古今二 (觀塘工業中心)

营业中

休息中

較早前朋友推介過這間位於工廠大廈內的小店，今天去開觀塘買東西，決定到這小店食晚餐。大廈上一層樓梯便是一樓，轉過彎便見到他的門面，不難搵。這間小店主打卷物，正好朋友比較大食，有他在我可以試多幾款🤣這裏卷物的名字跟外形也頗有創意。首先叫了日式麻醬豆腐沙律，實物跟相片果然一樣那麼好看。麻醬香氣撲鼻，豆腐入口嫩滑，搭配車厘茄一起吃很開胃。另外叫了秋葵蝦肉天婦羅，這样一吃才知原來秋葵天婦羅還挺配搭的，裏面還有一大舊蝦肉，味道很夾。再來是重點卷物，店家把3款都拼在一起，賣相很吸引。彩虹卷，它利用剌身魚的天然顏色來包住卷物以制造出不同的色彩。內里是青瓜，牛油果及蟹柳，整體比軟清淡。東京爆脆，內里是蟹柳及吞拿魚，相對起來較大件，味道較濃。綠野仙蹤，我最喜愛這款，名字很童話。有八爪魚的彈牙，蘋果的爽脆，夾埋蟹柳，牛油果及飛魚子，口感豐富。

黎到觀塘,搵到係D出口附近有呢間好有創意既日本野,即刻黎試試!頭盤係日式麻醬豆腐沙律:麻醬既香加上豆腐既味道再配上三文魚子既鮮味同咸味,十分特別,菜又夠新鮮,好爽口!富士山,下面係手卷,上面係滿滿既蟹柳肉,手卷原本已經夠哂足料,每啖都好夠味,再加上滿滿既蟹柳肉,正到爆!綠野仙蹤,芒果肉手卷食得多,但配上再牛油果真係第一次見!估唔到兩者咁夾,係一款好FRESH既手卷,好特別!東京爆脆,果然十分脆,但佢又唔會好乾,整得好出色既手卷!自家製香菇雞肉丸串燒:十分足料,啖啖都係香菇同雞肉,香菇又香配上咸咸雞肉,好食!日式天婦羅,有蝦又有紫薯同茄子,全部都唔會炸到好乾身,外層夠脆,特別係紫薯,超甜!!好好食!!黑豚荔枝卷串燒:咸咸既黑豚肉汁同甜甜既荔枝汁估唔到咁夾,係味道上既新享受!每人280,抵食!

放工要鬆一鬆，早前去了一間觀塘工業大廈內的日本餐廳叫古今二，名字古色古香但主打新派卷物。 和地鐵站很近很易搵。一入到門口量體溫，店員安排了一個安全距離的位置給我們，感覺安心舒服。好肚餓ar，所以嗌咗一份小食一份串燒一份沙律和三份卷物。 頭盤係日式麻醬豆腐沙律， 清清地，豆腐十分幼滑， 令人胃口大開。跟住係秋葵蝦肉天婦羅，滿滿的蟹肉釀在秋葵上面，又幾特別喎， 味道也是清清的，一點也不覺得油膩。 輪到三份卷物一齊出場， 它們很可愛地排在一起，構成一幅圖畫。卷物的名字十分有心思，第一口先試綠野仙蹤，由八爪魚，蘋果，牛油果，蟹柳，飛魚籽组成， 可能加咗蘋果，有些爽爽脆脆的感覺，層次十分豐富。另一份叫東京爆脆， 材料是蟹柳加三文魚， 脆脆的幾得意。 放在中間的彩虹卷， 以我所見有三類不同顏色的魚刺身加上牛油果鋪滿在壽司飯上面， 所以形成了四彩顏色， 未食先興奮。 最後來了兩串香菇雞肉丸串燒作结，大大粒，真材實料。另外，不得不提就是掛在牆上的卷物海報拍得很有藝術感， 實物版和海報版的卷物模樣十分一致。今天真是飽飽大滿足了。

上星期三晚朋友約左我去觀塘－古今二餐廳食晚飯，第一次去發現原來餐廳系工廠大廈入面，吾算難搵。到左餐廳，雖然有BOOK位，但依然需要等位。網燒牛舌：依度既牛舌比我想像中好食，由於牛舌大片和有厚度之餘，食落口感帶軟身，略有少少爽口；味道方面，咸度剛好，配合旁邊既醬汁酸酸地，食起黎更加開胃，又可以減少油膩既感覺啊！活赤貝刺身：赤貝刺身口感帶爽，味道沒有腥臭味，因底部加入了檸檬，食起有好清新既感覺。炭烤孜然羊架：上枱時羊架帶點羊香味，羊架吾系烤至全熟而是帶少少粉嫩的，令口感吾會硬和乾。羊架啖啖肉，羊味香口，仲滲出肉汁！東京爆脆：卷物當中以主要以吞拿魚及蟹柳所組合的，飯中加入了少許飛魚籽粒粒，令增加了卜卜的口感。師傅用火槍燒一燒表面，令表層有少少既飯焦，再度增加脆口口感啊！個人很推介的一款卷物～

朋友介紹觀塘工廈有間日式居酒屋叫古今二，是主打創意卷物的餐廳，餐廳的卷物造型特別，而且餡料特別豐富，今天特意前來試吓！餐廳燈光柔和，好有日本居酒屋feel。綠野仙蹤：材料有八爪魚、蘋果、水蜜桃、蟹柳、牛油果、飛魚子。食材配搭新鮮，多種口感和味道同一時間在口中打滾，令人回味不已。日式豬頸肉串燒，燒至金黃色的豬頸肉，肉質鮮嫩又爽滑。日式麻醬豆腐沙律，將豆腐加入沙律內，加入已調製的麻醬，冰冰涼涼，低卡健康又美味。

從來都覺得觀塘工業區是有很多臥虎藏龍的食肆，喜歡發掘創意菜式的朋友介紹我來這間餐廳試試，一打開餐牌已經見到很多新奇有趣的菜名，多款自創的壽司，點了三款，第一款叫綠野仙蹤，材料有八爪魚，蘋果，蟹柳，牛油果，飛魚子，口感有蘋果的爽脆香甜，有牛油果的香滑和其他材料的鮮味，咸鮮甜爽。第二款叫東京爆脆，材料有蟹柳和吞拿魚，但當中不知道加了什麼東西，咬下去是非常鬆脆，感覺好像吃炸兩，軟軟的壽司包裹着中間的脆脆，加上自家製的醬汁，又香又脆，果然有趣。第三款叫火山，材料主要是帶子和蟹柳形成的一座山，賣相不錯，口感啖啖肉，之後再點了兩款串燒，黑豚荔枝卷，荔枝的香甜中和了豚肉的肥膩，兩者很匹配，自家製香菇雞肉丸非常彈牙而且充滿着香菇的味道，真材實料，整餐感覺都是創意十足，確實不錯

放工去咗觀塘工業區探舊同事，佢知我喜歡食日本菜，帶咗我去一間位於工廈的居酒屋，名叫古今二，因為佢哋嘅菜式好有創意，叫我去試吓。日式麻醬豆腐沙律：雖然簡簡單單，只有豆腐和蔬菜，但蔬菜新鮮，豆腐滑溜，加咗日式麻將，味道清新又好味。　青龍卷：用料有牛油果、蟹柳、鰻魚。牛油果香滑，蟹柳有甜味，鰻魚鮮甜，用紫菜和飯包住食，既有口感又美味！自家製雞肉香菇丸串：雞肉香菇丸大大粒，燒得好香口，餡料免治雞肉和香菇，口感鬆軟還有肉汁。

觀塘有唔少食肆, 但要搵到工廈隱世美食, 就真係靠觀塘地膽朋友帶路。觀塘D4出口行幾步就到觀塘工業中心四期, 原來樓上有間日本菜餐廳, 想不到呢間隱世餐廳, 平日晚都咁有人氣, 還好只係等左陣就有位。餐廳以黑色做主調, 富有藝術感, 正好配合佢地主打創意飯卷款式! 除左飯卷, 沙律、小食, 都能做到與眾不同, 款款令人驚喜。 【日本溫室南瓜沙律】HK$55對比平時食開沙律有點與眾不同, 呢款沙律沒有沙律菜, 主角係溫室南瓜,南瓜肉超林清甜, 配上洋蔥絲、車厘茄、蟹子同埋蛋黃醬, 甜甜地, 有層次, 口感極之creamy~有驚喜!【秋葵蝦肉天婦羅】HK$48炸皮不油膩, 秋葵中釀入左蝦肉, 蝦肉幾爽甜, 秋葵黏黏地既汁, 多一份清新。【彩虹卷】HK$98色彩賣相吸引, 面層佈上薄薄三文魚、吞拿魚刺身, 卷物中有蟹柳、牛油果、青瓜, 豐富層次取勝, 食到刺身口感, 其中蟹柳甜味最成突出。【火焰紅龍卷】HK$115面層吞拿魚被火炙過, 迫出了魚油亦帶微微焦香, 上面有少少芝士醬同埋燒汁調味; 卷物包住炸蝦, 炸皮還是香脆, 有少少沙律醬, 唔面要再額外點豉油, 黎自芝士醬既鹹味跟沙律醬甜味,

難得疫情稍為放鬆，於是和朋友一起到工業區逛逛樓上特賣場，逛完後到晚餐時間了，友人介紹這間餐廳有很多創意壽司可以一試，先來款前菜吃吃，點了日式麻醬豆腐沙律，發覺價錢和份量是相對的，份量很大，有五大塊豆腐，十片開邊車厘茄和一大堆沙律菜，係我平時光顧居酒屋的幾倍份量，確實抵食，而且口感清新，麻醬和香滑豆腐味道很配，另外點了一款創意壽司-火山，果然好像一座山那麼高，底下是用夾雜住青瓜，牛油果和蟹柳的卷狀壽司，上面是用帶子和蟹柳肉堆砌的一座山丘，最上面山頂就佈滿了蟹籽，吃下去滿口都是帶子蟹柳肉，又睇得又食得，果然有趣！

觀塘apm逛久了，便會驟覺裏面的餐廳都大同小異，不是連鎖店就是量產型，吃得納悶。所以在今晚逛街後便走出商場，試一下好友推介的日式小店。這間隱藏在工廠大廈中的小店主打吸睛卷物及燒物，所以兩樣也選了一些來試。小食就選了日本溫室南瓜沙律($55)，南瓜粒粒味道香甜，還有蟹子及洋蔥絲點綴，再加沙律菜，份量也不錯。日式豬頸肉串燒($48)燒得香口，有點像蜜汁叉燒的甘甜感覺。網燒牛舌($48)的質素也算不錯，另外伴有醬汁，侍應說是九條蔥汁，微酸很開胃。茄子燒($35)是原條茄子開邊後，加上櫻花蝦及醬汁後燒熟，醬汁較甜，配上脆口的櫻花蝦，頗有層次。而卷物方面，金龍卷($88)是用了三文魚、炸蝦、芝士，炸蝦的脆衣厚薄適中，加上芝士的味道很好。彩虹卷($98)就是用刺身造成彩虹，另外還有牛油果、青瓜、蟹柳等增加咬口的材料，味道上配搭也合適，但比不上金龍卷多變有趣。

熱食嚐得多，尤其是炎熱的這幾天，偶爾也會想吃吃清涼的。這次便在觀塘附近試了這家創意壽司店，一嚐它的卷物及料理。先點了個不是到處都可吃到的活赤貝刺身($48)，有時候在日本餐廳想吃，不是售光就是不在時令，所以今次算是有緣才可一嚐。赤貝貝身厚實，咬落彈牙亦很甘甜，吃得出很新鮮。另外點了個前菜，日本溫室南瓜沙律($55)是以南瓜粒為主，加上洋蔥絲、車厘茄、蟹子及蛋黃醬等，入口creamy，南瓜也很香甜。主角之一的彩虹卷($98)外表吸引，卷物表面以吞拿魚、三文魚及牛油果片等砌成彩虹效果，中間則包住青瓜及蟹柳，鮮甜的魚生與爽脆的青瓜營造出獨特口感。另一卷物金龍卷($88)則以炸蝦為主軸，表面舖上三文魚及明太子蛋黃醬，卷中亦夾有忌廉芝士。蝦炸得熱辣香脆，芝士及蛋黃醬亦可增添幼滑感，配搭得宜。燒物點了網燒牛舌($48)，切得厚薄適中亦燒得軟腍，蘸一些帶麻油香的酸汁更加惹味。自家製香菇雞肉丸串燒($38)也比較特別，菇香十足亦吃到雞肉鮮味，甚是驚喜。

星期五晚本來去春水堂，點知排隊排到天際咁遠，openrice左一下，搵到古今2。間野近地鐵口a,一出地鐵落橋行上2樓就搵到。6點半入去，無book都有位。入正題南瓜沙律最得，蛋黃醬加芥辣，好match.刺身$258，value for money, 帶子海膽吞拿魚，3文魚各3件。吞拿魚赤身都好有魚味，唔係好似平日出面食擦子膠咁。海膽好香，帶子亦新鮮。青龍卷正常，無乜特別串燒試左牛脷同鰻魚，水準中上上級總結，食得過。

Work from home咗差唔多成個月就自閉咗成個月，今日終於有機會出街食飯！男朋友揀咗久違了嘅日本菜，位於觀塘嘅「古今二」嚟食餐好嘅！我哋叫咗以下幾樣嘢：日本溫室南瓜沙律（$55）：我本身好鍾意食南瓜，所以呢個南瓜加洋蔥加飛魚籽嘅沙律好啱我！綠野仙蹤（$98）：呢個係新產品！入面有八爪魚、蘋果、蟹柳、牛油果、飛魚籽，甜甜哋，又食到蘋果嘅爽脆，好特別！彩虹卷（$98）：賣相吸引，入面有刺身、牛油果、青山、蟹柳！日式天婦羅（$85）：天婦羅都有幾多款，有蝦有南瓜有蕃薯有青椒，感覺唔油膩！馬刀貝壽司（$25）同火炙左口魚裙邊壽司（$30）：我男朋友好鍾意左口魚裙邊好多魚油！

今日去咗觀塘買野，買完之後發現自從肺炎事件，好耐無食日本菜，又無得去日本，所以決定揾間餐廳食返餐日式大餐，同朋友傾完決定去"古今二"。日本温室南瓜沙律，好多南瓜，好甜，朋友唔鍾意食南瓜，都覺得好食。依到D卷物好好食，好有特色，我地揀咗綠野仙縱 同 彩虹卷。綠野仙縱個名真係好特別，原來有八爪魚，蘋果，蟹柳，牛油果，飛魚子，好Fresh，估唔到依幾樣材料咁夾。彩虹卷就有刺身，蟹柳，牛油果，青瓜，刺身有三文魚，吞拿魚。壽司就有馬刀貝壽司同火炙左口魚裙邊壽司，一向都好鍾意食左口魚，肥美好滑，好好食。日式天婦羅，D炸蝦好大隻，炸粉同平時食天婦羅用既炸粉好唔同，夠哂鬆軟，好香!

看過不少食評，抱著很大期望去試試。Late lunch 、觀塘、疫情期間，冇折扣，食得好趕。食物好普通，泡菜豚肉拉麵只有辣味而冇泡菜味 壽司定食還可以，但不值呢個價錢。冇甜品、冇餐飲，在附近的餐廳同樣價錢已經有更美味的食物和Hxxxx Dxx 雪糕了。