古今二 (觀塘工業中心)

营业中

休息中

聽阿仔大讚佢公司附近嘅"古今二"啲壽司好好味又有創意！ 今日約定佢收工一同去晚餐。七點來到已經九成客滿，店嘅內外裝潢都好有特式。 等左一陣先有位，一坐低即刻Order，menu上好多選擇;刺身，壽司，卷物，沙律，前菜小食，鍋物，炸物，串燒，飯類，麵類，燒物，甜品，食品……等。食物啲名仲改得好特別！先來個日本溫室南瓜沙律 $ 55顔色好靚，黃色沙律醬有粒狀南瓜，洋葱，車厘茄，蟹籽，沙律菜……等。啲南瓜好粉嫩，好甜，好好味！海膽壽司 $108好鮮甜嫩滑！好新鮮！火山 $ 88真係成座火山咁，下面啲飯團有青瓜，牛油果，非常柔軟，味道好鮮美，上面有蟹柳，帶子碎混和沙律醬，真係好好味！食落份量都唔少，好飽足！日式天婦羅 $ 85蝦好鬆脆，茄子，迷你甜薯好鬆軟！其中秋葵天婦羅仲有魚肉嘅餡料，好味！食完之後非常回味，壽司嘅調味好好！口感暖綿綿，由於係飯所以好快飽，但有好多好有創意嘅卷物都未試，唯有留待下一次再試！

This restaurant is suggested by my friend. We went there on weekday dinner time, quite many people and luckily we made reservation on OpenRice beforehand. We ordered two type of sushi roll, one is fried prawn roll, another one is salmon fried crab too. Both the sushi roll didn’t disappoint us, fried prawn and fried crab are crispy and juicy inside. The onion beef is normal. Highly recommend the sushi roll

古今二特色新派日本菜是日晚餐時間經過觀塘工廠區，之前都有留意過有特色的餐廳選擇係工廈開，今晚終於可以順路試試。哩間叫古今二地點非常方便易搵，地點正正就在觀塘地鐵站旁，客𨋢一上已經搵到，座位相當闊落舒服。打開餐牌見到好多卷物，所以立即試試！煙花 $95 用上辣味三文魚、吞拿魚蓉放在卷物之上非常惹味，還好有創意地加薯片。幾款壽司中我最喜歡這款。青龍$98 牛油果上面加上蟹柳、鰻魚卷物鮮而不膩。日本溫室南瓜沙律$55南瓜片加上南瓜蓉、蔬菜、洋蔥食得出好新鮮。日本南瓜特別甜，非常推薦！燒粟米$35有椒鹽味道既燒粟米，好惹味。鹽燒活鰻$78魚皮燒得香脆，輕輕加鹽和檸檬汁調味，魚唔腥，好味。日式天婦羅$85有三隻大蝦、日式紫甜薯、茄子，炸粉有點多蕉魔$98這款壽司用試甜香蕉，可當甜品食。燒過既的香蕉鋪面，加上芝士、炸牛肉、牛油果，甜酸交纏味道特別，值得一試。

日本溫室南瓜沙律 日本南瓜好甜，仲加左南瓜蓉，啖啖南瓜肉。還加入蕃茄、杏仁片平衡口感同甜度，好好味！分量不多，連平時唔食南瓜既都話好食。係成晚最愛既一道菜。每款壽司都有個獨特名，我們點了煙花、青龍卷、蕉魔，賣碟都有花過心思。煙花(辣味三文魚+辣味吞拿魚+脆片）吞拿魚蓉好豐富，食不出有三文魚，食不出辣味，但我覺得唔辣更夾。滿足到少少吃吞拿魚既味蕾。另外，脆片用品x薯片，有趣！青龍卷(牛油果、鰻魚，蟹柳)近年好多日式店都會用牛油果做食材，我覺得呢款手卷，幾樣食材都好夾，味道可以。兩款壽司相比，我更喜歡煙花。蕉魔(蕉+牛油果+炸牛肉+芝士)食材睇落有甜有咸，我覺得後面三樣食材都叫夾。如果加了香蕉，用平時食法點醬油不太夾。直接食唔加醬油最好。日式天婦羅包括海老、日式甜薯、秋葵、茄子。上碟熱辣辣，好脆，一定好食，如果粉少d會更好～鹽燒活鰻鹽燒鰻魚燒得夠香、皮脆。簡單用鹽、檸檬汁調味已經夠！二條覺得唔夠喉🤣粟米好簡單既食材，一邊燒一邊加類似蒜蓉牛油，燒得好香好好味！呢餐野食好滿意，平均幾樣都好味，仲有其他款壽司要下次再試了！

上次walk in黎等唔倒位今次一早book定枱就係為左食佢嘅卷物同串燒🥰🥰卷物每次必叫金龍卷（炸蝦）龍捲風（鰻魚）每件切得細細件 一啖一件真係食唔停口燒物全部即叫即燒 整體水準不錯 不過都要等十幾分鐘 叫番兩杯啤酒邊飲邊等就啱啱好最推介一定係荔枝豚肉卷 好清新嘅口味但又出奇地夾！雞泡魚乾都係必點 香口得黎唔會燒到乾哂 另外牛舌同雞翼都係燒到好juicy 呢個價錢份量都唔小 串燒每客都係兩串嘅份量兩個人都食到好飽

因為某app有半價嘅關係 尼個weekend就黎左係觀塘工廈嘅尼間古今二度食lunch雖然係工廈入面 但其實都相當方便 地鐵站行一分鐘就到 我地book左下晝嘅兩點 黎到嘅時候都要等位我地就order左芝士年糕 上嘅時候仲要辣辣 新鮮炸起 年糕都煙銀 但係芝士味就唔係太夠之後仲有嘅係牛肉薯餅 餐單上面寫就有四件 嚟到原來係一開四 有少少失望 同年糕一樣都係新鮮炸起 口感酥脆味道唔錯再嚟就係餐廳嘅主打卷物 我哋今次嗌咗龍捲風 入邊有芝士鰻魚 上面加上薯片脆脆 好食 但卷物嘅size比想像中嘅細少少 但都值得一試下一樣就係燒茄子 茄子大條 燒得軟身口感唔錯 但係個醬汁就偏鹹少少啦燒冬菇都好食 有菇味但係個汁就同茄子嘅一樣都係偏鹹鰻魚炒飯非常之唔錯 入邊好足料 有好多粒鰻魚 基本上每一匙羹都可以食到鰻魚粒 好滿足最後就係燒雞翼 雞翼燒得好好 雞皮燒到卜卜脆 雞翼係以鹽燒嘅方式燒 冇之前汁燒嘅咁咸 係可以encore之選因為有半價嘅關係 埋單就折完二百蚊左右 非常之抵食 店員服務都唔錯會主動幫你加茶 總括而言呢間餐廳都值得一試

運動後的今天，我們想找間特別的餐廳以配合happy friday的心情。因此，預訂了這間位於觀塘工業區的特式日本料理店。這間店，我們於兩三年前已曾光顧，對他的食品念念不忘。接近約9點到步，餐廳依舊座無虛席。首先，點了火灸左口魚裙邊刺身（六片，$60）及三文魚腩壽司。火灸左口魚裙邊刺身富有魚味光澤，入口有少許溶化感覺，頗為新鮮；另外，三文魚腩壽司，坦白說，質素比較普通，兩件壽司便需$48，不建議揀選。要說此店最為特式，便是這個壽司PIZZA了($95)，一共有四款口味可供選擇（三文魚、吞拿魚、蟹柳及鰻魚）。我們點了吞拿魚的口味，PIZZA配以薯片醉、特制醬汁及大量吞拿魚粒，餅底更以香炸白飯制成，口味非常豐富！獨一無二，極力推介！不得不提其卷物，種類繁多，可惜的是沒有太多的胃逐一品嘗。我們挑選了＂火山＂($88)，食材有青瓜、牛油果、蟹籽、極大量蟹柳及帶子，再配上大量惹味醬汁，創意及賣相滿分，口感極豐富。無酒精飲料，熱情果芒果疏打($38)就不推介了.....完全無芒果味，而且非常甜。下次我們會再來光顧，目標把所有卷物都一試！

觀塘都有唔少日本野食，今次揀左呢間 出名食卷物既古今二試！餐廳位於工廈內，門面已經玩味十足！好多卷物都好得意，會用平時唔會用，你意想唔到既食材例如士多啤梨😍就算同一樣既食材都會有好多combination，玩味極濃！兩個人嗌得唔多野，試左個signature d 既”富士山🗻”有牛油果、蟹柳、鰻魚同脆片！卷物上堆滿左蟹柳同脆片，嘛咬落口感好豐富🥰 調味岩岩好👍🏻🐡雞泡魚乾味道唔錯，唔痴牙但偏硬少少🐮👅牛舌就... 🤢🙅🏻‍♀️🙅🏻‍♀️絕對唔recommend，係就係好大碟但超級韌，真心咬到口都冤🤦🏾‍♀️豚肉荔枝卷串燒有驚喜😍兩者味道好夾，荔枝好juicy鮮甜，令豚肉無咁油膩👍🏻👍🏻Overall Score: 7.5/10 🌟🌟🌟 🌟

今日接男朋友放學，之後搭車過嚟觀塘食晚飯，揀咗呢間係工廈入面嘅「古今二」！就算係平日夜晚，餐廳都已經好多人，建議想嚟食嘅朋友可以先訂位！我哋叫咗以下幾樣嘢：辣妹（$95）：餐廳出名都係呢啲自創嘅卷物，我哋當然唔執輸要叫返款試試！我哋揀咗呢個叫「辣妹」嘅壽司卷，我特別鍾意佢有啲脆脆係面，食落好有口感！牛肉壽喜燒（$138）：個壽喜燒嘅份量都幾多，我同男朋友食到超級飽！粟米（$35）：呢個粟米有超級香嘅牛油味！正！照燒雞肉串燒（$38）：我鍾意食個甜甜嘅照燒汁！😋虎蝦（$85）：

今日放咗工，上完堂，同女朋友喺觀塘地鐵站附近揾野食，女朋友話想食日本菜，但係又唔想去d傳統居酒屋食，所以就周圍揾下，發現咗依間叫古今二嘅日式餐廳。雖然喺工廈入面，但係好近地鐵站，好方便。餐廳裝修好modern，菜式都好特別，菜名都好新派，好有特式。我地叫咗d燒物虎蝦，好大隻，肉質好彈牙，夠新鮮粟米，好香牛油味照燒肉串燒，個照燒沖好味仲有一個叫辣妹嘅卷物，入面有吞拿魚，炸蝦同芝士，個味道真係一流，好味！最後仲有女朋友好鐘意嘅牛肉壽喜燒，好大碗，好滿足😋

呢間餐廳去過無數次，有時黎觀塘突然就會想食佢。唔知點解次次食日本野都會叫蟹柳沙律，情意結😂，呢間既呢個沙律會加牛油果，啲蟹柳撕到好大條，加埋有生菜係下面，好清新。富士山呢個係新嚐試，上面一層有好多脆片，加上啲蟹柳同壽司，層次好豐富，同埋因為蟹柳既關係，所以感覺好清新。不過其實無留意到有蟹柳，所以連埋沙律，食左好多🤣壽司薄餅呢個又好特別，係煎/炸(?)得好脆既飯餅上面，鋪左鰻魚，其實啲鰻魚好好食，不過整體我就覺得有啲太濃味，不過就好岩食開濃味野既人。整體都係滿意，下次再返黎😋

今次是第二次來吃了，朋友提早訂六點時段所以人流比較好，環境舒服坐得舒適。龍卷風沙律滿滿的三文魚子，蟹柳、蛋絲及生菜在底層，拌勻後燒汁帶出了清新鮮味，這道前菜一流。自家製香菇雞肉丸串燒雞肉和香菇把自家製混合整成肉丸，燒得外脆內軟，每一啖咬落去感覺到豐富肉汁。東京脆爆卷物配料有蟹柳和吞拿魚，加上酸酸甜甜的醬汁，非常有口感而且口味獨特，好美味。青龍卷卷物是用牛油果包裹著鰻魚及蟹柳，面頭再加上鰻魚汁，牛油果清新。富士山滿滿的蟹柳絲和脆片灑上面頭，內裡有牛油果和甜味醬油燒鰻魚，口感好豐富。熱情果芒果沙冰兩種生果口感帶出味道鮮明, 酸酸甜甜令人感到好開胃醒神。

觀塘工廈出名多好餐廳，上週末跟朋友來到以卷物刺身聞名的古今二晚餐，感覺食物選擇比以往更多元化，加添了不少小食串燒熟食等等。我倆先點了日本溫室南瓜沙律，南瓜蓉加上蔬菜蕃茄配搭特別味道惹味。然後有店員推介的自家製香菇雞肉丸和是日精選燒虎蝦，味道不會比刺身卷物遜息。重點當然是特色卷物，款式選擇多不勝數，先來以炸蝦卷加上三文魚刺身製成的金龍卷，還有吞拿魚蓉加上脆脆的煙花卷，兩樣都新鮮好吃之餘，設計也有心思。

跟朋友說起觀塘好食的地方多在工業大廈裡總是難找; 工作在觀塘的她就說今天要帶我來探探秘觀塘工業大廈四期裡的古今二日食小店選擇非常多, 刺身壽司外, 還有很多不同配搭的自家卷物, 非常合口味差不多每枱都見客人點的龍卷風沙律, 大量的蟹柳及蛋絲, 調味好好, 就算吃到下層的菜絲沙律仍然美味, 不會干巴巴的東京爆脆裡面的是吞拿魚及蟹柳, 材料雖然簡單, 但廚帥的調味又一次證明非常出色青龍卷外層一片牛油果, 再加鰻魚及蟹柳, 材料跟另一款有相撞, 但吃來發現將牛油果放在卷物外邊跟裡面, 是會有很不同的口感富士山驟眼看不知是什麼, 原來有牛油果, 鰻魚, 脆片及蟹柳, 四樣都是非常喜歡的口味, 尤其是加了脆片, 一啖一口吃不停 香菇雞肉丸串燒熱情果芒果沙冰, 意外的好味, 兩種生果的味道鮮明, 而且放了好一會沙冰也沒有溶化很多, 非常讚賞

同朋友嚟到呢度一試佢出色的手卷！確實有好多不同的選擇，有火龍卷，彩虹卷，芒果卷，乜嘢形式的卷物也有。仲有東盤，例如薯仔沙律，沙律，南瓜沙律，真係乜嘢都想試晒哦！當然仲有全消啦，我哋試咗虎蝦，雞軟骨串，都很好味，大班朋友仲可以試晒佢唔同嘅燒物添！waiter 的態度也10分好，他會為我們介紹不同的食物，例如今天精選，食物都很新鮮，下一次可以嚟試一試刺身，真係諗起都興奮哦。真係要一讚佢哋無限嘅創意，因為壽司種類繁多，每一樣都有佢嘅特色，例如擺墨西哥脆片，焗的卷物都好特別