博多拉麵別天神 (已結業)

記得以前常到這區遊玩，有過一段很美好的少年回憶，現在重遊舊地，感慨萬千。慶幸光顧了這家屬於香港人的日式拉麵店，心靈也算有一點點慰藉。同我之前去日本光顧的拉麵店一樣，自己在門邊的自助購票機點餐付款後交俾店員，選擇自己喜愛的座位，便可慢慢等待食物送上。進入店內，看見到牆壁上的memo，真的令人感動又激動。香港這個家，心痛得不能言語。在這個艱難的時刻，突顯香港人渴望自由民主的心，也突顯香港人是如此的高質素！天佑香港。日式煎餃子，每隻餃子🥟都煎得很香，度脆裡面肉香，配合日式豉油很不錯。龍蝦沙律配紫菜，真材實料啖啖龍蝦肉，利用紫菜包住入口，很完美，美味。每碗拉麵都份量十足，每碗湯底和食材各有特色。這碗是招牌別天神臀肉拉麵，濃濃的豬骨湯底，加無敵好味的溫泉蛋，流心超正！大大塊的臀肉唔洗追加都夠晒食，好香好嫩好腍身。朋友點了櫻花蝦湯底的拉麵，夠哂海鮮風味。醬料配料任加任食，最欣賞就是蒜蓉，再加點七味粉好味到一個點。這份晚餐很滿足，離開餐廳又要再繼續面對眼前的挑戰。深信香港人擁有獅子山的精神，不屈不撓！

夜晚朋友話想食拉麵，見到別天神冇人就入咗去！可能早到所以冇乜人~叫咗個別天神套餐同埋一個蝦味噌套餐！套餐可以揀四隻煎餃或者小龍蝦蟹籽沙律，所以決定每樣各一😆個人覺得別天神拉麵湯味10分濃郁，又唔會太咸，豬肉肥瘦亦剛剛好👌🏻我最愛是流心蛋😍一入口濃郁的蛋漿流入口中，為這碗拉麵添加了不少分數。另一款櫻花蝦拉麵，除了多了櫻花蝦外其他材料都是跟別天神拉麵一樣，不過櫻花蝦的味道真的令這碗平平無奇的拉面錢錦上添花，味道比起别天神拉面更加好味🥰沒有想把湯喝光的衝動🤤總括來說，環境衛生，但只能坐吧枱~來食物的速度也不快不慢，6:30過後會開始越來越多人🤭食物不錯，一個套餐一百多，還可以吧🙈

又係依間博多拉麵別天神！之前都有介紹過🤩依間係黃色餐廳，可以支持下😍-蝦味噌豚骨湯麵🍜（ $85）依個蝦味噌豚骨湯麵都幾好食，有櫻花蝦🌸，幾片薄叉燒，紫菜，蔥和粟米，櫻花蝦味幾好，湯底好濃郁，飲苦唔會好鹹，而拉麵幾彈牙，不錯😍另外，餐廳會提供辣芽菜，超好食，有少少辣，十分惹味，食唔停口😘-Name🏠: 博多拉麵別天神  BetsutenjinLocation📌:紅磡民泰街6號地下（港鐵黃埔站 B 出口, 步行約3分鐘）價錢💰: 蝦味噌豚骨湯麵🍜（$85）-

之前到過尖沙咀別天神，一試難忘，超級好味近來先發現屋企附近都有一間，心想水準應該一樣，滿心期待！叫左個$115櫻花蝦叉燒拉麵套餐，有一碗蛋叉燒蝦拉麵加一碟5個日本餃子。上菜很快，餃子味道同口感不錯，當見到碗麵時，發現碗麵個兩塊叉燒肥到透光，無錯，係兩塊都係好肥，跟本同食肥豬肉一樣，唯有硬著頭皮問問可唔可以換過兩塊！？佢地即是表示話塊塊都一樣肥，無得換。即時覺得超失望，感覺超差無想過，客人主動表示食物有問題時，會如此看待

又到星期五見女朋友既時間，今日約左佢係諗黃埔行街街。行到咁上下，我同佢都覺有哦肚餓，咁就由aeon行留去紅磡附近搵野食。由於之前我有係紅磡附近番學，所以搵食既任務就交俾我。由於我同佢都不約而同咁想食拉麵。咁岩行到附近有間別天神拉麵，之前尖沙咀食過覺得幾眠好食，所以就二話不說就入去食。先講鋪入面，坐位唔算多，大概得14，5位到。但好彩我地去到既時間都尚早，唔洗點等就坐得入去。今次叫左個豚骨拉麵同蝦味㬝拉麵，另外我仲叫左個蝦沙律同4隻餃子一齊share食。順便一提，佢提供左幾志種調味料俾大家選擇，另外仲有紙巾放左係頭頂既位置，一個幾窩心既設計。等左一陣，好快就黎齊曬啲野食。豚骨拉麵同上次食一樣可以保持到水準，非常之濃既豬骨湯底，再配上軟硬適中既拉麵質地，爭啲忍唔住叫多個替玉食。佢兩塊叉燒，厚度適中，唔會太肥唔會太瘦，正！食呢個我都會推介大家加番啲芝麻落塊，會令到個湯底更加嘢味！而另外蝦味㬝拉麵都非常之濃蝦味，拉麵面曬有蝦干，濃濃既湯底配上拉麵，令人停唔到口，飲一口湯食一啖麵，好快清左碗拉麵。女朋友仲大大力推介佢地隻溏心蛋！之於個蝦沙律，女朋友話用紫菜包住黎食非常之好味！而我個餃子就正常發揮

今期流行食，朋友帶路返工前食飽飽。有客人意見願望牆，情侶、朋友、家庭都嚟食。L型一條，有家人5個人都嚟。別天神套餐 $105係枱前有教點落醬會食到特濃or特辣味道。我選特濃，一口蒜味，哈哈！辣芽菜對我嚟講有中辣，落少少就好。反而拉麵汁有重手落，落左添鮮又唔會好咸！叉燒軟加鬆！特別，整件由內到外軟加潤。蝦味噌套餐 $115蝦味噌拉麵湯底超有蝦鮮濃味道，我應該選依個！我諗住第一次食食原味嘛，點知更應該食蝦。麵底外，配菜有粟米、櫻花蝦、蔥同流心日本蛋。流心蛋好流心，橙黃色同無有時拉麵店會食到既腥味。兩個湯底食完之後一整晚都無追水飲，真無味精！支持！因為叫套餐嘅關係，所以每人都配一份小食。小龍蝦蟹子沙律 配紫菜食有如食海膽，風味十足。有芥末味道但唔辣。單食沙律芥末重，加紫菜就多左重脆鮮。餃子菜肉餃子一定無錯，煎餃子🥟皮薄肉鮮。自助付款，日風。

聽聞別天神的拉麵很不錯，想試好久了😋知道是黃店更要大大力支持💪🏼凡惠顧送RFID卡套，好貼心的禮物啊💕還有願望卡..給你寫上期望👍🏼最貼心是頭頂有tempo紙巾，從小處更見細心位#蝦味噌套餐配小龍蝦蟹子沙律 $115跟日本一樣，先點菜付款後才座入店內，見到有蝦味噌😋唔駛諗😍套餐不止有叉燒，還有半熟蛋及小龍蝦蟹子沙律才$115！抵吃👍🏼先來了小龍蝦蟹子沙律，清新開胃，還附有爽脆紫菜夾著吃小龍蝦鮮美，蟹子脆卜卜，口感及味道水準皆高！推介💕再來了拉麵，可跟據自己喜歡的口味加入七味粉、蒜蓉及辣芽菜任添😋辣芽菜惹味，加入拉麵喝口湯，粉紅色乾蝦鋪滿整碗麵，湯底味鮮不過咸！拉麵是近似一蘭的幼麵，需掛湯力不夠粗麵，但口感也不錯不會過軟。兩大塊叉燒也算厚身，加上半熟蛋很滿意😋常常說要多多支持黃店，好吃的更要大大力懲罰！一定會再來🥰..📮地址: 博多拉麵別天神 (紅磡)紅磡民泰街6號地下☎電話: 34881301

真係好中意食別天神d拉麵，無味精得黎，好多地方有分店，每間店既設計都好貼心，有曬tempo紙巾，茶水任添。而且有許願貼紙牆，真係好有特色🤩慣例叫曬兩款小食，發現小龍蝦蟹子沙律🥗呢間味道少少唔同，好似多左芥末味，不過鮮味依然，膠質都係咁彈牙。蝦味噌豚骨拉麵🍜朋友落左激多蒜蓉落去，重口味既一定要試，味道濃郁～豚骨拉麵叉燒好味，湯係乳白色，呢個價錢絕對係一碗above average 既拉麵，當然叫埋套餐最抵！都係$105😎每碗拉麵都有味付玉子，整得甜味又唔會腥，每次食都好滿足，最緊要係湯無落味精，飲曬都唔驚😂👍🏻今次兩個女仔一齊食都叫左套餐，差d食唔曬。大家唔好好似我地咁眼闊肚窄😂

一直都聽到有人推介別天神拉麵。咁岩發現原來佢有分店喺紅磡。今日丫女係附近學嘢，放低佢即刻去試下。店舖唔大，唔多位置，不過座位同座位之間都幾寬躺，都坐得幾舒服，去到時已經開始多人，坐低之後出面直情已經開始排隊等位，建議大家唔好喺午飯時間去食，早少少去攞定位先。我叫左個別天神拉麵套餐。一碗拉麵同四隻餃子。價錢$105都唔算平。雖然啲嘢食都幾好食，但係如果比我再揀，我就覺得試一次就可以了。拉麵，湯底幾濃味，不過唔算太咸，超中意食流心蛋。面嘅份量都唔算少。拉麵有咬口，真係幾好食。餃子有四隻，上枱時有點涼了，熱少少會好啲，可能係因為食完拉麵咁濃味嘅嘢，再食餃子覺得唔係幾夠味，爭少少甘。

上次食過博多拉麵別天神尖沙咀店後，就一直念念不忘佢既豬骨湯底，今晚黎到黃埔見到原來有分店，趁時間尚早，未見排隊人龍，即刻入內試試水準係咪同尖沙咀店一樣～店舖比較窄長，採用bar枱設計，位與位之間唔會覺得迫，感覺舒適。使用自動售賣機自助點餐，加快成個點餐流程，之後坐底拎張單比店員就可以～拉麵只有兩款供選擇，另外加左餃子同小龍蝦蟹子沙律，咁就可以試勻間店既野食啦～別天神套餐 HK$105豚骨湯麵+餃子四隻奶白色既豚骨湯底富含膠質，撲鼻而來既香氣濃香誘人，直細麵清爽可口，叉燒厚薄恰到好處，再配半凝固既溏心蛋、爽脆黑木耳絲同蔥花。餃子剛煎好熱辣辣上枱賣相吸引，細細隻好精緻，岩岩好一啖一隻。蝦味噌套餐 HK$115蝦味噌豚骨湯麵+小龍蝦蟹子沙律蝦味噌豬骨湯麵湯頭口感順滑粘稠，加入蝦味噌味道特別濃厚鮮香～麵條香滑彈牙，配厚切叉燒、香脆櫻花蝦、蛋香味濃既溏心蛋、清甜粟米粒同蔥花，令人回味無窮～小龍蝦蟹子沙律用紫菜包住嚟食，口感清爽不失鮮味，層次鮮明。食飽飽，幸福感倍增～

呢幾日AEXX感謝祭，特登搭車黎黃埔shopping 😍順便食我最愛拉麵（別天神）❤️❤️今次例牌叫左兩個set, 都係自己係門口部機到落order , 比錢，就會有staff送埋野食黎，水同茶無限refill, 仲有tempo紙巾🧻！ ☀️蝦味增豚骨湯麵$85（+30 有小龍蝦蟹子沙律）☀️豚骨湯麵$75 （+30 有4隻餃子）-呢度嘅豚骨湯底係用白豚骨炮製而成，聽說煲左好多個鐘，所以好濃味，一碗就加$10有櫻花蝦，加左櫻花蝦會香好多，而且我就最中意加埋芝麻同7味粉，調到個湯底好正 😎😎😍 另外拉麵係幼身麵條，彈牙份量足，好似加底都免費（見到人加），最正係隻糖心蛋岩岩好有流心果然係我最喜愛食肆之一❤️

掀開布簾，就會見到餐廳裡面長長嘅吧枱。我真係好鐘意呢種有吧枱嘅餐廳，因為睇住廚師料理都係一種享受。而且我特別鐘意係岩岩開鋪嘅時候黎，可以避開人潮，好舒服咁食晚餐。一如以往，我同呀妹一人叫左一個套餐。餃子外皮煎得香脆，裡面有肉汁。小龍蝦蟹子沙律用料十足，小龍蝦嘅分量好多。豚骨湯底本身已經十分濃郁，但加上櫻花蝦同味噌，令湯底更加鮮味。拉麵嘅配料亦十分豐富，半熟蛋係我嘅最愛，有時甚至會再加多隻蛋。枱上面有吾同嘅調味料同配菜可以自由配撘，所以每次黎食都會有新鮮感，百吃不厭。

近期要支持黃店，所以今日就黎到別天神幫襯啦餐廳入邊有一塊自家製嘅連儂牆，上面寫咗唔少香港人嘅心願我都唔執輸拎返塊貼紙寫低我嘅心願先，大家又估下我會寫啲咩，兩年後，我希望...好唔講咁多住，食咗個沙律先，入邊係有唔少龍蝦肉架，咬落爽滑彈牙仲整成一個半球體添再叫多咗客餃子，餃子一共有四件，每件都煎到金黃色而呢碗櫻花蝦味㬝湯拉麵，拉麵上有唔少櫻花蝦，仲有好多蔥粒、粟米粒，仲有我最鍾意食嘅糖心蛋添叉燒嘅肥肉都唔太多，啱晒我口味朋友就叫咗另一款拉麵

經典的豬骨湯拉麵真的百吃不厭，早前於另一分店吃過蝦味噌的，但覺得味道還是經典的好，所以這次還是選了豬骨湯底來品嚐。最突出的當然就是濃濃的豬骨湯底，乳白色的，感覺就是滿滿的骨膠原。咸中帶甜的豬骨湯就是美味的來源。配上日式叉燒及溫泉蛋，就是經典不滅的組合。麵的質感也控制得不錯，不會過硬，也不會過軟。美味。另多還要有日式煎餃子，配上獨特風味的室內裝飾，整個人就像置身於日本之中。不但渾然忘我，更叫人可浸淫在不同的享受中。

餓底已是別天神的常客，因為個湯實在太正，久不久就會想飲。這晚一個人在黃埔解決晚餐，又忍不住來了。就像是日本的拉麵店一樣，門口有售票機。餓底食開，這裡只有兩種湯－別天神湯&蝦味噌湯，今晚想飲前者。蝦沙律，creamy，鮮味，開胃！以紫菜包裹著吃更好味！拉麵好快就有得食，加蒜蓉、拉麵汁&芝麻已是指定動作，另外的芽菜、薑、七味粉就是想再濃味些才加。呢間分店既叉燒表面焦焦地，燒得特別好食！麵，幼滑掛湯，一如既往咁正，是幸福的味道😌。店內更有連儂牆，有心！