博多拉麵別天神 (已結業)

未到6點就一早企好等開店，因為太餓了，哈哈！我跟友人一人點了一個拉麵和一份餃子，龍蝦沙律，哈哈！我最喜歡的拉麵就是會附送一個糖心蛋的，我真的明白有些店舖為什麼要加錢才有糖心蛋，拉麵不是包含一個糖心蛋的嗎？所以店員送上拉麵的時候，我看到一個糖心蛋就非常滿足了，哈哈！我點擊這個拉麵是豚骨湯底的，感覺是用真正的豚骨煲出來的，雖然麵質不怎麼樣，但是湯底還是加了不少分，哈哈！我非常喜歡這個龍蝦沙律，真的有龍蝦在裏面呢，真是意想不到， CP值也太高了吧！煎餃子就普普通通，沒有什麼特別！

相信大家對呢間拉麵店都唔陌生😋 鍾意食呢度嘅拉麵，因為湯底夠濃，而且麵質夠爽口🍜吧枱有日式風味，好似日本拉麵店咁。▫️蝦味增豚骨湯麵櫻花蝦好香，另外仲有蔥及粟米粒，仲有一隻糖心蛋，麵質幾好味，夠爽。▫️豚骨湯麵呢度嘅豚骨湯底係冇加味精，新鮮足料，所以特別香，食得健康。▫️小龍蝦蟹子沙律紫菜好脆，可以包住啲沙律一齊食，龍蝦肉有咬口，夠凍，好食。▫️餃子味道正常，相對地冇乜特別，點餃子汁味道不錯。..

呢間別天神同尖沙咀果間風格好唔同，環境有日本風格FEEL，地方唔大但上屋台式設計，乾淨簡單唔花巧，就同呢度嘅食物一樣，只有2款拉麵、數款小食同汽水供客人選擇。門外面有自助售票機，喺螢幕上簡選完食物同比錢之後，把食劵交比店員就可以搵個位坐低等食。枱面有齊調味料（芝麻磨、微辣芽菜、紅色醃薑絲、蒜蓉泥同拉面汁），也有自行店了。餐點十分簡單，只有2款湯麵、數款小食和汽水呢度有一張屋仔紙，比客人寫低佢地嘅願望！好多客人都有寫低佢地嘅願望呢個公仔畫得好靚餃子皮好薄，新鮮即整好味道雪糕球嘅龍蝦沙律，入面有超多龍蝦肉！包埋紫菜一齊食外脆內軟正豚骨拉面材料有日本叉燒、金黃流心蛋、粟米、香蔥、木耳同埋紫菜，拉麵軟硬適中而且彈牙，豚骨湯底味道亦都好濃

餐廳環境好好，雖然唔大，只係得一排凳同一張長枱隔離就係廚房嘅地方，後邊幅牆可以俾人貼紙寫嘢。入到去首先用部機睇餐牌同埋落單，點左別天神拉麵，同埋小龍蝦沙律，仲有餃子。龍蝦沙律配左幾塊紫菜，用紫菜包住沙律食好好食，龍蝦仔有肉配埋個醬又好食。拉麵佢話冇味精，但非常濃郁，奶白色嘅湯有好濃嘅豬骨味，麵嘅份量又啱啱好硬度有適中。叉燒有兩片都係肥瘦適中又唔會好薄。餃子好配拉麵，同拉麵一齊食會開胃，有啲酸酸地嘅感覺但係係好食嘅。佢設計左將盒紙巾放左係天花板咁，幾得意又幾貼心。佢嗰種枱逼你同朋友坐隔離，同一位朋友一齊去食咁樣傾計就都好舒服。

作為拉麵控，每次經過拉麵店都會很心動。有一段時間沒有吃過拉麵了，今晚經過黃埔見到這間餐廳的套餐定價不錯，只是百多塊就有拉麵和小吃，就決定和朋友試一試。點了蝦味噌拉麵套餐（$115）配小龍蝦蟹子沙律和別天神套餐（$105）配餃子4隻。小食很快就送到，想不到小龍蝦蟹子沙律很有驚喜，龍蝦味很突出而且味道新鮮，配紫菜口感豐富！別天神拉麵其實是豚骨拉麵，湯底果然豬骨味濃郁。如果是重口味的食客，可以根據以下指引調配口味。朋友試蝦味噌拉麵，這個湯底加入了栗米調味，較為鮮甜，配合濃郁的櫻花蝦，味道也是相當令人滿意。值得一提是餐廳擺設很有心思，很懂得運用空間，紙巾放置的位置很方便呢。

一人lunch第一時間唸到食bar枱座位嘅拉麵🍜, 黎到黃埔當然target喺黃埔新村內街嗰間”別天神”. 據說拉麵真係非常之”博多”.>日本Style自助售賣機落order, 勝在menu花款唔太複雜, 都係拉麵🍜以及追加小食.>以博多食拉麵🍜n次經驗來說, 別天神價錢非常貼地. 揀左位坐低更感受到店家日式風味: 整潔的Open Kitchen, 抬頭有貼心tempo抹手紙, 各款醬油配料, 茶, 水同杯都ready飲用👍(有啲偽日式料理真係可以水都無杯架)>豚骨湯麵 (HKD75)拉麵🍜賣相靚仔, 見到勁多木耳絲同青葱粒, 稍為夾起睇睇拉麵份量, 不禁暗”嘩”一聲, 份量會食得飽無誤, 然後碗中幾乎蓋過拉麵嘅叉燒, 竟然有如此厚度, 食落口感比較堅實好似BBQ style, 邊邊亦帶點微焦香. 個人認為面前配料嘅辣芽菜一定要夾一箸辣味有驚喜.拉麵🍜嘅口感特別彈牙, 而差啲俾我飲哂嘅豚骨湯底味道真心濃, 以壓力煲長時間煲出黎, 成份只係豚骨+水完全無添加, 係100%天然味道, 推介!

Around 7點幾黎到鋪頭，已經有7-8個人排緊隊等，超旺～我諗呢間鋪一定有佢優點先會吸引到咁多人黎到幫襯👍🏻紅磡區既黎講拉麵價錢唔貴，先係自助機到買飛再入去坐。每次黎食既水準都可以keep到一樣，無走下坡😄豚骨拉麵最好味，食食下蝦味噌也不錯。就咁食小龍蝦蟹子沙律都幾好味，食食下會覺得咸，呢個時侯加埋佢比既紫菜，包住佢一齊食，咁就岩岩好,will come back again 👍🏻👍🏻👍🏻

今晚約左女朋友食晚餐，見到時間尚早，佢又未收工，我去周圍行下。行行下見到別天神剛剛開門，拉麵癮又起，我就入去食個拉麵先。第一個客人，店員服務好細心。我叫左豬骨湯底拉麵。鋪頭主打兩款湯底，有豬骨湯、櫻花蝦湯，我就叫左前者。豬骨湯奶白色好濃香，入口清甜好重豬骨湯味道，拉麵掛湯力非常高而且好彈牙！我超鐘意食溏心蛋，中間溏心度高而且蛋味好重，非常滑溜。叉燒香口嫩滑，入口清甜有肉香。我再叫左龍蝦沙律，夠哂開胃。

黎黃埔見朋友同行街街放鬆下，唸起呢到附近好多野食就周圍睇下，見到別天福醒起之前係其他分店食過幾高質就推介朋友再食，前菜有蟹柳沙律配紫菜，紫菜好爽口，用紫菜卷住啲沙律一齊食超好味，係個個好既開胃菜，而且沙律醬唔會過膩。第二樣配菜我地揀左日本餃子，即叫即煎而且底有微焦同脆脆地，餡料足夠，特別中意佢個餃子洗，酸酸甜甜好開胃，我平時慣左唔沾餃子汁食但今次出奇地喜歡，蝦噌拉麵湯底夠香濃好入味，各項配料份量足夠，個人幾中意中幼拉麵既口感，仲有原隻流心蛋，正！

『別天神拉麵』最近在多區開了分店，作為日式拉麵粉絲的小女子當然不會錯過，這天就來到位於紅磡的分店試試看！店子使用電子版下單及付款，完成後店員便會將食物送上，十分方便。「別天神套餐」就是豬骨湯拉麵加一份小食，先說說拉麵：豬骨湯底用料十足，味道夠濃郁，但又不會覺得油膩；拉麵屬於較幼身的，很掛湯，軟硬度亦剛剛好，帶點彈牙口感～配料方面，义燒是半肥瘦的，而且本身已燒得很香很惹味，溏心蛋亦有流心效果，超級抵贊！另一款選了「蝦味噌豚骨湯麵」，湯底以豚骨配搭香濃味噌，比純豚骨更惹味，加上粒粒蝦米另拉麵又多了一重口感和味道，喜歡湯底較濃味的話一定要試！「別天神拉麵套餐」本身已包一款小食，所以可以不加錢吃到「小龍蝦蟹籽沙律」。看似小小一球內裡其實有不少龍蝦，肉質新鮮爽口，配上脆脆的紫菜來吃超級正，必食！另外點了一份餃子，外皮煎得夠薄夠脆，內餡足，味道雖不算驚艷，但也很美味。老實說本身對『別天神拉麵』沒有很高的期望，但吃完完全覺得是超水準！價錢也不貴，絕對值我再來～------------------------------By alvahana

好耐都冇點食過拉麵 一直都好掛住別天神嘅別天神拉麵套餐今次嚟到美食天堂紅磡民泰街二話不說就入咗去食我一早上左引嘅拉麵套餐✨豚骨湯面($75)一個好濃郁嘅豬骨湯底配上糖心蛋，紫菜，叉燒 正呀 係一個好正宗嘅拉麵感覺啊 拉麵煮得好爽口唔會太林 啱晒我嘅口味✨蝦味增豚骨拉麵 ($115套餐價)配料基本上同豚骨拉麵無異 都係有糖心蛋紫菜叉燒 但係就換上蝦味增湯底 同埋沈上蝦乾係拉麵上 有好濃郁嘅蝦味 鍾意食蝦嘅人絕對唔可以錯過✨小龍蝦蟹子沙律(跟餐)小龍蝦蟹子沙律充滿着一隻又一隻嘅小龍蝦每一隻都新鮮彈牙 配合埋充滿着蟹子嘅沙律味道好Fresh 好好味✨餃子(四隻) (跟餐)別天神套餐仲包括埋四隻爆汁餃子 每一隻餃子啲肉汁都爆曬出嚟 食到我舔舔脷

There are only four Ramen set you can choose here but it’s pretty easy to pick one Prawn Miso Ramen set having good soup here, but I like the thicker ramen one more haa, but here serving the thin ramen so sadI like Hakata Style Ramen set more which having strong pork soup flavor, the pork is kind of good but I like a bit softer Pork dumplings aren’t bad hereLobster salad having really good taste, and you can roll the salad insides the seaweed inside:menu:It’s really so full after finishing the w

好耐之前，同之前男朋友成日去食飯。佢住紅磡，所以紅磡區的餐廳成為左我地既飯堂，我地好鐘意去一間拉麵店食晚餐。別天神，一間我地兩個都好鐘意既拉麵店。分手後成為朋友，今晚我地再黎食個晚餐。我叫左櫻花蝦湯底拉麵。湯底依舊出色，奶白色濃厚豬骨湯底，入口清甜味十足。香濃甘甜，加上大量櫻花蝦，有陣陣蝦香味道。蝦味濃厚突出。叉燒半肥瘦，入口香嫩唔鞋口。拉麵掛湯力極高，入口彈牙！最欣賞溏心蛋，蛋味重。龍蝦沙律非常開胃。

仲記得以前係尖沙咀返工好鍾意食呢一間拉麵店，今次嚟到紅磡竟然比我撞到佢，二話不說就衝入去又食過啦而家已經進化到要用食券機買拉麵，真係越嚟越日本風啊朋友叫咗個豚骨拉麵！面嘅質素一如既往嘅好，仲可以揀粗幼度，而最抵讚當然係隻糖心蛋啊重口味嘅我就叫咗蝦味增豚骨拉麵！好耐冇食過櫻花蝦啦！湯底好夠味配埋拉麵真係好出色啊餃子新鮮熱辣整好！最抵讚當然係呢個小龍蝦沙律啦，呢間鋪頭咁深得我心都係因為佢咋，用紫菜包住佢黎食真係勁好味呀

今日同朋友聽演唱會之前，行開紅磡想食少少嘢先， 咁我哋想快少少食咁就揀咗別天神拉麵嚟食。我哋order咗兩款唔同嘅小食: 小龍蝦蟹子沙律同埋餃子。 小龍蝦蟹籽沙律作為一個餐前小食我覺得都算唔錯因為我都食到入面有少少龍蝦肉 同埋配搭埋塊紫菜撈埋一齊食、 感覺幾新穎。 至於餃子餃子皮薄餡靚，我覺得都煎得唔錯。濃湯豚骨拉麵:豬骨湯味都幾濃郁，佢嗰啲湯， 入面都已經凝結咗一層豬骨精華， 嚟之前一定要飲咗湯先， 個湯真係幾好飲，再加埋佢個拉麵， 都算軟硬適中 ，同埋都幾彈牙， 同埋佢塊叉燒亦都燒得唔錯，所以呢個豬骨拉麵 我覺得都可以媲美日本嘅拉麵。櫻花蝦味增拉麵： 呢個櫻花蝦佢其實個湯底就比較濃味一啲， 雖然同我碗豬骨湯麵有D唔同，但拉麵面質都ok ，湯底我覺得比較濃味，鍾意飲濃味湯嘅朋友可以試下呢個櫻花蝦拉麵。其實呢間嘅拉麵店，我覺得溏心蛋煮得幾出色，因為係以半熟嘅狀態煮出嚟。 所以如果鍾意食拉麵嘅朋友可以試下別天神。