十二味巴蜀江湖菜 (已結業)

舊店新貌前身主打麻辣干鍋 還有令人食指大動的小龍蝦近期 店主帶領小龍蝦轉戰銅鑼灣新店而老鋪子換上主帥 推出了一系列新式川菜 引來嗜辣之徒的呼聲一片嗯 吃辣這件事 定是要和熟人相交這面紅耳赤 汗水和鼻涕一把一把的窘態只有辣友之間 才不會避嫌 還能彼此打趣這晚一行八人 相會辣味江湖這菜單上 辣椒的數量代表辣的程度我們豪爽得把大大大辣都點了個遍兒… = =巴中經典毛血旺$158渝北兩路水煮魚$298十二味麻辣香鍋$238滿桌子幾乎都是紅艷艷的大夥最愛吃的竟是其貌不揚的都江堰鴨魚戀 $152把樟茶鴨去了骨 釀入鯪魚肉 接著用滾油淋熟鴨皮吃起來又脆又香而魚肉滑而彈牙 給結實的鴨肉增加了口感 連吃兩件都不過癮還有打破三觀的鴨嘴鱘嗯 它是一隻魚…不是鴨子真身是這樣的來 小課堂時間鴨嘴鱘又叫匙吻鱘 據說恐龍時期已存在 (吃了延年益壽嗎？)原產於美國密西西比河流域 与中华鲟及长江水域的白鲟是同屬一科普通的成鱼约長50厘米 長長的扁嘴幾乎占了一半因生長快 易捕易養 近年在內地的養殖場也愈來愈多這裡的做法有酸菜或麻辣水煮 我們點了前者招牌鴨嘴鱘 $368（約3.8-4斤）對于長得丑的魚 大夥都不敢碰它的腦袋

今晚約左屋企人食飯，大家都想食d辣野開下胃，於是係openrice搜尋左一輪。見到呢間巴蜀菜個名咁得意"十二味江湖菜", 哈哈，而且好就腳，就試下你！餐廳位置開揚，山林道附近，係正麥當奴格離既地鋪。無論佐敦定尖沙咀去，行路定搭車都相當方便，唔洗搵都見到！店內環境好有中國色彩。全場以中國國寶熊貓為主題(哈哈哈 超可愛既熊貓碗呀 有唔同表情架) ,以深棕色做主調，感覺同食物風味好接近。餐牌上有呢個"無敵好吃系列", 我就梗係要試下佢既水煮鴨嘴鱘啦！聽店員講一日得十條供應架咋~~真係手快有手慢冇主角出場！！果然冇令我地失望~~~首先佢一上碟全家都"嘩~~~"左出黎，因為佢真係好重份量，簡直霸左大半張枱。隻鴨嘴真係好長，長到突哂出碗外，好攪笑。聞到好香既麻香味，急不及待要夾d魚肉黎試下。大家都係第一次食鴨嘴鱘，非常好奇係咩味道。魚質咬落係好軟滑，而且好似無骨咁，啖啖肉，岩哂唔中意"lur"骨既朋友底下既扁薯粉夠哂煙韌！！加埋浸到入哂味既芽菜，呢個炒花甲又係超捧之作花甲肉大大粒之餘，新鮮冇腥味。我最欣賞碟花甲落左大量咸酸菜去炒~~味道有d酸菜魚既感覺，不過材料換上花甲，一樣好味！讚擔擔麵，好吃。

好興奮啊，之前聽朋友講香港有好食既水煮魚，愛辣的我不得不試一下全間舖頭，大部分都係辣前菜叫咗個京川涼粉同手拍青瓜，個涼粉係室溫，口感有啲似啫喱，本來以為係凍同好似粉皮咁，原來有咁特別既食法，佢個汁同個涼粉都好配合夫妻肺片個份量比較少，但食落都幾爽口，味道亦足夠不會太鹹黯然銷魂炒飯真係好炒得好香 料又好足，食落唔會太乾身，而且唔辣，可以中和番辣既味道 呢個不得不試炸子雞同水煮魚係我最期待既菜，2個都份量都好多，魚好滑，裏面有芽菜同粉皮，食落去辣中帶點酸酸的好開胃個炸子雞食到有啲麻既感覺 因為好多乾辣椒花椒一齊炒，個種感覺難以形容而且啲雞炸得好香，完全冇油膩既感覺蒜香骨係唔辣嘅菜式，個骨好入味而且啲肉好軟，同外面大排檔食既有啲唔同，蒜味都好重，唔食辣嘅人可以試吓

不知大家有沒有同感，特別是經常在彌敦道出沒的人。數不到經過這個門口幾多次，門外的廣告上火紅的麻辣菜式，每次都吸引我的目光，但經過得太多次，第一、二、三次沒有進去，就再沒有進去的衝動。十二味麻辣小當家、十二味烤魚九宮格、十二味貴陽牛肉粉，開了好幾家，而這家十二味麻辣三兄弟易名叫作巴蜀江湖菜。大概全都是麻辣菜，沒有深究它們的分別。好一陣子沒吃辣，難得找到嗜辣的同道中人，即管一試。店內佈置如普通快餐、茶餐廳，紅色的牆配合麻辣主題。牆上的字句帶點內地風格，耳邊亦不斷傳來普通話，難道他們在這裡找到家鄉的味道？為無意中找到正宗四川菜，萬分期待。好幾枱都點了一大盤水煮魚，一人一碗飯，簡單的一餐。看看餐牌，明明有午市套餐，價錢也較便宜。可以說我花心，但我不願在一道菜下重注。除了午餐，還在菜牌上點了一大堆小吃。午市套餐跟例湯，湯料豐富，魚湯清甜，但味精下得不少。碗上的圖案十分可愛，有不同的表情。蒜泥白肉徹底的失敗。肉切得厚，實在太嚡。即使沾滿辣椒醬，咀嚼一番後，辣椒醬跟著口水被吞下，肉還未咬到可以吞嚥的地步，又乾又嚡，只能勉強吞下。川北涼粉辣醬看似得多，拌勻後涼粉一遍深啡，味道卻偏淡，只靠少之有少的肉碎

經朋友說彌敦剛開了間川菜菜館~十二味巴蜀江湖菜,所以決定帶家人去食晚飯.店裝修好有中國民族風味,有熊貓屏風.有卡位主及大圓台選擇,非常整潔光猛. 好Q熊貓碗.**首先送來開胃酸辣前菜**我見多位食客人都order這鴨嘴鱘每天限十條,仲要香港獨家,當要食下啦! 何況未食過咁特別鴨嘴鱘,好可愛的魚.**【爽口酸菜鴨嘴鱘】這味菜特色 酸､鮮､ 辣 ,大大條鴨嘴鱘沒煎過,放入酸菜湯煮, 湯內有好多酸菜(酸)､粒粒胡椒､少量乾辣(辣)等配料, 香濃十足,讓人食上去勁開胃,想不到有爽口粗薯粉呢!啖啖魚肉完全冇細骨,入口都是充滿彈性紮實,勁有嫩口感,想不無乜泥及腥味,魚附些軟骨,有咬口,不知覺也食了下去,非常膠質,回味無窮.下次要試試麻辣口味呢!想不到咁大碟魚,三人食都飽飽地,***妹點了至愛羊肉【隆昌氣水羊肉】 以蒸籠盛放羊肉這羊肉經油炸,之後再蒸,能銷住肉汁,入口軟嫰,有好香羊羶味,帶有孜然及五香等味,非常四川風味,帶辣,好惹味!以薯仔墊地,吸收了羊肉汁精華, 十分好味.

今日去到十二味到食個lunch，總體黎講質素係唔錯既～碟涼拌木耳有啲似譚仔個啲，但口感爽啲！而且個汁岩岩好，唔會太咸，搞到啲飯未黎已經食左好多！不過可以再凍少少，咁個口感會仲正！仲有碟生油渣熗蓮白，聽個名好似好得意咁，於是膽粗粗嗌左，結果出黎都唔錯喎！佢其實係生菜炒魚蛋片，老實講就係普通一碟炒菜，不過都公道啲講句，佢啲生菜係好甜而且都係好爽好脆，食落真係有索索聲！炒埋啲辣椒一齊食係唔錯，唔會炒到好老好乾，但都唔會炒到好濕淋兹兹咁～入面啲侍應多數講普通話…雖然係食四川菜，但其實可以盡量講返廣東話…？不過服務係幾好～麻煩佢地幫手影合照都好樂意，而且都幾親切，有同我地講下笑

今晚同朋友去試下呢間四川菜 原本以為我自己唔係好食辣所以冇選擇但其實呢間餐廳其實有超多唔同辣度嘅菜，絕對滿足唔同人喜好 於是我就叫左唔辣嘅甘孜蒸香金排骨一咬落口就覺得好不得了！熱辣辣一定係即煮即上菜排骨外脆內軟，出面層脆皮唔會太厚而入面嘅肉都又嫩又實又多汁 有好香嘅豬味原本見到咁多蒜香都驚食完會成口都係蒜味 但其實味道控制得啱啱好，保證有蒜香但一啲都唔會太濃就算其實都好熱氣，都忍唔住食左好多 之前我仲叫左2杯野飲，一杯雪梨汁一杯西瓜汁可以肯定係一定係鮮榨的！ 因為每啖都飲到果肉，仲會有果核 但如果解渴黎講就麻麻啦，因為其實都唔係太凍 重點係其實冇乜水份，飲落去好似食緊唔凍嘅綿綿冰咁 雖然係好健康，一定係鮮榨，而且冇故意溝水但如果可以雪凍番少少先就好啦

今晚同幾位好友相聚，當然要食番餐勁知道依度有每日限量10條既鴨嘴鱘 ($368)即刻二話不說落單同大家科普下先鴨嘴鱘，目前係中國同美國都有人工繁殖，不過養殖技術相當困難，養殖兩年重量才達一斤，因此國內養殖的人不多不過他含有豐富的膠質，脊隨裡頭的筋，更是古代帝王的最愛，營養價值相當高一上碟我地都嘩～ 好大碟仲大過我屋企個臉盤 368絕對係物超所值一咬落去，真係好嫩滑，佢個味好少少似三文魚但比石班魚仲要滑我仲食左佢個嘴D骨膠原tim以酸菜湯同鴨嘴鱘魚骨做基底，加上少少辛辣，係味覺上程現強烈刺激完全可以品嚐到食材本身的香、甜、鮮唯一覺得可以改既係個湯太油，我估係因為骨膠原，不過始終香港人會鐘意D湯清D唔飲好浪費下次一定會帶兩老黎食 大推！！！！！！！野飲方面幾推薦青檸果樹，酸酸地好開胃大杯得黎好足料～正

男友接放工拖住手過黎一嚐四川菜我倆都是嚐辣之人一黎到有小食花生我男友最愛就係花生我就麻麻地 驚太咸好口喝點知呢個唔算好咸仲脆bokbok唔錯喎！我地仲叫咗歌樂山辣子雞送飯雖然鍾意食辣但見到咁多辣椒都驚㗎好彩原來唔算好辣！啲雞肉不痴骨香脆可口！超級好味！送飯一流仲要大大碟兩個人都夠曬呢餐真係和味！

自己不太食得辣。今次所有東西都點了小辣。有些刺激，又不會辣到食唔到!午餐/套餐食物小份些。Main menu 的比較適合4-5人份呢!套餐川式囗水雞+酸辣肥腸薯粉 $58川式囗水雞幾件囗水雞的前菜。雞皮比較嫰滑。青瓜也爽脆。酸辣肥腸薯粉肥腸自己無其他味，要浸湯才有湯味。說是酸辣粉，我覺得是麻辣哩。薯粉粗粗的，軟身有囗感!最喜歡它的多花生。花生超鬆脆~泡椒牛肉套餐 $78大量薄切西芹。泡椒牛肉是酸辣味的，份量也不少。鮮榨果汁叫套餐+$10就有鮮榨果汁。我飲了雪梨汁。非常多果肉，值得加來解辣、解暑呢!洞子口香蒜豆酥魚炸魚肉加埋脆炸豆酥一齊食。魚肉非常柔軟無骨。啖啖肉之選。一碟有十件八件，非常大碟抵食!

今日天氣涼番d，心血來潮想食辣野暖一暖，決定同朋友食下川菜。簡左一間佐敦站一出就到既川棻，貪佢地點方便。呢間新開餐廳裝修幾靚，侍應都係講普通話，唔知係咪真係四川人呢。座位間隔不算好寬敞，之後叫哂食物都唔係好夠位擺。叫左幾款野食等左１０分鐘左右食物就來了。第一款係十二味上上簽，真係好似求纖！睇下抽唔抽中好野！好好玩又好食，鮑魚，腎，蓮藕等等，非常過隱！第二款係辣子雞，一上菜，好大盤好有氣勢！！！！好好食唔會得個辣字！推介之後係川北涼粉，呢個一般，冷盤但唔凍，暖暖地唔太好食。第４樣係甘孜蒜香金排骨，呢個朋友們一致話最好食！炸得好香口！之後係雞湯抄手，呢個唔太ＯＫ，過份咸！最後有甜品，有解辣之用，好清唔太甜，完美句號呀！！！

自從愛上食辣野之後，真係無辣不歡啊 不過平時經常去開嘅川菜已經汁咗 ，所以要另覓新地方呢間餐廳真係好多人，大都係遊客黎，可能因為位於遊客區同係彌敦道，所以差唔多全部都係遊客，而餐廳嘅待應都係講普通話，講真我英文都仲得，但係普通話就....... 食辣野又點可以唔飲涼爽爽嘅哈爾濱啤酒，由其係萬一辣得濟嘅話，就可以舒緩下 ~四川擔擔麵好似好普遍，但係其實好多餐廳嘅擔擔麵都有佢地自己嘅特式，每一間餐廳嘅擔擔麵味道同辣道都有分別 。呢到嘅擔擔麵係主要落多啲辣椒油，麵條比較幼細，都算係有彈性 ，雖然有蔥同肉碎係上面，但係由於辣椒油太多嘅關係，除咗辣味之外，其他味道有啲俾蓋過咗，愈食愈辣，但係辣味真係食到停不了 ~另外就嗌咗紅油回鍋肉，同我想像中有啲唔同，我以為會係一個煲咁上，薄薄嘅腩肉，再加上大蔥，用辣椒油一齊炒，我就覺得少咁啲花椒八角，如果有埋，味道一定更加豐富 。口感都唔錯，但係就需要有少少味道去平衡下嗰油膩感~~最後嗌嘅係鄧師傅拿手酥皮牛，又係另一樣同我想像有出入嘅菜式黎，用特別嘅炸粉炸完之後，再用汁炒一炒，呢碟野比起另外嗰兩野無咁辣 ，不過唔好諗佢係會脆嘅，相反

朋友黎香港玩兩日 知佢中意食辣野  同事介紹我去試下呢間"江湖菜"去到時候等左一等 侍應好快就帶我地去左個卡位度坐睇左陣  當我地仲猶豫緊食D咩之際 老闆就行左過黎介紹雖然朋友中意食辣  但係其實自己唔係好食得辣所以一路點菜 一路提老闆唔好咁辣老闆同返我地講  其實每款菜都可以要求唔同辣度  可以少少辣都得我地一行4個人 一共叫左7道菜   先黎個前菜 川北涼粉 可惜個涼粉 唔夠凍  只係室溫  如果唔係一定好開胃然後就係十二味上上簽   好特別  好似玩LUCKY DRAW 咁  你可能會抽倒 豬大腸, 雞腎,鵪鶉蛋, 蓮藕仲有機會抽中鮑魚!  睇你好唔好彩另外叫左個雞湯抄手, 略咸, 不過好適合我呢個唔係好食得辣既人 不過不失主角 --- 辣子雞食落去會有少少麻麻地既感覺 朋友最中意呢碟  夠特別我自己就最中意呢個排骨  唔辣 夠蒜味  勁野味! 必食!另外仲叫左個四季豆叫左個 黯然銷魂炒飯, 看似普通但係其實勁香口 勁重胡椒味  既炒飯最後老闆請左我地食一個類似果凍既凍甜品話可以用黎餐後解辣 頂頂個幾粒係龍眼肉真係好好食  食完成個人降返溫 埋單TOTAL $800  4個人叫左

幾次經過呢到都見到有超級多人係門口等位，就知道佢食物質素應該都唔差，今日終於都有機會同屋企人去試下，係出面等位真心辛苦，又熱又多人又焗，隔離係大馬路車來車往好多廢氣，等耐左真係會暈暈地，好彩餐廳係冷氣開放，一入到去就聞到好大陣辣味，頂唔順辣嘅人岩岩入去個下真係會有d辛苦，入去坐咁岩有卡位，可以坐得舒舒服服，總共叫左四個菜川北涼粉雖然係餐牌上面呢味菜係寫住得一粒辣椒嘅辣度，但係都不容小看，粉皮好滑同埋好易斷，夾起嘅時候好有難度，辣得好過癮，但我怕辣所以搞唔掂鄧師傅拿手酥皮牛呢味菜要比10個like！真係好特別好好食，舊牛肉外面係脆脆地，而且係甜嘅，感受完陣甜味d辣味先會出泥，可能因為甜甜地，感覺食起上泥無川北涼粉咁辣，呢個真心推介！雖然呢到係出名食辣野，但因為我唔太食得辣嘅關係，屋企人為左照顧我而叫左d唔辣嘅比我。雅安青荀炒雲耳好普通嘅一碟小菜，好清，唔會話太好食，但絕對唔係難食。火焰山烤魚大力推介食呢道菜，成條魚炸完再打直咁用錫紙包住送上泥，係底部有一堆汁，甜甜地，好似糖醋魚個種汁，一開始覺得條魚有d細驚唔夠，但食完會覺得好飽，會食唔停，好好食。

最近好像沒有吃辣辣的食物，總覺得不太習慣，所以到了午餐時間，也特意來到一間巴蜀江湖菜，吃一個辣辣的午餐，讓自己醒一醒！午餐有許多款不同的辣菜，正好今天肚子餓，吃多多也不怕。百骨湯，清甜，解辣一流，還有啖啖的豬骨，煲至淋身。口水雞，比相像中的份量少，但勝在雞肉嫩滑，配上粒粒花生，多了一層口感。青瓜吸收辣油，清爽之餘帶點辣，亦是開胃。紅油抄手。醬汁加入了甜豉油，因此吃下去是甜甜的，但辣味卻在最後出現，十分有趣。白菜吸收了辣油的精華，不吃為妙。水煮魚，午餐的弓煮魚，份量多得有點嚇人，多很多，並有著厚厚的一層紅油。辣味出眾，而且吃得口裹麻麻的。實是出色。配上白飯是一流的。