影片
更多
2021-08-01
221 浏览
唔知大家睇唔睇得出🧀小編真係好鍾意食下午茶(特別係新奇嘅🤣)今次就幫大家試吓中式嘅afternoon tea😋兩個大蒸籠裝住各式各樣嘅小碟同點心，望落非常精緻📸而且餐廳仲一直播住老歌，所以帶爹哋媽咪去都係一個唔錯嘅選擇👨🏻👩🏻(一定要坐卡位😚)另外佢嘅service真係好好，侍應們好細心，好快就知你需要啲咩然後即刻遞過嚟🏃🏻♂️❣️經典淮揚下午茶套餐 ($338@2位)小提示❕其實個set都包咗兩杯嘢飲，所以大家可以同侍應講唔要茶水，咁每人就可以慳返$20茶芥喇😉🧆淮揚小品陳醋紅蜇頭、水晶肴肉、金絲小排骨、蓑衣黃瓜、四喜烤麩、黑松露珍珠燻溏心蛋🥒🥚烤麩甜甜地，配埋厚身嘅冬菇片，好好食😝 溏心蛋嘅生熟程度啱啱好，好香煙熏味💨黑松露珍珠好特別，一咬就爆到成口都係truffle味😎唯獨係小排骨比較硬同少肉🥲其他就正常啦😗🥟精緻點心金牌小籠包、帶子鳳眼餃、鮑魚火腿酥、黑金流沙包🍖🥠小籠包皮薄多汁，小心焫親🥵由於我哋最後先食流沙包，佢已經唔流🥺但勝在好香鹹蛋味，熱食應該會好正🥸鳳眼餃就比較失望，一夾起就爛咗，而且塊皮唔夠煙韌，唔係小編杯茶🤨🦆脆皮煙燻BB鴿呢個同平時嘅乳鴿完全係兩個level😍食落
❣️經典淮揚下午茶套餐 ($338@2位)
小提示❕其實個set都包咗兩杯嘢飲，所以大家可以同侍應講唔要茶水，咁每人就可以慳返$20茶芥喇😉
🧆淮揚小品
陳醋紅蜇頭、水晶肴肉、金絲小排骨、蓑衣黃瓜、四喜烤麩、黑松露珍珠燻溏心蛋🥒🥚
烤麩甜甜地，配埋厚身嘅冬菇片，好好食😝 溏心蛋嘅生熟程度啱啱好，好香煙熏味💨黑松露珍珠好特別，一咬就爆到成口都係truffle味😎唯獨係小排骨比較硬同少肉🥲其他就正常啦😗
🥟精緻點心
金牌小籠包、帶子鳳眼餃、鮑魚火腿酥、黑金流沙包🍖🥠
小籠包皮薄多汁，小心焫親🥵由於我哋最後先食流沙包，佢已經唔流🥺但勝在好香鹹蛋味，熱食應該會好正🥸鳳眼餃就比較失望，一夾起就爛咗，而且塊皮唔夠煙韌，唔係小編杯茶🤨
🦆脆皮煙燻BB鴿
呢個同平時嘅乳鴿完全係兩個level😍食落好嫩滑好有肉香，皮又薄又脆，一搣開啲肉汁係咁滴落嚟🤤每人半隻真係唔夠喉🤭
🍜湯麵
嫩雞煨麵、雪菜筍絲肉絲湯麵🐤🐷
兩個都係配上海幼麵，食晒啲點心再食都唔會放到好淋🙈煨麵個雞湯超好飲😆另外嗰碗就啖啖肉絲🐽食埋碗麵就夠晒飽🤰🏻
🍵滋潤飲品
楊枝甘露、麥米薏米檸檬水🥭🍋
楊枝甘露好足料，有芒果、柚子、西米同椰果，可惜味道偏甜，建議share😛另外杯檸水就非常多薏米，啱晒養生嘅大家(去水腫啊～)😌
* 餐廳設加一服務費及茶芥($20@位)
🌟7.5/10
1 浏览
0 赞好
0 留言
6 浏览
0 赞好
0 留言
4 浏览
0 赞好
0 留言
0 浏览
0 赞好
0 留言
张贴
