博多拉麵別天神 (已結業)

又去咗黃埔探朋友，順便一起吃晚飯，佢話最近別天神開咗新店在附近，不如就食這店別天神套餐包一個拉麵同一個小食，拉麵有豚骨湯拉麵和蝦味噌豚骨湯拉麵可以選擇；而小食則有小龍蝦沙律和餃子可供選擇作為博多拉麵店當然採用九州的直身幼麵，麵身爽口彈牙，個人覺得快食麵身口感更佳豚骨湯拉麵 - 豚骨湯底配以叉燒、木耳、糖心蛋！湯底濃郁，配以木耳增加了不少口感，叉燒上前先用火槍燒過蝦味噌豚骨湯拉麵 - 豚骨湯底加入蝦味噌，湯濃而不鹹！櫻花蝦配上蝦味噌，令蝦味更濃，而粟米就能增加口感整碗拉麵嘅口感小龍蝦沙律 - 沙律中有小龍蝦肉和蟹子，蟹子卜卜脆，用紫菜包住食，口感更好，非常好味餃子-底部非常香脆，肉餡多汁，配埋餃子醋食味道更佳佢哋做緊五周年優惠，將相放上網仲有毛巾送

每年返日本鄉下都2-3次，有時候想在香港搵正宗日本拉麵食下頂癮，今次嚟到呢間博多拉麵店，再次品嚐到正宗日本拉麵嘅味道。套餐已經包括沙律、小食及拉麵，只需要$105，都算幾抵。座位擺設都好有日本拉麵小店嘅風格。小龍蝦蟹子沙律，啖啖龍蝦肉，好鮮甜，包住紫菜一齊食會更加夾。餃子都係日式風味，水準合格。豚骨拉麵有一個香濃嘅豬骨湯底，味道唔會太鹹但夠濃厚，拉麵爽口彈牙，日式叉燒混合左少少中式做法，有一面叉燒係煎香左再擺番落個麵到，令到叉燒更香滑而唔會太肥膩。蝦味噌豚骨拉麵嘅湯底俾純豬骨湯底更香，加咗蝦嘅香味層次更豐厚。我個人比較喜歡蝦味增湯底。

肚餓落街🐷啪返碗拉麵先🍜豚骨湯麵🐖加半熟蛋🥚乳白色湯底 濃郁既豚骨味☺️叉燒有焦香味😍😍😍拉麵🍜麵質軟硬適中❤️❤️❤️加埋香口既香蔥 半熟蛋正😋

成日收工行過，見到同拉打合作時都已經吸引左我，而今次黎仲有一個重要原因係，牆上有連儂牆，想寫什麼心聲都可以貼在牆上簡單兩款拉麵，選擇了蝦味噌套餐，差一點的價錢，套餐有埋最重要的溏心蛋，和2選1 餃子或明太子沙律拉麵到前餃子先到，簡單的日式餃子，肉餡飽滿而皮薄，咬落還有肉汁滲出，當開胃小食也不錯重點的蝦味噌拉麵，滿滿的櫻花蝦係表面，飲啖湯濃濃的蝦味，亦有他們自豪的豬骨湯味，令人食指大動，叉燒是薄款，輕輕烤過，令肉更香，簡單好食。

豚骨拉麵&蝦味噌豚骨拉麵-豚骨湯味道濃厚，麵質彈牙。滑喉可口。叉燒味道香口。流心雞蛋重質重量。入口美味甜美。另一碗蝦味噌豚骨拉麵添加了蝦米乾。使到成碗豚骨拉麵更添精彩。完全同原味豚骨拉麵好誓言不同。入口香口。令湯味更濃。更加有搶喉刺激感。

今日同朋友又走咗去我哋嘅飯堂 別天神食麵佢一等一既良心小店仲有良知嘅人我一定會撐佢叫麵好簡單 只需要喺前面自動售賣機度用八達通嘟就可以.💟豬骨濃湯拉麵係用純水同豬骨淆成嘅豬骨湯非常之甜 煮成奶白色 好濃沃麵煮得啱啱好 唔會太諗有木耳粟米 口感豐富最正係叉燒用火灼過 勁香 配料勁多同一蘭得兩塊薄叉燒仲要冇燒過簡直天堂同地獄嘅比較💟蝦米豬骨濃湯蝦加咗落去豬骨湯度更加鮮味會食到有好濃烈嘅蝦味本身已經有木耳粟米配埋蝦成碗面好靚 令人食指大動💟餃子佢嘅餃子好似日本大阪王將一樣皮薄餡靚又勁多汁好juicy 煎得外脆內軟勁好味！！

再次來臨位於紅磡的博多別天神拉麵，位置比接近港鐵站，大約只需要5分鐘路程。餐廳裝修跟另外一些分店都差不多，是跟隨日式風格裝修。門面有着跟日本一樣的自動售賣機，當中有不同的套餐選擇，點完餐後，那張印出來的單，找個位置坐下來，就可以享受美食。跟上次一樣，今次點了龍蝦沙律，這個小食十分出色，令人一試難忘。當然主席的面積有着濃厚的豬骨湯底味道，是這間日式拉麵店的主打菜式。加上又着自選味道的選擇，能夠跟着自己的口味調配調味料，非常窩心。價錢方面只是日本拉麵店的價錢，性價比十分高

第一次食別天神 原來分店都幾多經過紅磡見唔洗排隊 就試一試下單是用自助機器 有點像日本拉麵店.別天神豚骨湯麵🍜嘩 超級濃超級滑 成碗飲哂呈奶白色 有一刻諗到底有冇加奶係香港好少吃到這麼高質的豚骨湯底另外叉燒都好滑唔乾身 帶有焦香味味玉滑嘟嘟 蛋黃呈啫喱狀 不錯一定要加別天神芝麻 好香好好吃.小龍蝦沙律🥗好似一粒巨型龍蝦丸 很可愛飲落啖啖龍蝦肉 仲可以用紫菜包住.友人就叫左蝦味噌豚骨湯麵🦐我就冇食到 但聞到好香的蝦味佢嘅評論係濃郁蝦湯底 麵質爽 蛋夠滑大家都一樣覺得叉燒好出色 喜歡其焦香味.餃子🥟四隻正常水準 跟餐叫好抵食

支持黃色小店博多拉麵🍜別天神在香港有很多間分店但質素並沒有愈做愈差 保持到水準牆上還容許食客貼上自己的願望心聲休息是為了走更長的路 要吃飽一點.蝦味噌豚骨湯麵🦐個人很喜歡這樣的湯底 有蝦的香味卻不會死咸同時帶有豚骨的味道 兩者平衡得宜特別要讚一下別天神的拉麵 口感爽又能掛湯.套餐配小龍蝦蟹籽沙律🦞很有驚喜的一個小菜 跟餐吃很花算真的能吃到一隻隻的小龍蝦肉和大量蟹籽用紫菜包著來吃 豐富了味蕾和香氣.別天神豚骨湯麵🐖不誇張的說 這個豚骨湯真的呈奶白色拍了幾張照片 湯面便呈現出一層薄薄的衣味道十分濃郁 喝完很久也沒有感到口渴(不含味精)特別要推薦這裏的叉燒 跟坊間吃到的不太一樣表面炙燒得香脆 帶有微微的焦香 肉質卻不會乾和硬.套餐配餃子四個🥟平時的我不太喜歡日式餃子 怕太油/太硬但這個就煎得剛好 微脆又不油膩 饀料又挺飽滿.這裏是自助下單的 十分方便只要在門外挑選想吃的食物和付款p.s. 如果想付現金的話 請找店員協助上菜速度快 可以說是快靚正👍🏻

過黎黃埔行街，順路食埋拉麵先返去。【別天神套餐】$105成個湯底口感好奶滑，淡淡既豬骨香，吾會一股勁油膩既感覺。【蝦味噌套餐】$115散發濃濃蝦香，鹹香鹹香卻吾會死鹹。麵條幾有咬口，掛湯能力就一般；糖心蛋入味之餘，仲幾有蛋香；叉燒好有炙燒香。套餐兩款小食中選其一。【餃子】4隻餃子普普通通，但加左啲醋既醬油，味道昇華哂。【小龍蝦蟹子沙律】甜甜地既沙律醬撈埋粒粒蟹子同龍蝦肉，拎埋紫菜包黎食。有得儲印花換幪面超人周邊產品，對女性黎講真係無乜吸引力。

先入到黎，見到自動販賣機，同一排座位，感覺真係好似日本嘅拉麵店。叫咗兩款原味拉麵，睇到座位前嘅教學，可以調配超濃或超辣嘅口味。喺加調味之前，決定先試下佢原本嘅湯底，一飲落去奶味好濃， 10分鮮甜，而且唔會口渴，相信真係冇乜味精。叉燒都好味，然後我最鍾意嘅係佢嘅流心蛋，一開二，，仲有啲蛋漿流出黎，而且隻流心蛋好濃味，配上拉麵食果然一流。然後仲叫咗餃子，餃子有港式風味，喺出面都未食過。之後仲有個蝦肉明太子沙律，先讚嘅係佢紫菜仲好脆，唔會軟。

放工後和媽媽在黃埔覓食，媽媽想吃拉麵，於是上網查後就選了這間。款式不多，只有兩款拉麵，兩款小食。呢間拉麵店好似日本既拉麵店甘，自助購買，自己係自助機點餐，然後比單店員，入座等吃我和媽媽都點了套餐，各款一樣。豚骨拉麵🍜湯底十分濃郁，食得出係用了好多豬骨去煲，而宜吃落不覺得咸，調味剛好，而豚肉有兩大塊，吃得到有微微既炭燒味。蝦味噌拉麵，拉麵上有一大堆櫻花蝦，令拉麵多了一股咸香味流心蛋真的好好味！呢個沙拉好特別，內裡有好多虾包紫菜食真係一流，堆介。餃子🥟

週末收工同老公去紅磡揾食，經過民泰街，見到博多拉麵別天神，門前放有一幅拉麵餐牌，睇到拉麵突然好想食，就同老公入座。麵店地方不大，設計就像日本的麵店，店內一排像吧枱的座位就是日本拉麵店的特式，在門口位有自助售票機，買完票就入去找位坐下，等待侍應將拉麵送上。枱上放有清水和調味品給客人享用。豚骨湯麵：湯底超濃郁，店內寫住超濃白湯是用百分百豚骨加纯水，用壓力鍋長時間熬製，不加味精和乳製品成分，所以味道特別鮮甜，拉麵軟硬適中，豚肉义燒不油膩，瘦得黎不鞋口又入味，流心蛋又香又滑，木耳絲爽口，多重口感甚美味。蝦味噌湯麵：湯麵加多了櫻花蝦，本身鮮味的湯底更加鮮甜，添加了香蔥花和清甜的粟米粒，又是另一番風味。餃子：日式煎餃皮薄，底部微蕉甚香脆，餡料都有鮮味。小龍蝦蟹籽沙律：呢個好特別，小龍蝦肉和蟹籽混合沙律醬，再用紫菜包住食，有多重口感，十分美味！

去完日本一直對ramen念念不忘，係香港搵到間好食又正宗既拉麵唔係咁易，呢間拉麵鋪係老公食完又食既鋪，今晚又再黎支持下！🙂佢食既係豚骨拉麵，而我食既就係蝦味噌拉麵。👍🏻係人流唔係最旺既時間黎食既好處就係希望快d有得食了，我呢份人好心急😂Ramen Oishi~~😝雖然我唔係特別鐘意食拉麵，不過見到老公食得咁開心，我都一樣開心😃我就鐘意落七味粉，辣芽菜, 仲有芝麻見佢做緊promotion like ig送毛巾😄

前幾晚約左朋友去紅磡搵食。咁岩經過呢間，近排有印象佢有廣告有promo，就拉左朋友入去試試。入到去先係電子屏點菜比錢，之後比單比員工，就可以入去坐定定咁等。拉麵好快就有得食。小龍蝦蟹子沙律 (HKD35)蟹子沙律就同平時食到嘅味道一樣，唔淡唔濃岩岩好。但特別之處佢係啖啖都係肉，肉大大粒，唔同入口即溶嘅感覺，好有咬口。豚骨湯麵 (HKD75)乳白色的湯底唔咸，加埋佢推薦的加拉麵汁+豆牙+蒜蓉真係變左濃湯好好味（建議食到中途先落，唔係都好膩）叉燒切得薄口感好好易咬，軟硬適中的真正拉麵口感彈牙份量多，食得好飽。1隻是流心的蛋+大量香蔥和木耳，幸福度滿滿蝦味噌豚骨湯麵 (HKD85)湯底係白湯為主，但帶有櫻花蝦咸香，味道非常清新。食到中途再加佢教嘅濃湯，又完全係另一番品味，非常重口味，湯底變得更加濃郁入味。值得一讚係，佢嘅拉麵係幼身個種，雖幼，但拉麵應有嘅韌性保持到。同樣係有1隻是流心的蛋+大量香蔥和粟米餃子 (HKD35)餡是菜及豬肉，點上酸餃子汁去油感，味道好正。餃皮煎得剛剛好不會太燶，唔乾身，軟軟地。