十里洋場 (裝修中)

車媽媽偷懶了好幾天今日終於蒲出來見大家啦！這麼久沒見當然要帶大家去吃些特別的東西吧！例如中式下午茶夠特別了嗎？相信大家也見過我曾經在十里洋場吃過一場中式的下午茶，相隔數月再次來到為的是新出盛夏淮陽下午茶。今次這個盛夏淮陽下午茶套餐是由淮掦小品、精美點心、脆皮煙燻BB鴿、主食及滋潤飲品組合而成，售價非常吸引每客下午茶套餐兩位用只需＄338，連同茶芥加一也只是218/位CP值挺高耶！喜歡凍飲可選透心涼的楊枝甘露，另外還有三款滋潤的熱暖特飲，當中包括有菊花蜜桃柚子蜜、紅棗圓肉杞子茶，及我選的麥米薏米檸檬水。這杯麥米薏米檸檬水喝下味道很足，而且有清熱利尿能改善水腫和排毒的功效，最喜歡的是喝罷我眼袋也會縮細不少呢！下午茶以兩個大蒸籠盛載著上檯，以下一籠內分別有女兒紅醉雞、四喜烤麩、水晶肴肉、三色醃蘿蔔、黑松露珍珠燻溏心蛋及麻辣順風等六道經典涼菜，另外還有惹人垂涎的煙燻BB鴿。另一籠則放上了鮑魚火腿酥、薺菜鮮蝦餃、炸芝麻湯圓及橙酒桂花拉糕，當中鹹甜兼備照顧到不同愛好的朋友。先品嚐以台灣心裡美蘿蔔泡製的三色醃蘿蔔，口感爽脆酸甜度剛剛好很是開胃，接下來嘆上一件女兒紅醉雞皮爽肉嫩加上香而不俗的酒味質素很

之前都系食西式tea，今日老婆book左淮揚下午茶，性價比很高覺得比較西式tea-多選擇，-有熱已有涼菜正面的評語是-裝修舒服，仲有中式音樂。-防疫基本都做到（濕紙巾，口罩套，檯與檯距離）-85%以上食物是4星或以上改善的地方-蒸的點心皮都是又黏口，又一pat野包括蝦餃皮，雲吞同埋湯包前菜-醉雞酒香很濃，雞也滑-黑松露熏溏心蛋是剛剛好半熟，煙燻味很濃，加上黑松露，真的絕配-肴肉有火腿香味-麻辣順風正常-醃蘿蔔正常-烤麩正常點心-薺菜蝦餃的蝦很大很有蝦味，但蝦餃皮就是和其他蒸的點心皮一樣，又黏口，又一pat野-炸芝麻湯丸很香的芝麻和炸得不錯-鮑魚火腿酥只有一小粒可能系鮑魚的，但真系所無火腿味-橙酒桂花拉糕系比較差的一個點心，煙燻BB鴿做得幾好，起碼比剛剛食完的楓X小館好很多，特別是用煙燻的方法。酸辣湯雲吞真系同其他上海鋪吾同，很有醋香味，但雲吞皮有上面提過的問題。蟹皇大湯包的湯已經不多，上檯已經穿左漏了很多，仲有系無蟹味和肉味，皮就不再說啦。紅棗元肉杞子茶正常檸檬薏米水正常。

黎開呢邊見客,順便約朋友食個lunch,想食返好dd生中菜,黎到呢間十里洋場,雖然個名我都諗唔通點解。裝修係好典雅,好有氣派,一入到去估唔到咁多人,好彩一早預約左!蜜汁脆黃膳一d都唔覺得係膳,好脆口好似薯條咁,配上蜜汁酸酸甜甜,幾開胃不過有d硬身,老人家就唔係太岩食流沙黃金包每次飲茶必叫ge肯定係奶黃包!呢到奶黃包細細個,皮薄,餡如果再流多dd就更好,餡係偏咸帶子鳳眼餃賣相好靚,皮都好薄,食到大大粒蝦仁賽螃蟹餃呢個比較特別!入口即溶的感覺第2個地方係食唔到,必點鐵板小籠包好似生煎包加小籠包的混合體下面脆身惹味甜品有打卡必備 兔兔 同 金豬不過兩者都係大菜糕做底,比較實身,口感比較硬

油浸筍殼魚，與其它餐廳的不同，都好食，但比較乾身煎小籠包，必食👍黑松露珍珠燻糖心蛋，黑松露及燻味微香，糖心剛好，必食👍茶皇煙燻脆皮雞，煙燻味微香，皮脆肉滑海蜇頭極脆👍高力香芋雪糕，感覺失手，雪糕已溶，雪米糍皮溶曬。上次食好D

我很佩服那些高級酒樓的廚房管理，出品著菜單裡每一項既複雜又蹺口摻手的菜式。廚房裡的每位廚師的分工、 配搭，每晚過著行軍式的操作，出品又要配得上高級酒樓的殊榮，真的是談何容易。銅鑼灣利園二期一樓之十里洋場，就是這類高級酒樓的表表者了。今天來到這店晚飯，相約了舊上司飯聚閒談，彼此已退休了好幾年，彼此都說要好好享受我們的黃金十年，就是那退了休後的十年光陰，相互都認同吃喝玩樂在這十年間，盡情一點好了。一入座，發現餐牌有這個宴 - 盛夏珍饈百味宴，我倆最怕點菜，今晚就上這個盛宴。先來淮揚四小品。今晚鮑參翅肚，盡在桌上。先來的是迷你花膠冬瓜盅，足料獻上，先來滋補一下五臟。海參蟹肉芙蓉也是驚喜，我就話比上海賽螃蟹還好吃，滿滿的蟹肉加上海參蛋白來炒，其實加個白飯最是配搭，當然餘下還有很多珍饈，胃的空間唯有讓路好了。鹹魚冬菜肉餅蒸馬友，事先以為是用馬友鹹魚來蒸肉餅，殊不知原來馬友是新鮮及去骨的，果然是處事窩心喎，舊上司讚不絕口之餘嚷著說回家也要叫他自己太座照辦煮碗去蒸。翅是紅燒鮑翅，也足成兩份量，做得也頂瓜瓜。我們也多年沒吃過成排的鮑翅了，雖然是為了保護鯊魚也別吃得太多，但我與上司也認同，久一為之無傷大

唔知大家睇唔睇得出🧀小編真係好鍾意食下午茶(特別係新奇嘅🤣)今次就幫大家試吓中式嘅afternoon tea😋兩個大蒸籠裝住各式各樣嘅小碟同點心，望落非常精緻📸而且餐廳仲一直播住老歌，所以帶爹哋媽咪去都係一個唔錯嘅選擇👨🏻👩🏻(一定要坐卡位😚)另外佢嘅service真係好好，侍應們好細心，好快就知你需要啲咩然後即刻遞過嚟🏃🏻‍♂️❣️經典淮揚下午茶套餐 ($338@2位)小提示❕其實個set都包咗兩杯嘢飲，所以大家可以同侍應講唔要茶水，咁每人就可以慳返$20茶芥喇😉🧆淮揚小品陳醋紅蜇頭、水晶肴肉、金絲小排骨、蓑衣黃瓜、四喜烤麩、黑松露珍珠燻溏心蛋🥒🥚烤麩甜甜地，配埋厚身嘅冬菇片，好好食😝 溏心蛋嘅生熟程度啱啱好，好香煙熏味💨黑松露珍珠好特別，一咬就爆到成口都係truffle味😎唯獨係小排骨比較硬同少肉🥲其他就正常啦😗🥟精緻點心金牌小籠包、帶子鳳眼餃、鮑魚火腿酥、黑金流沙包🍖🥠小籠包皮薄多汁，小心焫親🥵由於我哋最後先食流沙包，佢已經唔流🥺但勝在好香鹹蛋味，熱食應該會好正🥸鳳眼餃就比較失望，一夾起就爛咗，而且塊皮唔夠煙韌，唔係小編杯茶🤨🦆脆皮煙燻BB鴿呢個同平時嘅乳鴿完全係兩個level😍食落

338元下午茶套餐，包吃包飲，包吹水地方，傾到5點多些，都好包容。以銅鑼湾利園来計，價格算吸引，食物精緻，份量较小，环境設計不錯，可打卡。服務水平比高分。下次同學聚，會再去。推荐。

當日食早餐飽飽，可以等到3時下午茶，雖然三層式的西式好靚，但想起都是糕餅甜點，個胃好似唔願意，正躊躇之間，此處的燈着咗！ 入到餐廳，只剩5,6張抬，較寧靜，可以聽國語舊歌，發現下午茶，不只有2人$338套餐，還有點心買2送1，也不錯選擇。 先來餐前小食，花椒味萵荀，爽口，菜甜中帶點火花，醃紅蘿蔔及醬茄子一般。 一心要食套餐，點完餐5分鐘唔夠，食物好快上枱，一個大籠載小籠,好似去咗家鄉，鮑魚稣及黑金流沙包，不是熱辣辣，較失色，鳳眼餃保持皮彈饀鲜。 第二盤才上冷盆，保持水準，海蜇頭硬爽，四喜烤夫軟绵，脆皮煙熏乳鴿，保持熱辣辣上枱而不老。 雪菜肉絲麵，麵爽，味宜，嫩雞煨麵，勝在不是稠至糊，雞湯也清。 红棗圓肉子茶，紅棗香甜，非快餐店可比，以前好怕2者一起，會太甜，今次吸引及心說歡喜。我個人比較急，一見一大堆食物，好快完成佢，成日要同自己講要控制，所以唔係樣樣食得真！ 完成大半，才嫻靜下來！

依間中菜廳未入去就咁睇門面都感受到陣陣嘅中式氣派。內裏嘅裝橫行比較新派時尚路線，以藍白作主調，配上帶中國風嘅擺設，新舊元素融合得幾好🪕 今個夏季餐廳推出左8道菜百味宴套餐，除左重本炮製以4大海味珍品為主角，依家仲有買一送一優惠，又係飲飽食醉嘅一日-「盛夏珍饈百味宴」淮揚四小品包括 黑松露珍珠燻溏心蛋、麻辣順風、 香油鴨腎、 三色醃蘿蔔。以酸酸甜甜，同帶辣嘅前菜開胃就最好不過~ 麻辣豬耳夠哂惹味，而黑松露珍珠燻溏心蛋非常有驚喜🤩 作為餐廳嘅招牌菜之一，以龍丼茶葉煙燻，再配上面層嘅黑松露珍珠，帶清幽嘅茶香，加埋黑松露嘅點綴，幾有特色*迷你花膠冬瓜盅 夏天就當然要食下冬瓜解下暑啦！邊個估到細細個嘅冬瓜盅竟然會有花膠😍 加埋雞，火腿，瑤柱等去煲，鮮味十足！*海參蟹肉芙蓉即賽旁蟹，蟹肉份量幾多，除左蟹肉絲，仲會見到一塊塊完整嘅肉！裏面仲混合左彈牙海參粒添👏🏽 而且蛋白夠哂滑溜，如果唔係會太飽，送飯真係一流*紅燒雞火鮑翅鮑翅吸收左雞湯嘅精華，淋上芡汁，再配上雞絲同金華火腿提鮮，每啖都係奢華嘅感覺*原隻鮑魚燜香米有齊海參，花膠，魚翅，冇理由四缺一嘅😆 原隻6頭鮑咁上真係夠哂睇頭！米飯加入左鮑魚汁，所

先說菜品，八寶冬瓜法國鴨味道一般，像罐頭食品。蔥油鴉片魚頭太油膩，之前在上海吃過，完全不一樣。服務方面，我的高爾夫球杆讓服務員存放一下沒想到被摔了兩次，都出現了劃痕。不會再去了！

繼上次「法色五月~花都鬢影江南宴」後，「十里洋場」又有新攪作，今次推出「鮑參翅肚雲集 十里經典再現」正是想將昔日上海的繁榮一面呈現，本幫菜與海派菜的融和，令菜色的變化壯大，美味紛陳。家陣只要是 「1957 & Co.」會員，就可以專享二人同行一人免費優惠。整個套餐未計茶芥加一都不過 $980/位，兩位起，但除開都係一人$600左右，已經有齊鮑參翅肚，盡享昔日大上海的繁華盛宴。若然想喝上一杯，亦可以用優惠價每位$288，兩小時內無限暢飲Nicolas Feuillatte Reserve Exclusive Brut NV香檳及 Cloudy Bay紅白酒。等朋友期間，先行試試店方名物煎小籠包及鍋貼。用的都是新鮮料；小籠包皮柔韌，夾起來沒有穿破，蘸點一下陳醋，味更鮮。鍋貼煎得微脆，內裡滿是肉汁，我鐘意。率先上場是「淮揚四小品」。作為餐廳的招牌菜之一，「黑松露珍珠燻溏心蛋」以高郵鴨蛋製成溏心蛋，再以龍井茶葉煙燻，令整隻蛋都是煙燻香氣，加上蛋黃呈溏心的確令賣相更亮麗，放上意大利黑松露珍珠。而「麻辣順豐」大概是「順風耳」的諧音吧！豬耳切得夠幼，麻辣屬於BB級，咬落脆卜卜，作為下酒菜一流。另一道

「不時不食」，順著時令來飲食不但是養生的最佳方式，更能品嚐最好的時令美食，來到夏季，不知道甚麼食材是最佳時令美食？最近，《十里洋場》推出「盛夏珍饈百味宴」，以當造時令美食，注入四大海味珍品 - 鮑魚、海參、鮑翅及花膠，既矜貴又合時。前菜拼盤 - 淮揚四小品，當中集合了酸、甜、香、辣四項元素，十分精緻，又能令人食慾大增。最愛餐廳的招牌菜 - 黑松露珍珠燻溏心蛋，煙燻滲入蛋裏，吃時透出淡淡龍井茶香氣，溏心蛋中添加了黑松露珍珠，更顯矜貴的同時，亦加添了獨特香氣，非常迷人！冬瓜絕對是夏天消暑佳品，可清熱解暑、潤肺生津、化痰止渴。而十里洋場的迷你花膠冬瓜盅，細細盅，一人一盅剛剛好！食材亦相當豐富，有花膠、瑤柱、蝦仁、火腿、菇類、筍粒等，配以清雞湯燉足兩小時，就連冬瓜肉也盡吸當中的清甜鮮美，相當滋味！很久沒有用筷子夾起如此大梳的排翅，不但賣相吸睛，夾起時，更有治癒的感覺！鮑翅與雞絲及金華火腿於雞湯中煨煮，是最佳的組合，香濃鮮味，令人回味。這款海參蟹肉芙蓉可算是賽螃蟹的變奏版，蛋白口感相當嫩滑，當中混入爽口彈牙的海參，還有鮮美的蟹肉，令仿蟹肉變成真正的蟹肉鮮美。鹹魚冬菜肉餅蒸馬友，厚切了一塊馬友，魚

我喱個老粗平時鍾意踎茶記，對於去高級餐廳食fine dining係有啲抗拒，不過我又鍾意食好嘢老婆大人就諗頭多多，今次揀咗去十里洋場食輕鬆得嚟又高貴嘅花都鬢影江南宴。一坐低侍應放下小食最like中間個麻香窩筍，食落爽口仲有一陣陣麻香味好正。喱個花都鬢影江南宴用咗法國材料加落淮揚入面，好多好似熟口熟面嘅菜式但食落又有新口味好特別，第一味係羊肚菌響螺燉竹絲雞個湯多料到不得了仲有法國羊肚菌喺入面，飲落有香又甜好真係好*豬*潤呀！之後係一份四味嘅前菜法色品味四小碟，入面有四樣淮揚出名嘅前菜通通加咗法國嘅元素。首先食喱個香糟醉豬手用咗法國豬手同酒糟嚟浸，食落佢個皮索索聲好鬼脆而且又冇骨，個酒味香得嚟好醇正喎！之後喱粒有法國魚子醬嘅煙燻溏心蛋又係引C人咁好味，濃稠嘅蛋黃勁香口加埋少少煙燻味真係好夾。椒鹽法國田雞腿好好肉地而且仲好嫩，田雞腿炸到金黃色好靚仔食落香口惹味呀！紅棗心太軟聽老婆大人講原來係上海著名嘅甜品，而家加埋法國火腿加埋桂花冰糖漿食，咸咸甜甜咁味道都幾得意架！食完頭盤之後就到喱個我勁鍾意嘅紅燜牛面頰肉海參伴法國長邊豆，嗰件牛面頰炆到好鬆化仲牛味濃郁我仲可以食埋老婆大人嗰份正呀！另外件海

雖然五月已經成為過去，想用味蕾留住那法國五月的滋味！只要到十里洋場便可以延續下去，因為在六月份仍然可以品嚐法色五月*花都鬢影江南宴*，餐中用了不少法國料理的元素加入淮揚菜式之中，更選用多款法國空運到港的新鮮食材入饌。這個花都鬢影江南宴＄980/位(兩位起)，車媽媽介紹得當然有着數送給大家，文末會教大家如何可享半價優惠喔！率先上檯是熱騰騰的羊肚菌響螺燉竹絲雞，揭開盅蓋看見濃郁的湯色，繼而伴隨着幽幽的香氣蠻誘人耶！湯料非常豐足除了有烏雞、羊肚菌、螺頭之外，還有精肉、瑤柱和金華火腿，看見也感覺到那份香甜的味道。先喝一口羊肚菌響螺燉竹絲雞湯，鮮甜肉香加菌香在口腔中滋潤味蕾，喝得非常舒服感覺很滋補喔！喝罷靚湯後到法色品味四小碟上檯，內裡包括有法國魚子醬煙燻溏心蛋、椒鹽法國田雞腿、香糟醉豬手及火腿紅棗心太軟，四款前菜也非常吸引我眼球喔！先來品嚐雪白誘人的香糟醉豬手，用上法國豬手以酒糟浸泡而成，豬皮咬下口感爽彈非常而且酒香四溢，更貼心的退去了骨頭非常合我胃口啊！然後吃這個經典上海甜食紅棗心太軟的變奏版，內裡加入了法國火腿再澆上桂花冰糖漿，吃下口感軟糯而且還帶滿滿的紅棗甜味，加上法國火腿吃下鹹甜交錯份

今晚去吃花都鬢影江南宴。原價$980 一位。二人同行一人免費。菜單好吸引喔⋯⋯可惜食物味道差矣！大失所望，有些食物毫無鮮味。埋單$1242, 每人$621, 物非所值。加上晚餐分兩輪，6:00 pm 同8:00 pm ; 服務員接近7:45 便催促我們埋單走人。這樣的水準，不會再去。