十二味巴蜀江湖菜 (已結業)

今日特登带朋友黎十二味巴蜀食香辣水煮魚，香辣辣唧红油湯底，光睇賣相未食都己經刺激到食慾味覺喇，水煮魚，魚肉味香濃，肉质細嫩入味，每一啖都會有，燙，香，辣，麻，呢四種味道，熱辣辣非常惹味，下面配菜係豆芽，口感清脆可口！

今日同一班中意食辣朋友黎到十二味巴蜀江湖菜，點左麻婆豆腐，水煮牛肉，辣子鷄等，其中我最中意食唧係水煮牛肉，待牛肉煮到伸展發亮時再起鍋，再淋上麻辣熱油即刻上桌，食每一啖牛肉熱辣辣肉质滑嫩適口，香鮮可口，香辣油而唔腻。

連續翻左5日工翻到個人都呆呆地就同女朋友去食左d辣野醒神下同拍下拖😎於是就去食呢間傳聞正宗的川菜啦去到都唔洗排隊就入左去食都等得幾快，但係d店員服務態度唔係幾好問多兩句就黑面同燥，所以食得有d唔開心。不過d食物又係幾抵讚的。食左5道菜，1.川北涼粉見距平平地諗住試下啦，但係就有d失望啦，涼粉太易爛好難夾，而且唔凍唔熱怪怪地，加上涼粉上只係有d辣醬同辣油，加蔥花但又唔夠辣，所以最尾都食剩左，唔太好食。2.黯然銷魂飯可能師傅係黎自大陸，無香港的少油健康d的文化，食落顆粒分明炒得幾好而且都夠 鑊氣，落左辣椒去炒但都唔會好辣，會迎合香港人的口味，如果少油d同份量多翻少少會更加好。3.洞子口香蒜豆酥魚面頭係炸左的豆蓉加上辣椒同蒽花炒過再淋上去，食落好香口夠鬆脆，再如上下面的魚柳都係炸過的但魚肉唔會炸到老曬，仲會食到d肉汁夠曬嫩口😍魚的份量都好多下，有成十幾塊好抵食嫁，我覺得係呢間餐廳的必食之選，一定要叫👍🏻4.寬窄巷子鉢鉢雞呢個送餸到幾好食👍🏿係d雞塊再拎去炸，好脆，同魚一樣唔會炸到老曬，可以好成功鎖到肉汁👍🏻又唔會話食落太油膩，辣辣地好惹味，皮脆肉香份量又夠多，係成晚最好食的一個🙆所以食下食下

每次想食香辣野就會唸起十二味巴蜀江湖菜，每次都會必揀寬窄巷子鉢鉢鷄，佐料芝麻同花生，蒽花，红油湯汁香辣惹味，每一啖鷄肉麻辣爽滑，味美鮮嫩，鷄肉下面係青瓜，特別清甜爽口。

我係一個唔辣不歡唧人，經朋友介紹黎到巴蜀風，揀左幾道菜其中对麻婆豆腐印象深刻，麻味純正，沁人心脾。油椒制作豆瓣，剁細炼熟加以少量熱辣辣油海椒烹脍豆腐，豆腐口感细嫩又辣又香！

其實都有好一段時間冇食過中菜，早幾日就同左位朋友去食四川重慶菜，不過其實我地都唔太食得辣，好彩都有唔辣既揀XD話明吃貨P當然就緊係乜都要食，中日韓西東亞乜都殺！之前都食過十二味系列，而今次我地轉戰埋佢地既中菜館，只見門面已有大大隻熊貓LOGO去招待我地喇～有幾分大陸菜館既感覺，環境都幾寬闊，牆上掛左幾幅熊貓壁畫，而且提左幾隻大字：至味在人間，吃貨在江湖。中間有幾圍家族枱，岩晒人家大細親戚擺滿漢全席，道出左唔少吃貨既心聲XD我正正就是如此！同大陸中菜館都有幾分相似，前菜都有一碗花生，依款係用鹽水浸過，花生口感較軟淋，唔係脆卜卜果種，而味道亦帶咸，唔講唔知原來前菜都會收取$10 xd甘孜蒜香金排骨，蒜香排骨既酥香味十足，件件都炸至金黃色，味道充滿酥炸油香，口感外脆內軟，排骨肉質爽韌，味道酥香帶咸，用黎送飯簡直絕配，不過會有肥膏位，排骨既數量都好多，兩個人食足夠有餘，岩晒唔食辣既人士！！清炒時蔬，食完熱氣野就緊係要食啲菜中和下，白菜仔幾新鮮，食落去好爽，味道好均勻，不過凍左就會有少少偏咸，另外價錢都唔算抵食。雞湯抄手，因為見佢唔辣所以點左，原本都幾期待不過食過後有啲失望，主要原因係個湯底偏咸

今日爸爸生日 我地一家四口就去左尖沙咀食野 行下街 甘岩見到呢間系新開既 就入左去食lu 一入到去 佢就叫我地等一下 之後坐左低又叫我地起身轉枱 一開始真系有少少燥燥地 因為安排得吾算恰當 所以一開始我都冇咩期望 而且員工既態度一般般 吾算系太好服務 可能因為佢地忙忙地拉同埋差不多所有人都系大陸員工 當然我地系客人 我吾需要理佢地背後既原因餐廳以中國傳統既熊貓為主題 所以入面既碗等等都會有佢地既公仔 系幾cute既～先講下d食物先1.黯然銷魂炒飯份量吾算多 但所有既食物都好似返左大陸甘 因為通常香港都好少食到呢d既風味 香港既廚師通常著重健康 少油 但呢個就吾同 雖然多左少少油 但系鑊氣真系好夠 而且d蝦又夠多2.洞子口香蒜豆酥魚一向都討厭食魚既我竟然覺得好食 佢炸得非常夠脆 而且佢d配料系側調味真系非常配合 真系另眼相看呀 同一開始既感覺完全吾同 值得一試呀！3.寬窄巷子鉢鉢雞少少辣 但又幾惹味 入而會有d芝麻同花心 食雞個時又會食到d配料 再配上d芝麻醬 一齊食都幾好 不過差少少就系個雞吾夠凍 如果再凍d會更好 4.甘孜蒜香金排骨排骨都幾多 吾系好似平時食到個d甘多骨 而且排骨上面

今晚要同兩個澳洲客去食飯，佢地話好想試下中國野，其中一個客問附近有冇重慶spicy food. 於是我同我partner即刻9秒9 openrice下！比我地見到呢間新開無耐，環境不錯既川菜，就帶佢地去試下。呢度環境同裝修都有中國色彩。而且店內都頗多外國人的。我d客好喜歡牆上既chinese panda, 係咁影相，哈哈。我地點左幾碟涼拌小食，一個雲耳炒窩筍，招牌水煮鴨嘴鱘同埋辣子蝦。**手拍青瓜，麻辣雲耳**麻油，黑醋，拌上麻辣汁既涼拌小食，超級醒胃**雲耳炒窩筍**點左幾款麻辣菜式，實在好需要呢碟清新爽口既炒窩筍黎平衡一下。香口又爽口，口感一流！**招牌水煮鴨嘴鱘**單睇介意既餐牌已經令我好期待！鴨嘴鱘魚肉質地軟滑，魚骨幼細，係水煮魚既好選擇👍🏻加上水煮湯底辣得過癮，食到停唔到口！**辣子蝦**單睇d辣椒已經feel到佢個辣！！不過果種香辣撲鼻，令人口水直流。之前食過幾間川菜既辣子蝦都係辣椒多過蝦！而且d蝦好細隻，炸到乾哂冇肉食。今次既辣子蝦辣椒比例唔會蓋過蝦，而家蝦好肥美大隻，肉好鮮！炸得又香又脆，非常好味！同客人飲飽食醉，佢地好滿意呢餐chinese spicy food! 我

朋友在山林道附近大廈的酒吧新開張，相約朋友臨行到賀前先尋食再飲過痛快，經過這間店被充滿熊猫且礙眼的紅色橫裝吸引了目光，再看看竟是四川菜，當然一試無防，行進店内感覺很有中國色彩，牆上掛了很多熊猫的山水畫，連食具器皿都不離熊猫，確有心思又有趣。最特別的是點了這款稱香港獨家推介的鴨嘴鱘，說實話真的聞所未聞呢...• 奉上這味菜時，體積竟大得出乎意料之外，新奇得真的要“相機食先...這條鴨嘴鱘有點像鱔的味道，魚骨是軟骨能吞下的，爽爽脆脆，魚骨含豐富礦物質和膠原蛋白及鈣質，頓時產生一種女生愛美的心態要吃多兩三件魚塊才滿足呢！• 炒花甲，咀嚼時沒有沙，辣辣的很野味，每一粒均有花甲肉，不會不翼而飛像被偷吃完！• 點一味炒四季豆中和滿口辣的感覺，乾濕度炒得不錯。• 這味炒大蝦是店員奉上給別的客人檯時，香味樸鼻吸引了我們點來吃的，蝦頭細心的剪了閃電位及鬚，整隻蝦炸至香酥可連殼食，蝦頭還帶點膏。總結，可自選辣與不辣，而辣度亦可再自選，另外當時見到有不少外國人正在用餐，眼見員工都能有良好溝通，所以不擔心語言不通,可以介紹給身邊來港旅遊的外籍人士試試，讓味雷刺激一番！

作为一个四川人在香港，虽然香港也有很多的川菜馆，但吃过那么多家，十二味的巴蜀江湖菜绝对的佼佼者！这次我们朋友间的聚会，叫了汽水羊肉，是粉蒸肉，好家乡味还有味道超级赞的水煮鱼！第一次吃鸭嘴鱼，样子好特别！味道好棒！还吃到了小龙虾还有一道叫邓师傅拿手酥皮牛的，酥脆，味道是糖醋味还有一点辣在里面。味道真的不错！还有好得意的十二味上上签超级赞！

只點了兩個菜，鴨嘴鱘，水煮，魚肉肉質無彈性，不似新鮮魚，水煮沒了川味，無麻無辣。萵筍雲耳，像是白開水氽過，再加油鹽走了一個過場，無味。所謂的江湖菜，頗有江湖朗中的江湖味道。不錯。

之前見到雜誌介紹, 就超想黎試下! 因為我老公幾鐘意食辣野....不過我唔係好食得辣, 但其實水煮魚係唔係好辣ga ja !! 所以唔食得辣既朋友都可以一試 好搞笑...呢到既餐具都係panda 做主題...好cute ..(雖然同呢到唔係咁match, 所以感覺更搞笑)我地叫左最typical 既水煮魚...入面會有紅薯粉, which is my flavourite 一上台時...我唔小心地哇左一聲, 因為 超 級 大 盤 !!!! 如上圖, 當然水煮魚係超超超多辣椒啦 !!! 不過我地叫小辣, 其實係accpetable ga ! 超 級 大 盤 既水煮魚都唔係得個樣, 佢入面既魚都有超多...2個人都食唔唒 ! 基本上入面係有成條大魚係到...咩部位都有, 魚頭魚尾都會比埋你 ! 因為我唔係咁識食魚, 我只係搵唒d腩位黎食, 冇咩骨 ! 條魚超級滑 ! (係咪水煮魚就係咁ga 呢? 我以前食過都係咁) 唯一要批評下既就係魚起魚鱗起得唔夠清净, 間唔中會食到一兩塊除左呢小小, 其實整體都好食同抵食 ! 成盤水煮魚入面仲有紅薯粉同芥菜, 芥菜唔知點解好好食 ! 如果再多d就好啦紅

今日來了這裡吃午餐，係佐敦站D出口，過條馬路就係，好方便！兩個人，叫了兩個午餐，忍唔住再叫多一個菜式:水煮魚片（鯇魚）d料好足，夠麻辣，條魚好滑，正！（不過有骨，要小心食！）回鍋肉肉切得很薄，肉同脂肪比例都好均勻，最適合係用作送飯啊！另外d配菜如葱都爆得好好味！隆昌氣水羊肉呢個菜好特別！我都係第一次食，羊肉口感適中，外層有d野包住，問下服務員先知原來外層係用白豆同米磨碎，再經一番過濾，蒸，各類過程再擺上係羊肉度一齊再蒸……好多功夫！食落去唔肥膩，很好！

餐廳餐具都是可愛的熊貓圖案... 午餐都挺便宜的... 餐湯是中湯, 很足料, 好味!!! 手拍青瓜: 太油膩, 青瓜滿是油且沒有味道... 川式口水雞: 雞肉很嫩滑, 每一塊都拌勻辣椒醬,很入味, 很麻!!!很辣!!! 魚香茄子: 茄子很"o林"... 但整碟茄子只有過份甜的味道... 紅燒牛肉麵: 麵質很彈牙, 牛肉很"o林"... 湯底很麻!!!很辣!!! 十二味麻辣香鍋: 這是一個很有鑊氣的辣椒炒雜錦... 份量非常大!!!足夠四人或以上的大伙兒分享!!! 材料很豐富, 有蝦、魷魚、牛丸......味道辣得很!!!吃不到辣不用點... 因為點太多了, 而且太辣了, 所以...埋單!!!******************************p.s. 店內大部分員工都只懂操流利普通話, 真地道!!!

朋友在英國返黎探親 順便陪佢去尖沙咀做左一日遊客 佢好鐘意食四川菜 典型好辣者。即刻電聯我一位愛辣同事 問下佢尖沙咀有沒有好推介 佢即刻就叫我去山林道附近既巴蜀江湖菜。位置好方便 就是柏麗大道對面 好近佐敦地鐵站。餐廳門口有射燈照落地下 好有宣傳效果。坐位大部分都是卡位 幾舒服 係冷氣略微細左點 一食起辣野就會出汗的我 需要強勁冷氣幫助散熱 但朋友又冇野喎😂招牌限定水煮鴨嘴鱘每日得十條 朋友一見到就話要食 嗯.....有朋自遠方來 梗係要就佢。坦白講 條魚個賣相真是好醜 哈哈。一上枱 我們都叫左一聲 因為冇諗過咁大碟😱 霸左半張枱 原本覺得$368有點貴 見到咁大碟之後 真心覺得好抵。魚肉份量好多 肉質好嫩滑 配合埋花椒 乾辣椒的水煮法 好惹味 辣度後勁十足。辣度有大中細可以揀 我唔係好食得辣 揀左細 已經食到出曬汗。除了魚 仲有豆芽 同埋好好味的薯粉。薯粉好有咬口 QQ 索曬d辣汁 好正。香辣大海蝦海蝦size都唔細 乾紅椒好像小山丘咁多 我唔敢挑戰d紅椒。 海蝦炸到好脆 蝦肉好爽口 殼都可以食埋 入曬乾辣椒的香味 yummy!香辣爆炒花甲花甲好新鮮 隻隻都漲卜卜 好鮮甜 炒得好有鑊