博多拉麵別天神 (已結業)

每年返日本鄉下都2-3次，有時候想在香港搵正宗日本拉麵食下頂癮，今次嚟到呢間博多拉麵店，再次品嚐到正宗日本拉麵嘅味道。套餐已經包括沙律、小食及拉麵，只需要$105，都算幾抵。座位擺設都好有日本拉麵小店嘅風格。小龍蝦蟹子沙律，啖啖龍蝦肉，好鮮甜，包住紫菜一齊食會更加夾。餃子都係日式風味，水準合格。豚骨拉麵有一個香濃嘅豬骨湯底，味道唔會太鹹但夠濃厚，拉麵爽口彈牙，日式叉燒混合左少少中式做法，有一面叉燒係煎香左再擺番落個麵到，令到叉燒更香滑而唔會太肥膩。蝦味噌豚骨拉麵嘅湯底俾純豬骨湯底更香，加咗蝦嘅香味層次更豐厚。我個人比較喜歡蝦味增湯底。