吉列牛忌廉烏冬專門店 (百樂中心) (已結業)

今天中午來到位於銅鑼灣百樂中心的吉列牛忌廉烏冬專門店，想食呢間好耐啦，食物美味，這頓lunch好滿足。美式頂級牛里脊配大啡菇（$178）牛里脊喺廚房煮到半熟後上桌，自己再用爐燒到喜歡嘅生熟度，肉質上乘，充滿牛香。咖哩忌廉烏冬（$78） 賣相好似一朵雲朵，好靚好可愛，味道非常好，忌廉同咖哩係絕配❤️，忌廉令烏冬更加滑溜👍😋鹹蛋薯條（$38）囡囡最愛，薯條香脆又唔油膩，充滿鹹蛋香。我就最鍾意點黑松露醬食😍

呢座大廈有好多唔同嘅食肆，每逢晚市時段一定會大排長龍等𨋢上樓，今日就嚟咗呢一間吉列牛忌廉烏冬專門店。可能我時間尚早，入到嚟唔算太多人，可以靜靜地食嘢。見到好多人推介呢個美食頂級牛里脊套餐，於是乎我又叫一份試吓。首先點左一個鹹蛋薯條，新鮮炸起，確係幾好味。既然講得係忌廉烏冬專門店，當然會試吓個烏冬啦，送到上枱嘅時候見到烏冬上面嘅忌廉就好似奶蓋飲品系列咁，面層有一片白雪。過咗一段時間，忌廉慢慢溶化，會變成白泡，而下面嘅烏冬就沾滿咗咖喱汁。牛扒用隻鐵鍋上，連一隻大啡菇，仲有少少洋蔥絲。然後就自己切開牛肉，用每枱都已經放咗喺度嘅熱石，逐少逐少燒熟嚟食，都幾特色。

一年前同朋友仔，特登喺OpenRice搵到呢間吉列牛，充滿期待，滿心歡喜咁去，食完覺得超級滿足。一年後嘅今日同朋友仔傾開，先知原來大家都念念不忘，好想再試哩間，講到興起，放工就同朋友出去拜訪。 今次我哋叫咗鹹蛋薯條, 美式頂級牛里脊配大啡菇，咖喱牛肉忌廉烏冬。鹹蛋薯條🍟 鹹蛋包住啲薯條其實係冇得輸，香口，脆卜卜，另外佢仲有個黑松露醬，又係我另一個自愛，令到我食完一條又一條。美國頂級牛里脊大啡菇 🐮 牛里脊係一份咁上，下面墊住啲洋蔥，上到枱已經好香。可以按照自己想要嘅厚度，大細，放上燒熱好嘅石板上面燒，又好玩，又好食😋想食熟啲又得，生啲又得 大啡菇唔會燒到乾晒，仲有好濕潤嘅感覺，唔錯唔錯 必點咖喱牛肉忌廉烏冬 佢上到嚟係夢幻嘅白色泡沫，忌廉好豐盈，你以為個烏冬係白色咩，當你嘗試去夾嘅時候，入邊就係咖喱色嘅烏冬，我得意得來又好好食，被日式咖喱感覺，一啲都唔辣。一年後再返嚟呢間餐廳，好開心冇令我失望，期待下次再返嚟食☺️

之前聽人講食忌廉烏冬，覺得好奇怪，但好多人都話好食，於是特登搵吓邊度有得食！見依間幾多好評，一於試下佢。首先梗係咖喱忌廉烏冬（$78）先，有得揀雞定牛，我就揀咗牛。個烏冬本身已經好滑，再加埋忌廉就更加唔洗講，咖喱同埋忌廉個味好夾，味道係甜甜地咁！真係忍唔住食哂佢。另外就叫左美式頂級牛里脊套餐（$178）,有芝士大啡菇同一塊牛里脊。另外有個爐係隔離，自己可以掌握個生熟程度！牛里脊姐係牛腰嘅部位，個肉無咩肥膏但肉質好嫩滑，牛味幾濃，正！另外個芝士溶哂喺大啡菇上面，依個組合都係無得輸嘅。呢間真係幾好食！而且食到忌廉烏冬嘅選擇真係唔多，下次想食都一定會再黎。

銅鑼灣耀華街一帶，出名上樓多美食😈😈仔仔說想吃牛扒，那好吧，就去吃吉列牛忌簾烏冬吃吧😈😈咸蛋薯條~很香的咸蛋黃香味，薯條是有薯肉那種，不是空心，再沾上沙律醬和芥末醬吃，好正😋😋美式頂級牛里脊配大啡菇~充滿牛脂的牛扒‼️‼️放上石燒時，牛的肉汁不斷湧出及燴返入牛，滋味無窮😍😍香辣忌簾雞肉抄麵~愛吃辣，但又愛小辣的，就不能錯過了~微微的辣味，麵質軟硬適中，只吃麵已有滿足感，再加上微冷的忌簾，口感冰火二重奏🤣🤣有幾件雞球，餸是夠的👌🏻

好討厭叫牛扒食嘅時候侍應必會問你要幾多成熟，但往往上枱嘅時候，同預期的不一樣😅朋友知道我的心意，特意帶我去這間日式樓上舖。二話不說，揀咗美式頂級牛里脊套餐，配以鹹蛋薯條，兩樣都係我嘅至愛😍😍牛脊里終於上枱啦，不過，好似都幾熟喎，切開一片片，嘩！軟淋淋的，仍有血水呢，正！舖上石燒上，輕輕一燒，生熟程度按自己的喜好，再點些少秘製醬汁就已經好好味😋，另有一碟黑松露醬，如來點牛脊肉食係可以帶出濃濃嘅牛味，這是原全無諗過！真係夾到冇得彈👍🏻鹹蛋黃薯條，就略嫌鹹蛋黃味少咗啲。再多啲必定更好味！至於咖喱忌廉雞肉烏冬，見到真係嚇一跳！樣子好似好膩咁喎😂奇怪，輕輕攪拌一下，忌廉同咖喱味互相混合卻又出奇地配合！係滑溜、微辣，嫩肉，彈牙。整碗烏冬即刻昇華不少。唔試？會係一個損失呀！

呢間食過幾次都覺得好味星期一放工，就食嚟開心下，兩個人叫咗一個忌廉咖喱牛肉烏冬，美式頂級牛里脊套餐忌廉咖喱牛肉烏冬，樣子吸引有仙氣，味道方面次中規中矩嘅勝在少有美式頂級牛里脊，慢慢切嚟燒，好玩又好味肉汗好juicy 呀，份量夠唒多，芝士啡姑都幾好食，咸蛋黃薯條呢，有啲普通喎，不過點埋黑松露醬就好好食

銅鑼灣有家來自韓國的吉列牛忌廉鳥冬專門店，在旺角也有分店。晚上7點多幾乎滿座，疫情期間也沒有多大受影響。美式頂級牛里脊配大啡菇是餐廳的主打菜。牛里脊排不大塊但夠厚，伴有洋蔥和一隻芝士焗釀大咖菇。出品牛排兩成熟，客人可以自己在石爐上燒牛肉，控制適合自己的生熟度。牛肉軟腍香口有牛肉味。菇有多芝士和洋蔥一起吃好👍👍👍咖哩忌廉鳥冬配牛肉，表面上一層厚厚的忌廉幾有特色。拌勻之後鳥冬被濃郁的咖哩和忌廉包裹着夠彈牙，咖哩味濃又有忌廉的滑，食落都唔膩，幾有驚喜。咸蛋薯條伴有黑松露醬。咸蛋味重夠香，薯條外脆內軟，越吃越香，停不了口。如果量可以多一點是最好了。

聽講呢間嘅吉列牛好好食，於是就同朋友嚟食，首先叫咗個咖喱忌廉烏冬$78，可以揀雞或者牛，好貼心👍🏼我哋就揀咗雞，雞肉幾嫩，唔錯！依個烏冬出邊好得意，有白色一層cream咁樣，之前都冇食過，原來啲烏冬入面係咖喱，將佢同埋啲忌廉一齊食都幾特別！啲烏冬整得唔錯🤩唔會太軟～然後唔少得嘅就係美式頂級牛里脊套餐$178，有我最中意食嘅芝士大啡菇同埋頂級牛里脊，佢會比個鐵板我地擺塊牛上去燒，燒到自己想要嘅熟度👍🏼然後再叫咗鹹蛋薯條配黑松露醬，$38，鹹蛋薯條揸得幾脆，唔會太粉，配黑松露醬更加係好味！

想食吉列牛好耐了 今次就揀左間入門版黎試下🤣🤣點解我形容係入門版？ 因為佢係吉列牛入邊都叫做唔貴既一間🙊😂 咁我地一行4人 叫左一份吉列牛定食（$148）都唔錯 不過略嫌有點油膩 同埋份量唔多一個秘製蛋卷 （$68）好重蛋味同埋芝士味😍一個原條鰻魚蟹籽釜飯（$128）不過不失 好大條鰻魚 夠eye catching 一個咖喱忌廉牛肉烏冬($88)好味！ 性格比高！！一個流心蛋韓式牛肉飯（$68）同吉野家無咩分別😂😂😂 可以skip

之前黎過一次食佢地既麵食，今次反而想試下牛定食，本身想叫最受歡迎的吉列牛，不過見到有個美式頂級牛里脊套餐都幾吸引，所以最後揀左呢個。美式頂級牛里脊套餐 $178呢個比吉列牛更豪華，廚師會先將整塊牛里脊燒至2-3成左右，然後自己再切件慢慢燒，自行控制生熟度。簡單燒20-30秒，牛里脊出名肉質柔嫩，脂肪比列較少，入口Juicy有咬口，頗有驚喜。套餐配芝士大啡菇、洋蔥、咸蛋薯條，大啡菇非常厚肉唔縮水，菇味香濃又多汁，配埋軟滑的芝士拉絲超正；旁邊的洋蔥亦係另一賣點，炒到完全熟透，軟身又充滿洋蔥的香甜味。雖然咸蛋薯條唔係好食到咸蛋碎，但薯條勝在脆口重薯味，沾埋黑松露醬都幾好食。咖喱忌廉牛肉烏冬 $78上次叫左雞肉，今次就試牛肉~望落似Whipped Cream既忌廉烏冬賣相仍然好靚，咖喱味不算太辣，攪勻忌廉一齊食口感更Creamy，烏冬算是煙韌，配料還有牛肉、西蘭花、洋蔥粒，整體無咁單調。

兩點上去食 侍應同廚房職員傾得好開心完全見唔到有人黎咗一坐低職員就咁dum左個QR code 黎話自己落單放低左杯室溫茶 就無見過佢lu我叫左忌廉咖喱牛肉烏東烏東淡而無味cream 唔夠凍 無左漩渦形狀牛肉非常細粒 大約有10粒指甲size格牛肉喺碗底想埋單走人緊時 侍應又唔見左 等咗五分鐘終於見到佢服務差 食物差 完全唔知點解咁多人覺得好食I arrived at the restaurant at 2. The waiter was chatting with the kitchen staff at the back so I waited for them to finish their conversation.After I sat down, he threw me a QR code on a clipboard, asked me to order online and left.I ordered the cream curry beef udon. The cream was way to hot and the 'waves' on it has melted

咖哩忌廉烏冬 ($78)雖然好邪惡，但係真係好好味。好creamy但唔算好heavy。☕️Kobekyu秘製蛋卷 ($68)啲芝士可以拉出絲家。☕️吉列牛定食 ($148)前排吉列牛好hit，尖沙咀又有，荃灣又有，但係試左幾間，覺得呢間最正，炸粉唔算厚，牛肉又唔un。

呢間餐廳好耐之前已經出名食吉列牛，今日試吓吉列牛以外嘅選擇.美式頂級牛里脊套餐 $178牛里脊大概只有一成熟，可以放上熱辣辣嘅石上面燒牛，呢隻牛要燒到熟少少，就會入口軟腍有牛味，芝士大啡菇都好重芝士味，隔離有好多洋蔥，一齊食好香🥰.咸蛋薯條 $38$38有呢個份量仲有鹹蛋同黑松露沙律醬真係幾抵，鹹蛋薯條好香，鹹蛋都好足料.香辣忌廉雞肉炒麵 $78糾結咗一陣要忌廉烏冬定係呢個忌廉炒麵，感覺呢個炒麵會冇咁漏，辣辣地真係幾過癮，有啲似韓式炒麵，幾creamy👍🏻

來到銅鑼灣， 想食牛可以， 想食咖哩烏冬可以， 不過想食幾成熟就自己燒啦！我好 buy 呢樣野的，哈哈！因為每人喜愛的生熟程度都唔同，有人鍾意熟d ,有人鍾意生d ，我就最怕煩， 自己搞掂唔洗嘈。今次同家姐來到呢到食，先叫左份咸蛋薯條， 再叫碗咖哩忌廉雞烏冬， 最後叫左我最想食的美式頂級牛里脊套餐。家姐好驚訝點解送碗白色泡來我同佢講其實係忌廉， 當拌勻就好美味的了，家姐一食就話正烏冬夠彈d 咖哩味濃但又有忌廉的滑。咸蛋薯條，只要鍾意食咸蛋的人就自己會愛上。yeah 到我最愛牛 呢到的牛里脊套餐上面除左牛外仲有炒過我洋蔥，仲有個大啡菇，開始時，我把每一舊都切細件，方便我地各燒各，我喜歡燒到七成就點一點汁食， 好牛超濃又夠嫩滑， 相反家姐喜歡全熟，所以口感會變得唔同， 不過點食都好，我地都覺得呢到幾好食，下次再一起來食過。