古今二 (觀塘工業中心)

营业中

休息中

今天同朋友去觀塘工廈食lunch , 見到餐牌好多選擇，尤其是有多款創意反卷，點了自選湯麵拼卷物，$88 可以滿足三個願望，叫了醬油烏冬，外賣碗湯同烏冬分開裝，太好了，溫泉蛋夠溏心喎，烏冬口感彈牙，一款創意壽司-叫了火山，好似一座山咁高，面鋪的是帶子和蟹柳肉堆砌成一座山，還有大量蟹籽，口感層次豐富，反卷是青瓜、牛油果和蟹柳壽司卷，好豐厚！另一個反卷叫了費城卷，材料係三文魚，芝士和牛油果，這個套餐實在太抵了。另外追加了兩款素食壽司，叫了玉子$22和腐皮$22，兩款都甜甜地，好味。跟餐還有麵鼓湯和凍飲，實在太超值了。

WFH日日喺屋企真係悶到跳舞，決定收工之後去買個日本外賣返嚟食，都叫做苦中一點甜。今日想食日本嘢但係又唔想叫大型連鎖店，上網搵到一間小店喺觀塘， 上到去發現超級多外賣單，我嗌左個芝士三文魚蝦卷，加個芝麻雞翼，唔知係咪太旺場，大大話話都等咗20分鐘，下次應該打定電話落嚟嗌定先。三文魚卷好足料，舊蝦仲要新鮮滾熱辣啱啱炸出嚟，包埋三文魚加芝士，蝦嘅熱力啱啱將芝士溶化，成件事配合得天衣無縫，而芝麻雞翼又啱啱炸起外脆內軟，又唔會好油，呢個豐富嘅晚餐價錢相當合理，填滿想去日本嘅心靈空虛

今日難得放假就同朋友一齊去試吓新野發覺觀塘真係美食知道，好多工廠大廈都隱藏好多美食，今次呢一間係食日本料理，但係因為疫情嘅關係我哋只好嗌外賣返去食，店員都會為你探熱一下先可以進入，我點左滑蛋豬扒飯同埋牛舌，滑蛋炒得好香而且豬扒好口份量好多，加埋珍珠米口感一流，係我食過最好食嘅豬扒飯，加埋配菜簡直係冇得彈，小食方面點左牛舌煎得好香口加上少少鹽味道更加突出，牛舌方面咬落去好彈牙口感十足，價錢方面亦都好合理唔會太貴好適合疫情嘅時候去外賣一下，而家做飲食業真係好難得閒真係要幫襯一下。以佢哋嘅防疫措施都做得好好有洗手易比顧客而且師傅都有帶手套去工作。

之前都有來過這裡食午餐及晚餐，很喜歡他們不同款式的卷物，現在晚上沒有了堂食唯有外賣吧。餐牌上有好多選擇，但當中有些全日外賣/自取套餐比較經濟實惠。每個餐還有麵豉湯附送。點了滑蛋焗豬扒飯$65，份量大大碗，雖然外賣的賣相始終沒有堂食般好，拎到回家仍然熱騰騰，打開飯盒仍然香氣十足，沒有了脆脆的炸豬扒皮，但肉質仍然軟淋，而蛋仍然是滑身的，汁醬味道依然，很好送飯。另外點了醬油烏冬配卷物($88)，醬油湯跟烏冬分開盛上，因此沒有令烏冬變得淋身。烏冬是手打烏冬，簡單配上腐皮及半隻唐心蛋，份量比較適合女士，另有四款卷物配上，我選了費城卷及火山。費城卷是三文魚，牛油果及芝士的配撘，這個配撘無得輸的。另外火山就堆滿蟹子及蟹柳絲在面，卷內有帶子，青瓜，牛油果。這個餐看似份量不多，但飯卷都頗為大件及足料，所以十分飽肚。

最近LUNCH都少左出去食, 都係外賣為主。今日去左古今二買LUNCH返去食，古今二係觀塘港鐵站D2出口, 一落樓梯轉右就係官塘工業中心, 再右邊就係4期, 沿樓梯上一樓就到, 十分方便。LUNCH TIME時間, 餐廳好多人亦有其他人等外賣, 進入店鋪時, 職員為我地探熱及請我地用酒精搓手液, 衞生設備足夠。餐廳雖然在工業區, 但裝修不錯, 主題以黑色及日式為主 , 配上日文歌及日本飾物, 感覺整潔。    最後ORDER左兩個SET LUNCH :1)     特上海鮮刺身丼 $882)     日式冷面拼卷物 $68配有麵鼓湯或罐裝汽水職員細心提我刺身丼係即切, 所以都要等, 好彩唔駛好耐都已經有得拎啦!!特上海鮮刺身丼88蚊有埋海膽及6款刺身, 價錢已經唔貴, 海膽及刺身好新鮮, 食完好滿足。(特別中意佢地的芥辣, 真係好攻鼻, 正呀!)日式冷面拼卷物好喜歡佢地用的外賣碗, 因為將冷面汁及配料分開放,保持冷面彈性及材料的新鮮度。冷面果真彈牙滑身, 加少少冷面汁已經好入味。配有的卷物都要一讚, 分別有加洲卷4件及午夜牛郎4件。午夜牛郎卷物, 原來卷完後有炸過, 所以外脆內軟 (有

富士山 $ 88底既壽司有牛油果同鰻魚，再舖上蟹柳絲同薯片碎，加上燒汁，有口感層次，可一試！日本溫室南瓜沙律 $ 55大大粒南瓜係甜同新鮮既，再加洋葱絲，底有車厘茄同沙律菜，加上蛋黃醬，唔會太膩，前菜選擇！黑豚荔枝卷串燒 $ 38黑豚肉半肥瘦，香！咬落有茘枝甜味，令到成件事冇咁肥！鹽燒牛舌 $ 40都ok厚身，加埋黑胡椒，想像到既味道！火山 $ 88底幾舊壽司，入面有牛油果蟹柳，再舖上蟹柳絲帶子碎，沙律醬，同富士山差唔多，可二揀一。。📍可要求碟上寫生日字📍最好打去book位味道：🏅🏅🏅環境：🏅🏅🏅翻兜：🏅🏅值試：🏅🏅🏅🏅

【宅在家 🏠 安坐家中食日本野】呢間係其中一間我好鐘意既日本fushion餐廳!抗疫期間喺屋企想食日本菜, 所以同屋企人order左佢哋既食物番屋企, 包括有到會套餐、六品刺身拼盤、明太子雞翼、牛舌串燒, 成家人食完都話食物好高質, 好好味! 必點: 創意卷物及牛舌串燒。🌟而家可以外賣自取, 亦有同區外送服務🚚 !佢地主打一系列創意卷物, 每款卷物個名都好特別, 配搭創新, 唔睇圖一定估唔到裡面係啲咩😜//6-8人套餐//ஜ龍捲風沙律ஜ天婦羅軟殼蟹、炸魷魚鬚ஜ日式炒烏冬ஜ鰻魚牛油果卷、天婦羅炸蝦卷ஜ創意卷物: 富士山、超級龍捲風、蜘蛛//創意卷物//富士山🗻: 餡料有牛油果🥑、蟹柳、鰻魚、脆片, 牛油果同鰻魚味道好夾, 仲有薯片碎增添口感, 裡面既醬汁夠惹味, 食落好juicy!超級龍捲風🌪️: 芝士、青瓜、炸蝦、鰻魚、脆片蜘蛛🕷️: 青瓜、牛油果、蟹柳、軟殼蟹//六品刺身拼盤// 所有刺身都係厚切的,鮮甜又肥美!//牛舌串燒//燒牛舌厚身, 有彈牙的口感, 牛味突出又多汁, 完全不硬和乾, 愛食牛舌的朋友必定要試一試!

好耐都冇見大姊，就返官塘搵佢一齊食日本野。 她推介古今二，位於工廠區內，鄰近地鐵站十分便利進入餐廳前也先量體溫，消毒雙手。環境十分舒適浪漫，合倆小口子拍拖用膳日式麻醬豆腐沙律先點沙律降降溫，麻醬配豆腐沙律十分搭配，沙律新鮮鮮美炸軟殼蟹天婦羅軟殼蟹是大姊最愛，而用上天婦羅來烹煮，簿簿的外層，入口鬆脆，令軟殼蟹更鮮味，用來佐酒一流綠野仙蹤材料有八爪魚，蘋果，水蜜桃，牛油果，飛魚子，有上了水果水蜜桃跟蘋果，入口甜甜而蘋果更帶來了爽口，十分特別有別於一般的手卷蕉魔睇到名叫蕉魔已經想試，有水果蕉，牛油果，芝士，炸牛肉，入口脆皮，而蕉帶出來的香軟甜甜的味道，令味蕾帶上另一個層次相撲力士材料芝士，蟹柳，刺身魚，外型鮮豔而用上刺身，入口鮮味自家制香菇雞肉丸串燒另推介這串燒香菇雞肉丸，一啖咬開肉汁滿滿 且肉質嫩嫩，十分美味

古今依個名好特別，見佢都有分店，就book枱食飯試下，價錢唔貴，又多人推介，所以都有d期待想健康d，叫左個麻醬豆腐沙律，佢仲有三文魚子，所以一d都唔dry, 加上d豆腐好香又滑，幾正好搞笑，佢d壽司名，叫左依個綠野仙蹤,佢係有芒果肉同再牛油果既結合，又係為咗健康d所以揀依個😂!黑豚荔枝卷串燒又係好特別嘅配搭！佢豬肉味好香，又有荔枝的甜味，中意fusion既朋友可以叫！自家製香菇雞肉丸串燒好香香菇味！好有咬口，食兩粒已經飽！冇特別叫嘢飲，因為餐廳已經提供綠茶，熱騰騰嘅綠茶配上日本fusion 卷物，又係一番享受總括嚟講依間好岩中意fusion 同食卷物既朋友仔去，如果大家食得多，建議可以試多啲卷物，好特別！

今次約左朋友試下日本野，聽講呢度既卷物好有趣，有唔同既配搭就過左黎觀塘試一試啦。黎呢度都幾方便，地鐵站一出就到。環境亦都幾舒服。我地兩個人，叫左六款野食。首先前菜1. 日式麻醬豆腐沙律（$75）聽個名好似冇咩特別，但呢度整得意外地好食佢唔會好似出面咁落得好少麻醬而且d豆腐滑到好似豆腐花咁認真唔錯👍👍👍前菜清清地咁加埋麻醬又開胃卷物方面我地試左三款2. 蕉魔（$98）（左）呢款如果你就咁聽個名，你未必會想叫佢甚至覺得佢伏伏地但我地反而因為出面少見呢個配搭而勁想試呢款，的確係好試得過喎👍佢有蕉啦當然，但加埋芝士同炸牛肉一齊食，又真係幾夾幾好食😋仲有少少牛油果咁，呢個配搭真係幾得意！3. 火山🌋（$88）（中間）呢款好多人叫所以我地都叫黎試下。佢有帶子，青瓜，牛油果同蟹柳食落其實都幾多料架再加埋d醬汁一齊食好好味👍👍👍4. 東京爆脆（$88）（右）呢款既餡就少d，係吞拿魚同蟹柳但因為佢有炸過同加左d特制既醬汁關係反而我地最鍾意係呢款👍👍🥰好好食呀呢個 高度推介👍👍👍串燒我地都試左兩款5. 自家製香菇雞肉丸串（$38）呢個超大粒！呢款係鋪頭自己整既串燒黎架味道唔錯亦好足料，食到粒粒香菇6. 黑

今晚行開觀塘，朋友又帶我去了這裡，原來係之前在銅鑼灣個間之另一分店，這裡位置都十分方便，地鐵站行出去，轉個灣就到了，這裡裝修較工業風絕對同在工業區環境相襯，一入去就見到張好特色嘅枱，雖然這裡都係以卷物作為主打！但除此之外還有其他唔錯嘅選擇，原來佢嘅串燒都好出色，鹽燒虎蝦，一對大大隻，燒得十分香，外面燒得好香，而虎蝦肉質十分彈牙爽口，肉質結實鮮味！虎蝦頭內還充滿蝦膏，正！當然卷物都係必吃，所以點了兩款，紅龍卷同蜘蛛，紅龍卷用上了吞拿魚放在卷上，上面再放了芝士，卷住香脆嘅炸蝦，加埋煙韌彈牙嘅飯身，入口口感豐富有軟有脆又有煙韌彈牙嘅感覺！而蜘蛛就有朋友最喜歡嘅炸軟殼蟹夾蟹柳，同埋健康嘅青瓜同牛油果配搭，大大件，軟殼蟹炸得香脆可口，配埋新鮮香滑嘅牛油果肉同爽口青瓜，入口清新，真係十分好味！而最估不到就係昭和豆腐煎，兩件豆腐上面淋滿了汁，咬開時外面香口，裡面十分嫩滑軟熟，豆腐味道濃郁，又係一個驚喜之選！可能在晚飯時間，所以都好多人等位！所以可以用op 先訂位，咁就可以放心了！

Came here on a Monday night after work, about 730. This place is in the industrial district of kwun tong. In a walk up building on the first floor. The decor is going for the antique style. Really refreshing, and wonderful for taking interesting photos. This place serves up japanese style food. Since this is a week day I didn’t order any alcohol, but their food would be perfect with a cold beer. I had the silken tofu salad to start. The tofu is so smooth and taste wonderful with their dressing.

相約好妹妹到家附近食日本野,  就來到古今二 食晚飯。 這店裝潢具工業現代風,配上木傢俱,營造溫暖的感覺。 大約7點多就 ,已經好多人幫襯。**【日式麻醬沙律】 $75 這沙律含有豆腐、蕃茄、生菜,  加上材料新鮮,完全炮製出健康美味沙律, 是開胃不錯前菜。**【炸軟殼蟹天婦羅】 $85 厚肉軟殼蟹啖啖都是蟹肉,外脆內軟,令回味無窮。軟殼蟹完全卜卜酥脆,滋味可口惹味。**全部壽司都是現點現做, 點了三款壽司分別有 【相撲力士】 $88 【蕉魔】 $98 【綠野仙蹤】 $98 好賞心悅目  *這款是相撲力士, 壽司米包覆是蟹柳、芝士、剌身, 味道不錯。*這款是蕉魔~壽司米包覆好多料分別炸牛肉、芒果、 芝士、牛油果、蕉、沙律醬,一口咬下去,帶酸甜咸,  口感脆軟,有豐富口感及味道,令人回味無窮深刻。*這款是綠野仙蹤 ~壽司米包覆 八爪魚、蘋果、 水蜜桃、蟹柳、牛油果、飛魚子,咬落去, 帶水蜜桃酸甜為主,有爽脆軟口感,味道清新開胃。**【自家制香菇雞肉丸串燒】 $38 這雞肉丸大大粒,口感不會太硬太軟, 內具有粒粒香菇,令香味及口感十分有豐富, 配飯或佐酒都咁正！

今天又跑到觀塘工廈，參觀設計公司的陳列室，看看有沒有裝修的靈感，同設計師傾完計之後佢好熱心咁推介我們到 古今二 晚餐，說是觀塘人氣美食。我未嚟過觀塘古今二，上OpenRice 搵資料知道小店主打創作特色卷物和日本料理，啱晒我哋口味。地方大，裝修走工業風路線，店員服務細心殷勤，落力推介人氣選擇俾我哋，少了好多煩惱。東京爆脆 $88等咗幾個月都冇得飛日本，見到東京兩個字立刻心心眼，主要材料係蟹柳、吞拿魚。這個組合十分有創意，包上紫菜再用火槍輕輕燒炙，微微的焦香，少許飯焦口感，令卷物更香口酥脆，淋上燒汁更加惹味，每吃一口都是滿滿的吞拿魚肉，餡料好豐富，足料又好味。龍卷風沙律 $58唔知點解我即刻諗起周杰倫，心裏面唱緊龍捲風，哈哈！沙律造型打晒圈，就係要 sell 龍卷風的感覺。減肥中嘅女生最鍾意看到大量蔬菜，入口新鮮又清新，多元化的有生菜 、蟹柳、海藻 、脆脆 和三文魚籽，口感豐富有層次。 沙律醬汁更加是自製的，微辣很開胃。日式豬頸肉串燒 $48店家雖然串燒不是主打，但質素也很高，以日式醬油醃製，肉味濃郁得出；豬頸肉在這裏很受歡迎，燒得又惹味，入口彈牙有肉香。網燒牛舌 $48網燒牛舌有炭燒的

今次呢間日本野，真心高質價錢合理，食完一定有下次😍👍🏻佢啲卷物多花款又靚又好味🤩牛油果🥑鰻魚卷，本人喜愛牛油果，正！炸蝦飯卷牛油果軟殼蟹飯卷每款卷物都好好味，同相一樣，冇令人失望🤤🤤佢啲小食係令人驚艷！冇諗過燒茄子可以好味成咁！佢放左啲小蝦乾？醬汁香口，燒得脆脆，大讚！😮👏🏻👍🏻🤤牛油燒帶子，好香牛油味，燒到好多汁唔乾燒菇都好香醬汁，亦都係香脆內軟多汁牛肉窩物，牛肉軟滑鮮味（本身唔好熱窩物但都覺得好味）滑蛋豬飯，正常好味豬軟骨烏冬，正常好味總結：真係樣樣美味！值得一試唯一需要改善嘅地方，就係佢哋啲員工態度麻麻，唔得閒理你咁款，要自己serve 自己吧