吉列牛忌廉烏冬專門店 (百樂中心) (已結業)

朋友曾經同我介紹過呢間餐廳，我好有印象，因為名字特別，餐廳名字中「吉列牛」同「忌廉烏冬」都係比較特別嘅煮法/食法（吉列豬扒就有好多，吉列牛相對地少），一直都有興趣食。今日喺銅鑼灣，就特登去試吓。咁梗係要食同餐廳名字有關嘅食物啦，所以叫咗$148嘅「吉列牛定食」，再加一個$58嘅小食「蒜片牛舌芯」。吉列牛係餐廳先將牛肉沾上吉列麵包糠等材料，然後兩邊稍為煎一下，牛肉依然有八成生，跟住切厚片，再上桌給客人。客人桌上有一個小燒烤爐，可以按照自己喜歡嘅生熟程度再烤吉列牛，然後熱辣辣咁食。牛舌芯好有咬頭，配炸到脆卜卜嘅蒜片都好味。