吉列牛忌廉烏冬專門店 (百樂中心) (已結業)

今日去係韓國有十多間分店的人龍店KOBEKYU韓國吉列牛專門店，位置係銅鑼灣耀華街3號百樂中心，方便易去，不過大廈都好多餐廳，所以一到食晚餐時間就會有好多人排隊搭電梯，最好就預鬆一點時間🤣餐廳主打吉列牛同埋忌廉烏冬，但最近食太多熱氣野，所以叫一份牛里脊套餐同咖喱忌廉烏冬就算.咖喱忌廉烏冬配牛肉 $78作為招牌菜之一，我見到好多人都有叫，可以揀雞或牛，見到忌廉的紋路已經好想打卡🥰忌廉烏冬同咖哩呢個配搭都幾新奇，第一啖食忌廉感覺好滑幾輕盈，烏冬好掛汁，食第二啖咖喱味幾濃同埋偏咸，食到最後有少少膩🙈不過牛肉幾有咬口，份量都唔少.牛里脊套餐 $178想食幾成熟可以自己決定，放落熱辣辣石爐上面，睇住d肉慢慢由紅變熟，聽住聲音有點治癒☺️牛肉入口唔靭，而且多汁，仲有芝士啡菇同洋蔥，洋蔥煎至焦糖色，整個組合都幾好味

想出街食飯又唔想同人迫，又怕等得耐，所以食個早飯🥣都係一個唔錯嘅選擇🤭。🔻牛里脊套餐 $178🔻有一件牛里脊，芝士大啡菇同少量配菜，有個爐仔附上，我自己鐘意切開一片片放上去燒下，生熟程度可以隨自己喜好🤣，有得食有得玩幾過癮🤭。牛肉肉質好嫩，燒到9成熟都唔鞋口👍🏻，加上秘製醬汁調下味，咸咸酸酸，味道又唔同左😋。🔻鹹蛋薯條 $38🔻唔係金沙個種，真係粒粒鹹蛋黃，夠熱好新鮮，好香蛋味👍🏻🔻咖喱忌廉烏冬 $78🔻黎到嘅時候係白雪雪，好特別🤔，明明係咖喱但係點解會係白色呢🤔？其實面頭個層白色係忌廉，以為撈勻左個烏冬之後個味會淡咗？錯，原來係會咖喱味依然👍🏻而且會更滑更creamy😚。

成個幾月冇出街食個晚飯，晚市開返堂食，一定要食返餐好嘅慶祝吓出得街食一定要去返間平時外賣食唔到嘅餐廳最終女朋友揀咗去食板燒牛肉<牛里脊套餐$178>我哋揀咗份牛里脊套餐牛柳表面輕輕煎過，切出嚟仲係有血水想要幾成熟自己再擺落鐵板煎一煎，得左牛里脊鮮嫩多汁, 肉質比較瘦，配上燒汁味道唔錯<咸蛋薯條$38>鹹蛋薯條係新鮮炸出嚟嘅，脆卜卜混合左鹹蛋黃嘅薯條，唔使加鹽依然非常夠味仲送埋黑松露醬，俾你轉轉口味<咖哩忌廉烏冬$78>綿綿嘅忌廉裏面，竟然係咖喱烏冬烏冬彈牙，雞肉量都唔少

今天约了朋友到餇鑼灣午餐，她推介去此店。我們叫了一份美式頂级牛里脊套餐，一份咖喱忌廉雞烏冬和一份秘製蛋卷。秘製蛋卷即叫即做，蛋香滑味道美。蛋卷內的芝士入口溶化。這蛋卷做得甚出色，不可錯過。美式頂级牛里脊肉質鮮甜，幼嫩無筋，而且脂肪少，是識食人士的首選。你可以將上枱的牛里脊切成一塊塊放在熱爐上煎熟至你喜歡的程度。套餐有一朶鋪滿芝士的大啡菇和香脆的洋葱，很美味。如喜歡可用餐奉上的黑松露醬和秘製醬汁點牛肉吃。但我覺得不用點醬，原汁原味，牛肉已很鮮美。咖喱忌廉雞烏冬一上枱便香氣撲鼻。加了忌廉的咖哩入口更香滑，少少香辣甜甜很惹味，烏冬滑雞肉和配料如菇及西蘭花都好味。今次是我初次嘗試，覺得好味有新鮮感。下次可再來試其他菜式。此樓上店環境不錯，服務也良好。兩個人每人花180元左右，便可吃到高質的食材算抵食。

朋友曾經同我介紹過呢間餐廳，我好有印象，因為名字特別，餐廳名字中「吉列牛」同「忌廉烏冬」都係比較特別嘅煮法/食法（吉列豬扒就有好多，吉列牛相對地少），一直都有興趣食。今日喺銅鑼灣，就特登去試吓。咁梗係要食同餐廳名字有關嘅食物啦，所以叫咗$148嘅「吉列牛定食」，再加一個$58嘅小食「蒜片牛舌芯」。吉列牛係餐廳先將牛肉沾上吉列麵包糠等材料，然後兩邊稍為煎一下，牛肉依然有八成生，跟住切厚片，再上桌給客人。客人桌上有一個小燒烤爐，可以按照自己喜歡嘅生熟程度再烤吉列牛，然後熱辣辣咁食。牛舌芯好有咬頭，配炸到脆卜卜嘅蒜片都好味。

疫情開始緩和，眾多餐廳之下，揀咗呢間餐廳，皆因唔係週圍都食到吉列牛。揀咗個定食，有飯有沙律．味噌湯．一口豆腐。主角吉列牛外層脆卜卜，內裡未熟，要放上爐上燒...食完好想知道點樣秘制，可以外面炸咗但牛肉依然保持未煮狀態🤔肉汁好豐富，燒耐咗都唔會靭，肉質比起平日食嘅肉眼/西冷好好多倍🤩豆腐好滑嘟嘟，係我最鍾意嗰種...配埋芝麻醬，正👍🏻跟嘅飯仲加上飯素...Yummy😋「味噌蟹蓋芝麻飯糰」呢個又係好好食，蟹肉味好香濃，加上小飯糰包著紫菜，真係好好食😋總括來講餐廳食物款式較特別，味道好滿意👍🏻等待疫情完結 , 放寬餐廳用膳人數，要一家人帶埋小朋友嚟食🤗

Kobekyu這間專門店的忌廉咖哩烏冬同忌廉咖哩炒麵太好吃了! 首先烏冬它有一坨純白的忌廉在上方，灑上一些蔥花，勾引了少女心!!拍照都能拍上一兩分鐘了!味道上我覺得炒麵更勝一籌，可能我喜歡吃辣的原故（炒麵那個是有一點點辣味，烏龍那個有濃厚的咖哩味，但整體品嚐感覺較為清新）把它們拌在一起後，令烏冬的口感更加多層次(配上它送的茶真的很棒喔!!!我最喜歡的果然是他們的肉><咬下去充滿咬勁，雞肉則是軟軟綿綿的，十分好入口!

朋友約吃午飯, 說想去吃這間忌廉烏冬專門店, 其實我以前有吃過一次晚飯, 當時覺得吉列牛之外, 其他食物無什麼驚喜, 因為吉列牛是自己燒的, 可以自行決定幾多成熟, 夠曬特別!今次要介紹的是午市套餐, 首先2人行的話, 可以先點一個吉列牛套餐, 然後追加一份吉列牛(包括白飯), 這樣做就是HK$ 148 + 100, 這樣最經濟實惠, 集中火力進攻這裡的招牌菜就是了! 吉列牛的外層好鬆脆, 配搭招牌忌廉非常惹味, 加上即燒即吃, 牛肉的質素也是很好, 值得推介其他信息: 有看其他食評都會說員工不太積極或者服務態度不夠好, 我的用餐經驗是員工比較年輕, 有缺乏工作經驗的感覺, 可能是比較多是part time吧。例如我要求提供一杯飲用水, 該名員工只告訴我"這裡是自助的", 其實當時不是很忙, 如果該名員工懂得做多一步, 幫助我去拿杯水, 肯定會對服務加分, 提升用餐體驗, 再加上疫情期間, 要顧客自行去拿水, 到底那數步的距離應該帶口罩還是不帶? 貪圖方便不帶口罩, 又會對其他食客不太好, 要為了一杯水, 帶個口罩又要除, 講真都幾麻煩!一般來說, 只要食物水準高, 我對服務的要求不是

吉列牛同咖哩忌廉烏冬係香港已經hit左好一段時間，記得好耐之前ig曾經被一碗白色忌廉烏冬洗板! 但礙於本人係唔中意排隊，所以永遠都係等熱潮退落黎先會去試😌 所以今日中午終於黎咗呢間想食好耐既吉列牛忌廉冬専門店試一試! 位於百樂中心22樓既佢，環境唔錯，景觀幾開揚！我哋當日坐個個位仲可以望到跑馬地馬場🐎🐎🐎! .當我地坐低左之後，店員就俾左個QR Code 我地自己落單！我地就叫左個吉列牛定食，秘製蛋卷同埋咸蛋薯條！.雖然見到openrice上面個個都叫牛里脊定食，但既然吉列牛係佢地既Signature，我當然要試下🤤 .📌吉列牛定食($148)包含前菜: 滑嫩既胡麻醬豆腐同埋鮮甜既車厘茄、沙律、面䜴湯、珍珠米上淋上飯素。同埋主角:吉列牛🐃😍吉列牛大約有十多塊，吉列牛表面炸到金黃色，好鬆脆！但入面仲係呈嫩紅既顏色，客人可以利用熱石爐自行煎到自己想要既生熟度！牛肉用咗少少鹽🧂同黑椒調味，我自己就覺得唔沾醬汁，食翻牛肉本身既肉味已經好好食😋！重口味既朋友，就可以沾少少秘製醬汁，帶出濃濃既牛味！建議大家唔好煎得太短時間，大概七八成左右，保持肉質幼嫩，唔夠熟反而食落會太韌！.📌Kobekatsu

好耐之前食過一次呢間餐廳既咖哩忌廉烏冬，覺得個配搭口感做得唔錯。於是黎到銅鑼灣又諗唔到食乜之際，就黎番食呢間喇😂。-1️⃣咖哩忌廉烏冬（雞）💰78 （👅：7.7/10）忌廉、咖哩、烏冬撈埋一齊食配搭得宜，烏冬淋淋地，索到淡咖哩香味，加埋忌廉，成件事好軟滑👍🏻。但就略厭雞肉份量少左d！-2️⃣美式頂級牛里脊套餐💰178 （👅：7.5/10）牛里脊面積唔算大，但勝在厚身，肉質鮮嫩。上枱既時候已經香噴噴，可以因應自己中意幾成熟去燒，我自己就燒左大概2-3分鐘，5至7成熟，鎖住肉汁。配埋洋蔥同大啡菇，更加perfect。-🔸 咸蛋薯條 +💰38 （👅：7/10）即叫即炸，非常熱辣辣，幾中意食薯身薯條，但就略厭咸左少少，鹽份可以落少d。

入到餐廳冇人， 整係見到一個女仔食緊飯，佢冇反應 ，直到我同朋友自己搵位坐低。喔! 原來食緊飯個女仔係員工。俾左QR Code 叫我地自己落單，同佢講 我同朋友用過 唔work ，佢就話只可以QR 落單(態度差)問佢拎menu先俾menu,之後整係講有D餐係MENU上面，但係就冇同我地講 咩野餐係有 咩野餐係冇。其實同佢講左都有2/3次 QR COde用唔到，但佢又唔俾一個新既我地，唔知佢想點。其實見到客人咁耐都唔order都問下有冇野需要，再好食 都係貼錢買難受，唔會再去P.S 去既時間 唔係繁忙時間

前陣子去過佢哋旺角分店食過lunch，對佢哋嘅忌廉咖哩烏冬仍然回味無窮。今次經開銅鑼灣知道有另一間店喺度又走上去食，今次仍然order咗忌廉牛肉咖哩烏冬，因為實在太好食所以今次一定要encore。另外叫咗美式頂級牛里脊配大啡菇定食，同埋鹹蛋薯條做小食。個牛里脊配大啡菇真係好有驚喜，佢哋嗰塊牛里脊超大塊有成三四吋厚，可以原塊放上鐵板燒自己煮到五至七成熟我覺得最好味，牛里脊嘅牛味比較重但係又唔韌，而且好juicy，而個大啡菇配埋個醬汁同埋個飯食真係喜出望外，值得全力推介。鹹蛋薯條炸得金黃色好香脆，每一條薯條都沾滿鹹蛋黃嘅味道真係好好味。

🥩🍄🔥美式頂級牛里脊配大啡菇 $178✨塊牛都幾大塊✨牛肉好嫩石燒可以自己控制幾多成熟✨大啡菇勁正釀左好多芝士入去!✨兩款醬各有特式, 個人比較鍾意sour cream開胃D.🥚🍟 咸蛋薯條 $38✨睇佢個兜細細但份量都幾多✨鹽粒同咸蛋黃平均分布每條薯條.🍛🍦🥢🥩 咖哩忌廉烏冬 - 牛肉 $78✨招牌：勁厚 cream!!!✨ cream加埋 curry同烏冬成件事就係滑既代表✨中間夾住啲牛肉粒都好嫩滑.加一服務費

呢間第一次食，份量唔多，d牛係全生既（食過第二間，係會整到半熟俾你燒，唔洗燒咁耐）生都算，個石板唔夠熱，燒極都唔熟d火燒完，牛都未熟晒燒得耐d吉列炸粉全部甩左痴住石板跟住夜晚我返到屋企，即刻肚痾，痾左3次第二朝個肚仲痛緊，好垃圾，冇下次

呢間嚟自首爾🇰🇷嘅餐廳，一年多前，阿叔同舊同事都嚟過食佢哋最出名嘅吉列牛🐮同埋咖喱忌廉烏冬，初次幫襯印象唔錯😊！一年後，吉列牛已經無當時咁流行喇，今次經店員介紹下初食牛里脊，又有啲驚喜喎！😋 . 美式頂級牛里脊配大啡菇($178)，上菜時，牛肉會預先煎至1成熟，同吉列牛一樣，我哋可按個人喜好再煎🔥，自由控制牛肉生熟程度。呢款牛係指牛前腰嘅位置，肉汁夠多，味道夠濃😋。由於脂肪含量較低，唔介意食生少少嘅話，阿叔會建議大家唔好煎太熟，4至5成就最好，可以保持肉質幼嫩。如果齋食牛可能好寡唔夠飽，大家亦可用$35另加咸蛋薯條🍟，配埋黑松露醬食一流！.咖喱忌廉雞烏冬($78)，咁耐無食，水準依然保持到，烏冬彈牙，雞肉嫩滑，記住撈勻先好食吃，味道會更好！