十二味巴蜀江湖菜 (已結業)

有一種人唔算超鐘意食辣, 絕對唔係無辣不歡, 但食米線時總係要嗌少辣先安落。無錯, 我自己就係既呢種人, 平日嗜甜嗜到不得了, 但今日又特然間想食辣。拉住男朋友仔陪我黎到佐敦, 就比我係十字路口搵到呢間<十二味巴蜀江湖菜>。裝修係舊上海客棧風, 最特別係內裡有好多熊貓仔, 無論餐具還是牆身都不難見到佢既出現。喜歡呢到既餐牌, 每道菜都有相, 對肚餓既我黎講, 顯得更加吸引。前菜 $10一坐低就已經有前菜係枱, 估唔到麻味十足, 入面有大量花椒粒!椰菜爽口, 味道麻而不辣, 每今餐揭開非一般序幕。手拍黃瓜 $18手拍黃瓜二十蚊都唔洗, 就有一大碟。黃瓜新鮮爽脆, 味道帶濃濃蒜香。辣醬豬手 $48豬手有足足八大件, 每件都好有份量, 肥美。皮炆至軟腍帶點煙韌, 感覺係每一啖都有充足滿骨膠原。味道完全唔辣, 反而有點滷水既甜。豌豆炒蒸肥腸 $48好特別既一道菜, 用豆粉去炒豬大腸。豬大腸好厚肉地, 不過豌豆味淡, 掩蓋唔到豬腸既異味。口感紮實, 肉多過脂肪, 所以食完都唔覺得肥膩。沙坪壩水煮牛肉 $148到我期待已久既水煮牛肉! 菜盤好大好大, 放上枱時好有氣勢, 而且滿滿既

每次去食川菜，我都一定會食一道水煮牛肉。有啲人鍾音食水煮魚，但我總係覺得牛肉個種雖嫩而猶爽，加上牛味既質感，先係水煮既最佳配搭。不過我一個人通常食唔哂成碟，所以就叫埋個老死一齊黎食。佢就多喊左一碟手拍青瓜，我就冇食，專心對付我既水煮牛肉。水煮牛肉好大盤，入面既牛肉，我撈左下，都有幾多，而同時都有萵荀等既配料。我試一塊牛肉，牛肉片好嫩，嫩中帶點爽同嚼勁，吃到的時候， 不知是辣的刺激還是溫度的刺激，總覺得嘴唇一陣燙感。好香的水煮牛肉，其他配料，如萵荀等，都好爽脆，拌飯食好好味。

這晚來到尖沙咀的十二味巴蜀江湖菜吃飯，對愛吃辣的我來說，簡直就是期待呢！進入餐廳後，裝潢十分可愛呢，由餐具到環境也用了熊貓作主題。餐牌，菜式選擇也多，當中還有些是市面少見的。黯然銷魂炒飯$88: 米粒粒散開，炒得乾身，入面有蝦仁，紅蘿蔔粒，蔥花，蛋花，菜心頭。炒飯特別加入些辣椒粉入面炒，因此吃下去多了些微微的麻感，令人不能自拔的一口接一口，大概這就是那黯然銷魂的位置吧！後來也點了麻婆豆腐，把它淋上飯同吃，黯然過黯然銷魂！都江堰鴨魚戀$152:這菜式十分特別，工夫也多，要先把樟茶鴨片皮，底部再釀入鯪魚炸香。 上高灑上茶葉帶岀茶香，再減低膩感。吃下，鴨片很香脆，底部的鯪魚滑打得幼細，不會吃到細骨，先是鴨的脂香，魚肉的惹味緊隨湧岀，最尾則是微微的鴨羶香作結。 像我愛吃辣的，把鴨魚戀沾上辣粉，辣味麻麻的刺激著味蕾，不防一試！廣元麻婆豆腐$68: 突登把炒飯留著，用來佐送麻辣豆腐同吃。 雖然麻辣豆腐是有三隻辣椒仔的，但吃下也不算很辣呢。豆腐完整得來吃下十分滑溜，內含豬肉丁，吃下是辣香惹味，豆腐的些微豆甜香，最後是豬肉的脂香肉香因太送飯的關係，忍不住多叫了一碗白飯，不夠三扒兩撥就給清光了，推介大家

最近辣妹上身的我愛上了麻辣的快感，總想找機會挑戰一下自己的辣勁。這日下午，同事建議去一間食川菜的館子，我當然拍手兼舉腳贊成！這間店子叫十二味巴蜀江湖菜，讓我不禁聯想菜式均由多種味兒交融，所以都快快翻閱餐牌...餐牌印上不少得意的系列，如「吃貨在人間」、「吃貨的座右銘」和「吃了就飽」的菜式。黯然銷魂炒飯 $88辣勁強，食到真係辣到一陣陣，將飯吞嚥下去仍感覺到那陣辣度的快感；炒飯炒到好乾透，吃落超惹味！一碟飯兩人分食就剛好，肚皮尚有空間可以試其他菜式！便宜到爆的川北涼粉 $28 最深得人心，皆因份量多，便宜又好吃！入口涼涼地，配上滋味的醬料真是恰到好處，滿滿的川菜風味～特飲 鮮榨西瓜汁 $32朋友仍是注重健康人士，戒了汽水多年，現在吃辣之餘都不忘點杯鮮榨的果汁清腸胃！我則 +$8 飲罐裝飲料－粒粒蘆薈椰青水～我最愛滋補養生系列的填滿肚子人不會空虛的開胃酸辣翅湯 $58／位夾雜不少筍絲、豆腐絲、雲耳木耳和粉絲，辣到過癮，而酸味比較出眾，後續的酸和辣味都一併而出，辣到有嘴唇有少許麻辣的感覺，我鐘意！抵食大大碗套餐 $58四川名小吃—功夫紅油抄手之前吃的都是單純用粉皮製成的餃子，這個抄手雖以海紅

今晚去咗十二味巴蜀江湖菜食飯，上次嚟呢度仲係十二味麻辣三兄弟不過都係十二味系列啫，十二味開親新店都會想試吓，因為我鍾意食辣嘢呢今次呢間巴蜀江湖菜係熊貓主題架，由碗到好多餐具都會有熊貓嘅蹤影先嚟個飄香蘿蔔筒骨湯，個湯好香濃呀!!成煲都係蘿蔔同豬骨，超足料十二味上上簽，喺深圳食過覺得好得意，估唔到香港都有得食裡面有鵪鶉蛋、牛肚、豬大腸、雞腎、蓮藕等等，仲有鮑魚添!!串串唔同好有驚喜架香辣海蝦，平時去十二味麻辣香鍋好鍾意食辣，嚟到呢度都要食蝦鍾意呢度夠正宗，夠辣又夠香口!!辣得好過癮呀

十二味巴蜀江湖菜，聽到個名都覺得好辣同埋一定好地道好正宗！餐具全部是可愛的熊貓，好有特色。各有不同的表情。。。酸豆角炒肉丁，呢味送勁開胃，微辣，酸酸地，用黎送飯一流，我食左2碗飯！甘孜蒜香金排骨，呢味送蒜味濃香而不蓋過肉味！麻婆豆腐，豆腐好滑，微辣，不吃得辣都可以一試辣醬豬手，淋身豬手入味，好容易食得乾淨雞湯抄手，抄手入面好足料，大大隻又好食

聽朋友講話一齊食個飯，就落左黎依度食，窄巷子砵砵雞，個名幾特別，上到黎個賣相都幾特別，見到係一堆雞件混著紅油，辣椒，卻全部都在一個奇怪的盤子上，看上幾有風味特色。食落既味道，有點兒像口水雞，都係有好重既麻辣風味，但值得一讚既係啲雞真係好嫩。涼涼的，雞皮好滑同爽，雞肉就好嫩，完全突顯到凍食既質感，和其辣度相配合，就真係更加好食。辣既味道，除左幾麻之外，麻醬香都幾重。屬於幾香口既小菜，而且份量也不少呢。

這裡的菜名頗有意思，可見是下了不少心思去構思的，每一道都精巧過人。就好似水煮魚，耳熟能詳的一味餸，依度叫"渝北兩路水煮魚" ，好像忽然就多加了點地理背景，將一道名菜置於山川之中，讓人想入非非.....好啦其實我地都係最關心餸既味道。水煮魚好大盤，色澤紅艷，比人個視感好辣，但食落又不是，麻既感覺比較重，而魚肉則非常之嫩滑細白，柔柔地觸摸嘴唇，卻更使其辣感明顯了。除了細嫩的魚肉之外，水煮魚內還有芽菜，萵苣，薯粉等。這些配料或滑，或爽，或脆，卻都沾滿了麻辣味道，十分之好食。

江湖這兩字，總讓人浮想連翩，有的人想到武俠的江湖世界，有些人則想到莊子的名句" 相濡以沫， 不如相忘於江湖"。江湖菜到底是甚麼菜? 我吃完這一道川北涼粉，苦思良久，仍然未能尋到答案。川北涼粉晶瑩透亮，底下有著紅色的辣油，而上面鋪著青青的細蔥，以及紅色的辣醬。這涼粉，是指寶劍嗎? 但其雖然鋥亮鑑人，但柔軟滑溜，冰涼軟滑，卻又絲毫不銳利刺人。那紅油辣醬的味道，卻是在軟滑的質感之後慢慢湧起的。初時只覺很香，慢慢就舌頭有麻痺的感覺，最後辣勁襲上來，雖然未到敗下陣來，卻也是額角泛汗了。一道好菜，滑溜香辣，甚是過癮，大概，這就是江湖的意思罷。

泥呢到食野仲可以TRAIN埋普通話，大部分侍應都係講普通話！lunch Set 都叫做抵食。叫飯餐仲有湯飲！呢個水煮魚望落好似好紅咁咋，其實并唔係咁辣，魚質都幾滑嫩，不過上面嘅紅油就比較多了。我就食左酸辣粉，都係唔算太‬辣，米線又唔會煮得太稔。配粉嘅口水雞反而麻醬比例太多了點，但都嫩滑。

小時候常常都唔明點解屋企人咁鍾意食辣，食個碟頭飯、飲茶都一定要落辣醬，仲要話無辣唔好食！而家人大左，食辣機會多左，終明白所以。小妹由以前完全唔食辣到而家開始連四川水煮系列都敢食就知味蕾進步了不少，而且四川菜個種麻辣，其實唔會勁辣（又有得揀辣度），但就非常惹味！.餐廳裝潢骨子，環境舒適，也有不少卡位座；牆上貼了代表著四川的可愛熊貓海報，就連碗碟和餐牌也是，好可愛呢!.餐廳大部份主打辣既菜式，但都有不少唔辣菜式，所以唔食得辣既你和食得辣既你一齊食飯都仲有其他菜式可選擇。餐牌上更有一頁叫做「無敵好吃系列」裡面的菜式全都係辣的，真係望到都辣呀，仲有坊間較少見的「鴨咀鱘」呢！（限量的）.先送來一小碟淮鹽花生，香口好食!.叫左兩杯飲品止止辣，鮮榨雪梨汁和青檸果樹 各$32，好鍾意這裡的鮮榨果汁，特別係個雪梨汁，啖啖梨味加埋果渣，飲得出係新鮮榨起，相信無再添加過糖水，味道好清甜解渴；後者青檸汁無疑係頗酸，不過個種酸度味道清幽，滿好飲得。.成都李莊白肉 $78白肉每塊都大大片，咬落肉質夠爽有嚼勁！至正應該係個辣汁（微辣），超惹味又好重蒜香，讓人不能抗拒。.錦里夫妻肺片 $68裡頭的牛舌和牛肚都切得頗薄

終於食到呢間成日經過 覺得入邊啲野一定好辣好辣好辣入到門口 好多熊貓設計吾知係咪因為四川鋪呢有套餐牌午餐有例湯送好甜 好足料 有紅棗 豬骨 瓜手拍黃瓜 $18好多蒜泥味 好入味黃瓜爽口脆卜卜如果係辣就更好川北涼粉 $28微微的辣味 配上涼粉不會一夾就散 超滑 一吸就入喉嚨午市套餐 $78水煮魚片 食吾出咩魚 但已經去骨食落實肉 吾夠滑如果再辣再麻啲更加好抵食大大碗套餐 $58功夫紅油抄手+川式口水雞餃子皮薄 豬肉餡 好多花生係上面雞已去骨 吾怕食到骨啲肉滑身 微辣雪梨汁 好甜 飲得出新鮮搾服務品質

無辣不歡的我，麻辣這一種當然也喜歡啦！下班便去十二味巴蜀江湖菜食飯，MENU基本上好多辣的菜式，只有炒青菜沒有辣的。點了兩小菜一個飯，兩個人食剛剛好，連大食的我也叫飽　寬窄巷子呠呠雞以為會好辣，好驚喜，超正！！！紅紅辣油香氣十足，雞肉嫩滑，雞件沒太多骨，勁好食夫妻肺片呢個就一般般了，麻同辣都非常勁量，食完整個嘴都麻痺！掛住食炒飯忘記了影相，哈哈！最後貼心的服務員送上甜點涼粉⋯⋯刺激過後，少甜的涼粉解了不少辣氣，為今晚麻辣之夜劃上完美句號！（＾V＾）正！

之前都食過一間係十二味~而且味道都吾錯。所以見到依間都入左去試下，可能係平日 所以人流吾算特別好多。環境都幾寬敞架~最可愛係入面既牆有貼不同海報同字句(莫名有笑感) ＜全部關於吃貨 諗果個好有才＞係餐牌見個名所以點左黎食~嘿嘿 傳說中既飯喎(有睇食神既更加要試下 )🤔🤔上檯見到大大碟 夠多料而且炒得好均勻，飯粒分明 吾會糊埋左一堆。佢加左啲特別香料 同椒鹽，食落惹味但又吾會好油，算係色香味俱全架~而且吾洗擔心會過鹹~雖然好食又飽不過如果平少少會好啲(因為我會想食多幾次) 嘿嘿依碟比我想像中遜色左少少，可能我預期會辣啲~始終都油膩，食完會滯滯地未夠開胃。推介推介！一上菜見到一堆椒鹽 果時真係無咩感覺。但食落好正~外層炸過帶點脆但又吾係食炸粉果啲，內裡係好嫩滑！加上睇落係暖，但入面其實係保持到個熱度~整得出色 同食開既椒鹽九肚魚有異曲同工之妙，但又有新既驚喜特色。另外，我地發覺食極都好似仲有，夾到停吾到手。果然成碟野都深藏不露阿下！份量過關~見到lunch set好似幾抵食！下次要搵多幾個朋有黎食果個鴨嘴鱘先得~話每日限量十條(要食下有咩特別 嘿嘿)係咪真係甘回味無窮先~

吃辣果然是訓練出來的,以前不好辣,現在卻愛上了麻辣的刺激感...... 同事也是愛辣之人,決定下班後到公司附近的十二味巴蜀江湖菜晚餐。因為下班就過來了,還不算多人,餐具用上可愛的熊貓,大概是因為四川吧。桌面上放好了餐前小食,這一道也是要收費的。 味道少少辣,菜是脆口的,還有點胡椒粒。寬窄巷子呠呠雞 沒想到是這麼大一碗,上面灑滿了芝麻,是冷的,但雞皮好滑,雞肉亦很嫩,辣度不高但滿滿的辣油香,好味道。錦里夫妻肺片 反而這一道比想像中麻辣,因為加了芹菜特別香,不過不知道正常是不是這樣呢,這好像不是肺片...？不過相當入味,夠麻,吃完咀都沒知覺了,爽!黯然銷魂炒飯 料十足,蝦有很多隻，飯炒得夠香,加了少少辣油,但不會很多,辣得來有少少甜味。食後送上甜品，店員說這叫冰粉有點像是jelly但沒有味道，上面的提子乾和糖水能夠吊味，吃過麻辣後食這冰涼的甜品覺得很舒服呢。