十里洋場 (裝修中)

今晚相約友人來一個大閘蟹盛宴。仲有匯豐卡優惠買一送一添！ 另外值得一提既前菜四小碟有黑松露調味的溏心蛋，同埋梅子涼瓜，頗為開胃👍五兩的大閘蟹都幾新鮮暖暖的陳年花雕配上大閘蟹風味一流！整體性價比其實一般，不過勝在位置方便同裝修時尚，不失為與朋友把酒談歡的好選擇。

This place is a total rip off, crab is very small and even after the so called promotional discount, I find their prices are overpriced for its quality, crab is very small, the duck feet and abalone are super tiny and salty.The quality has gone down since last time I went there.Also the manager named TXD was rude, sneaky and unprofessional, his mission is to piss off patrons so he feels like he has little pathetic power over you, when issues arose, he claimed that he was the only one in charge,

♥️ 感謝友人 為我慶生 預訂金秋大閘蟹盛宴♥️ 最驚喜一次滿足3個願望 鮑魚炆鵝掌、期間限定大閘蟹 、蟹皇翅都係是次亮點安排入座後 先點菊花普洱菜來前菜頭盤先來准揚四小品 不過不失 花膠蟹皇翅 蟹粉味重 足料足五両大閘蟹 今次食既係蟹公 多蟹膏蟹粉炒蛋白蟹粉炒飯加上脆米 最後 芝麻湯圓薑湯 是次使用HSBC 匯豐卡 2人同行1人免費可選擇午餐🥣/晚餐食同1餐單服務好 上餐快 環境舒適

見有大閘蟹套餐就諗住試…其實book位嘅時候已經覺一肚氣，要人兩個禮拜之前book。兩個禮拜前打去已經話fully book, 點知我朋友經過又book度喎。🤷🏻‍♀️🤷🏻‍♀️🤷🏻‍♀️ 大閘蟹套餐真係冇乜特別, 唔係特別好食又唔係特別差..但係service就真係好差， 人多都算啦，啲侍應嗰個好似碌木咁。追單追咗三次先至嚟 , 仲要搵個所謂好似着得似個部長幾日先追到..如果咁嘅價錢我唔建議去 …基本上食到一肚氣

朋友話十里洋場好出名， 高檔食店，難得有優惠，都好難預約，所以就決定去食啦😁 都唔係好難訂到，不過就要分兩場食 6 pm 至 8 pm 或 8 pm 至 10 pm .最後訂咗 6 pm 食。一入去， 就傳來夜來香嘅歌聲🎵🎶真係好似返咗上海咁。😚但當食客到咗，環境就好嘈吵了。載女兒紅的壺很古雅，酒壺內有熱水暖住支女兒紅，兩人一壺，每人大約有二杯。個翅畧杰個糖心蛋唔錯，隻蝦好爽。大閘蟹唔多羔，質素亦一般，有點失望。。蟹斗賣相不錯，味道尚可。呢隻鴨腳唔掂，味道怪怪。呢個湯圓D薑糖真係夠哂薑，夠熱， 呢皮亦夠煙韌，唔錯。😊侍應服務都殷勤 ，走前都會問我哋覺得食物如何，不過兩個鐘頭食得有啲趕。😅

又到大閘蟹季節🤩， 今次我們一行四人到十里洋場食大閘蟹🦀， 星期日全場爆滿都幾熱鬧。📍金秋大閘蟹盛宴～淮揚四小品 ( 黑松露珍珠煙糖心蛋、 話梅涼瓜、目魚大烤、 女兒紅醉蝦）、 花膠蟹皇翅、 清蒸大閘蟹、 鮑汁扣原隻鮑魚拼鵝掌、 蟹粉芙蓉帶子蟹斗、 蟹粉河蝦脆米炒飯、 夠薑芝麻湯圓和20年花雕。📍📍20年花雕 ～ 花雕味幾香，加粒話梅甜甜地好好味， 我們飲了十瓶🤣。 📍淮揚四小品 ( 黑松露珍珠煙糖心蛋、 話梅涼瓜、目魚大烤、 女兒紅醉蝦）～ 四款都是開胃前菜， 清清地都唔錯。 📍花膠蟹皇翅 ～ 蟹味不算突出， 而且味道偏淡 ，但花膠份量都幾多。 📍清蒸大閘蟹 ～ 五兩大閘蟹， 蟹膏軟綿綿， 都算多膏。 📍蟹粉芙蓉帶子蟹斗 ～ 滿滿的蟹膏， 一望到已經流曬口水。 📍鮑汁扣原隻鮑魚拼鵝掌 ～ 鮑魚鵝掌都炆得很腍， 鮑汁可以用來拌飯。 📍蟹粉河蝦脆米炒飯 ～ 賣相精緻， 但食不出又蟹粉味道。 📍夠薑芝麻湯圓 ～ 薑味可以再重點， 芝麻流心湯圓好好味。 買一送一的價錢都算抵食😊， 晚餐分兩個時段，食得都比較趕。

每年一度嘅生日🎂我同妺妹都會互相為大家安排慶生節目今年我想比較特別一點唔好成日去打卡cafe或者食三層下午茶所以…我揀選左「十里洋場」再適逢當造食大閘蟹當然諗都唔洗諗點個金秋大閘蟹盛宴啦😝⁡🦀『金秋大閘蟹盛宴』包括超豐富菜色：- 淮揚四小品（黑松露珍珠燻溏心蛋🥚，話梅涼瓜，目魚大烤，女兒紅醉蝦）<-開胃食菜- 花膠蟹皇翅 <-雖然蟹味唔太濃，不過花膠算多- 清蒸大閘蟹（5両）<- 原隻上都算幾大隻，不過膏唔算太多（可能我要求太高？haha😂)- 鮑汁扣原隻鮑魚拼鵝掌<- 小唐菜造成花一般蠻有心思，鮑魚大大隻Yummy- 蟹粉芙蓉帶子蟹 <- 外觀別緻，不過蟹味唔夠- 蟹粉河蝦脆米炒飯 <- 平時唔太食飯飯嘅我都好欣賞呢個飯，米飯炒至粒粒分明脆脆地口感不錯- 夠薑芝麻湯丸 <- 湯丸流心程度未算太好，作一個小甜點作結還好⁡另外以跟餐優惠加左$50要多一壺100ml會稽山花雕（廿年）<- 充滿中國色彩嘅壺奉上已經暖著的酒，加粒話梅甜甜地好易入口，始終食大閘蟹相對寒涼飲點花雕酒可以暖胃防寒，正！⁡提提大家呢個餐原價$980/位，

餐廳環境穿過燈光幽暗有格調的入口，走進金色大廳，復古中滲出奢華嘅感覺，由音樂帶你回到舊上海。服務員工態度殷勤，但是要應付的客人太多，午市要做兩輪，未能細緻打點。點餐後，啲嘢㷫㷫冚冚甘上，完全食唔切，張枱亦都唔夠大放咁多嘢。要同侍應講聲先識慢落嚟。優惠套餐 $980/ 兩位淮揚四小碟- 黑松露煙燻溏心蛋，招牌菜好食- 女兒紅醉蝦，走味香甜，蝦肉新鮮彈牙- 紅燒魷魚，肉厚，鮮味 - 話梅涼瓜，本人不能吃苦🤣花膠蟹皇翅十分足料，好滿足。淮揚菜一般較重口，濃油赤醬係特色，幾對我胃口，但同行卻偏愛清淡。大閘蟹一隻 五両 蟹公我嗰隻爆膏， 金光油亮，油香一下子沖左上腦。同行嗰隻冇咁勁，係可以接受嘅程度，始終公蟹要到農曆10月先係最當造。我倆各分一半分甘同味，亦同樣滿足。食蟹就係有一種賭博嘅感覺。六頭南非鮑魚炆鵝掌呢個配搭有一種去飲嘅感覺，相信係為呢一個套餐增加份量同看頭嘅一道菜。味道不錯，醬汁可以少啲。蟹黃帶子芙蓉蛋白蟹蓋超多蟹黃加上香滑蛋白，超級好食。加少少蟹醋令到成個鮮味提升。蟹粉河蝦炒飯炒飯夠乾身，但我吃不出蟹粉味道。一口蟹黃芙蓉，拌在炒飯上，會係超級美味。可惜當日吃罷蟹蓋才送上炒飯，相比之

到左大閘蟹季節，好多餐廳都做大閘蟹set.今次黎十里洋場，全場都full晒，實在有好多捧場客。今日附近幾圍枱都係食大閘蟹大家都係為大閘蟹季趕來。如果想追加大閘蟹，可以揀5兩6兩7兩都得，加$200-$700。不過我覺得呢水大閘蟹未至於爆膏。花膠蟹皇翅，蟹皇味道偏淡，但我覺得味道都ok。呢個蟹粉芙蓉帶子蟹斗，好好味。但食完都唔覺得有帶子🤔蟹粉河蝦脆米炒飯好好味😋。份量剛剛好，好食落煙銀 ，仲有少少脆口。薑糖水，夠薑少少甜，麻蓉湯圓好好味！整體都好食嘅，但主角大閘蟹，我就覺得唔夠膏味道又唔夠濃，唉😮‍💨有啲失望！成間餐廳都滿晒人，服務員忙過不停，呢個套餐限時2小時，其實食得好趕，上菜都唔等你拆完大閘蟹，繼續上晒餘下嘅幾味餸。最後實在食得好趕！

上年聽朋友講呢間嘅大閘蟹抵食又好味，可惜我收風太遲，完全爆滿，book唔到。足足等左一年，今年佢一出大閘蟹套餐我就即刻行動。終於俾我試到。點講呢⋯⋯折實價人頭$600一位，食物嘅質素同份量係ok嘅，如果隻蟹可以大返少少就更好（當日果隻我唸最多5両）畢竟主打都係食蟹。蟹黃翅、蟹斗、蟹粉炒飯都相當不俗。反而個鮑魚拼鵝掌有D格格不入。佢味道份量都無問題，而且好味㗎，不過我就覺得如果多一隻蟹而少呢味餸可能會更盡興。唯一令人感到可惜嘅係，佢只有一個半鐘嘅用餐時間。食大閘蟹，從來都係一件好需要耐性嘅事。由拆蟹到品嚐都需要時間，更何況整個套餐由頭盤到甜品總共7款，你叫食客點可以輕輕鬆鬆咁去享受呢一餐飯呢？我地當日呢，7 道菜一直係咁送上黎，侍應又好急咁收走用完嘅碗碟，基本上整餐飯都係係不停上碟，不停收碟嘅情況下進行。咁嘅價錢，如果食到咁急，我唸有好多其他餐廳可以考慮。撇開時間唔講，呢餐飯嘅質素係好嘅。希望負責人睇下可唔可以調整到個用餐時間，客人可以食得安樂之餘，餐廳同時又可以做到理想業績啦！

✨淮揚四小品 黑松露珍珠燻溏心蛋 黑松露味唔算濃 煙燻味淡淡的 流心程度唔錯話梅涼瓜涼瓜爽脆 味道酸甜 幾開胃目魚大烤目魚即係墨魚 口感爽口彈牙 味道甜甜哋女兒紅醉蝦 蝦肉結實帶爽 酒味清香 帶酒微甜✨花膠蟹皇翅花膠爽口 翅幼身 蟹皇味都算幾鮮稀稠度適中 味道偏淡✨清蒸大閘蟹（五兩）大閘蟹 鮮甜 黃油十足 白膏軟滑黏稠以我經驗最好食最爆膏都係要食六兩蟹✨鮑汁扣原隻鮑魚拼鵝掌鮑汁 味道適中 扣得夠入味鮑魚 鮮味 軟腍 鵝掌 腍得黎有咬口 煮得啱啱好 ✨蟹粉芙蓉带子蟹斗類似蟹粉賽螃蟹蟹粉鮮味油香十足蛋白嫩滑 帶子存在感唔突出✨蟹粉河蝦脆米炒飯炒飯炒得夠乾身 飯粒分明混左啲脆米 口感更豐富河蝦細細隻略嫌乾左啲整體味道偏淡左少少醃蘿蔔夠爽脆✨夠薑芝麻湯丸呢個薑湯真係好夠薑薑味十足 帶辛辣 幾嗆唔太甜 個人覺得可以甜番啲芝麻湯圓 皮唔會太厚 軟糯內餡 芝麻都多香食物中上 環境唔錯 兩個人坐卡位相當舒適一直播住啲耳熟能詳懷舊金曲 幾有feel服務唔錯 店員都有禮貌但以個價位餐廳黎講 應該可以更好另外略嫌佢上菜速度比較快 如果可以控制得好啲就更好價錢可以 如果有優惠都幾抵食

之前都嚟過十里洋場上海野，早前都有見到佢哋做大閘蟹買一送一嘅優惠，都想試吓啦，所以預早兩星期book位。訂左安排：職員之間冇乜溝通，原本更新咗訂枱日期結果冇更新到，差啲搞到冇枱食唔到。入座：好多人，試吓幻想稻香搬咗去利園。前菜：苦瓜、醉蝦 、燻蛋、烤魷魚（還可以）蟹黃翅：未有太濃郁嘅蟹黃味，係一碗高級嘅碗仔翅👏🏼。大閘蟹：一隻公蟹，好少量嘅膏，大概四至五兩左右，係新鮮熱辣嘅👍，冇驚喜但係唔係差。鮑魚扣鵝掌：足料，合乎期望。蟹黃賽螃蟹：全晚最有驚喜嘅一道餸菜，蛋白夠嫩，內有帶子，蟹黃味濃郁。蟹黃炒飯：比較多油，但係冇蟹黃嘅味道。薑汁湯圓：史上最難食嘅湯圓，湯圓介乎液體與半固體之間，湯圓皮幾乎溶化，最好食係個糖水底。服務：分兩輪6:00，8:30，侍應生十分忙碌，服務和放題餐廳相似，既沒有餐牌解釋菜式，詢問主任也不了解。結論：Promotion嘅時候唔會再去，之後午餐又少咗一個選擇。

想同母親食下午茶，但母親對一般英式下午茶都不太感興趣，想以咸食為主，結果俾我無意中搵到呢間十里洋場，見網上嘅相同食評都幾吸引，因此決定帶媽咪一齊去試吓吖。兩大個蒸籠入面有唔同款式嘅淮揚點心，分涼菜同點心。點心嘅質素不過不失，冇乜太大驚喜或特別；而我就比較喜歡小品涼菜，因為當中包含我最鍾意嘅溏心蛋，水晶肴肉，以及四喜烤麩。黑松露溏心蛋，蛋黃軟綿幼滑，帶着淡淡的煙熏味，微咸開胃；水晶肴肉層次分明，晶瑩通透，爽滑但不肥腻；四喜烤麩味道就係四喜烤麩~除咗下午茶點心外，仲另外叫咗鮑魚糯米燒賣，蟹殼黃。糯米燒賣軟糯油潤，蟹殼黃金黃鬆脆，香氣十足，2款都可以一試。

踏入十月，秋意漸濃，又是品嚐大閘蟹的最佳時機！因為大閘蟹的肥美多膏，BeautySearch 的修身計劃又要放置一旁了！聽說九月食蟹乸，十月食蟹公，今次 BeautySearch 來到《十里洋場》享用的金秋大閘蟹盛宴，正是大廚精選江蘇太湖清水大閘蟹蟹公炮製而成。進餐前，先來一杯暖胃熱飲，切記吃大閘蟹不宜喝凍飲，因為蟹性寒，喝凍飲便會寒上加寒喔！麥米薏米檸檬水及菊花蜜桃柚子蜜均搭配冬薑，有助驅寒溫胃。前菜先來數款十里洋場招牌開胃前菜 - 淮揚四小品，當中包括 BeautySearch 最愛的黑松露珍珠燻溏心蛋，另外還有鮮味爽口的女兒紅醉蝦、煙韌彈牙的目魚大烤，及話梅涼瓜。因為怕苦 BeautySearch 很少吃涼瓜，想不到話梅令涼瓜多了份甜味，吃時爽口酸甜，十分開胃。主菜還未登場前，BeautySearch 點選了一客生拆蟹粉小籠包，皮薄餡靚，湯汁滿溢，相當鮮甜，蟹粉鮮味融入嫩肉中，小籠包頂部還滲出點點蟹油，每一口都能滿足味蕾，極具水準！接著是金秋大閘蟹盛宴的花膠蟹皇翅，除了飲宴平常很少吃翅，但持續兩年的新冠亦令 BeautySearch 超過兩年沒吃翅呢！原來，將蟹黃注入魚翅中，即時

今日去食蟹，因為3個人，所以點了我點了匯豐2人份買一送一餐，外加一隻5兩公蟹，蟹粉小籠包，蟹粉鍋巴，脆鱔，仲有壺花雕。朋友說花雕比一般餐廳好喝。套餐分量幾多，有d我哋3個人分都好夠。頭盤的蛋好香，蝦爽甜。翅麻麻，無乜渣，我好似只吃到花膠蟹肉，但沒吃到翅。水多過渣好多，但的確有蟹粉味。主角大閘蟹d膏勁香滑，算多膏，我們一致認為比鴻星好，肥美d。蟹粉小籠包一般，但蟹粉鍋巴是是日MVP，不用自己拆但啖啖精華。滿足！單尾薑汁湯圓真的好薑，好辣，食完感覺真的驅寒了。服務很好，侍應叔叔很細心，很舒適的一餐飯。