到三成熟，但我覺得好似無熟過咁😂我地再用火爐去煎多塊牛扒一陣，自己去選擇塊牛既熟度 - 好岩我呢d怕食生牛既人呀！雖然芝士菇已經熟，但我覺得再燒一燒仲好食呢😋-咸蛋黃薯條 ($38)薯條上菜果陣仲好熱🤤D咸蛋放埋d薯條到好好味，但今次好似炸林左，仲有好多油係底><

好少同類餐廳，突圍而出-吉列牛忌廉烏冬專門店！喺銅鑼灣當然大把日本餐廳啦，但多數都係居酒屋，或者壽司店，或者拉麵店，真係好少搵到一間可以食吉列牛，剧下扒，又有意粉嘅餐廳！美式頂級牛里脊配大啡菇-個牛肉非常高質，真係無可挑剔，呢個價錢來講可以食到咁高質嘅牛肉真係好抵，個大啡菇都起咗畫龍點睛嘅作用，一啖牛一啖菇好Match ！咖喱雞肉忌廉烏冬-開頭以為食完牛就會無胃口食呢個烏冬，但我錯了，因為呢個汁濃而不膩，烏冬又滑口！鹹蛋薯條-其實任何餸菜只要配上鹹蛋，點都係好味，呢個唔例外！今次嘅遺憾係冇食到吉列牛，所以下次一定要試!

呢排周圍好多店鋪都大減價，同朋友仔係銅鑼灣時代廣場shopping 完就搵下餐廳醫肚仔啦😋😋又黎到時代廣場後面果條街嘅呢橦百樂中心🏠揀食乜好，朋友仔話想食番上次果間吉列牛店，唔洗諗，一於就咁話🙌🏼🙌🏼排隊搭𨋢上22樓，一開門就見到大大個招牌🥢💁🏻‍♀️美式頂級牛里脊套餐朋友仔揀左呢個套餐🥘一上枱，滋滋聲，好似啲鐵板燒😂😂切開一細件，再放上個爐度燒一燒🔥🔥好香，牛味十足👍🏼👍🏼佢有兩隻醬汁可蘸：秘制醬汁，黑松露醬兩隻都好夾個牛💁🏻‍♀️咸蛋薯條🍟咸咸香香，薯條趣卜卜💁🏻‍♀️香辣忌廉雞肉炒麵啲忌廉mix埋韓式公仔麵，口感都幾新奇有趣🤗🤗幾特別

今天和友人到銅鑼灣購買寵物用品，打算走到時代廣場後街的一棟美食大廈找一間餐廳吃午飯。我們看到一間韓國過江龍，主打吉列牛和忌廉烏冬的餐廳，感到十分好奇，於是決定與友人試試。 餐廳以木色作主調的裝修，光猛開揚，遠眺馬場景色，環境不錯。  店員隨即遞上餐牌，這裏提供吉列牛外，還有韓式茶漬飯、釜飯及多款小食。既然是吉列牛和忌廉烏冬專門店，我和友人便點了一客美式頂級牛里脊配大啡菇及咖喱忌廉烏冬，我們看到鄰桌熱騰騰的咸蛋薯條，炸得金黃，便決定也點一客嚐嚐。店員很快便為我們送上忌廉烏冬和咸蛋薯條。烏冬的造型就像忌廉蛋糕一樣，忌廉入口不太膩，非常軟滑。咖哩烏冬藏在忌廉泡沫下，一夾起烏冬，濃郁的咖哩香味撲鼻而來，烏冬彈牙有口感，內有多塊嫩滑的雞件，少許洋蔥及西蘭花令整碗烏冬平衡美味。咸蛋薯條入口時熱騰騰的、香脆可口，陣陣的咸蛋味與薯條非常搭配。不一會兒，期待已久的美式頂級牛里脊配大啡菇到來，賣相不錯，牛里脊的肉質粉嫩厚身，將牛肉放上燒熱的石板上，香氣四溢，十多秒已可以做到我們喜歡的熟度，入口越咀嚼越有牛味，大啡菇配以融化了的芝士，口感豐富，我和友人都一致讚好。整體而言，這間韓國過江龍的食物相當出色，可惜